ಶರಭ ಅವತಾರ
ವಿಷ್ಣುವು ಹಿರಣ್ಯಕಶ್ಯಪನನ್ನು ಕೊಲ್ಲಲು ನರಸಿಂಹ ಅವತಾರವನ್ನು ತೆಗೆದುಕೊಂಡನು. ಹಿರಣ್ಯಕಶ್ಯಪನನ್ನು ಕೊಂದರೂ ನರಸಿಂಹ ಶಾಂತನಾಗುತ್ತಿರಲಿಲ್ಲ. ಆಗ ಶಿವನು ಶರಭನಾಗಿ ಅವತರಿಸಿದನು. ಶಿವನು ಅರ್ಧ ಜಿಂಕೆ ಮತ್ತು ಅರ್ಧ ಪಕ್ಷಿ ಶರಭ ರೂಪದಲ್ಲಿ ಕಾಣಿಸಿಕೊಂಡನು. ಶರಭನು ಎಂಟು ಕಾಲುಗಳನ್ನು ಹೊಂದಿರುವ ಪ್ರಾಣಿಯಾಗಿದ್ದು, ಅದು ಸಿಂಹಕ್ಕಿಂತ ಹೆಚ್ಚು ಶಕ್ತಿಶಾಲಿಯಾಗಿತ್ತು.
Daily Puja Rules: ಈ ಸಮಯದಲ್ಲಿ ತಪ್ಪಿಯೂ ನೀವು ದೇವರ ಪೂಜೆ ಮಾಡಲೇಬೇಡಿ..!
ಶರಭನು ಭಗವಾನ್ ನರಸಿಂಹನನ್ನು ಸಮಾಧಾನಪಡಿಸಲು ಪ್ರಾರ್ಥಿಸಿದನು, ಆದರೆ ಅವನು ಶಾಂತವಾಗಲಿಲ್ಲ. ಈ ರೂಪದಲ್ಲಿ, ಅವನು ನರಸಿಂಹನ ಬಳಿಗೆ ಬಂದು ಅವನನ್ನು ಸ್ತುತಿಸಿದನು, ಆದರೆ ನರಸಿಂಹನ ಕೋಪವು ಶಾಂತವಾಗಲಿಲ್ಲ. ಆಗ ಶರಭನು ನರಸಿಂಹನನ್ನು ತನ್ನ ಬಾಲದಲ್ಲಿ ಸುತ್ತಿಕೊಂಡು ಹಾರಿಹೋದನು. ಇದಾದ ನಂತರ ನರಸಿಂಹನು ಶಾಂತನಾಗಿ ಶಿವನ ಶರಭ ಅವತಾರದ ಬಳಿ ಕ್ಷಮೆಯನ್ನು ಕೇಳಿದನು.
PC: @TheEmissaryCo twitter
ಶಿವನು ಶರಭೇಶ್ವರ ಅವತಾರವೆತ್ತಲು ಕಾರಣವೇನು..? ಭಾಗ - 2
ಪಿಪ್ಪಲಾದ ಮುನಿ
ಪಿಪ್ಪಲಾದ ಮುನಿಯನ್ನು ಶಿವನ ಅವತಾರವೆಂದೂ ಪರಿಗಣಿಸಲಾಗಿದೆ. ಅವನು ಋಷಿ ದಧೀಚಿಯ ಮಗ. ದಧೀಚಿ ತನ್ನ ಬಾಲ್ಯದಲ್ಲಿ ತನ್ನ ಮಗನನ್ನು ತೊರೆದನು. ಒಂದು ದಿನ ಪಿಪ್ಪಲಾದನು ಇದಕ್ಕೆ ಕಾರಣವೇನೆಂಬುದನ್ನು ತಿಳಿದುಕೊಳ್ಳಲು ದೇವತೆಗಳ ಬಳಿ ಬಂದು ಪ್ರಶ್ನೆಯನ್ನು ಕೇಳುತ್ತಾನೆ. ಆಗ ದೇವತೆಗಳು ಶನಿಯಿಂದ ಸೃಷ್ಟಿಯಾದ ಕೆಟ್ಟ ಯೋಗವು ನೀನು ಮತ್ತು ನಿನ್ನ ತಂದೆ ಬೇರೆಯಾಗಬೇಕಾಯಿತು ಎಂದು ಹೇಳುತ್ತಾರೆ. ಇದನ್ನು ಕೇಳಿದ ಪಿಪ್ಪಲಾದನು ಶನಿಯನ್ನು ನಕ್ಷತ್ರಪುಂಜದಿಂದ ಬೀಳುವಂತೆ ಶಪಿಸಿದನು.
ಶಾಪದಿಂದ ಶನಿ ಬೀಳಲು ಪ್ರಾರಂಭಿಸಿದಾಗ, ದೇವರುಗಳು ಶನಿಯನ್ನು ಕ್ಷಮಿಸುವಂತೆ ಪಿಪ್ಪಲಾದನನ್ನು ಪ್ರಾರ್ಥಿಸಿದರು. ನಂತರ ಪಿಪ್ಪಲಾದನು ಹುಟ್ಟಿದ 16 ವರ್ಷಗಳವರೆಗೆ ಯಾವ ವ್ಯಕ್ತಿಗೂ ಶನಿಯು ತೊಂದರೆಯನ್ನು ನೀಡಬಾರದು ಎಂದು ಷರತ್ತನ್ನು ಹಾಕುತ್ತಾನೆ. ಶನಿಯು ಒಪ್ಪಿಕೊಂಡನು. ಇದಾದ ನಂತರ ಪಿಪ್ಪಲಾದ ಮುನಿಯ ನಾಮಸ್ಮರಣೆಯಿಂದ ಶನಿ ದೋಷಗಳು ನಿವಾರಣೆಯಾಗುತ್ತದೆ ಎನ್ನುವುದು ವಾಡಿಕೆಗೆ ಬಂದಿತು.
ನಂದಿ ಅವತಾರ
ಶಿಲಾದ ಮುನಿ ಓರ್ವ ಬ್ರಹ್ಮಚಾರಿ ಋಷಿ. ಅವನು ಮದುವೆಯಾಗಿರಲಿಲ್ಲ. ಆದರೆ, ಅವನ ವಂಶವನ್ನು ಅಭೀವೃದ್ಧಿ ಪಡಿಸುವುದು ಅನಿವಾರ್ಯವಾಗಿತ್ತು. ಆದ್ದರಿಂದ ಒಂದು ದಿನ ಅವನ ಪೂರ್ವಜರು ಶಿಲಾದನಲ್ಲಿ ನಿನ್ನ ವಂಶ ಮುಂದುವರಿದುಕೊಂಡು ಹೋಗಬೇಕಾದರೆ ನೀನು ತಂದೆಯಾಗಬೇಕೆಂದು ಹೇಳುತ್ತಾರೆ. ಇದಾದ ನಂತರ ಶಿಲಾದ ಶಿವನಲ್ಲಿ ಮಗುವನ್ನು ಪಡೆಯಲು ತಪಸ್ಸು ಮಾಡಿದನು. ಆಗ ಶಿವನು ಶಿಲಾದನ ಬಳಿ ನಾನು ನಿನಗೆ ಮಗುವಾಗಿ ಜನಿಸುತ್ತೇನೆಂದು ಹೇಳುತ್ತಾನೆ.
Adhik Maas 2023: ಅಧಿಕ ಮಾಸದಲ್ಲಿ ಮಗು ಜನಿಸಿದರೆ ಏನಾಗುತ್ತೆ ಗೊತ್ತಾ..?ಸ್ವಲ್ಪ ಸಮಯದ ನಂತರ, ಉಳುಮೆ ಮಾಡುವಾಗ, ಶಿಲಾದ ಮುನಿಗೆ ಭೂಮಿಯಲ್ಲಿ ಒಂದು ಮುದ್ದಾದ ಮಗು ದೊರೆಯುತ್ತದೆ. ಶಿಲಾದನು ಆ ಮಗುವಿಗೆ ನಂದಿ ಎಂದು ಹೆಸರಿಟ್ಟನು. ಶಿವನು ನಂದಿಯನ್ನು ಗಣಾಧ್ಯಕ್ಷನನ್ನಾಗಿ ಮಾಡಿದನು. ನಂದಿ ನಂದೀಶ್ವರನಾದದ್ದು ಬಗೆ ಇದು.
PC: Pexel
ಭೈರವ ದೇವ
ಶಿವ ಪುರಾಣದ ಪ್ರಕಾರ, ಭೈರವ ದೇವನು ಶಿವನ ರೂಪ. ಒಮ್ಮೆ ಬ್ರಹ್ಮ ಮತ್ತು ವಿಷ್ಣುವಿನ ನಡುವೆ ತಾವೇ ಸರ್ವೋತ್ತಮರು ಎಂದು ವಾದ ನಡೆಯುತ್ತದೆ. ಈ ವಾದವನ್ನು ನಿಲ್ಲಿಸಲು ಒರ್ವ ವ್ಯಕ್ತಿಯ ರೂಪವನ್ನು ತೆಗೆದುಕೊಳ್ಳುತ್ತಾನೆ. ಆ ಸಮಯದಲ್ಲಿ ಬ್ರಹ್ಮನು ನೀನು ನನ್ನ ಮಗ ಎಂದು ಹೇಳಿದನು. ಇದನ್ನು ಕೇಳಿದ ಶಿವನಿಗೆ ಕೋಪ ಬಂತು. ಆಗ ಶಿವನು ಆ ವ್ಯಕ್ತಿಗೆ ಕಾಲನಂತೆ ಕಾಣುವುದರಿಂದ ನೀನು ಕಾಲರಾಜನೆಂದೂ ಉಗ್ರನಾಗಿರುವುದರಿಂದ ಭೈರವನೆಂದೂ ಹೇಳಿದನು. ಕಾಲಭೈರವನು ಬ್ರಹ್ಮನ ಐದನೆಯ ತಲೆಯನ್ನು ಕತ್ತರಿಸಿದನು. ಇದಾದ ನಂತರ ಕಾಶಿಯಲ್ಲಿ ಬ್ರಹ್ಮಹತ್ಯಾ ದೋಷದಿಂದ ಕಾಲಭೈರವ ಮುಕ್ತನಾದ.
ಅಶ್ವಥಾಮ
ಮಹಾಭಾರತದ ಸಮಯದಲ್ಲಿ, ದ್ರೋಣಾಚಾರ್ಯರ ಮಗ ಅಶ್ವತ್ಥಾಮನನ್ನು ಶಿವನ ಅವತಾರವೆಂದು ಪರಿಗಣಿಸಲಾಗಿದೆ. ದ್ರೋಣಾಚಾರ್ಯರು ಶಿವನನ್ನು ಮಗನ ರೂಪದಲ್ಲಿ ಪಡೆಯಲು ತಪಸ್ಸು ಮಾಡಿದರು. ದ್ರೋಣರ ತಪಸ್ಸಿಗೆ ಒಲಿದ ಶಿವನು ತಾನು ನಿನ್ನ ಮಗನಾಗಿ ಜನಿಸುವುದಾಗಿ ವರವನ್ನು ನೀಡಿದನು. ಶ್ರೀ ಕೃಷ್ಣನು ಅಶ್ವತ್ಥಾಮನಿಗೆ ಕಲಿಯುಗದ ಕೊನೆಯವರೆಗೂ ಅಲೆದಾಡುವಂತೆ ಶಾಪ ನೀಡಿದ್ದನು.
PC: tamilnadvedas.com wikipedia
Lord Vishnu Names: ವಿಷ್ಣುವಿನ ವಿವಿಧ ಹೆಸರುಗಳು, ಅವುಗಳ ಅರ್ಥ ಮತ್ತು
ವೀರಭದ್ರ
ಸತಿಯು ತನ್ನ ತಂದೆ ದಕ್ಷನ ಯಾಗದಲ್ಲಿ ಹಾರಿ ತನ್ನ ದೇಹವನ್ನು ತ್ಯಾಗ ಮಾಡಿದಾಗ, ಶಿವನು ತುಂಬಾ ಕೋಪಗೊಂಡನು. ಆ ಸಮಯದಲ್ಲಿ, ಶಿವನು ವೀರಭದ್ರನನ್ನು ತನ್ನ ಕೂದಲಿನಿಂದ ಸೃಷ್ಟಿಸಿದನು. ವೀರಭದ್ರನು ದಕ್ಷನ ತಲೆಯನ್ನು ಕತ್ತರಿಸಿದನು. ನಂತರ, ದೇವತೆಗಳ ಪ್ರಾರ್ಥನೆಯ ಮೇರೆಗೆ, ಶಿವನು ದಕ್ಷನ ಮುಂಡದ ಮೇಲೆ ಮೇಕೆಯ ಮುಖವನ್ನು ಹಾಕುವ ಮೂಲಕ ದಕ್ಷನನ್ನು ಪುನರುಜ್ಜೀವನಗೊಳಿಸಿದನು.
PC: britishmuseum.org wikipedia
ದುರ್ವಾಸ ಮುನಿ
ಅನಸೂಯಾ ಮತ್ತು ಆಕೆಯ ಪತಿ ಮಹರ್ಷಿ ಅತ್ರಿ ಪುತ್ರನನ್ನು ಪಡೆಯಲು ತಪಸ್ಸು ಮಾಡಿದರು. ತಪಸ್ಸಿಗೆ ಸಂತಸಗೊಂಡ ಬ್ರಹ್ಮ, ವಿಷ್ಣು ಮತ್ತು ಶಿವ ಅವನ ಮುಂದೆ ಕಾಣಿಸಿಕೊಂಡರು. ಆಗ ಮೂರೂ ದೇವತೆಗಳೂ ನಮ್ಮ ಪಾಲಿನಿಂದಲೇ ನಿನಗೆ ಮೂವರು ಗಂಡು ಮಕ್ಕಳು ಹುಟ್ಟುತ್ತಾರೆ ಎಂದು ಹೇಳಿದ್ದರು. ಇದರ ನಂತರ, ಅನುಸೂಯ ಮತ್ತು ಅತ್ರಿಯ ಸ್ಥಳದಲ್ಲಿ ಬ್ರಹ್ಮ ದೇವನ ಭಾಗದಿಂದ ಚಂದ್ರ, ವಿಷ್ಣುವಿನ ಭಾಗದಿಂದ ದತ್ತಾತ್ರೇಯ ಮತ್ತು ಶಿವನ ಭಾಗದಿಂದ ದುರ್ವಾಸ ಮುನಿ ಜನಿಸಿದರು.
PC: Bamapada Banerjee wikipedia
ಹನುಮಾನ್
ಶ್ರೀರಾಮನ ಪರಮ ಭಕ್ತ ಹನುಮಂತನನ್ನು ಶಿವನ ಅವತಾರವೆಂದು ಪರಿಗಣಿಸಲಾಗಿದೆ. ಸೀತಾ ದೇವಿಯ ವರದಾನದಿಂದಾಗಿ ಹನುಮಂತನು ಅಮರತ್ವವನ್ನು ಪಡೆದುಕೊಂಡನು. ಅಂದರೆ ಹನುಮಂತನಿಗೆ ಎಂದಿಗೂ ವಯಸ್ಸಾಗುವುದಿಲ್ಲ ಮತ್ತು ಅಮರನಾಗಿ ಉಳಿಯುತ್ತಾನೆ ಎಂಬುದಾಗಿದೆ.
PC: Unsplash
ಕಿರಾತ ಅವತಾರ
ಮಹಾಭಾರತದಲ್ಲಿ ಅರ್ಜುನನು ಶಿವನಿಂದ ದಿವ್ಯ ಆಯುಧವನ್ನು ಪಡೆಯಲು ತಪಸ್ಸು ಮಾಡುತ್ತಿದ್ದನು. ಆ ಸಮಯದಲ್ಲಿ ಅರ್ಜುನನನ್ನು ಕೊಲ್ಲಲು ಅಸುರನೊಬ್ಬ ಹಂದಿಯ ರೂಪದಲ್ಲಿ ಬಂದಿದ್ದನು. ಅರ್ಜುನನು ಹಂದಿಯ ಮೇಲೆ ಬಾಣವನ್ನು ಹೊಡೆದಾಗ, ಅದೇ ಸಮಯದಲ್ಲಿ ಕಿರಾತ ವನವಾಸಿಯೊಬ್ಬನು ಬಾಣದಿಂದ ಹಂದಿಯನ್ನು ಕೊಂದನು. ಇಬ್ಬರ ಬಾಣಗಳೂ ಸೇರಿ ಹಂದಿಯನ್ನು ಘಾಸಿಗೊಳಿಸಿತು. ಇದಾದ ನಂತರ ಆ ಹಂದಿಯನ್ನು ಸ್ವಾಧೀನಪಡಿಸಿಕೊಳ್ಳಲು ಅರ್ಜುನ ಮತ್ತು ಕಿರಾತನ ನಡುವೆ ಯುದ್ಧ ನಡೆಯಿತು. ಯುದ್ಧದಲ್ಲಿ ಅರ್ಜುನನ ಶೌರ್ಯವನ್ನು ಕಂಡು ಪ್ರಸನ್ನನಾದ ಶಿವನು ಅರ್ಜುನನಿಗೆ ತನ್ನ ನಿಜ ರೂಪವನ್ನು ತೋರಿ, ದಿವ್ಯವಾದ ಆಯುಧವನ್ನು ಕರುಣಿಸುತ್ತಾನೆ.
PC: @vish_aesthetics twitter
ಅರ್ಧನಾರೀಶ್ವರ
ಶಿವಪುರಾಣದ ಪ್ರಕಾರ, ಬ್ರಹ್ಮದೇವನು ವಿಶ್ವವನ್ನು ಸೃಷ್ಟಿಸಿದನು, ಆದರೆ ಬ್ರಹ್ಮಾಂಡವು ಯಾವುದೇ ಬದಲಾವಣೆಯನ್ನು ಕಂಡುಕೊಳ್ಳದೆ ತಟಸ್ಥವಾಗಿ ನಿಂತಿತು. ಇದಾದ ನಂತರ ಬ್ರಹ್ಮನು ಶಿವನನ್ನು ಮೆಚ್ಚಿಸಲು ತಪಸ್ಸು ಮಾಡಿದನು. ಶಿವನು ಅರ್ಧನಾರೀಶ್ವರನ ರೂಪದಲ್ಲಿ ಕಾಣಿಸಿಕೊಂಡನು. ಇದರ ನಂತರ, ಶಿವನು ಶಕ್ತಿ ಅಂದರೆ ದೇವಿಯನ್ನು ತನ್ನ ದೇಹದಿಂದ ಬೇರ್ಪಡಿಸಿದರು ಮತ್ತು ಅಂದಿನಿಂದ ಸೃಷ್ಟಿಯು ಮುಂದುವರಿಯಲು ಪ್ರಾರಂಭಿಸಿತು.
PC: Facebook
