ಆದರ್ಶ ವಿದ್ಯಾಲಯದಲ್ಲಿ 2024ನೇ ಸಾಲಿಗೆ 6ನೇ ತರಗತಿ ಪ್ರವೇಶಕ್ಕೆ ಮೇ.7 ಕೊನೆ ದಿನ: ಆಯ್ಕೆಪಟ್ಟಿ, ಕಟ್‌ಆಫ್‌ ಅಂಕ ಪ್ರಕಟ

ಕರ್ನಾಟಕದಲ್ಲಿನ ಆದರ್ಶ ವಿದ್ಯಾಲಯ ಮಾದರಿ ಶಾಲೆಗಳಲ್ಲಿ ಪ್ರತಿ ವರ್ಷ ಪ್ರವೇಶ ಪರೀಕ್ಷೆ ಮೂಲಕ 6ನೇ ತರಗತಿಗೆ ಅಡ್ಮಿಷನ್‌ ನೀಡಲಾಗುತ್ತದೆ. ಅದರಂತೆ 2024-25 ನೇ ಸಾಲಿನ 6ನೇ ತರಗತಿ ಪ್ರವೇಶಕ್ಕೆ ಸಂಬಂಧ ಮೊದಲ ಸುತ್ತಿನ ಆಯ್ಕೆಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಜತೆಗೆ ಈ ವಿದ್ಯಾರ್ಥಿಗಳು ಅಡ್ಮಿಷನ್ ಪಡೆಯಲು ಮೇ 07, 2024 ರವರೆಗೆ ಅವಕಾಶ ನೀಡಲಾಗಿದೆ. 2024-25 ನೇ ಶೈಕ್ಷಣಿಕ ಸಾಲಿಗೆ ಆದರ್ಶ ವಿದ್ಯಾಲಯಗಳಿಗೆ 6ನೇ ತರಗತಿಗೆ ಪ್ರವೇಶ ಪರೀಕ್ಷೆಯನ್ನು ನಡೆಸಲು ಕಳೆದ ಫೆಬ್ರುವರಿ ತಿಂಗಳಲ್ಲಿ ಅರ್ಜಿ ಆಹ್ವಾನಿಸಲಾಗಿತ್ತು. ಹಾಗೂ ಮಾರ್ಚ್ 03, 2024 ರಂದು ಪ್ರವೇಶ ಪರೀಕ್ಷೆಯನ್ನು ನಡೆಸಿತ್ತು. ಈ ಪರೀಕ್ಷೆಯಲ್ಲಿ ವಿದ್ಯಾರ್ಥಿಗಳು ಗಳಿಸಿದ ಅಂಕಗಳನ್ನು ದಿನಾಂಕ 26-03-2024 ರಂದು ಪ್ರಕಟಿಸಲಾಗಿತ್ತು.

ಆಯ್ಕೆಪಟ್ಟಿ, ಕಟ್‌ಆಫ್‌ ಅಂಕ ಪ್ರಕಟ

ಪ್ರಸ್ತುತ ಮೊದಲ ಸುತ್ತಿನಲ್ಲಿ 2024-25 ನೇ ಶೈಕ್ಷಣಿಕ ಸಾಲಿಗೆ ಆದರ್ಶ ವಿದ್ಯಾಲಯಗಳಿಗೆ 6ನೇ ತರಗತಿಗೆ ಪ್ರವೇಶಕ್ಕೆ ಆಯ್ಕೆ ಆದ ವಿದ್ಯಾರ್ಥಿಗಳ ಲಿಸ್ಟ್‌ ಅನ್ನು ಪ್ರಕಟಿಸಲಾಗಿದೆ. ಜತೆಗೆ ಸದರಿ ಪಟ್ಟಿಗೆ ಪರಿಗಣಿಸಲಾದ ಕೊನೆ ವಿದ್ಯಾರ್ಥಿಯ (ವರ್ಗಾವಾರು) ಕಟ್‌ ಆಫ್‌ ಅಂಕಗಳನ್ನು ಸಹ ಬಿಡುಗಡೆ ಮಾಡಲಾಗಿದೆ.

ವಿದ್ಯಾರ್ಥಿಗಳು ಹಾಗೂ ಪೋಷಕರು ಜಿಲ್ಲಾವಾರು ಕಟ್‌ಆಫ್‌ ಅಂಕಗಳನ್ನು ಚೆಕ್‌ ಮಾಡಲು ಕೆಳಗಿನ ಲಿಂಕ್ ಅನ್ನು ಕ್ಲಿಕ್ ಮಾಡಿರಿ.

Cut Off Marks

ಪ್ರವೇಶಾತಿ ವೇಳಾಪಟ್ಟಿ

ಮೊದಲ ಸುತ್ತಿನಲ್ಲಿ ಅರ್ಹತೆ ಪಡೆದ ವಿದ್ಯಾರ್ಥಿಗಳು ಮೀಸಲಾತಿ ಆಧಾರದ ಮೇಲೆ 6ನೇ ತರಗತಿಗೆ ಪ್ರವೇಶ ಪಡೆಯಲು ದಿನಾಂಕಗಳು: ಏಪ್ರಿಲ್ 29 ರಿಂದ ಮೇ 07, 2024 ರವರೆಗೆ.
ಮೊದಲ ಸುತ್ತಿನ ದಾಖಲಾತಿ ನಂತರ ಉಳಿಕೆ ಸೀಟುಗಳಿಗೆ ಮೀಸಲಾತಿ ಅನ್ವಯ ಸೀಟುಗಳ ಪ್ರಕಟಣೆ ದಿನಾಂಕ: 15-05-2024
2ನೇ ಸುತ್ತಿನ ಅರ್ಹತೆಯ ವಿದ್ಯಾರ್ಥಿಗಳು ಅಡ್ಮಿಷನ್ ಪಡೆಯಲು ದಿನಾಂಕಗಳು : ಮೇ 20 ರಿಂದ 28, 2024
ಮೂರನೇ ಸುತ್ತಿಗೆ ಸೀಟುಗಳ ಪ್ರಕಟಣೆ ದಿನಾಂಕ : 04-06-2024
3ನೇ ಸುತ್ತಿನ ಅರ್ಹ ವಿದ್ಯಾರ್ಥಿಗಳು ಅಡ್ಮಿಷನ್ ಪಡೆಯಲು ದಿನಾಂಕಗಳು : ಜೂನ್ 10 ರಿಂದ 18, 2024.