ಶತಕದ ರವಿಚೇತನ್

ವಿಭಿನ್ನ ಪಾತ್ರಗಳ ಮೂಲಕ ಗುರುತಿಸಿಕೊಂಡಿರುವ ರವಿ ಚೇತನ್, ನೂರು ಚಿತ್ರಗಳನ್ನು ಪೂರೈಸುತ್ತಿದ್ದಾರೆ. ಸುದೀಪ್ ಅಭಿನಯದ ಕೋಟಿಗೊಬ್ಬ -2 ರವಿಚೇತನ್ ಅವರ ನೂರನೇ ಸಿನಿಮಾ. ವಿಷ್ಣುವರ್ಧನ್ ಅವರ ಕೋಟಿಗೊಬ್ಬ ಸಿನಿಮಾದ ಮೂಲಕ ಸಿನಿಮಾ ರಂಗಕ್ಕೆ ಪರಿಚಯವಾದ ಇವರು, ಅದೇ ಹೆಸರಿನ ಸಿನಿಮಾದ ಮೂಲಕ ಶತಕ ಸಿಡಿಸಿದ್ದಾರೆ.

ಪೊಲೀಸ್ ಆಫೀಸರ್, ಖಳ ನಟ, ಸಂತ ಲಾರೆನ್ಸ್, ಮಂಗಳ ಮುಖಿ ಹೀಗೆ ನಾನಾ ವೇಷಗಳಲ್ಲಿ ಕಾಣಿಸಿಕೊಂಡಿರುವ ರವಿ ಚೇತನ್, ಈಗ ಮತ್ತೊಂದು ಸಾಹಸಕ್ಕೂ ಕೈ ಹಾಕಿದ್ದಾರೆ. ಮೀಟ್ ಅಂಡ್ ಈಟ್ ಹೆಸರಿನ ರೆಸ್ಟೋರೆಂಟ್ ಪ್ರಾರಂಭಿಸಿದ್ದಾರೆ. ಸಿನಿಮಾ ಮತ್ತು ಹೊಟೇಲ್ ಎರಡನ್ನೂ ಒಟ್ಟಿಗೆ ನಿಭಾಯಿಸುವುದಾಗಿ ಹೇಳಿದ್ದಾರೆ. ಜತೆಗೆ ಒಳ್ಳೊಳ್ಳೆ ಪಾತ್ರಗಳು ಬಂದಾಗ ಖಂಡಿತಾ ನಟಿಸುತ್ತೇನೆ ಅಂತಾರೆ.

ವಿಷ್ಣುವರ್ಧನ್, ಶಿವರಾಜ್ ಕುಮಾರ್, ಸುದೀಪ್ ಹೀಗೆ ಸಾಕಷ್ಟು ಸ್ಟಾರ್ ನಟರ ಜತೆ ಗುರುತಿಸಿಕೊಂಡಿರುವ ರವಿ ಚೇತನ್ ಸಿಲಿಬ್ರೆಟಿ ಕ್ರಿಕೆಟ್ ಲೀಗ್‌ನ ಸದಸ್ಯ ಕೂಡ.