ಹೊಸದಿಲ್ಲಿ: ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿರುವ ಸ್ಪೈಸ್ ಜೆಟ್‌ಗೆ ಸುಪ್ರೀಂ ಕೋರ್ಟ್ ಗಾಯದ ಮೇಲೆ ಬರೆ ಎಳೆದಿದೆ. ಕಂಪನಿಯ ಮಾಜಿ ಮಾಲೀಕ, ಸನ್‌ ಗ್ರೂಪ್‌ ಅಧ್ಯಕ್ಷ ಕಲಾನಿಧಿ ಮಾರನ್‌ಗೆ 380 ಕೋಟಿ ರೂ. ಪಾವತಿಸುವಂತೆ ವಿಮಾನಯಾನ ಸಂಸ್ಥೆಗೆ ಸುಪ್ರೀಂ ಕೋರ್ಟ್ ಶುಕ್ರವಾರ ಸೂಚನೆ ನೀಡಿದೆ.
ಕಲಾನಿಧಿ ಮಾರನ್ ಮತ್ತು ಅಜಯ್ ಸಿಂಗ್ ನಡುವಿನ ಏಳು ವರ್ಷಗಳಷ್ಟು ಹಳೆಯದಾದ ಷೇರು ವರ್ಗಾವಣೆ ವಿವಾದದಲ್ಲಿ ಈ ಆದೇಶ ಹೊರಬಿದ್ದಿದೆ. ಅಜಯ್ ಸಿಂಗ್ ಅವರು 2015ರಲ್ಲಿ ಕಲಾನಿಧಿ ಮಾರನ್ ಅವರಿಂದ ಸ್ಪೈಸ್ ಜೆಟ್‌ ವಿಮಾನಯಾನ ಸಂಸ್ಥೆಯನ್ನು ಸ್ವಾಧೀನಪಡಿಸಿಕೊಂಡಿದ್ದರು.
ಹಿಂದಿನ ಆದೇಶಗಳ ಪ್ರಕಾರ ಹಣ ಪಾವತಿಸದ ಹಿನ್ನೆಲೆಯಲ್ಲಿ ಸ್ಪೈಸ್ ಜೆಟ್‌ ಏರ್‌ಲೈನ್ ಸರ್ವೋಚ್ಚ ನ್ಯಾಯಾಲಯದ ಆಕ್ರೋಶಕ್ಕೂ ಗುರಿಯಾಗಿದೆ. ಇದೀಗ ಒಂದೇ ಕಂತಿನಲ್ಲಿ ಕಲಾನಿಧಿ ಮಾರನ್ ಅವರಿಗೆ ಹಣ ಪಾವತಿಸುವಂತೆ ಸುಪ್ರೀಂ ಕೋರ್ಟ್ ವಿಮಾನಯಾನ ಸಂಸ್ಥೆಗೆ ನಿರ್ದೇಶನ ನೀಡಿದೆ. ಆದೇಶ ನೀಡುವಾಗ ‘ವಾಣಿಜ್ಯ ನೈತಿಕತೆ’ಯೊಂದಿಗೆ ವ್ಯವಹಾರವನ್ನು ನಡೆಸಬೇಕು ಎಂದು ಸ್ಪೈಸ್ ಜೆಟ್‌ ಸಂಸ್ಥೆಗೆ ಸರ್ವೋಚ್ಚ ನ್ಯಾಯಾಲಯ ಚಾಟಿ ಬೀಸಿದೆ.
ಕಲಾನಿಧಿ ಮಾರನ್ ಅವರಿಗೆ 380 ಕೋಟಿ ರೂ. ಪಾವತಿ ಮಾಡುವಂತೆ ಸ್ಪೈಸ್ ಜೆಟ್‌ಗೆ ದಿಲ್ಲಿ ಹೈಕೋರ್ಟ್ ಇದೇ ಜೂನ್‌ನಲ್ಲಿ ಆದೇಶ ನೀಡಿತ್ತು. ಇದಕ್ಕೂ ಮುನ್ನ ಫೆಬ್ರವರಿಯಲ್ಲಿ, 2018ರ ಮಧ್ಯಸ್ಥಿಕೆ ತೀರ್ಪಿನ ಅಡಿಯಲ್ಲಿ ಕಲಾನಿಧಿ ಮಾರನ್ ಬೇಡಿಕೆ ಇಟ್ಟಿದ್ದ 362.5 ಕೋಟಿ ರೂ.ಗಳ ಬಡ್ಡಿ ಬಾಕಿ ಕೋರಿಕೆ ಸಂಬಂಧ 75 ಕೋಟಿ ರೂ.ಗಳನ್ನು ಮೂರು ತಿಂಗಳ ಒಳಗಾಗಿ ಪಾವತಿಸುವಂತೆ ಸ್ಪೈಸ್ ಜೆಟ್‌ಗೆ ಸುಪ್ರೀಂ ಕೋರ್ಟ್ ಸೂಚಿಸಿತ್ತು.
ಆದರೆ, ಕಲಾನಿಧಿ ಮಾರನ್ ಅವರಿಗೆ 75 ಕೋಟಿ ರೂಪಾಯಿ ಪಾವತಿಸಲು ಹೆಚ್ಚಿನ ಸಮಯ ಬೇಕು ಎಂದು ಸ್ಪೈಸ್ ಜೆಟ್‌ ಮನವಿ ಸಲ್ಲಿಸಿತ್ತು. ಈ ಮನವಿಗಳನ್ನೂ ವಜಾಗೊಳಿಸಿದ್ದ ಸುಪ್ರೀಂ ಕೋರ್ಟ್, ಅರ್ಜಿಗಳನ್ನು ಸಲ್ಲಿಸುವುದು ವಿಮಾನಯಾನ ಕಂಪನಿಯ ವಿಳಂಬ ತಂತ್ರವಾಗಿದೆ ಎಂದು ಕಿಡಿಕಾರಿತ್ತು.
ಕಲಾನಿಧಿ ಮಾರನ್ ಮತ್ತು ಅಜಯ್ ಸಿಂಗ್ ನಡುವಿನ ಏಳು ವರ್ಷಗಳಷ್ಟು ಹಳೆಯದಾದ ಷೇರು ವರ್ಗಾವಣೆ ವಿವಾದದಲ್ಲಿ ಈ ಆದೇಶ ಹೊರಬಿದ್ದಿದೆ. ಅಜಯ್ ಸಿಂಗ್ ಅವರು 2015ರಲ್ಲಿ ಕಲಾನಿಧಿ ಮಾರನ್ ಅವರಿಂದ ಸ್ಪೈಸ್ ಜೆಟ್‌ ವಿಮಾನಯಾನ ಸಂಸ್ಥೆಯನ್ನು ಸ್ವಾಧೀನಪಡಿಸಿಕೊಂಡಿದ್ದರು.
ಹಿಂದಿನ ಆದೇಶಗಳ ಪ್ರಕಾರ ಹಣ ಪಾವತಿಸದ ಹಿನ್ನೆಲೆಯಲ್ಲಿ ಸ್ಪೈಸ್ ಜೆಟ್‌ ಏರ್‌ಲೈನ್ ಸರ್ವೋಚ್ಚ ನ್ಯಾಯಾಲಯದ ಆಕ್ರೋಶಕ್ಕೂ ಗುರಿಯಾಗಿದೆ. ಇದೀಗ ಒಂದೇ ಕಂತಿನಲ್ಲಿ ಕಲಾನಿಧಿ ಮಾರನ್ ಅವರಿಗೆ ಹಣ ಪಾವತಿಸುವಂತೆ ಸುಪ್ರೀಂ ಕೋರ್ಟ್ ವಿಮಾನಯಾನ ಸಂಸ್ಥೆಗೆ ನಿರ್ದೇಶನ ನೀಡಿದೆ. ಆದೇಶ ನೀಡುವಾಗ ‘ವಾಣಿಜ್ಯ ನೈತಿಕತೆ’ಯೊಂದಿಗೆ ವ್ಯವಹಾರವನ್ನು ನಡೆಸಬೇಕು ಎಂದು ಸ್ಪೈಸ್ ಜೆಟ್‌ ಸಂಸ್ಥೆಗೆ ಸರ್ವೋಚ್ಚ ನ್ಯಾಯಾಲಯ ಚಾಟಿ ಬೀಸಿದೆ.
ಕಲಾನಿಧಿ ಮಾರನ್ ಅವರಿಗೆ 380 ಕೋಟಿ ರೂ. ಪಾವತಿ ಮಾಡುವಂತೆ ಸ್ಪೈಸ್ ಜೆಟ್‌ಗೆ ದಿಲ್ಲಿ ಹೈಕೋರ್ಟ್ ಇದೇ ಜೂನ್‌ನಲ್ಲಿ ಆದೇಶ ನೀಡಿತ್ತು. ಇದಕ್ಕೂ ಮುನ್ನ ಫೆಬ್ರವರಿಯಲ್ಲಿ, 2018ರ ಮಧ್ಯಸ್ಥಿಕೆ ತೀರ್ಪಿನ ಅಡಿಯಲ್ಲಿ ಕಲಾನಿಧಿ ಮಾರನ್ ಬೇಡಿಕೆ ಇಟ್ಟಿದ್ದ 362.5 ಕೋಟಿ ರೂ.ಗಳ ಬಡ್ಡಿ ಬಾಕಿ ಕೋರಿಕೆ ಸಂಬಂಧ 75 ಕೋಟಿ ರೂ.ಗಳನ್ನು ಮೂರು ತಿಂಗಳ ಒಳಗಾಗಿ ಪಾವತಿಸುವಂತೆ ಸ್ಪೈಸ್ ಜೆಟ್‌ಗೆ ಸುಪ್ರೀಂ ಕೋರ್ಟ್ ಸೂಚಿಸಿತ್ತು.
ಆದರೆ, ಕಲಾನಿಧಿ ಮಾರನ್ ಅವರಿಗೆ 75 ಕೋಟಿ ರೂಪಾಯಿ ಪಾವತಿಸಲು ಹೆಚ್ಚಿನ ಸಮಯ ಬೇಕು ಎಂದು ಸ್ಪೈಸ್ ಜೆಟ್‌ ಮನವಿ ಸಲ್ಲಿಸಿತ್ತು. ಈ ಮನವಿಗಳನ್ನೂ ವಜಾಗೊಳಿಸಿದ್ದ ಸುಪ್ರೀಂ ಕೋರ್ಟ್, ಅರ್ಜಿಗಳನ್ನು ಸಲ್ಲಿಸುವುದು ವಿಮಾನಯಾನ ಕಂಪನಿಯ ವಿಳಂಬ ತಂತ್ರವಾಗಿದೆ ಎಂದು ಕಿಡಿಕಾರಿತ್ತು.