ಮುಂಬೈ: ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ವಾರ್ಷಿಕ ಪ್ಲೇಸ್ಮೆಂಟ್ ಡ್ರೈವ್‌ನಲ್ಲಿ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಬಾಂಬೆಯ (ಐಐಟಿ-ಬಾಂಬೆ) ವಿದ್ಯಾರ್ಥಿಯೊಬ್ಬರು ವಾರ್ಷಿಕ 3.7 ಕೋಟಿ ರೂ. ವೇತನದ ಬಂಪರ್‌ ಆಫರ್‌ ಸ್ವೀಕರಿಸಿದ್ದಾರೆ.ವಿದ್ಯಾರ್ಥಿಯೊಬ್ಬರು ಗರಿಷ್ಠ 3.7 ಕೋಟಿ ರೂ. ವೇತನದ ಅಂತಾರಾಷ್ಟ್ರೀಯ ಪ್ಯಾಕೇಜ್‌ ಪಡೆದುಕೊಂಡಿದ್ದರೆ, ದೇಶೀಯವಾಗಿ ಗರಿಷ್ಠ 1.7 ಕೋಟಿ ರೂ.ನ ಪ್ಯಾಕೇಜ್‌ ಸ್ವೀಕರಿಸಲಾಗಿದೆ ಎಂದು ತನ್ನ ಅಧಿಕೃತ ಪ್ರಕಟಣೆಯಲ್ಲಿ ಐಐಟಿ-ಬಾಂಬೆ ಮಾಹಿತಿ ನೀಡಿದೆ.
ಕಳೆದ ವರ್ಷದ 2.1 ಕೋಟಿ ರೂ. ಅಂತಾರಾಷ್ಟ್ರೀಯ ಪ್ಯಾಕೇಜ್‌ಗೆ ಹೋಲಿಸಿದರೆ ಇದು ಗಣನೀಯ ಹೆಚ್ಚಳವನ್ನು ಸೂಚಿಸುತ್ತದೆ. ಆದರೆ ಹಿಂದಿನ ವರ್ಷ ದೇಶೀಯವಾಗಿ ಗರಿಷ್ಠ 1.8 ಕೋಟಿ ರೂ.ಗಳ ವೇತನದ ಪ್ಯಾಕೇಜ್‌ನ್ನು ವಿದ್ಯಾರ್ಥಿಯೊಬ್ಬರು ಪಡೆದುಕೊಂಡಿದ್ದರು. ಈ ಪ್ಯಾಕೇಜ್‌ಗಳನ್ನು ಪಡೆದ ವಿದ್ಯಾರ್ಥಿಗಳ ಹೆಸರುಗಳನ್ನು ಮಾತ್ರ ಬಾಂಬೆ ಐಐಟಿ ಬಿಡುಗಡೆ ಮಾಡಿಲ್ಲ.
ತಾವು ಕಲಿತ ಸಂಸ್ಥೆ ಐಐಟಿ ಬಾಂಬೆಗೆ ಬರೋಬ್ಬರಿ ₹315 ಕೋಟಿ ದೇಣಿಕೆ ನೀಡಿದ ನಂದನ್‌ ನಿಲೇಕಣಿ
ಐಐಟಿ ಬಾಂಬೆಯ 16 ವಿದ್ಯಾರ್ಥಿಗಳು ವಾರ್ಷಿಕ 1 ಕೋಟಿ ರೂ.ಗಿಂತ ಹೆಚ್ಚಿನ ವೇತನದ ಪ್ಯಾಕೇಜ್‌ಗಳನ್ನು ಸ್ವೀಕರಿಸಿದ್ದಾರೆ. ವಿದ್ಯಾರ್ಥಿಗಳು 2022-23ರಲ್ಲಿ 300 ಪ್ರಿ ಪ್ಲೇಸ್ಮೆಂಟ್ ಆಫರ್‌ಗಳಲ್ಲಿ 194 ಅನ್ನು ಒಪ್ಪಿಕೊಂಡಿದ್ದಾರೆ ಎಂದು ಐಐಟಿ ಬಾಂಬೆ ಪ್ಲೇಸ್ಮೆಂಟ್ ವಿವರಗಳಲ್ಲಿ ತಿಳಿಸಿದೆ.ಜುಲೈ 2022 ರಿಂದ ಜೂನ್ 2023 ರವರೆಗಿನ ಕ್ಯಾಂಪಸ್ ಪ್ಲೇಸ್ಮೆಂಟ್ ಅವಧಿಯಲ್ಲಿ 2,174 ವಿದ್ಯಾರ್ಥಿಗಳು ಹೆಸರು ನೋಂದಾಯಿಸಿಕೊಂಡಿದ್ದರು. ಇವರಲ್ಲಿ 1,845 ಜನರು ಪ್ಲೇಸ್‌ಮೆಂಟ್‌ಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದರು. ಇದು ಇಲ್ಲಿಯವರೆಗಿನ ಅತ್ಯಧಿಕ ಸಂಖ್ಯೆಯಾಗಿದೆ.
ಅಮೆರಿಕ, ಜಪಾನ್, ಬ್ರಿಟನ್‌, ನೆದರ್‌ಲ್ಯಾಂಡ್ಸ್, ಹಾಂಗ್ ಕಾಂಗ್ ಮತ್ತು ತೈವಾನ್‌ನಲ್ಲಿ ಕಚೇರಿಗಳನ್ನು ಹೊಂದಿರುವ ಸಂಸ್ಥೆಗಳಿಂದ ಐಐಟಿ ಬಾಂಬೆಯ ವಿದ್ಯಾರ್ಥಿಗಳು ಈ ವರ್ಷ 65 ಸಾಗರೋತ್ತರ ಉದ್ಯೋಗದ ಆಫರ್‌ಗಳನ್ನು ಸ್ವೀಕರಿಸಿದ್ದಾರೆ.
ಈ ಹಿಂದಿನ ಸೀಸನ್‌ಗಳಲ್ಲಿ ಬಂದ ಸರಾಸರಿ ಆಫರ್‌ಗಳಿಗೆ ಹೋಲಿಸಿದರೆ ಈ ವರ್ಷ 21.82 ಲಕ್ಷ ರೂ. ಸರಾಸರಿ ಮೊತ್ತದ ಆಫರ್‌ ಸ್ವೀಕರಿಸಲಾಗಿದೆ. ಈ ಹಿಂದೆ 2021-2022 ಮತ್ತು 2020-2021ರಲ್ಲಿ ಕ್ರಮವಾಗಿ 21.50 ಲಕ್ಷ ರೂ. ಮತ್ತು 17.91 ಲಕ್ಷ ರೂ. ವಾರ್ಷಿಕ ಪ್ಯಾಕೇಜ್‌ ಸ್ವೀಕರಿಸಲಾಗಿತ್ತು.
ಇಂಜಿನಿಯರಿಂಗ್ ಮತ್ತು ತಂತ್ರಜ್ಞಾನ ವಲಯದಲ್ಲಿ ಹೆಚ್ಚಿನ ವಿದ್ಯಾರ್ಥಿಗಳು ಉದ್ಯೋಗ ಗಿಟ್ಟಿಸಿಕೊಂಡಿದ್ದಾರೆ. 97 ಪ್ರಮುಖ ಎಂಜಿನಿಯರಿಂಗ್ ಕಂಪನಿಗಳಲ್ಲಿ 458 ವಿದ್ಯಾರ್ಥಿಗಳು ಪ್ರವೇಶ ಮಟ್ಟದ ಹುದ್ದೆಗಳನ್ನು ಪಡೆದುಕೊಂಡಿದ್ದಾರೆ.
ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಋತುವಿನಲ್ಲಿ ಮಾಹಿತಿ ತಂತ್ರಜ್ಞಾನ ಮತ್ತು ಸಾಫ್ಟ್‌ವೇರ್ ಕ್ಷೇತ್ರಗಳಲ್ಲಿ ಕಡಿಮೆ ವಿದ್ಯಾರ್ಥಿಗಳು ನೇಮಕಗೊಂಡಿದ್ದಾರೆ. ಆದಾಗ್ಯೂ, 302 ವಿದ್ಯಾರ್ಥಿಗಳು ಐಟಿ/ಸಾಫ್ಟ್‌ವೇರ್ ವಲಯದ 88ಕ್ಕೂ ಹೆಚ್ಚು ಕಂಪನಿಗಳಿಂದ ಉದ್ಯೋಗ ಗಿಟ್ಟಿಸಿಕೊಂಡಿದ್ದಾರೆ.
ವ್ಯಾಪಾರ, ಹಣಕಾಸು ಮತ್ತು ಫಿನ್‌ಟೆಕ್ ಕಂಪನಿಗಳು ಹೆಚ್ಚಿನ ವಿದ್ಯಾರ್ಥಿಗಳನ್ನು ಉದ್ಯೋಗಕ್ಕೆ ನೇಮಕ ಮಾಡಿಕೊಂಡಿವೆ. ಈ ವರ್ಷ 32 ಹಣಕಾಸು ಸೇವಾ ಕಂಪನಿಗಳಲ್ಲಿ 76 ಹುದ್ದೆಗಳು ಲಭ್ಯವಿವೆ.
ಒಟ್ಟಾರೆಯಾಗಿ 2022-23 ಪ್ಲೇಸ್ಮೆಂಟ್ ಡ್ರೈವ್‌ನಲ್ಲಿ ಸಕ್ರಿಯವಾಗಿ ಭಾಗವಹಿಸಿದ ಶೇ. 82ರಷ್ಟು ವಿದ್ಯಾರ್ಥಿಗಳು ಯಶಸ್ವಿಯಾಗಿ ಉದ್ಯೋಗ ಪಡೆದುಕೊಂಡಿದ್ದಾರೆ. ಬಿಟೆಕ್, ಡಬಲ್‌-ಡಿಗ್ರಿ ಮತ್ತು ಎಂಟೆಕ್ ಪದವಿ ಪಡೆದಿರುವ ಸುಮಾರು ಶೇ. 90ರಷ್ಟು ವಿದ್ಯಾರ್ಥಿಗಳು ಉದ್ಯೋಗವನ್ನು ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.
ಕಳೆದ ವರ್ಷದ 2.1 ಕೋಟಿ ರೂ. ಅಂತಾರಾಷ್ಟ್ರೀಯ ಪ್ಯಾಕೇಜ್‌ಗೆ ಹೋಲಿಸಿದರೆ ಇದು ಗಣನೀಯ ಹೆಚ್ಚಳವನ್ನು ಸೂಚಿಸುತ್ತದೆ. ಆದರೆ ಹಿಂದಿನ ವರ್ಷ ದೇಶೀಯವಾಗಿ ಗರಿಷ್ಠ 1.8 ಕೋಟಿ ರೂ.ಗಳ ವೇತನದ ಪ್ಯಾಕೇಜ್‌ನ್ನು ವಿದ್ಯಾರ್ಥಿಯೊಬ್ಬರು ಪಡೆದುಕೊಂಡಿದ್ದರು. ಈ ಪ್ಯಾಕೇಜ್‌ಗಳನ್ನು ಪಡೆದ ವಿದ್ಯಾರ್ಥಿಗಳ ಹೆಸರುಗಳನ್ನು ಮಾತ್ರ ಬಾಂಬೆ ಐಐಟಿ ಬಿಡುಗಡೆ ಮಾಡಿಲ್ಲ.
ತಾವು ಕಲಿತ ಸಂಸ್ಥೆ ಐಐಟಿ ಬಾಂಬೆಗೆ ಬರೋಬ್ಬರಿ ₹315 ಕೋಟಿ ದೇಣಿಕೆ ನೀಡಿದ ನಂದನ್‌ ನಿಲೇಕಣಿಐಐಟಿ ಬಾಂಬೆಯ 16 ವಿದ್ಯಾರ್ಥಿಗಳು ವಾರ್ಷಿಕ 1 ಕೋಟಿ ರೂ.ಗಿಂತ ಹೆಚ್ಚಿನ ವೇತನದ ಪ್ಯಾಕೇಜ್‌ಗಳನ್ನು ಸ್ವೀಕರಿಸಿದ್ದಾರೆ. ವಿದ್ಯಾರ್ಥಿಗಳು 2022-23ರಲ್ಲಿ 300 ಪ್ರಿ ಪ್ಲೇಸ್ಮೆಂಟ್ ಆಫರ್‌ಗಳಲ್ಲಿ 194 ಅನ್ನು ಒಪ್ಪಿಕೊಂಡಿದ್ದಾರೆ ಎಂದು ಐಐಟಿ ಬಾಂಬೆ ಪ್ಲೇಸ್ಮೆಂಟ್ ವಿವರಗಳಲ್ಲಿ ತಿಳಿಸಿದೆ.ಜುಲೈ 2022 ರಿಂದ ಜೂನ್ 2023 ರವರೆಗಿನ ಕ್ಯಾಂಪಸ್ ಪ್ಲೇಸ್ಮೆಂಟ್ ಅವಧಿಯಲ್ಲಿ 2,174 ವಿದ್ಯಾರ್ಥಿಗಳು ಹೆಸರು ನೋಂದಾಯಿಸಿಕೊಂಡಿದ್ದರು. ಇವರಲ್ಲಿ 1,845 ಜನರು ಪ್ಲೇಸ್‌ಮೆಂಟ್‌ಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದರು. ಇದು ಇಲ್ಲಿಯವರೆಗಿನ ಅತ್ಯಧಿಕ ಸಂಖ್ಯೆಯಾಗಿದೆ.
ಅಮೆರಿಕ, ಜಪಾನ್, ಬ್ರಿಟನ್‌, ನೆದರ್‌ಲ್ಯಾಂಡ್ಸ್, ಹಾಂಗ್ ಕಾಂಗ್ ಮತ್ತು ತೈವಾನ್‌ನಲ್ಲಿ ಕಚೇರಿಗಳನ್ನು ಹೊಂದಿರುವ ಸಂಸ್ಥೆಗಳಿಂದ ಐಐಟಿ ಬಾಂಬೆಯ ವಿದ್ಯಾರ್ಥಿಗಳು ಈ ವರ್ಷ 65 ಸಾಗರೋತ್ತರ ಉದ್ಯೋಗದ ಆಫರ್‌ಗಳನ್ನು ಸ್ವೀಕರಿಸಿದ್ದಾರೆ.
ಈ ಹಿಂದಿನ ಸೀಸನ್‌ಗಳಲ್ಲಿ ಬಂದ ಸರಾಸರಿ ಆಫರ್‌ಗಳಿಗೆ ಹೋಲಿಸಿದರೆ ಈ ವರ್ಷ 21.82 ಲಕ್ಷ ರೂ. ಸರಾಸರಿ ಮೊತ್ತದ ಆಫರ್‌ ಸ್ವೀಕರಿಸಲಾಗಿದೆ. ಈ ಹಿಂದೆ 2021-2022 ಮತ್ತು 2020-2021ರಲ್ಲಿ ಕ್ರಮವಾಗಿ 21.50 ಲಕ್ಷ ರೂ. ಮತ್ತು 17.91 ಲಕ್ಷ ರೂ. ವಾರ್ಷಿಕ ಪ್ಯಾಕೇಜ್‌ ಸ್ವೀಕರಿಸಲಾಗಿತ್ತು.
ಇಂಜಿನಿಯರಿಂಗ್ ಮತ್ತು ತಂತ್ರಜ್ಞಾನ ವಲಯದಲ್ಲಿ ಹೆಚ್ಚಿನ ವಿದ್ಯಾರ್ಥಿಗಳು ಉದ್ಯೋಗ ಗಿಟ್ಟಿಸಿಕೊಂಡಿದ್ದಾರೆ. 97 ಪ್ರಮುಖ ಎಂಜಿನಿಯರಿಂಗ್ ಕಂಪನಿಗಳಲ್ಲಿ 458 ವಿದ್ಯಾರ್ಥಿಗಳು ಪ್ರವೇಶ ಮಟ್ಟದ ಹುದ್ದೆಗಳನ್ನು ಪಡೆದುಕೊಂಡಿದ್ದಾರೆ.
ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಋತುವಿನಲ್ಲಿ ಮಾಹಿತಿ ತಂತ್ರಜ್ಞಾನ ಮತ್ತು ಸಾಫ್ಟ್‌ವೇರ್ ಕ್ಷೇತ್ರಗಳಲ್ಲಿ ಕಡಿಮೆ ವಿದ್ಯಾರ್ಥಿಗಳು ನೇಮಕಗೊಂಡಿದ್ದಾರೆ. ಆದಾಗ್ಯೂ, 302 ವಿದ್ಯಾರ್ಥಿಗಳು ಐಟಿ/ಸಾಫ್ಟ್‌ವೇರ್ ವಲಯದ 88ಕ್ಕೂ ಹೆಚ್ಚು ಕಂಪನಿಗಳಿಂದ ಉದ್ಯೋಗ ಗಿಟ್ಟಿಸಿಕೊಂಡಿದ್ದಾರೆ.
ವ್ಯಾಪಾರ, ಹಣಕಾಸು ಮತ್ತು ಫಿನ್‌ಟೆಕ್ ಕಂಪನಿಗಳು ಹೆಚ್ಚಿನ ವಿದ್ಯಾರ್ಥಿಗಳನ್ನು ಉದ್ಯೋಗಕ್ಕೆ ನೇಮಕ ಮಾಡಿಕೊಂಡಿವೆ. ಈ ವರ್ಷ 32 ಹಣಕಾಸು ಸೇವಾ ಕಂಪನಿಗಳಲ್ಲಿ 76 ಹುದ್ದೆಗಳು ಲಭ್ಯವಿವೆ.
ಒಟ್ಟಾರೆಯಾಗಿ 2022-23 ಪ್ಲೇಸ್ಮೆಂಟ್ ಡ್ರೈವ್‌ನಲ್ಲಿ ಸಕ್ರಿಯವಾಗಿ ಭಾಗವಹಿಸಿದ ಶೇ. 82ರಷ್ಟು ವಿದ್ಯಾರ್ಥಿಗಳು ಯಶಸ್ವಿಯಾಗಿ ಉದ್ಯೋಗ ಪಡೆದುಕೊಂಡಿದ್ದಾರೆ. ಬಿಟೆಕ್, ಡಬಲ್‌-ಡಿಗ್ರಿ ಮತ್ತು ಎಂಟೆಕ್ ಪದವಿ ಪಡೆದಿರುವ ಸುಮಾರು ಶೇ. 90ರಷ್ಟು ವಿದ್ಯಾರ್ಥಿಗಳು ಉದ್ಯೋಗವನ್ನು ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.
