ಏ.20ರ ನಂತರ ಇ-ಕಾಮರ್ಸ್‌ ಕಾರ್ಯಾಚರಣೆ ಪುನಾರಂಭಕ್ಕೆ ಸಜ್ಜು!

ಹೊಸದಿಲ್ಲಿ: ಆರೋಗ್ಯ ಸಚಿವಾಲಯದ ಹೊಸ ಮಾರ್ಗಸೂಚಿಗಳನ್ವಯ ಏ.20ರ ಬಳಿಕ ಎಲ್ಲಉತ್ಪನ್ನಗಳ ಮಾರಾಟವನ್ನೂ ಪುನಾರಂಭಿಸಲು ಆನ್‌ಲೈನ್‌ ದಿಗ್ಗಜ ಕಂಪನಿಗಳಾದ ಫ್ಲಿಪ್‌ಕಾರ್ಟ್‌ ಮತ್ತು ಅಮೆಜಾನ್‌ಗಳು ಸಜ್ಜಾಗಿವೆ.

ಸರಬರಾಜು ಮತ್ತು ವಿತರಣೆ ನೆಟ್‌ವರ್ಕ್ಗಳಲ್ಲಿ ಎಲ್ಲ ರೀತಿಯ ಶುಚಿತ್ವ ಪದ್ಧತಿಗಳನ್ನು ಜಾರಿಗೆ ತರಲಾಗಿದೆ. ಕಾರ್ಮಿಕರಿಗೆ ವಿಮೆ ಮತ್ತು ಆರೋಗ್ಯ ಸೌಲಭ್ಯಗಳನ್ನು ಒದಗಿಸಲಾಗುತ್ತಿದೆ. ಸಾಧ್ಯವಿರುವೆಡೆಯೆಲ್ಲಾ ಸಂಪರ್ಕರಹಿತ ಡೆಲಿವರಿಗಳಿಗೆ ಮತ್ತು ನಗದು ರಹಿತ ವ್ಯವಹಾರಗಳಿಗೆ ಪ್ರೋತ್ಸಾಹ ನೀಡಲಾಗುತ್ತಿದೆ ಎಂದು ಫ್ಲಿಪ್‌ಕಾರ್ಟ್‌ ಹೇಳಿದೆ.

ಫ್ಲಿಪ್‌ಕಾರ್ಟ್‌, ವಾಲ್‌ಮಾರ್ಟ್‌ನಿಂದ 46 ಕೋಟಿ ರೂ. ನೆರವು:
ದೇಶದಲ್ಲಿ ಕೊವಿಡ್‌-19 ವಿರುದ್ಧದ ಹೋರಾಟಕ್ಕೆ ವಾಲ್‌ಮಾರ್ಟ್‌, ಫ್ಲಿಪ್‌ಕಾರ್ಟ್‌ ಮತ್ತು ವಾಲ್‌ಮಾರ್ಟ್‌ ಫೌಂಡೇಷನ್‌ ಒಟ್ಟು 46 ಕೋಟಿ ರೂಪಾಯಿ ನೆರವು ನೀಡಿದೆ. ಆ ಮೂಲಕ ವೈದ್ಯಕೀಯ ಸಿಬ್ಬಂದಿ ಮತ್ತು ದುರ್ಬಲ ಸಮುದಾಯಕ್ಕೆ ಎನ್‌ 95 ಮಾಸ್ಕ್‌ ಮತ್ತು ವೈದ್ಯಕೀಯ ಸೌಲಭ್ಯವನ್ನು ಒದಗಿಸಲು ಹಾಗೂ ಪರ್ಸನಲ್‌ ಪ್ರೊಟೆಕ್ಟಿವ್‌ ಇಕ್ವಿಪ್‌ಮೆಂಟ್‌ ಖರೀದಿಗೆ ನೆರವಾಗುತ್ತಿದೆ.

ಲಾಕ್‌ಡೌನ್ ಸಡಿಲಿಕೆ ಮರುಪರಿಶೀಲನೆ: ಬೈಕ್‌ ಸವಾರಿ, ಐಟಿ-ಬಿಟಿಗಿಲ್ಲ ವಿನಾಯಿತಿ!

ವಾಲ್‌ಮಾರ್ಟ್‌ ಮತ್ತು ಫ್ಲಿಪ್‌ಕಾರ್ಟ್‌ ಈಗಾಗಲೇ 3 ಲಕ್ಷ ಮಾಸ್ಕ್‌ ಮತ್ತು 10 ಲಕ್ಷ ಮೆಡಿಕಲ್‌ ಗೌನ್‌ ನೀಡಿದೆ.

ರಾಜ್ಯದಲ್ಲಿ ಲಾಕ್‌ಡೌನ್‌ ಸಡಿಲಿಕೆ: ಯಾರು ಯಾರಿಗೆಲ್ಲ ವಿನಾಯಿತಿ?