ಬಿಪಿ ಶುಗರ್ ಕಾಯಿಲೆ ಇದ್ದವರು ಬ್ರೇಕ್‌ಫಾಸ್ಟ್‌ಗೆ ಏನು ತಿನ್ನಬೇಕು? ಇಲ್ಲಿದೆ ಡಿಟೆಲ್ಸ್

• ಬೆಳಗಿನ ಉಪಹಾರ ದಿನದ ಮೊದಲನೆಯ ಆಹಾರ ಆಗಿರುವುದರಿಂದ, ಯಾವುದೇ ಕಾರಣಕ್ಕೂ ಕೂಡ ಎಣ್ಣೆ ಅಂಶ ಹಾಗೂ ಹೆಚ್ಚಿನ ಪ್ರಮಾಣದ ಕ್ಯಾಲೋರಿ ಅಂಶ ಗಳು ಇರುವ ಆಹಾರಗಳನ್ನು ಸೇವನೆ ಮಾಡಬಾರದು.
• ಪ್ರಮುಖವಾಗಿ, ಅಧಿಕ ಪ್ರಮಾಣದಲ್ಲಿ ಪ್ರೋಟೀನ್ ಅಂಶ ಹಾಗೂ ಪೌಷ್ಟಿಕ ಸತ್ವಗಳನ್ನು ಒಳಗೊಂಡಿರುವ ಆಹಾರ ಗಳನ್ನು ಸೇವನೆ ಮಾಡಬೇಕು.
• ಅಲ್ಲದೆ ಈ ಎರಡೂ ಕಾಯಿಲೆ ಇದ್ದವರು, ಉಪ್ಪು ಸಕ್ಕರೆ, ಖಾರ ಪದಾರ್ಥಗಳು ಹಾಗೂ ಎಣ್ಣೆಯಾಂಶ ಹೆಚ್ಚಿರುವ ಆಹಾರಗಳಿಂದ ದೂರವಿರಬೇಕು.

• ಸಿರಿ ಧಾನ್ಯಗಳನ್ನು ತಮ್ಮ ಆಹಾರ ಪದ್ಧತಿಯಲ್ಲಿ ಸೇರಿಸಿ ಕೊಂಡರೆ ಬಹಳ ಒಳ್ಳೆಯದು. ಉದಾಹರಣೆಗೆ (ಸಾಮೆ, ಸಜ್ಜೆ, ನವಣೆ) ಇತ್ಯಾದಿ. ಇವುಗಳಲ್ಲಿ ಅಧಿಕ ಪ್ರಮಾಣ ದಲ್ಲಿ ಪ್ರೋಟೀನ್, ವಿಟಮಿನ್ಸ್, ನಾರಿನಾಂಶ ಹಾಗೂ ಇತರ ಪೌಷ್ಟಿಕ ಸತ್ವಗಳು ಸಾಕಷ್ಟು ಪ್ರಮಾಣದಲ್ಲಿ ಇದರಲ್ಲಿ ಕಂಡು ಬರುತ್ತದೆ.
• ಯಾಕೆಂದರೆ ಇದರಲ್ಲಿ ಕಂಡು ಬರುವ ಕಡಿಮೆ ಗ್ಲೈಸೆ ಮಿಕ್ ಸೂಚ್ಯಂಕವು ರಕ್ತದಲ್ಲಿ ಸಕ್ಕರೆ ಪ್ರಮಾಣ ಹೆಚ್ಚಾಗ ದಂತೆ ನೋಡಿಕೊಂಡು, ಸಕ್ಕರೆಕಾಯಿಲೆಯನ್ನು ಕಂಟ್ರೋಲ್ ಮಾಡುತ್ತದೆ ಅಷ್ಟೇ ಅಲ್ಲದೆ ಇದರಲ್ಲಿ ಕಂಡು ಬರುವ ಇತರ ಪೌಷ್ಟಿಕ ಸತ್ವಗಳು, ರಕ್ತದೊತ್ತಡ ವನ್ನು ಕೂಡ ನಿಯಂತ್ರಣದಲ್ಲಿಡಲು ನೆರವಾಗುತ್ತದೆ. ​

• ಓಟ್ಸ್ ನಲ್ಲಿ ಸಿಗುವ ಬೀಟಾ ಗ್ಲುಕಾನ್ ಫೈಬರ್, ರಕ್ತದ ಸಕ್ಕರೆಯ ಮಟ್ಟವನ್ನು ಸ್ಥಿರವಾಗಿಡಲು ಸಹಾಯ ಮಾಡುತ್ತದೆ. ಹೀಗಾಗಿ ಟೈಪ್ 2 ಮಧುಮೇಹ ಕಾಯಿಲೆ ಯಿಂದ ಬಳಲುತ್ತಿರುವವರು ನಿಸ್ಸಂದೇಹವಾಗಿ ಓಟ್‌ಮಿಲ್ ಅನ್ನು ಬ್ರೇಕ್ ಫಾಸ್ಟ್‌ಗೆ ಸೇವಿಸಬಹುದು.
• ಅಲ್ಲದೆ ಓಟ್ಸ್ ನಲ್ಲಿರುವ ಅಧಿಕ ಪ್ರಮಾಣದ ಫೈಬರ್ ಅಂಶ ಅಧಿಕ ರಕ್ತದೊತ್ತಡದ ಸಮಸ್ಯೆಯನ್ನು ನಿಯಂತ್ರ ಣದಲ್ಲಿಡಲು ನೆರವಾಗುತ್ತದೆ.
• ನೆನಪಿಡಿ: ನೀರು ಅಥವಾ ಕಡಿಮೆ-ಕೊಬ್ಬಿನಾಂಶ ಇರುವ ಹಾಲಿನೊಂದಿಗೆ ಇದನ್ನು ತಯಾರಿಸಿ ಹಾಗೂ ತಾಜಾ ಹಣ್ಣುಗಳನ್ನು ಸೇರಿಸುವ ಮೂಲಕ, ಉದಾಹರಣೆಗೆ ಬೆರ್ರಿ ಹಣ್ಣುಗಳು, ಬಾಳೆಹಣ್ಣನ್ನು ಸೇರಿಸುವ ಮೂಲಕ ಸ್ವಾಭಾವಿಕವಾಗಿ ಇದರ ರುಚಿಯನ್ನು ಹೆಚ್ಚಿಸಿ. ಆದರೆ ಯಾವುದೇ ಕಾರಣಕ್ಕೂ ಕೂಡ ಸಕ್ಕರೆಯನ್ನು ಬೆರೆಸಬೇಡಿ

ರಾತ್ರಿ ಇಡೀ ನೆನೆಸಿಟ್ಟ ಓಟ್ಸ್ ತಿನ್ನಿ, ತಿಂಗಳೊಳಗೆ ದೇಹದ ತೂಕ ಇಳಿಸಿ!

• ನಾವು ಪ್ರತಿದಿನ ಸೇವನೆ ಮಾಡುವ ಮೊಸರಿಗಿಂತಲೂ, ಗ್ರೀಕ್ ಯೋಗರ್ಟ್‌ (ಘನೀಕೃತ ಮೊಸರು) ಆರೋಗ್ಯಕ್ಕೆ ಬಹಳ ಒಳ್ಳೆಯದು ಎಂದು ಹೇಳಲಾಗುತ್ತದೆ.
• ಪ್ರಮುಖವಾಗಿ ಇದರಲ್ಲಿ ಪ್ರೋಟೀನ್ ಅಂಶ ಅಧಿಕ ಪ್ರಮಾಣ ದಲ್ಲಿ ಸಿಗುವುದರಿಂದ, ಈ ಎರಡೂ ಕಾಯಿಲೆ ಇದ್ದವರು, ಬೆಳಗಿನ ಬ್ರೇಕ್‌ಫಾಸ್ಟ್‌ಗೆ, ಈ ಮೊಸರನ್ನು ಸೇವನೆ ಮಾಡ ಬಹುದು.
• ಆದರೆ ನೆನಪಿಡಿ, ಜಾಸ್ತಿ ಸಿಹಿಯಾಗಿರುವ ಹಾಗೂ ಸುವಾಸನೆಯ ಪ್ರಬೇಧ ಇರುವ ಗ್ರೀಕ್ ಮೊಸರಿನಿಂದ ದೂರವಿರಿ. ಯಾಕೆಂದ್ರೆ ಇದರಲ್ಲಿ ಸಕ್ಕರೆಯಾಂಶ ಜಾಸ್ತಿ ಪ್ರಮಾಣದಲ್ಲಿ ಇರುವುದರಿಂದ, ಆರೋಗ್ಯಕ್ಕೆ ಸಮಸ್ಯೆ ಕಂಡು ಬರಬಹುದು! ಹೀಗಾಗಿ ಪ್ಲೇನ್ ಆಗಿರುವ ಗ್ರೀಕ್ ಯೋಗರ್ಟ್‌‌ನ್ನು ಸೇವನ ಮಾಡಿ.​

ಮೊಟ್ಟೆಯಲ್ಲಿ ಅಧಿಕ ಪ್ರಮಾಣದಲ್ಲಿ ಪ್ರೋಟೀನ್ ಹಾಗೂ ಆರೋಗ್ಯಕರ ಕೊಬ್ಬಿನಾಂಶ ಕಂಡು ಬರುವುದರಿಂದ ಬೆಳಗಿನ ಬ್ರೇಕ್‌ಫಾಸ್ಟ್‌ಗೆ, ಒಂದೊಂದು ಬೇಯಿಸಿದ ಮೊಟ್ಟೆಯನ್ನು ಸೇವನೆ ಮಾಡಬಹುದು. ಆದರೆ ಮೊಟ್ಟೆಗೆ ಉಪ್ಪು ಅಥವಾ ಮೊಟ್ಟೆಯನ್ನು ಎಣ್ಣೆಯಲ್ಲಿ ಫ್ರೈ ಮಾಡಿ ಸೇವನೆ ಮಾಡಲು ಹೋಗಬೇಡಿ.

ಬೆಳಗ್ಗೆ ಟೈಮಲ್ಲಿ ಒಂದೊಂದು ಮೊಟ್ಟೆ ತಿಂದರೆ ಶುಗರ್ ಬರಲ್ವಂತೆ!!

• ದೈನಂದಿನ ಉಪಹಾರಕ್ಕೆ ಹಸಿ ತರಕಾರಿಗಳ ಸಲಾಡ್ ಹಾಗೂ ನೈಸರ್ಗಿಕವಾಗಿ ಸಿಗುವ ಹಣ್ಣುಗಳನ್ನು ಸೇವನೆ ಮಾಡುವುದರಿಂದ, ರಕ್ತದ ಒತ್ತಡದ ಸಮಸ್ಯೆ ಕಡಿಮೆ ಯಾಗುವುದು ಮಾತ್ರವಲ್ಲದೆ ರಕ್ತದಲ್ಲಿ ಸಕ್ಕರೆ ಅಂಶದ ಪ್ರಮಾಣವು ಕೂಡ ನಿಯಂತ್ರಣದಲ್ಲಿರುವುದು.
• ಇದಕ್ಕೆ ಪ್ರಮುಖ ಕಾರಣ, ಹಣ್ಣು- ತರಕಾರಿಗಳಲ್ಲಿ ಕಂಡು ಬರುವ ವಿವಿಧ ಬಗೆಯ ವಿಟಮಿನ್ಸ್ ಗಳು, ಖನಿಜಾಂಶ ಗಳು ಹಾಗೂ ನಾರಿನಾಂಶಗಳು, ಈ ಕಾಯಿಲೆಯನ್ನು ಹತೋಟಿಯಲ್ಲಿಡಲು ನೆರವಾಗುತ್ತದೆ.

• ಗಿಡಮೂಲಿಕೆಯ ಚಹಾಗಳು ಆರೋಗ್ಯಕ್ಕೆ ಬಹಳ ಒಳ್ಳೆಯದು ಎಂದು ಹಲವಾರು ಬಾರಿ ಸಾಬೀತಾಗಿದೆ.
• ಹೀಗಾಗಿ ಕೆಫಿನ್ ಅಂಶ ಹೆಚ್ಚಿರುವ ಟೀ-ಕಾಫಿ ಕುಡಿಯುವ ಬದಲು, ಪ್ರತಿದಿನ ಉಪಹಾರದ ಜೊತೆಗೆ ಗಿಡಮೂಲಿಕೆ ಚಹಾ ಕುಡಿಯುವುದ ರಿಂದ, ಈ ಎರಡು ಕಾಯಿಲೆ ಯನ್ನು ನಿಯಂತ್ರಣದಲ್ಲಿಡಲು ನೆರವಾಗುತ್ತದೆ.
• ಉದಾಹರಣೆಗೆ -ಗ್ರೀನ್ ಟೀ, ಕ್ಯಾಮೋಮೈಲ್ ಟೀ, ಪುದೀನಾ ಟೀ ಇತ್ಯಾದಿ. ಆದರೆ ಇಂತಹ ಪಾನೀಯಗಳಿಗೆ ತಪ್ಪಿಯೂ ಕೂಡ ಸಕ್ಕರೆ ಬೆರಸಬಾರದು. ಅಷ್ಟೇ ಅಲ್ಲದೆ ಬೆಳಗಿನ ಖಾಲಿ ಹೊಟ್ಟೆಯಲ್ಲಿ ಒಂದೆರಡು ಲೋಟ ನೀರನ್ನು ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ.

ಮಾಹಿತಿ:
Dr. Rajesh Padhi, Associate Clinical Director & HOD, internal medicine, care hospitals Bhubneswar