ಅಷ್ಟು ಸುಲಭವಾಗಿ ಮನುಷ್ಯನನ್ನು ಬಿಟ್ಟು ಹೋಗದ, 5 ವಿಧದ ಕ್ಯಾನ್ಸರ್ ಕಾಯಿಲೆಗಳಿವು!

ಕ್ಯಾನ್ಸರ್ ಕಾಣಿಸಿಕೊಂಡ ವ್ಯಕ್ತಿಗೆ ಸುಸ್ತು ಮತ್ತು ಆಯಾಸ ಹೆಚ್ಚಾಗಿ ಕಾಡುತ್ತದೆ.
ಇದ್ದಕ್ಕಿದ್ದಂತೆ ದೇಹದ ತೂಕ ಕಡಿಮೆಯಾಗುವುದು!
ಮಹಿಳೆಯರಿಗೆ ಮುಟ್ಟಿನ ಸಂದರ್ಭದಲ್ಲಿ ಅತಿಯಾದ ನೋವು ಕಂಡುಬರುವುದು.
ಮಹಿಳೆಯರಿಗೆ ಸ್ತನದಲ್ಲಿ ಬದಲಾವಣೆ, ಮೊಲೆ ತೊಟ್ಟುಗಳಲ್ಲಿ ನೋವು ಕಂಡು ಬರುವುದು, ಸ್ತನದಲ್ಲಿ ಗಡ್ಡೆಗಳು ಕಾಣಿಸಿ ಕೊಳ್ಳುವುದು.
ಚರ್ಮದಲ್ಲಿ ತುರಿಕೆ, ಅಥವಾ ಚರ್ಮದ ಕೆಂಪು ಬಣ್ಣಕ್ಕೆ ತಿರುಗುವುದು.

ದೇಹದಲ್ಲಿ ಇಂತಹ ಲಕ್ಷಣಗಳು ಕಂಡುಬಂದರೆ, ಅದು ಕ್ಯಾನ್ಸರ್‌ ಕಾಯಿಲೆ ಇರಬಹುದು!

• ಆರೋಗ್ಯ ತಜ್ಞರು ಹೇಳುವ ಪ್ರಕಾರ, ಕಿಡ್ನಿ ಕ್ಯಾನ್ಸರ್ ಕಂಡು ಬರುವ ವ್ಯಕ್ತಿಯಲ್ಲಿ ಮೊದಲಿಗೆ ಯಾವುದೇ ರೀತಿಯ ರೋಗ ಲಕ್ಷಣಗಳು ಕಾಣಿಸಿಕೊಳ್ಳುವುದಿಲ್ಲ.
• ಆನಂತರದಲ್ಲಿ ದೇಹದಲ್ಲಿ ತುಂಬಾ ಗಂಭೀರವಾದ ರೋಗ ಲಕ್ಷಣಗಳು ಕಾಣಿಸಿಕೊಳ್ಳಲು ಶುರುವಾಗುತ್ತದೆ. ಕಿಡ್ನಿ ಕ್ಯಾನ್ಸರ್‌ನಲ್ಲಿ ಎರಡು ವಿಧಗಳಿವೆ. ಒಂದು ರೀನಲ್ ಸೆಲ್ ಕ್ಯಾನ್ಸರ್ ಹಾಗೂ ಇನ್ನೊಂದು transitionalಸೆಲ್ ಕ್ಯಾನ್ಸರ್.ಲಕ್ಷಣಗಳು: ಮೂತ್ರ ಮಾಡುವಾಗ ರಕ್ತ ಬರುವುದು ಇಲ್ಲಾಂದ್ರೆ ಮೂತ್ರ ಮಾಡುವಾಗ ನೋವು ಕಾಣಿಸಿಕೊಳ್ಳುವುದು, ಆಗಾಗ ಸೊಂಟ, ಬೆನ್ನು ನೋವು ಬರುವುದು, ಇವೆಲ್ಲವೂ ಕೂಡ ಕಿಡ್ನಿ ಕ್ಯಾನ್ಸರ್‌ನ ಲಕ್ಷಣಗಳು. ​

• ಕರುಳಿನ ಕ್ಯಾನ್ಸರ್ ತುಂಬಾನೇ ಅಪಾಯಕಾರಿ ಎಂದು ಹೇಳಲಾಗುತ್ತದೆ. ಇಂದಿನ ದಿನಗಳಲ್ಲಿ ಯುವ ಜನತೆ ಯರು, ಈ ಕಾಯಿಲೆಗೆ ಗುರಿಯಾಗುತ್ತಿದ್ದಾರೆ ಯಾಕೆ ಈ ಕ್ಯಾನ್ಸರ್ ಕಾಣಿಸಿಕೊಳ್ಳುತ್ತದೆ ಎಂಬುದಕ್ಕೆ, ಸ್ಪಷ್ಟ ಕಾರಣವು ತಿಳಿದು ಬಂದಿಲ್ಲ.
• ಆದರೆ ಕಟ್ಟ ಆಹಾರಪದ್ಧತಿ, ದುರಾಭ್ಯಾಸಗಳು, ಜಡ ಜೀವನಶೈಲಿ, ಇದರಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಹೇಳಲಾಗಿದೆ.
• ತಜ್ಞರು ಹೇಳುವ ಪ್ರಕಾರ, ದೈನಂದಿನ ಆಹಾರ ಪದ್ಧತಿ ಯಲ್ಲಿ ನಾರಿನಾಂಶವು ಕಡಿಮೆ ಇರುವುದು, ಅಧಿಕ ಸಂಸ್ಕರಿತ ಕೊಬ್ಬು ಹಾಗೂ ಕ್ಯಾಲೋರಿ ಅಂಶ ಹೆಚ್ಚಿರುವ ಆಹಾರಗಳು, ಧೂಮ ಪಾನ ಹಾಗೂ ಮದ್ಯಪಾನವು ಕರುಳಿನ ಕ್ಯಾನ್ಸರ್ ನ ಸಮಸ್ಯೆಯನ್ನು ಹೆಚ್ಚಿಸುವುದು.
• ಲಕ್ಷಣಗಳು: ಮಲವಿಸರ್ಜನೆಯಲ್ಲಿ ರಕ್ತ ಕಂಡು ಬರುವುದು, ಭೇದಿ, ಮಲಬದ್ಧತೆ ಪ್ರತಿನಿತ್ಯ ಕಾಣಿಸಿ ಕೊಳ್ಳುವುದು.

ಕರುಳಿನ ಕ್ಯಾನ್ಸರ್ ಬರೋದಿದ್ರೆ ಎರಡು ವರ್ಷ ಮುಂಚೇನೆ ಗೊತ್ತಾಗುತ್ತಂತೆ!

• ಮನುಷ್ಯನಿಗೆ ಶ್ವಾಸಕೋಶದ ಭಾಗದಲ್ಲಿ ಕ್ಯಾನ್ಸರ್ ಜೀವಕೋಶಗಳು ಕಂಡು ಬಂದರೆ ಅದನ್ನು ಶ್ವಾಸ ಕೋಶದ ಕ್ಯಾನ್ಸರ್ ಎಂದು ಕರೆಯಲಾಗುತ್ತದೆ.
• ಪ್ರಮುಖವಾಗಿ ವಿಪರೀತ ಧೂಮಪಾನ ಮಾಡುವವರಲ್ಲಿ ಶೇಕಡ 90% ಶ್ವಾಸಕೋಶದ ಕ್ಯಾನ್ಸರ್ ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ ಎಂದು ತಜ್ಞರು ಹೇಳುತ್ತಾರೆ.
• ಲಕ್ಷಣಗಳು: ಪದೇ ಪದೇ ಕೆಮ್ಮು ಬರುವುದು. ಆ ಬಳಿಕ ಇದ್ದಕ್ಕಿ ದಂತೆ ಜಾಸ್ತಿ ಆಗುವುದು, ಕೆಮ್ಮುವಾಗ ಕಫದ ಜೊತೆಗೆ, ರಕ್ತ ಕಾಣಿಸಿಕೊಳ್ಳುವುದು, ಕೆಲವರಿಗೆ ಕುತ್ತಿಗೆ ಭಾಗದಲ್ಲಿ ಗಂಟು ಕಂಡು ಬರುವುದು.​

ಬೆಳ್ಳಂಬೆಳಗ್ಗೆ ಹೀಗಾದರೆ ಅದು ಶ್ವಾಸಕೋಶದ ಕ್ಯಾನ್ಸರ್ ಇರಬೇಕು ನೋಡಿ!

• ಇಂದಿನ ದಿನಗಳಲ್ಲಿ ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ ಎನ್ನುವುದು ಕಾಮನ್ ಕಾಯಿಲೆ ಆಗಿ ಬಿಟ್ಟಿದೆ. ಆರೋಗ್ಯ ಸಂಸ್ಥೆ ಹೇಳುವ ಪ್ರಕಾರ, ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಪ್ರಕರಣಗಳು ದಿನ ದಿಂದ ದಿನಕ್ಕೆ ಹೆಚ್ಚಾಗುತ್ತಿರುವುದು ನಿಜಕ್ಕೂ ಆತಂಕ ಮೂಡಿಸುತ್ತಿದೆ.
• ಹೀಗಾಗಿ ಆರಂಭದಲ್ಲಿಯೇ ಈ ಕಾಯಿಲೆಯ ರೋಗ ಲಕ್ಷಣಗಳನ್ನು ಪತ್ತೆ ಹಚ್ಚಿ ಸರಿಯಾದ ಚಿಕಿತ್ಸೆ ಪಡೆದು ಕೊಂಡರೆ ಸಾವಿನ ಹಂತಕ್ಕೆ ಹೋಗುವುದರಿಂದ ತಪ್ಪಿಸಿ ಕೊಳ್ಳಬಹುದು ಎಂದು ತಜ್ಞರು ಸಲಹೆ ನೀಡುತ್ತಾರೆ.
• ಲಕ್ಷಣಗಳು: ಸ್ತನಗಳ ಗಾತ್ರದಲ್ಲಿ ಅಥವಾ ಆಕಾರದಲ್ಲಿ ಬದಲಾವಣೆ ಆಗುವುದು, ಮೊಲೆ ತೊಟ್ಟುಗಳಿಂದ ದ್ರವ ವಿಸರ್ಜನೆ ಆಗುವುದು, ದೇಹದ ತೂಕದಿಂದ ಕೂಡ ಸ್ತನದ ಕ್ಯಾನ್ಸರ್ ನ ಅಪಾಯವನ್ನು ಹೆಚ್ಚಿಸುವ ಸಾಧ್ಯತೆ ಇರುತ್ತದೆ.