Nithya Bhavishya: ಮೇಷ ರಾಶಿಯವರೇ ನಿಮ್ಮ ಹೆಚ್ಚಿನ ಪ್ರಯತ್ನಗಳಿಗೆ ಯಶಸ್ಸು ಶೀಘ್ರದಲ್ಲಿಯೇ ಲಭ್ಯವಾಗಲಿದೆ

ಮೇಷ:- ನೀವೇ ಆಶ್ಚರ್ಯಪಡುವ ರೀತಿಯಲ್ಲಿ ನಿಮ್ಮ ಹೆಚ್ಚಿನ ಪ್ರಯತ್ನಗಳಿಗೆ ಯಶಸ್ಸು ಶೀಘ್ರದಲ್ಲಿಯೇ ಲಭ್ಯವಾಗಲಿದೆ. ಹಣಕಾಸಿನ ಪರಿಸ್ಥಿತಿ ಉತ್ತಮಗೊಳ್ಳುವುದರಿಂದ ನೆಮ್ಮದಿಯ ಜೀವನ ನಡೆಸುವಿರಿ. ಮಕ್ಕಳು ನಿಮಗೆ ಸಂತಸ ನೀಡುವರು.

ವೃಷಭ:- ಎಲ್ಲಿಂದಲೋ ಬರುವ ಬಂಧು ಒಬ್ಬರು ನಿಮ್ಮ ಮನಸ್ಸಿಗೆ ವಿಶೇಷ ಸಮಾಧಾನ ತಂದುಕೊಡಬಲ್ಲರು. ಅತ್ತೆ, ಸೊಸೆಯರಲ್ಲಿ ಹೊಂದಾಣಿಕೆ ಹೆಚ್ಚಾಗುವುದು. ಮಗನ ವೃತ್ತಿಯಲ್ಲಿ ಪ್ರಗತಿ ಕಂಡು ಬರುವುದು.

ವೃಶ್ಚಿಕ ರಾಶಿಯವರೇ ನಿಮ್ಮ ವ್ಯಾಪಾರದಲ್ಲಾಗುವ ಅನಿರೀಕ್ಷಿತ ಏರುಪೇರುಗಳಿಗೆ ಅಂಜಬೇಡಿ; ನಿಮ್ಮ ವಾರ ಭವಿಷ್ಯ ತಿಳಿದುಕೊಳ್ಳಿ

ಮಿಥುನ:- ಇದ್ದಕ್ಕಿದ್ದಂತೆ ಎದುರಿಗಿರುವ ಹಣವೇ ಮಾಯವಾಗಿ ಬಿಡುವ ಸಾಧ್ಯತೆ ಇದೆ. ಲೇವಾದೇವಿ ವ್ಯವಹಾರ, ಬ್ಯಾಂಕಿನಲ್ಲಿ ಹಣದ ವ್ಯವಹಾರ ಮಾಡುವಾಗ ತುಂಬಾ ಎಚ್ಚರಿಕೆಯಿಂದ ಇರಿ. ನಿಮ್ಮ ಸುತ್ತಲು ಇರುವ ಕಳ್ಳರ ಬಗ್ಗೆ ಮಾಹಿತಿ ದೊರೆಯದೇ ಹೋಗಬಹುದು.

ಕಟಕ:- ಕಷ್ಟಗಳು ಮನುಜನನ್ನು ಶುದ್ಧಿಮಾಡಲು ಮತ್ತು ಮನಸ್ಸನ್ನು ಗಟ್ಟಿಮಾಡಲು ಬರುವುವು. ಹಾಗಂತ ಅದಕ್ಕೆ ಹೆದರಿ ಪಲಾಯನ ಮಾಡುವುದು ತರವಲ್ಲ. ಅವನ್ನು ಧೈರ್ಯವಾಗಿ ಎದುರಿಸಿದಲ್ಲಿ ಮುಂದಿನ ದಿನಗಳು ಚೆನ್ನಾಗಿರುವುವು.

ಸಿಂಹ:- ಕೆಲವೊಮ್ಮೆ ನಿಮ್ಮ ಏಕಪಕ್ಷೀಯ ನಿರ್ಧಾರದಿಂದಾಗಿ ಬಂಧುಬಾಂಧವರ ಮತ್ತು ಸಮಾಜದ ಕೆಲ ಜನರ ಕೆಂಗಣ್ಣಿಗೆ ಗುರಿಯಾಗುವಿರಿ. ಆದಷ್ಟು ನಿಮ್ಮ ಸಂಸ್ಥೆಯ ಸದಸ್ಯರೊಂದಿಗೆ ಇಲ್ಲವೆ ಮನೆಯ ಸದಸ್ಯರೊಡನೆ ಚರ್ಚಿಸಿ ತೀರ್ಮಾನ ಕೈಗೊಳ್ಳಿ.

ಸಿಂಹ ರಾಶಿಯವರೇ ಹಣಕಾಸಿನ ವ್ಯವಹಾರಗಳು ಈ ತಿಂಗಳಲ್ಲಿ ಲಾಭವಾಗಿ ಪರಿಣಮಿಸುತ್ತವೆ;ನಿಮ್ಮ ನವೆಂಬರ್‌ ತಿಂಗಳ ಭವಿಷ್ಯ ನೋಡಿ

ಕನ್ಯಾ:- ಶಿಸ್ತಿನಿಂದ ವ್ಯವಹರಿಸುವ ನಿಮ್ಮನ್ನು ಕಂಡರೆ ಕೆಲವರಿಗೆ ಆಗುವುದಿಲ್ಲ. ಏಕೆಂದರೆ ಅವರು ಶಿಸ್ತನ್ನು ಉಲ್ಲಂಘಿಘಿಸಿಯೇ ಬೆಳೆದವರು. ಹಾಗಾಗಿ ಅವರನ್ನು ತಿದ್ದಲು ಮುಂದಾಗದಿರಿ.

ತುಲಾ:- ಹೊಸ ಕೆಲಸಕ್ಕೆ ಪ್ರಯತ್ನಿಸಿ, ಆದರೆ ಈಗಿರುವ ಕೆಲಸವನ್ನು ತೊರೆದು ಹೊಸ ಪ್ರಯತ್ನವನ್ನು ಮಾಡದಿರಿ. ಹೊಸ ಕೆಲಸ ಸಿಗುವುದು ಗ್ಯಾರಂಟಿ ಆದ ಮೇಲೆ ಈಗಿರುವ ಕೆಲಸ ಬಿಡಬಹುದು. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು.

ವೃಶ್ಚಿಕ:- ಭಗವಂತನ ಒಲುಮೆ ಯಾವ ಕ್ಷಣದಲ್ಲಿ ಹೇಗೆ ಆಗುವುದು ಎಂಬುದು ಯಾರಿಗೂ ತಿಳಿಯದ ವಿಚಾರ. ಅಂತೆಯೇ ನಿಮಗೆ ಸಹಾಯ ಮಾಡಲಾರರು ಎಂದುಕೊಂಡವರಿಂದಲೇ ಸಹಾಯ ಸಹಕಾರಗಳು ಲಭ್ಯವಾಗಲಿವೆ.

ಧನುಸ್ಸು:- ತಿಳಿದೇ ಇರದಂತಹ ಮೂಲದಿಂದ ಧನಲಾಭಕ್ಕೆ ಅಪರೂಪವಾದ ಅವಕಾಶಗಳು ಬರುವುವು. ಅವನ್ನು ಮುಕ್ತ ಮನಸ್ಸಿನಿಂದ ಸ್ವೀಕರಿಸಿ. ಕೆಲಸ ಕಾರ್ಯಗಳಲ್ಲಿ ಯಶಸ್ಸನ್ನು ಹೊಂದುವಿರಿ.

ಮಕರ:- ಗೊಂದಲವಿಲ್ಲ ಎಂದುಕೊಂಡು ಕೆಲಸಕ್ಕೆ ಕೈಹಾಕುವಾಗಲೇ ವಿಘ್ನಗಳು ಎದುರಾಗುವ ಸಾಧ್ಯತೆ ಇದೆ. ಮನೆ ಸಮೀಪವಿರುವ ಗಣಪತಿ ಮಂದಿರಕ್ಕೆ ಹೋಗಿ ಪ್ರಾರ್ಥನೆ ಸಲ್ಲಿಸಿ. ಒಳಿತಾಗುವುದು.

ಹೆಚ್ಚು ಹಣವನ್ನು ಗಳಿಸುವ ಕನಸಿದ್ದರೆ ಮನೆಯಲ್ಲಿ ಈ ವರ್ಣ ಚಿತ್ರಗಳನ್ನು ತೂಗುಹಾಕಿ..!

ಕುಂಭ:- ನಿಮ್ಮ ಮನೋಕಾರ್ಯಗಳು ದೈವಾನುಗ್ರಹದಿಂದ ಹಂತಹಂತವಾಗಿ ನೆರವೇರುತ್ತಿರುವುದು ನಿಮಗೆ ಅತೀವ ಸಂತಸ ತಂದಿದೆ. ಇದು ನಿಜಕ್ಕೂ ನೀವು ಪಟ್ಟ ಶ್ರಮಕ್ಕೆ ತಕ್ಕ ಪ್ರತಿಫಲ ಎಂದುಕೊಳ್ಳಬಹುದು. ಬಾಕಿ ಇರುವ ಕೆಲಸಗಳನ್ನು ಶೀಘ್ರದಲ್ಲಿಯೇ ಮುಗಿಸಿಕೊಳ್ಳಿ.

ಮೀನ:- ವಿನಾಕಾರಣ ಜಗಳ ತೆಗೆದು ಮನಃಶಾಂತಿ ಕೆಡಿಸುವ ಜನರಿಂದ ದೂರ ಇರುವುದು ಒಳ್ಳೆಯದು. ಇನ್ನು ಕೆಲವರು ನೀವು ಮಾಡುತ್ತಿರುವ ವೃತ್ತಿಯ ಹಾದಿ ತಪ್ಪಿಸುವ ಪ್ರಕ್ರಿಯೆಯಲ್ಲಿ ತೊಡಗುವರು. ಅಂತಹವರ ಬಗ್ಗೆ ಎಚ್ಚರಿಕೆಯಿರಲಿ.