ನಮಗೆ ವಯಸ್ಸಾದಂತೆಲ್ಲ ನಮ್ಮ ಆರೋಗ್ಯ ಕ್ಷೀಣಿಸುತ್ತಾ ಹೋಗುತ್ತದೆ. ಏಕೆಂದರೆ ನಮ್ಮ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಕ್ರಮೇಣವಾಗಿ ಕಡಿಮೆಯಾಗುತ್ತದೆ. ಇಂತಹ ಸಂದರ್ಭದಲ್ಲಿ ಬೇರೆ ಬೇರೆ ತರಹದ ಕಾಯಿಲೆಗಳು ನಮ್ಮನ್ನು ಆವರಿಸಿಕೊಳ್ಳುತ್ತವೆ. ಅದರಲ್ಲಿ ಪ್ರಮುಖವಾಗಿ ಇತ್ತೀಚಿನ ದಿನಗಳಲ್ಲಿ ಸಕ್ಕರೆ ಕಾಯಿಲೆ ಮತ್ತು ಬಿಪಿ ಜನರನ್ನು ಹೆಚ್ಚಾಗಿ ಕಾಡುತ್ತಿದೆ.
ಸಕ್ಕರೆ ಕಾಯಿಲೆಯಿಂದ ತೊಂದರೆಗೆ ಒಳಗಾಗಿರುವ ಜನರಿಗೆ ಅವರ ಸಂಪೂರ್ಣ ಜೀವನಶೈಲಿ ಬದಲಾಗಿ ಹೋಗುತ್ತದೆ. ಅದೇ ರೀತಿ ರಕ್ತದ ಒತ್ತಡ ಇರುವವರು ಕೂಡ ಪ್ರತಿದಿನ ಮಾತ್ರೆ ತೆಗೆದುಕೊಳ್ಳಬೇಕು. ಇವುಗಳ ಬಗ್ಗೆ ಮೊದಲೇ ತಿಳಿದುಕೊಂಡರೆ ನಮ್ಮ ದಿನನಿತ್ಯದ ಜೀವನ ಶೈಲಿಯಲ್ಲಿ ಬದಲಾವಣೆಗಳನ್ನು ತಂದುಕೊಂಡು ನಮ್ಮ ಆರೋಗ್ಯವನ್ನು ರಕ್ಷಣೆ ಮಾಡಿಕೊಳ್ಳಬಹುದು. 40ವರ್ಷ ಕಳೆದ ನಂತರದಲ್ಲಿ ಯಾವ ಯಾವ ಪರೀಕ್ಷೆಗಳನ್ನು ಕಡ್ಡಾಯವಾಗಿ ಮಾಡಿಸಬೇಕು ಎಂಬುದನ್ನು ಇಲ್ಲಿ ತಿಳಿಸಿಕೊಡಲಾಗಿದೆ.
ಸಕ್ಕರೆ ಕಾಯಿಲೆಯಿಂದ ತೊಂದರೆಗೆ ಒಳಗಾಗಿರುವ ಜನರಿಗೆ ಅವರ ಸಂಪೂರ್ಣ ಜೀವನಶೈಲಿ ಬದಲಾಗಿ ಹೋಗುತ್ತದೆ. ಅದೇ ರೀತಿ ರಕ್ತದ ಒತ್ತಡ ಇರುವವರು ಕೂಡ ಪ್ರತಿದಿನ ಮಾತ್ರೆ ತೆಗೆದುಕೊಳ್ಳಬೇಕು. ಇವುಗಳ ಬಗ್ಗೆ ಮೊದಲೇ ತಿಳಿದುಕೊಂಡರೆ ನಮ್ಮ ದಿನನಿತ್ಯದ ಜೀವನ ಶೈಲಿಯಲ್ಲಿ ಬದಲಾವಣೆಗಳನ್ನು ತಂದುಕೊಂಡು ನಮ್ಮ ಆರೋಗ್ಯವನ್ನು ರಕ್ಷಣೆ ಮಾಡಿಕೊಳ್ಳಬಹುದು. 40ವರ್ಷ ಕಳೆದ ನಂತರದಲ್ಲಿ ಯಾವ ಯಾವ ಪರೀಕ್ಷೆಗಳನ್ನು ಕಡ್ಡಾಯವಾಗಿ ಮಾಡಿಸಬೇಕು ಎಂಬುದನ್ನು ಇಲ್ಲಿ ತಿಳಿಸಿಕೊಡಲಾಗಿದೆ.
ಅನಿಮಿಯಾ ಪರೀಕ್ಷೆ
- ಕೇವಲ ಕಬ್ಬಿಣದ ಅಂಶದ ಕೊರತೆ ಮಾತ್ರವಲ್ಲದೆ ವಿಟಮಿನ್ ಬಿ12 ಕೊರತೆ ಕಂಡುಬಂದರೂ ಕೂಡ ಅನಿಮಿಯಾ ಎದುರಾಗುತ್ತದೆ.
- ಇಂತಹ ಖನಿಜಾಂಶಗಳು ಮತ್ತು ವಿಟಮಿನ್ ಅಂಶಗಳು ಸಿಗುವುದು ಕಡಿಮೆಯಾದರೆ ಅದು ನಮ್ಮ ರೋಗ ನಿರೋಧಕ ಶಕ್ತಿಯ ಮೇಲೆ ನಕಾರಾತ್ಮಕ ಪ್ರಭಾವ ಬೀರುತ್ತದೆ ಮತ್ತು 40 ವರ್ಷ ಕಳೆದ ನಂತರದಲ್ಲಿ ದೇಹದಲ್ಲಿ ಬದಲಾಗುವ ಹಾರ್ಮೋನ್ ಗಳು ಸಹ ಅನೀಮಿಯ ತೊಂದರೆಯನ್ನು ಹೆಚ್ಚು ಮಾಡುತ್ತವೆ.
- ಈ ಸಂದರ್ಭದಲ್ಲಿ ಮಾಡಿಸುವ ರಕ್ತ ಪರೀಕ್ಷೆ ಸಾಕಷ್ಟು ಸಹಾಯವಾಗುತ್ತದೆ ಮತ್ತು ನಷ್ಟವಾದ ಪೌಷ್ಟಿಕಾಂಶ ಗಳನ್ನು ಪಡೆದುಕೊಳ್ಳಲು ಅನುಕೂಲವಾಗುತ್ತದೆ.
ಸಕ್ಕರೆ ಕಾಯಿಲೆ ಪರೀಕ್ಷೆ
- ಇತ್ತೀಚಿನ ದಿನಗಳಲ್ಲಿ ಜಡ ಜೀವನ ಶೈಲಿ ಹೆಚ್ಚಾಗುತ್ತಿದೆ. ಅನಾರೋಗ್ಯಕರ ಆಹಾರ ಪದ್ಧತಿಯಿಂದ ಜನರು ಟೈಪ್ 2 ಮಧುಮೇಹ ಹೊಂದುತ್ತಿದ್ದಾರೆ.
- ಅದರಲ್ಲೂ 30 ವರ್ಷ ಕಳೆದ ನಂತರವೇ ಈ ಸಮಸ್ಯೆಗೆ ಗುರಿಯಾಗುತ್ತಿದ್ದಾರೆ. ಹೀಗಾಗಿ ಸಕ್ಕರೆ ಕಾಯಿಲೆ ಪರೀಕ್ಷೆ ಮಾಡಿಸಿಕೊಳ್ಳುವುದು ಉತ್ತಮ.
- ವಿಶೇಷವಾಗಿ ಗರ್ಭಿಣಿ ಮಹಿಳೆಯರು ಒಂದು ವೇಳೆ ತಮ್ಮ ಕೌಟುಂಬಿಕ ಹಿನ್ನೆಲೆಯಲ್ಲಿ ಮಧುಮೇಹ ಹೊಂದಿದ್ದರೆ, ದೇಹದ ತೂಕ ಮತ್ತು ಬೊಜ್ಜು ಹೆಚ್ಚಾಗಿದ್ದರೆ ಮಧು ಮೇಹ ಪರೀಕ್ಷೆಯನ್ನು ಕಡ್ಡಾಯವಾಗಿ ಮಾಡಿಸಿ ಕೊಳ್ಳುವುದು ಉತ್ತಮ.
ಥೈರಾಯಿಡ್ ಪರೀಕ್ಷೆ
ಇದ್ದಕ್ಕಿದ್ದಂತೆ ದೇಹದ ತೂಕ ಹೆಚ್ಚಾಗಿದ್ದರೆ, 40 ವರ್ಷ ಕಳೆದ ನಂತರದಲ್ಲಿ ಥೈರೊಯ್ಡ್ ಪರೀಕ್ಷೆ ಕೂಡ ಅವಶ್ಯಕ. ಇದು ಬೇರೆ ಬೇರೆ ಥೈರಾಯ್ಡ್ ಸಮಸ್ಯೆಗಳ ರೋಗ ನಿರ್ಣಯ ಮಾಡಲು ಅನುಕೂಲ ಮಾಡಿಕೊಡುತ್ತದೆ ಮತ್ತು ಥೈರಾಯಿಡ್ ಕ್ಯಾನ್ಸರ್ ಸಹ ಇದರಿಂದ ಗೊತ್ತಾಗುತ್ತದೆ.
ಲೈಂಗಿಕವಾಗಿ ಹರಡುವ ಕಾಯಿಲೆಗಳು
ಒಂದು ವೇಳೆ ಹೆಪಟೈಟಿಸ್ ಬಿ ಅಥವಾ ಸಿ ಅಥವಾ ಎಚ್ಐವಿ ಸಮಸ್ಯೆಯ ಬಗ್ಗೆ ನಿಮಗೆ ಅನುಮಾನವಿದ್ದರೆ 40 ವರ್ಷದ ಆಸುಪಾಸಿನಲ್ಲಿ ಈ ಪರೀಕ್ಷೆಗಳನ್ನು ಸಹ ಮಾಡಿಸಿ. ಇದಕ್ಕೆ ಸರಿಯಾದ ಚಿಕಿತ್ಸೆ ಸಿಗುತ್ತದೆ ಮತ್ತು ರೋಗಲಕ್ಷಣಗಳ ಆಧಾರದ ಮೇಲೆ ವೈದ್ಯರು ರೋಗ ನಿರ್ಣಯ ಮಾಡಿ ಸಮಸ್ಯೆಯನ್ನು ಪತ್ತೆ ಹಚ್ಚುತ್ತಾರೆ.
ಲೈಂಗಿಕವಾಗಿ ಹರಡಬಹುದಾದ ಕಾಯಿಲೆಗಳಿಗೆ ಗಿಡಮೂಲಿಕೆ ಮನೆಮದ್ದುಗಳು
ಸಿ ಬಿ ಸಿ ಪರೀಕ್ಷೆ
- ಇದನ್ನು ಸಂಪೂರ್ಣ ರಕ್ತ ಪರೀಕ್ಷೆ ಎಂದು ಕರೆಯುತ್ತಾರೆ. ಮಲೇರಿಯಾ ಅಥವಾ ಟಿಬಿ ಕಾಯಿಲೆಗಳನ್ನು ಪತ್ತೆ ಹಚ್ಚುವ ಅಥವಾ ವೈರಲ್ ಸೋಂಕುಗಳನ್ನು ಕಂಡುಹಿಡಿಯುವ ಪರೀಕ್ಷೆ ಇದು.
- ಬಹಳ ಕಡಿಮೆ ಹಣಕ್ಕೆ ನೀವು ಈ ಪರೀಕ್ಷೆಯನ್ನು ಮಾಡಿಸ ಬಹುದು. ಹೆಲ್ತ್ ಪ್ಯಾಕೇಜ್ ನಲ್ಲಿ ಕೂಡ ಈ ಪರೀಕ್ಷೆ ಲಭ್ಯವಿದೆ. 40ವರ್ಷದ ನಂತರದಲ್ಲಿ ನೀವು ಒಂದು ವೇಳೆ ಇದ್ದರೆ ವರ್ಷಕ್ಕೊಂದು ಸಾರಿ ಸಿ ಬಿ ಸಿ ಪರೀಕ್ಷೆಯನ್ನು ಮಾಡಿಸಿ.