ಈ ರೀತಿ ಉಸಿರಾಟಕ್ಕೆ ಕಷ್ಟವಾಗುವ ಪರಿಸ್ಥಿತಿಯಲ್ಲಿ ನ್ಯುಮೋನಿಯಾ ಕೂಡ ಸೇರಿದೆ. ಶ್ವಾಸಕೋಶಕ್ಕೆ ಸೋಂಕು ತಗಲುವ ಮೂಲಕ ಉರಿಯೂತ ಉಂಟಾಗುತ್ತದೆ. ಇದನ್ನೇ ನ್ಯುಮೋನಿಯಾ ಎನ್ನುತ್ತೇವೆ.
ನ್ಯುಮೋನಿಯಾ ಯಾರಿಗೆಲ್ಲಾ ಬರಬಹುದು ಸೂಕ್ಷ್ಮ ಲಕ್ಷಣಗಳೇನು ಎನ್ನುವ ಬಗ್ಗೆ ಶ್ವಾಸಕೋಶ ತಜ್ಞರಾದ ಡಾ. ಗಣೇಶ್‌ ಪ್ರತಾಪ್‌ ಮಾಹಿತಿ ನೀಡಿದ್ದಾರೆ ಇಲ್ಲಿದೆ ನೋಡಿ.
ಶ್ವಾಸಕೋಶದ ಸೋಂಕುಗಳೆಂದರೆ
- ವೈರಲ್‌ ಇನ್ಫೆಕ್ಷನ್‌
- ಬ್ಯಾಕ್ಟೀರಿಯಲ್‌ ಇನ್ಫೆಕ್ಷನ್‌
- ಫಂಗಲ್‌ ಇನ್ಫೆಕ್ಷನ್‌
- ಮೈಕ್ರೋಬ್ಯಾಕ್ಟೀರಿಯಲ್‌ ಇನ್ಫೆಕ್ಷನ್‌ (ಟಿಬಿ)
ಇದನ್ನೂ ಓದಿ: ಶ್ವಾಸಕೋಶದಲ್ಲಿನ ಸೋಂಕನ್ನು ನಿವಾರಿಸುತ್ತವೆ ಈ ಆಯುರ್ವೇದ ಮೂಲಿಕೆಗಳು
ಯಾರಿಗೆಲ್ಲಾ ನ್ಯುಮೋನಿಯಾ ಕಾಡುತ್ತೆ?
ಸಾಮಾನ್ಯವಾಗಿ ಮನುಷ್ಯ ಸರಿಸುಮಾರು 10 ಸಾವಿರ ಲೀಗಳಷ್ಟು ಗಾಳಿಯನ್ನು ಸೇವಿಸುತ್ತಾನೆ. ಅದರಲ್ಲಿರುವ ಬ್ಯಾಕ್ಟೀರಿಯಾಗಳು ಉಸಿರಾಟದ ಮೂಲಕ ದೇಹವನ್ನು ಪ್ರವೇಶಿಸುತ್ತವೆ. ಹೀಗಾಗಿ ಹುಟ್ಟಿದ ನವಜಾತ ಶಿಶುಗಳಿಂದ ಹಿಡಿದು ವಯಸ್ಸಾದವರವರೆಗ ಕೂಡ ನ್ಯುಮೋನಿಯಾ ಕಾಡಬಹುದು ಎನ್ನುತ್ತಾರೆ ವೈದ್ಯರು.
- ರೋಗ ನಿರೋಧಕ ಶಕ್ತಿ ಕಡಿಮೆ ಇದ್ದರೆ
- ಮಧುಮೇಹಿಗಳಿಗೆ
- ಕಿಡ್ನಿ ಸಮಸ್ಯೆಗಳಿದ್ದರೆ
- ಬಿಪಿ ಇದ್ದರೆ
- ಕ್ಯಾನ್ಸರ್‌ ಇರುವವರಿಗೆ ನ್ಯುಮೋನಿಯಾ ಹರಡುವ ಸಾಧ್ಯತೆ ಹೆಚ್ಚು
ಸೂಕ್ಷ್ಮ ಲಕ್ಷಣಗಳೆಂದರೆ
- ಕೆಮ್ಮು, ಕಫ ಕಾಣಿಸಿಕೊಳ್ಳುತ್ತದೆ
- ಮುಖ್ಯವಾದ ಅಂಶವೆಂದರೆ ಕಫದ ಬಣ್ಣ ಬೇರೆ ಬೇರೆಯಾಗಿರುತ್ತದೆ. ಅರಿಶಿನ ಕೆಂಪು, ಹಸಿರು, ಕಪ್ಪು ಬಣ್ಣದ ಕಫ ನ್ಯುಮೋನಿಯಾದಲ್ಲಿ ಕಂಡುಬರುತ್ತದೆ.
- ಉಸಿರಾಡಲು ಕಷ್ಟವಾಗುವುದು ಅಥವಾ ಉಬ್ಬಸ ಉಂಟಾಗಬಹುದು
- ಕೆಮ್ಮಿನೊಂದಿಗೆ ಜ್ವರ ಕಾಣಿಸಿಕೊಂಡಾಗ ನ್ಯುಮೋನಿಯಾ ಎಂದು ಪತ್ತೆ ಮಾಡಬಹುದು. ರಕ್ತದ ಪರೀಕ್ಷೆಯ ಮೂಲಕ ನ್ಯುಮೋನಿಯಾವನ್ನು ಖಚಿತಪಡಿಸಬಹುದು.
- ತೂಕ ಇಳಿಕೆ, ಸಂಜೆ ಜ್ವರ ಬಂದರೆ ಟಿಬಿ ಎನ್ನುತ್ತೇವೆ ಎನ್ನುತ್ತಾರೆ ವೈದ್ಯರು.
ಸೋಂಕು ಪತ್ತೆ ಹೇಗೆ
ಇಂದು ವೈದ್ಯಕೀಯ ಲೋಕ ಮುಂದುವರೆದಿದೆ. ಅನೇಕ ತಂತ್ರಜ್ಞಾನಗಳ ಮೂಲಕ ದೇಹದ ಒಳಗೆ ಆದ ಹಾನಿಯನ್ನೂ ಕೂಡ ಪತ್ತೆ ಮಾಡಬಹುದಾಗಿದೆ.
ನ್ಯುಮೋನಿಯಾದಲ್ಲಿಯೂ ಕೂಡ ಯಾವ ರೀತಿಯ ಸೋಂಕಿನಿಂದ ನ್ಯುಮೋನಿಯಾ ಬಂದಿದೆ ಎನ್ನುವುದನ್ನು ಪತ್ತೆ ಮಾಡಿ ಚಿಕಿತ್ಸೆ ನೀಡುವುದು ಬಹಳ ಮುಖ್ಯವಾಗಿರುತ್ತದೆ. ಹೀಗಾಗಿ ಬ್ರಾಂಕೋಸ್ಕೋಪಿ ಎನ್ನುವ ಸ್ಕ್ಯಾನಿಂಗ್‌ ಮಾಡಿ ಮೂಗಿನ ಮೂಲಕ ಕ್ಯಾಮರಾವನ್ನು ಶ್ವಾಸಕೋಶಕ್ಕೆ ಹೋಗುವಂತೆ ಮಾಡಿ, ಕಫದ ಮಾದರಿಯನ್ನು ಸಂಗ್ರಹಿಸಿ ಯಾವ ಸೋಂಕು ತಗುಲಿದೆ ಎನ್ನುವುದನ್ನು ಪತ್ತೆ ಮಾಡಲಾಗುತ್ತದೆ.
ಕೊನೆಯ ಮಾತು
ಒಂದೆರಡು ವಾರಕ್ಕಿಂತ ಹೆಚ್ಚು ದಿನ ಕೆಮ್ಮು, ಜ್ವರ ಕಾಡಿದ್ದರೆ ಅಗತ್ಯವಾಗಿ ವೈದ್ಯರನ್ನು ಕಾಣಬೇಕಾಗುತ್ತದೆ. ಈಗಂತೂ ವಾತಾವರಣದಲ್ಲಿ ಕಲುಷಿತ ಗಾಳಿ ಇರುವುದರಿಂದ ಶ್ವಾಸಕೋಶದ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯವಾಗಿರುತ್ತದೆ.
Dr. Swapna Sawant Kadam
HOD Ayurved at K J Somaiya hospital & Research centre
