ಎಸ್‌ಬಿಐ ಪಿಒ ಪ್ರಿಲಿಮ್ಸ್‌ ರಿಸಲ್ಟ್‌ ಪ್ರಕಟ: ಚೆಕ್‌ ಮಾಡಲು, ಲಿಂಕ್, ವಿಧಾನ ಇಲ್ಲಿದೆ

ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾವು ನವೆಂಬರ್ 21 ರಂದು ಪ್ರೊಬೇಷನರಿ ಆಫೀಸರ್‌ ಹುದ್ದೆಗಳ ಪೂರ್ವಭಾವಿ ಪರೀಕ್ಷೆಯ ರಿಸಲ್ಟ್‌ ಅನ್ನು ಬಿಡುಗಡೆ ಮಾಡಿದೆ. ಈ ಪರೀಕ್ಷೆಯಲ್ಲಿ ಅರ್ಹತೆ ಪಡೆದವರು ಮೇನ್ಸ್‌ ಪರೀಕ್ಷೆಗೆ ಹಾಜರಾಗಬೇಕಿರುತ್ತದೆ. ಎಸ್‌ಬಿಐ ಪಿಒ ಪ್ರಿಲಿಮ್ಸ್‌ ಪರೀಕ್ಷೆಯನ್ನು ನವೆಂಬರ್ 1, 4, 6 ರಂದು ನಡೆಸಲಾಗಿತ್ತು. ಈ ಪರೀಕ್ಷೆ ಬರೆದವರು ತಮ್ಮ ಫಲಿತಾಂಶವನ್ನು ಕೆಳಗಿನ ಲಿಂಕ್‌ ಅನ್ನು ಕ್ಲಿಕ್ ಮಾಡಿ ಚೆಕ್‌ ಮಾಡಿಕೊಳ್ಳಬಹುದು.

SBI PO Prelims Result 2023

SBI PO ಪ್ರಿಲಿಮ್ಸ್‌ ಫಲಿತಾಂಶ ಚೆಕ್‌ ಮಾಡುವುದು ಹೇಗೆ?
- ಎಸ್‌ಬಿಐ ಅಧಿಕೃತ ವೆಬ್‌ಸೈಟ್ sbi.co.in ಗೆ ಲಾಗಿನ್‌ ಆಗಿ.
- 'Careers' ಸೆಕ್ಷನ್‌ ಮೇಲೆ ಕ್ಲಿಕ್ ಮಾಡಿ.
- 'SBI PO 2023' ಫಲಿತಾಂಶಕ್ಕೆ ಸಂಬಂಧಿಸಿದ ಲಿಂಕ್‌ ಮೇಲೆ ಕ್ಲಿಕ್ ಮಾಡಿ
- ಫಲಿತಾಂಶ ಪೇಜ್‌ ಓಪನ್‌ ಆಗುತ್ತದೆ. ರಿಜಿಸ್ಟರ್‌ ನಂಬರ್ ಪ್ರಕಾರ ಮೇನ್ಸ್‌ಗೆ ಅರ್ಹತೆ ಪಡೆದ ಬಗ್ಗೆ ಪರಿಶೀಲಿಸಿಕೊಳ್ಳಿ.

SBI ನಿಂದ ಮತ್ತೊಂದು ಅಧಿಸೂಚನೆ: ಡಿಗ್ರಿ ಪಾಸಾದವರಿಗೆ 5280 ಸಿಬಿಒ ಹುದ್ದೆಗಳು

ಭಾರತೀಯ ಸ್ಟೇಟ್‌ ಬ್ಯಾಂಕ್ 2000 ಪ್ರೊಬೇಷನರಿ ಆಫೀಸರ್ ಹುದ್ದೆಗಳ ಭರ್ತಿಗೆ ಈ ನೇಮಕಾತಿ ಪ್ರಕ್ರಿಯೆ ನಡೆಸುತ್ತಿದೆ. ಮೇನ್ಸ್‌ ಪರೀಕ್ಷೆ ದಿನಾಂಕವನ್ನು ಶೀಘ್ರದಲ್ಲಿಯೇ ಪ್ರಕಟಿಸಲಿದೆ. ಅರ್ಹರು ಮೇನ್ಸ್‌ ಪರೀಕ್ಷೆಗೆ ಅಣಕು ಪರೀಕ್ಷೆ, ಇತರೆ ತಯಾರಿಯನ್ನು ನೆಡೆಸಿಕೊಳ್ಳಿ.

SBI ನಿಂದ 8283 ಜೂನಿಯರ್ ಅಸೋಸಿಯೇಟ್ ನೇಮಕ: ಆಯ್ಕೆ ಪ್ರಕ್ರಿಯೆಯ ಸಂಪೂರ್ಣ ಮಾಹಿತಿ ಇಲ್ಲಿದೆ..

ಮುಖ್ಯ ಪರೀಕ್ಷೆ ( Phase-II)
ಎಸ್‌ಬಿಐ ಪಿಒ ಮುಖ್ಯ ಪರೀಕ್ಷೆಯು ಆನ್‌ಲೈನ್‌ ಮೂಲಕ ನಡೆಯಲಿದೆ. 200 ಅಂಕಗಳಿಗೆ ಆಬ್ಜೆಕ್ಟಿವ್ ಟೆಸ್ಟ್‌, 50 ಅಂಕಗಳಿಗೆ ವಿವರಣಾತ್ಮಕ ಪರೀಕ್ಷೆ ಇರುತ್ತದೆ. ವಿವರಣಾತ್ಮಕ ಉತ್ತರವನ್ನು ಕಂಪ್ಯೂಟರ್‌ನಲ್ಲೇ ಟೈಪಿಸಬೇಕಿರುತ್ತದೆ.
ಮುಖ್ಯ ಪರೀಕ್ಷೆ 3 ಗಂಟೆಗಳ ಕಾಲ ಇರುತ್ತದೆ. 4 ಸೆಕ್ಷನ್‌ ಪ್ರಶ್ನೆಗಳು ಇರುತ್ತವೆ.
ರೀಸನಿಂಗ್ ಮತ್ತು ಕಂಪ್ಯೂಟರ್ ಆಪ್ಟಿಟ್ಯೂಡ್ - 45 ಪ್ರಶ್ನೆ (60 ಗರಿಷ್ಠ ಅಂಕ)
ಡಾಟಾ ಅನಾಲಿಸಿಸ್ ಮತ್ತು ಇಂಟರ್‌ಪ್ರೆಟೇಶನ್‌ - 35 ಪ್ರಶ್ನೆ ( 60 ಗರಿಷ್ಠ ಅಂಕ)
ಜೆನೆರಲ್ /ಎಕಾನಮಿ/ ಬ್ಯಾಂಕಿಂಗ್ ಅವಾರ್ನೆಸ್ - 40 ಪ್ರಶ್ನೆ ( 40 ಗರಿಷ್ಠ ಅಂಕಗಳು)
ಇಂಗ್ಲಿಷ್ ಭಾಷೆ - 35 ಪ್ರಶ್ನೆ ( 40 ಗರಿಷ್ಠ ಅಂಕಗಳು)
ಒಟ್ಟು 155 ಪ್ರಶ್ನೆಗಳನ್ನು ಕೇಳಲಾಗುತ್ತದೆ.

ವಿವರಣಾತ್ಮಕ ಪರೀಕ್ಷೆ
50 ಅಂಕಗಳಿಗೆ 30 ನಿಮಿಷ ವಿವರಣಾತ್ಮಕ ಪರೀಕ್ಷೆ ಇರುತ್ತದೆ. ಇದು ಇಂಗ್ಲಿಷ್ ಭಾಷೆಗೆ ಸಂಬಂಧಿಸಿದ ಪರೀಕ್ಷೆ ಆಗಿದ್ದು, ಲೆಟರ್ ರೈಟಿಂಗ್ ಮತ್ತು ಪ್ರಬಂಧ ಬರೆಯುವುದಾಗಿರುತ್ತದೆ.

ಪ್ರಿಲಿಮ್ಸ್‌ ಪರೀಕ್ಷೆ ಮತ್ತು ಮುಖ್ಯ ಪರೀಕ್ಷೆಯಲ್ಲಿ ಪ್ರತಿ ತಪ್ಪು ಉತ್ತರಕ್ಕೆ ನೆಗೆಟಿವ್ ಅಂಕ ಇರಲಿದ್ದು, ಪ್ರತಿ ತಪ್ಪು ಉತ್ತರಕ್ಕೆ 0.25 ಅಂಕಗಳನ್ನು ನೆಗೆಟಿವ್ ಅಂಕಗಳನ್ನು ನೀಡಲಾಗುತ್ತದೆ. ಸರಿಯಾಗಿ ಉತ್ತರ ತಿಳಿಯದೇ ಉತ್ತರ ಖಾಲಿ ಬಿಟ್ಟಲ್ಲಿ ಪೆನಾಲ್ಟಿ ಇರುವುದಿಲ್ಲ.

ಸಂದರ್ಶನ ಪರೀಕ್ಷೆಗೆ ಆಯ್ಕೆ ಹೇಗೆ?
ಮುಖ್ಯ ಪರೀಕ್ಷೆ ಬರೆದ ಅಭ್ಯರ್ಥಿಗಳನ್ನು ವರ್ಗಾವಾರು ಗರಿಷ್ಠ ಅಂಕ ಪಡೆದವರನ್ನು ಹುದ್ದೆಗಳ ಸಂಖ್ಯೆಗೆ ಅನುಗುಣವಾಗಿ 1:3 ಅನುಪಾತದಲ್ಲಿ ಸಂದರ್ಶನ ಪರೀಕ್ಷೆಗೆ ಆಯ್ಕೆ ಮಾಡಲಾಗುತ್ತದೆ. ಯಾವುದೇ ರೀತಿಯ ಕಟ್‌ಆಫ್‌ ಅಂಕ ನಿಗಧಿ ಇರುವುದಿಲ್ಲ.

ಸಂದರ್ಶನ ಪರೀಕ್ಷೆ
ಸಂದರ್ಶನ ಪರೀಕ್ಷೆಯನ್ನು 50 ಅಂಕಗಳಿಗೆ ನಡೆಸಲಾಗುತ್ತದೆ. 30 ಅಂಕಗಳಿಗೆ ಸಂದರ್ಶನ ಮತ್ತು 20 ಅಂಕಗಳಿಗೆ ಗುಂಪು ಚರ್ಚೆ ಅಥವಾ 50 ಅಂಕಗಳಿಗೆ ಸಂದರ್ಶನ ನಡೆಸುವ ಸಾಧ್ಯತೆ ಇರುತ್ತದೆ.

ಸಂದರ್ಶನ ಪರೀಕ್ಷೆಯಲ್ಲಿ ಕನಿಷ್ಠ ಅಂಕಗಳನ್ನು ಅಭ್ಯರ್ಥಿಗಳು ಗಳಿಸಬೇಕು. ಇಲ್ಲವಾದಲ್ಲಿ ಅಂತಿಮ ಆಯ್ಕೆಪಟ್ಟಿಗೆ ಸೆಲೆಕ್ಟ್‌ ಮಾಡುವ ಅವಕಾಶ ಇರುವುದಿಲ್ಲ.