ಮೇಷ ರಾಶಿ
ಮೇಷ ರಾಶಿಯವರಿಗೆ ಶುಭಕರ ಎಂದರೆ ಮಾರ್ಚ್ ತಿಂಗಳು. ಅಂದುಕೊಂಡ ಎಲ್ಲ ಕೆಲಸಗಳು ಈ ತಿಂಗಳಲ್ಲಿ ಆಗುತ್ತವಂತೆ. ಸದಾ ಉತ್ಸಾಹದಿಂದ ಹಾಗೂ ಸಾಹಸಮಯ ಪ್ರವೃತ್ತಿಯಿಂದ ಬದುಕುವ ಮೇಷ ರಾಶಿ ಜನರಿಗೆ ಮಾರ್ಚ್ ತಿಂಗಳು ಯಶಸ್ಸಿನ ಆಗರ ಎಂದು ಯಾರು ಬೇಕಾದರೂ ಹೇಳಬಹುದು.
ವೃಷಭ ರಾಶಿ
ನಿಶ್ಚಿತ ಮನೋಭಾವ, ನಿರ್ಧಾರಗಳಲ್ಲಿ ಸದೃಢತೆ ಹಾಗೂ ಸ್ವಾಭಿಮಾನದ ಜೊತೆಗೆ ಬದುಕುವ ವೃಷಭ ರಾಶಿಯವರಿಗೆ ಅದೃಷ್ಟದ ಮೇಲೆ ಅದೃಷ್ಟ ತರುತ್ತದೆ ಏಪ್ರಿಲ್ ತಿಂಗಳು. ಅದೆಷ್ಟೋ ದಿನಗಳಿಂದ, ವಾರಗಳಿಂದ ಮಾಡಿ ಮುಗಿಸಿ ಜಯ ಸಾಧಿಸಬೇಕು ಅಂದುಕೊಂಡ ಕೆಲಸಗಳು ಏಪ್ರಿಲ್ ತಿಂಗಳಲ್ಲಿ ಹೂ ಎತ್ತಿದಂತೆ ಇವರಿಗೆ ಆಗುತ್ತವೆ.
Auspicious Yogas: ಶ್ರಾವಣದಲ್ಲೇ ತ್ರಿಕೋನ, ಗಜಕೇಸರಿ ಯೋಗ: ಈ 6 ರಾಶಿಗಳಿಗೆ ಧನಾಗಮನ..!
ಮಿಥುನ ರಾಶಿ
ತಮ್ಮ ಬಹುಮುಖ ಸ್ವಭಾವದೊಂದಿಗೆ ಸದಾ ಸಮಾಜಮುಖಿಯಾಗಿ ಬದುಕುವ ಮಿಥುನ ರಾಶಿಯವರಿಗೆ ತಮ್ಮ ಬೌದ್ಧಿಕ ಬೆಳವಣಿಗೆಯ ಜೊತೆಗೆ ಮಾತಿನ ಸಂವಹನದಿಂದಲೇ ಕೆಲಸ ಸಾಧಿಸುವ ಅದೃಷ್ಟ ಸಿಗುವುದು ಮೇ ತಿಂಗಳಿನಲ್ಲಿ. ಈ ತಿಂಗಳು ದೊಡ್ಡ ದೊಡ್ಡ ಕೆಲಸಗಳಲ್ಲಿ, ದೊಡ್ಡ ಜನರ ಪರಿಚಯ ಹಾಗೂ ಬೆಂಬಲದೊಂದಿಗೆ ಇವರಿಗೆ ಯಶಸ್ಸು ಸಿಗುತ್ತದೆ.
ಕರ್ಕಾಟಕ ರಾಶಿ
ಪೋಷಣೆಯ ಹಾಗೂ ಮಾತೃತ್ವದ ಗುಣ ಹೊಂದಿರುವ ಕರ್ಕಾಟಕ ರಾಶಿಯವರು ಭಾವನಾತ್ಮಕ ಜೀವಿಗಳು. ಸಂಬಂಧದಲ್ಲಿ ಸಾಮರಸ್ಯತೆ, ವೃತ್ತಿ ಜೀವನದಲ್ಲಿ ಪ್ರಗತಿ, ಅಂದುಕೊಂಡ ಕೆಲಸದಲ್ಲಿ ಯಶಸ್ಸು ಹೆಚ್ಚಾಗಿ ಸಿಗುವುದು ಜೂನ್ ತಿಂಗಳಿನಲ್ಲಿ. ಒಟ್ಟಿನಲ್ಲಿ ಜೂನ್ ತಿಂಗಳು ಕರ್ಕಾಟಕ ರಾಶಿಯವರಿಗೆ ಅದೃಷ್ಟದ ವರದಾನ ಎಂದು ಹೇಳಬಹುದು.
August Grah Gochar 2023: ಆಗಸ್ಟ್‌ನಲ್ಲಿ ಈ 5 ರಾಶಿಯವರ ಲೈಫೇ ಚೇಂಜ್! ಹಣವೋ ಹಣ..
ಸಿಂಹ ರಾಶಿ
ಸದಾ ತಮ್ಮನ್ನು ಬೇರೆಯವರು ಗುರುತಿಸಬೇಕು, ನಾವು ಮತ್ತೊಬ್ಬರನ್ನು ಮುನ್ನಡೆಸುವ ಅವಕಾಶ ಸಿಗಬೇಕು ಎಂದು ಆಸೆ ಪಡುವ ಸಿಂಹ ರಾಶಿಯವರಿಗೆ ಜುಲೈ ತಿಂಗಳು ಹೇಳಿ ಮಾಡಿಸಿದ ಹಾಗಿದೆ. ಇವರ ವರ್ಚಸ್ಸು, ಸೃಜನಶೀಲತೆ ಮತ್ತು ಬಯಸಿದ್ದೆಲ್ಲಾ ಈ ತಿಂಗಳಲ್ಲಿ ಇವರಿಗೆ ಒಲಿದು ಬರುತ್ತದೆ. ಮನೆ ಅಥವಾ ಸೈಟ್ ತೆಗೆದುಕೊಳ್ಳಬೇಕು ಎನ್ನುವ ಆಸೆ ಕೂಡ ಜುಲೈ ತಿಂಗಳಲ್ಲಿ ಕೈಗೂಡುತ್ತದೆ.
ಕನ್ಯಾ ರಾಶಿ
ಕೆಲಸದಲ್ಲಿ ಚಾಕಚಕ್ಯತೆ, ನಿರ್ಧಾರಗಳಲ್ಲಿ ಸದೃಢತೆ ಎಲ್ಲರೂ ಒಟ್ಟಿಗೆ ಮುನ್ನಡೆಯಬೇಕು ಎನ್ನುವ ಮನೋಭಾವ ಕನ್ಯಾ ರಾಶಿಯವರದು. ಇವರಿಗೆ ಆಗಸ್ಟ್ ತಿಂಗಳು ಬಹಳ ಅದೃಷ್ಟ ಎಂದು ಸಾಬೀತಾಗಿದೆ. ಈ ತಿಂಗಳಿನಲ್ಲಿ ವೃತ್ತಿ ಜೀವನದಲ್ಲಿ ಪ್ರಗತಿ, ಆರ್ಥಿಕ ಲಾಭ ಹಾಗೂ ವೈಯಕ್ತಿಕ ಜೀವನದಲ್ಲಿ ಬೆಳವಣಿಗೆಯನ್ನು ಹೆಚ್ಚಾಗಿ ಕಾಣಬಹುದು. ಅಂದುಕೊಂಡ ಬಹುತೇಕ ಕೆಲಸಗಳು ಆಗಸ್ಟ್ ತಿಂಗಳಿನಲ್ಲಿ ಕನ್ಯಾ ರಾಶಿಯವರಿಗೆ ಆಗುತ್ತವೆ.
Venus Retrograde 2023: ಹಿಮ್ಮುಖ ಚಲನೆಯಲ್ಲಿರುವ ಶುಕ್ರ..! ಈ 4 ರಾಶಿಯವರಿಗೆ
ತುಲಾ ರಾಶಿ
ರಾಜ ತಾಂತ್ರಿಕ ನಿಪುಣತೆ ಹಾಗೂ ಸಂಬಂಧಗಳಲ್ಲಿ ಸಕಾರಾತ್ಮಕತೆ ಬಯಸುವ ತುಲಾ ರಾಶಿಯವರಿಗೆ ಪ್ರಣಯ ಭೇಟಿಗಳು ಹಾಗೂ ಕಲಾತ್ಮಕ ಪ್ರಯತ್ನಗಳು ಸೆಪ್ಟಂಬರ್ ತಿಂಗಳಿನಲ್ಲಿ ಹೆಚ್ಚು. ಅದೃಷ್ಟದ ಸಂಕೇತವಾಗಿರುವ ಈ ತಿಂಗಳಿನಲ್ಲಿ ಬುದ್ಧಿವಂತಿಕೆಯಿಂದ ಮಾಡುವ ಎಲ್ಲಾ ಕೆಲಸಗಳು ಇವರಿಗೆ ಸಫಲವಾಗುತ್ತವೆ.
ವೃಶ್ಚಿಕ ರಾಶಿ
ಅಂದುಕೊಂಡಿದ್ದಕ್ಕಿಂತ ಹೆಚ್ಚು ಲಾಭ ಹಾಗೂ ಅದೃಷ್ಟ ವೃಶ್ಚಿಕ ರಾಶಿಯವರಿಗೆ ಸಿಗುತ್ತದೆ ಎಂದರೆ ಅದು ಅಕ್ಟೋಬರ್ ತಿಂಗಳಿನಲ್ಲಿ. ಭಾವನಾತ್ಮಕ ಜೀವಿಗಳಾದ ವೃಶ್ಚಿಕ ರಾಶಿಯವರು ತಮ್ಮ ವೈಯಕ್ತಿಕ ಬೆಳವಣಿಗೆ ಜೊತೆಗೆ ಆಧ್ಯಾತ್ಮಿಕ ಒಳನೋಟ ಮತ್ತು ಆರ್ಥಿಕ ಲಾಭಗಳನ್ನು ತಂದುಕೊಡುವ ಹೆಚ್ಚು ಅವಕಾಶಗಳನ್ನು ಈ ತಿಂಗಳಿನಲ್ಲಿ ಕಾಣಬಹುದು.
Rich Zodiac Signs 2024: ಈ 4 ರಾಶಿಯವರು 2024 ರಲ್ಲಿ ಬೇಡವೆಂದರೂ ಶ್ರೀಮಂತರಾಗುವರು..!
ಧನಸ್ಸು ರಾಶಿ
ಧನು ರಾಶಿಯವರು ಆಶಾವಾದಿಗಳು ಜೊತೆಗೆ ಸಾಹಸ ಮನೋಭಾವ ಇರುವ ಜನರು. ಇವರಿಗೆ ನವೆಂಬರ್ ತಿಂಗಳು ಚೆನ್ನಾಗಿ ಆಗಿಬರುತ್ತದೆ. ತಾವು ಅಂದುಕೊಂಡ ಪ್ರಯಾಣ, ಉನ್ನತ ಶಿಕ್ಷಣ ಹಾಗೂ ವೈಯಕ್ತಿಕ ಸಾಧನೆಗಳಿಗೆ ನವೆಂಬರ್ ತಿಂಗಳು ಧನು ರಾಶಿಯವರಿಗೆ ಅದೃಷ್ಟದ ಬಾಗಿಲನ್ನು ತೆರೆಯುತ್ತದೆ.
ಮಕರ ರಾಶಿ
ಮಕರ ರಾಶಿಯವರಿಗೆ ಅದೃಷ್ಟ ಡಿಸೆಂಬರ್ ತಿಂಗಳಿನಲ್ಲಿ ಕೈಗೂಡುತ್ತದೆ. ಇವರ ಶಿಸ್ತು ಬದ್ಧ ಜೀವನಕ್ಕೆ ಹಾಗೂ ಮಹತ್ವಕಾಂಕ್ಷೆಯ ಸ್ವಭಾವಕ್ಕೆ ಈ ತಿಂಗಳು ಚೆನ್ನಾಗಿ ಹೊಂದಾಣಿಕೆಯಾಗುತ್ತದೆ. ವಿವಿಧ ಆಯಾಮದಲ್ಲಿ ಆರ್ಥಿಕ ಪ್ರತಿಫಲಗಳ ಜೊತೆಗೆ ವೃತ್ತಿ ಜೀವನದಲ್ಲಿ ಪ್ರಗತಿ ಹಾಗೂ ಅದೃಷ್ಟದ ಅವಕಾಶಗಳ ಬಾಗಿಲು ತೆರೆದಿರುವುದನ್ನು ಮಕರ ರಾಶಿಯವರು ಈ ತಿಂಗಳು ಕಾಣಬಹುದು.
ಕುಂಭ ರಾಶಿ
ವರ್ಷದ ಮೊದಲನೇ ತಿಂಗಳು ಅಂದರೆ ಜನವರಿ ತಿಂಗಳು ಕುಂಭ ರಾಶಿಯವರಿಗೆ ಬಹಳ ಅದೃಷ್ಟ ಎಂದು ಹೇಳಬಹುದು. ನವೀನ ಅವಕಾಶಗಳು, ಬಹು ಆಯಾಮದಲ್ಲಿ ಬದಲಾವಣೆ, ಬೌದ್ಧಿಕ ಪ್ರಗತಿ ಜೊತೆಗೆ ಅಂದುಕೊಂಡ ಎಲ್ಲ ಕೆಲಸಗಳಲ್ಲಿ ಯಶಸ್ಸು ಜನವರಿ ತಿಂಗಳಿನಲ್ಲಿ ಇವರ ಹತ್ತಿರ ಹುಡುಕಿಕೊಂಡು ಬರುತ್ತದೆ.
Cool Zodiac Sign: ತಲೆ ಮೇಲೆ ತಲೆ ಬಿದ್ದರೂ ಈ 7 ರಾಶಿಯವರು ಮಾತ್ರ ಕೂಲ್‌.. ಕೂಲ್‌..!
ಮೀನ ರಾಶಿ
ಕನಸಿನ ಲೋಕದಲ್ಲಿ ಮುಳುಗಿರುವ ಮೀನ ರಾಶಿಯವರಿಗೆ ಚಂದ್ರನ ಬಲದೊಂದಿಗೆ ಫೆಬ್ರವರಿ ತಿಂಗಳು ಅದೃಷ್ಟದ ಅವಧಿಯಾಗಿದೆ. ಸದಾ ಸಹಾನುಭೂತಿ, ಸೃಜನಶೀಲ ಮನೋಭಾವ, ಆಧ್ಯಾತ್ಮಿಕ ಬೆಳವಣಿಗೆ, ಪ್ರಣಯದಲ್ಲಿ ಆಸಕ್ತಿ ಮತ್ತು ಸಂಪರ್ಕಗಳನ್ನು ಹೆಚ್ಚಾಗಿ ಫೆಬ್ರವರಿ ತಿಂಗಳಿನಲ್ಲಿ ಮೀನ ರಾಶಿಯವರು ಕಾಣಬಹುದು.