ಹೀಗಾಗಿ ಪಾದದ ತುರಿಕೆಯನ್ನು ನಿರ್ಲಕ್ಷ ಮಾಡುವುದು ಸರಿಯಲ್ಲ. ಹಾಗಾದರೆ ಯಾವೆಲ್ಲಾ ಕಾರಣಗಳಿಂದ ಪಾದದ ತುರಿಕೆ ಉಂಟಾಗುತ್ತದೆ, ಆಯುರ್ವೇದ ವಿಧಾನದಿಂದ ಅದನ್ನು ಹೇಗೆ ಪರಿಹರಿಸಬಹುದು ಎನ್ನುವ ಬಗ್ಗೆ ಆಯುರ್ವೇದ ವೈದ್ಯರಾದ ಡಾ. ಶರದ್‌ ಕುಲಕರ್ಣಿ ಮಾಹಿತಿ ನೀಡಿದ್ದಾರೆ ಇಲ್ಲಿದೆ ನೋಡಿ.
ಪಾದದ ತುರಿಕೆಗೆ ಕಾರಣಗಳು
- ಚರ್ಮದ ಅಲರ್ಜಿ ಅಥವಾ ಒಣ ಚರ್ಮವಿದ್ದರೆ
- ಸೋರಿಯಾಸಿಸ್‌ ಕಾಯಿಲೆ ಇದ್ದರೆ
- ಫಂಗಲ್‌ ಇನ್ಪೆಕ್ಷನ್‌ ಉಂಟಾದರೆ
- ಮಧುಮೇಹ ಇದ್ದವರಿಗೂ ಕೂಡ ಪಾದದ ತುರಿಕೆ ಕಾಣಿಸಿಕೊಳ್ಳಬಹುದು
ಪಾದ ಅಭ್ಯಂಗ
ಪಾದಗಳ ಆರೈಕೆಗೆ ಆಯುರ್ವೇದದಲ್ಲಿ ಇರುವ ಉತ್ತಮ ವಿಧಾನ ಎಂದರೆ ಅದು ಪಾದ ಅಭ್ಯಂಗ.
ಪಾದಗಳ ಮೇಲೆ ಉಗುರು ಬೆಚ್ಚಗಿನ ಎಣ್ಣೆಯನ್ನು ಹಚ್ಚಿ ಚೆನ್ನಾಗಿ ಮಸಾಜ್‌ ಮಾಡಿ, ನಂತರ ಒಂದು ಬಕೇಟ್‌ಗೆ ಬಿಸಿ ನೀರು ಹಾಕಿ ಉಪ್ಪು ಮತ್ತು ಅರಿಶಿನ ಪುಡಿಯನ್ನು ಹಾಕಿ ಕಾಲನ್ನು ಅದರಲ್ಲಿ ಇರಿಸಿಕೊಳ್ಳುವುದರಿಂದ ಪಾದದ ತುರಿಕೆಯನ್ನು ಕಡಿಮೆ ಮಾಡಬಹುದಾಗಿದೆ.
ಪಾದಗಳ ಆರೈಕೆ
ಪಾದಗಳ ಶುಚಿತ್ವದ ಬಗ್ಗೆ ಆದಷ್ಟು ಗಮನಹರಿಸುವುದು ಮುಖ್ಯ. ಜೊತೆಗೆ ಚರ್ಮದ ಮೇಲಿನ ಸತ್ತ ಜೀವಕೋಶಗಳನ್ನು ನೈಸರ್ಗಿಕ ವಿಧಾನಗಳಿಂದ ತಗೆದು ಹಾಕಿದರೆ ಪಾದಗಳಲ್ಲಿ ತುರಿಕೆಯಾಗುವುದನ್ನು ತಡೆಯಬಹುದಾಗಿದೆ.
ಉದಾಹರಣೆಗೆ ಪೆಡಿಕ್ಯೂರ್‌ ಮಾಡಿಸುವುದು, ವಾರದಲ್ಲಿ ಒಂದು ದಿನವಾದರೂ ಕಲ್ಲಪ್ಪು ಬೆರೆಸಿದ ನೀರಿನಲ್ಲಿ ಕಾಲನ್ನು ನೆನೆಸುವುದರಿಂದ ಚರ್ಮದ ಆರೈಕೆಯನ್ನು ಮಾಡಬಹುದಾಗಿದೆ.
ಇದನ್ನೂ ಓದಿ: ಸಂಧಿವಾತದಿಂದ ಬಳಲುತ್ತಿದ್ದೀರಾ? ಆಯುರ್ವೇದ ವೈದ್ಯರ ಪರಿಹಾರ ಇಲ್ಲಿದೆ ನೋಡಿ
ಫಂಗಲ್‌ ಇನ್ಫೆಕ್ಷನ್‌ ಆಗದಂತೆ ನೋಡಿಕೊಳ್ಳಿ
ಹೆಚ್ಚು ನೀರಿನಲ್ಲಿ ಕಾಲನ್ನು ನೆನೆಸಬೇಡಿ. ಕಾಲನ್ನು ತೊಳೆದ ನಂತರ ಒಣ ಬಟ್ಟೆಯಲ್ಲಿ ಒರೆಸಿಕೊಳ್ಳಿ. ಬೆರಳುಗಳ ಮಧ್ಯೆ ಫಂಗಲ್‌ ಇನ್ಫೆಕ್ಷನ್‌ ಆಗದಂತೆ ನೋಡಿಕೊಳ್ಳಿ.
ಜೊತೆಗೆ ಚರ್ಮ ಡ್ರೈ ಆಗದಂತೆಯೂ ನೋಡಿಕೊಳ್ಳಿ. ಚರ್ಮವನ್ನು ಮಾಶ್ಚರೈಸ್‌ ಆಗಿರುವಂತೆ ಮಾಡಲು ಎಣ್ಣೆಯನ್ನು ಹಚ್ಚುತ್ತಿರಿ. ಅಥವಾ ಆಲೋವೆರಾ ಜೆಲ್‌ಗಳನ್ನು ಬಳಸಬಹುದು.
ಬೇವಿನ ಎಲೆಯ ಬಳಕೆ
ಬ್ಯಾಕ್ಟೀರಿಯಾಗಳನ್ನು ನಿವಾರಿಸುವ ಗುಣವನ್ನು ಹೊಂದಿರುವ ಬೇವಿನ ಎಲೆಗಳು ತುರಿಕೆ, ಹುಳುಕಡ್ಡಿಯಂತಹ ಸಮಸ್ಯೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಹೀಗಾಗಿ ಪಾದಗಳ ತುರಿಕೆಯಾದಾಗ, ಫಂಗಲ್‌ ಇನ್ಫೆಕ್ಷನ್‌ ಆದಾಗ ಬೇವಿನ ಎಲೆಯ ಪೇಸ್ಟ್‌ನ್ನು ತಯಾರಿಸಿ ಹಚ್ಚಿ. ಇದರಿಂದ ತುರಿಕೆ ಬೇಗನೆ ಕಡಿಮೆಯಾಗುತ್ತದೆ.
ಇದನ್ನೂ ಓದಿ: ಮಹಿಳೆಯರಲ್ಲಿ ಮಾತ್ರವಲ್ಲ ಪುರುಷರಲ್ಲೂ ಕಾಡುತ್ತೆ ಸ್ತನ ಕ್ಯಾನ್ಸರ್‌, ಇಲ್ಲಿದೆ ನೋಡಿ ಮಾಹಿತಿ
ಕೊಬ್ಬರಿ ಎಣ್ಣೆಯ ಬಳಕೆ
ಚರ್ಮವನ್ನು ಎಲ್ಲಾ ರೀತಿಯಲ್ಲಿ ರಕ್ಷಿಸಲು ಕೊಬ್ಬರಿ ಎಣ್ಣೆ ಸಹಾಯಕವಾಗಿದೆ. ಹೀಗಾಗಿ ಪಾದದ ತುರಿಕೆಯನ್ನು ಕಡಿಮೆ ಮಾಡಲು ಕೊಬ್ಬರಿ ಎಣ್ಣೆಯನ್ನು ಬಿಸಿ ಮಾಡಿ ಅದಕ್ಕೆ ತುಸು ಅರಿಶಿನ ಸೇರಿಸಿ ರಾತ್ರಿ ಮಲಗುವಾಗ ಪಾದಗಳಿಗೆ ಹಚ್ಚಿಕೊಂಡು ಮಲಗಿ.
ಅರಿಶಿನದಲ್ಲಿನ ಬ್ಯಾಕ್ಟೀರಿಯಾ ವಿರೋಧಿ ಗುಣ ತುರಿಕೆಯನ್ನು ನಿವಾರಿಸುತ್ತದೆ. ಇದು ಹಿಮ್ಮಡಿ ಒಡೆಯುವುದಕ್ಕೂ ಕೂಡ ಉತ್ತಮ ಮನೆಮದ್ದಾಗಿದೆ.
ಇದನ್ನೂ ಓದಿ: ಮಣ್ಣಿನ ಪಾತ್ರೆಯಲ್ಲಿನ ನೀರನ್ನು ಕುಡಿದು ನೋಡಿ, ಆರೋಗ್ಯಕ್ಕೆ ಇಷ್ಟೆಲ್ಲಾ ಲಾಭಗಳನ್ನು ಪಡೆಯಬಹುದು
ತ್ರಿಫಲ ಪುಡಿ
ಕೆಲವೊಮ್ಮೆ ಚರ್ಮದ ಕಾಯಿಲೆ, ಮಧುಮೇಹ, ಸೋರಿಯಾಸಿಸ್‌ನಿಂದಲೂ ಪಾದದ ತುರಿಕೆ ಉಂಟಾಗುತ್ತದೆ. ಅಂತಹ ಸಂದರ್ಭಗಳಲ್ಲಿ ಅವಶ್ಯವಾಗಿ ವೈದ್ಯರನ್ನು ಸಂಪರ್ಕಿಸಿ ಚಿಕಿತ್ಸೆ ಪಡೆಯಬೇಕು.
ಅಂತಹವರು ತ್ರಿಫಲ ಪುಡಿಯನ್ನು ಬಿಸಿ ನೀರಿನಲ್ಲಿ ಬೆರೆಸಿ ಪೇಸ್ಟ್‌ ಮಾಡಿ ಪಾದಗಳಿಗೆ ಹಚ್ಚಬಹುದು. ಹಾಗಲಕಾಯಿ ಸೇವನೆ ಕೂಡ ತುರಿಕೆಯ ನಿವಾರಣೆ ಮಾಡುತ್ತದೆ. ಹೀಗಾಗಿ ಯಾವ ಕಾರಣದಿಂದ ಪಾದದ ಮೇಲೆ ತುರಿಕೆ ಕಾಣಿಸಿಕೊಳ್ಳುತ್ತಿದೆ ಎನ್ನುವುದನ್ನು ತಿಳಿದುಕೊಳ್ಳುವುದು ಉತ್ತಮ ಎಂದು ಸಲಹೆ ನೀಡುತ್ತಾರೆ ಡಾ. ಶರದ್‌.
Dr. Sharad Kulkarni
BAMS, MS
Jeevottama Health - Ayurveda Clinic, Bengaluru
ಇದನ್ನೂ ಓದಿ: ಎಷ್ಟು ದಿನಗಳಿಗೊಮ್ಮೆ ಹಲ್ಲುಜ್ಜುವ ಬ್ರಷ್‌ನ್ನು ಬದಲಾಯಿಸಬೇಕು ಗೊತ್ತಾ?