ಡಾರ್ಕ್ ಸರ್ಕಲ್ ಪರ್ಮನೆಂಟ್ ಆಗಿ ಹೋಗಲು ಸುಲಭವಾದ ಮನೆಮದ್ದುಗಳು

ಕಣ್ಣುಗಳ ಕೆಳಗೆ ಡಾರ್ಕ್ ಸರ್ಕಲ್ ಬಂದರೆ ಎಂಥ ಸುಂದರಿಯರಿಗೂ ಒಂದು ತರಹದ ಕಸಿವಿಸಿ. ಯಾಕೆಂದರೆ ಅದು ಇಡೀ ಮುಖದ ಸೌಂದರ್ಯವನ್ನೇ ಕಸಿದುಕೊಂಡು ಬಿಡುತ್ತದೆ. ಮುಖದಲ್ಲಿ ಒಮ್ಮೆ ಡಾರ್ಕ್ ಸರ್ಕಲ್ ಕಾಣಿಸಿಕೊಂಡರೆ ಸಾಕು ವಯಸ್ಸಾದ ಹಾಗೆ, ಅನಾರೋಗ್ಯಕರವಾಗಿ, ದಣಿವಾಗಿರುವಂತೆ ಕಾಣುತ್ತೇವೆ. ಕೆಲವರಿಗೆ ಇದು ಅನುವಂಶಿಕವಾಗಿಯೂ ಬಂದಿರುತ್ತದೆ. ನೀವು ಈಗಾಗಲೇ ಡಾರ್ಕ್ ಸರ್ಕಲ್ ತೊಲಗಿಸಲು ಎಲ್ಲಾ ತರಹದ ಪ್ರಯೋಗ ಮಾಡಿ ಬೇಸರಗೊಂಡಿದ್ದರೆ, ನಾವಿಲ್ಲಿ ಸುಲಭವಾಗಿ, ಶಾಶ್ವತವಾಗಿ ಡಾರ್ಕ್ ಸರ್ಕಲ್ ತೆಗೆಯುವುದು ಹೇಗೆಂಬ ಮಾಹಿತಿ ನೀಡುತ್ತಿದ್ದೇವೆ, ಅದಕ್ಕೂ ಮುಂಚೆ ಡಾರ್ಕ್ ಸರ್ಕಲ್ ಗೆ ಕಾರಣಗಳೇನು? ಎಂಬುದನ್ನು ನೋಡೋಣ…

ರಾತ್ರಿ ಮಲಗುವ ಮುನ್ನ ಹೀಗೆ ಮಾಡಿದರೆ ಮುಖದ ಅಂದ ಹೆಚ್ಚುತ್ತೆ

ಡಾರ್ಕ್ ಸರ್ಕಲ್‌ ಗೆ ಕಾರಣಗಳು
ಡಾರ್ಕ್ ಸರ್ಕಲ್‌ ಬಂದಾಗ ಇದು ಆಯಾಸದ ಸಂಕೇತವೆಂದು ನೀವು ಸುಮ್ಮನಾಗುತ್ತೀರಿ. ಆದರೆ ಅದು ಬರಲು ಹಲವಾರು ಕಾರಣಗಳಿವೆ. ಅಟೊಪಿಕ್ ಡರ್ಮಟೈಟಿಸ್ (ಎಸ್ಜಿಮಾ), ಕಾಂಟ್ಯಾಕ್ಟ್ ಡರ್ಮಟೈಟಿಸ್, ಜೀನ್ಸ್, ಪಿಗ್ಮೆಂಟೇಶನ್ ಹೆಚ್ಚಾದಾಗ ಡಾರ್ಕ್ ಸರ್ಕಲ್‌ ಬರುವುದು ಸಹಜ. ಆದರೆ ಸಾಮಾನ್ಯ ಕಾರಣಗಳು ಹೀಗಿವೆ ನೋಡಿ…

ನಿದ್ದೆಯ ಅಭಾವ
ಆಯಾಸವಾದರೆ ನಿಮ್ಮ ದೇಹಕ್ಕೆ ಸಾಕಷ್ಟು ವಿಶ್ರಾಂತಿ ಸಿಗುತ್ತಿಲ್ಲ ಎಂದರ್ಥ. ನಿದ್ರೆಯ ಕೊರತೆ ನಿಮ್ಮ ಚರ್ಮವನ್ನು ಮಂದವಾಗಿ, ಮಸುಕಾಗಿ ಪರಿವರ್ತಿಸುತ್ತದೆ. ಅಷ್ಟೇ ಅಲ್ಲ, ಕಣ್ಣಿನ ಕೆಳಗೆ ಡಾರ್ಕ್ ಸರ್ಕಲ್ ಮೂಡಲಾರಂಭಿಸುತ್ತದೆ.

ಅಲರ್ಜಿ
ಅಲರ್ಜಿ ದೇಹದಲ್ಲಿ ತುರಿಕೆ, ಕೆಂಪು, ಉಬ್ಬಿದ ಕಣ್ಣುಗಳು ಮತ್ತು ಡಾರ್ಕ್ ಸರ್ಕಲ್ ಉಂಟುಮಾಡುತ್ತವೆ. ಕೆಲವು ಅಲರ್ಜಿಗಳು ಕಣ್ಣಿನ ಸುತ್ತ ಚರ್ಮವನ್ನು ಉಜ್ಜಲು ಮತ್ತು ಗೀಚಲು ಪ್ರಚೋದನೆ ಉಂಟುಮಾಡಬಹುದು. ಇದು ಉರಿಯೂತಕ್ಕೆ ಕಾರಣವಾಗಬಹುದು.

ವಯಸ್ಸು
ಹೆಚ್ಚಿನ ಸಂದರ್ಭಗಳಲ್ಲಿ ವಯಸ್ಸಾದಂತೆ ಡಾರ್ಕ್ ಸರ್ಕಲ್ ಕಾಣಿಸಿಕೊಳ್ಳುತ್ತದೆ. ವಯಸ್ಸಾದಾಗ ಕಣ್ಣುಗಳ ಸುತ್ತಲಿನ ಚರ್ಮವು ತೆಳುವಾಗಿ, ಕಾಲಜನ್ ಅನ್ನು ಕಳೆದುಕೊಳ್ಳುತ್ತದೆ.

ಎಲೆಕ್ಟ್ರಾನಿಕ್ಸ್ ಬಳಕೆ
ಕಂಪ್ಯೂಟರ್, ಫೋನ್, ಟೆಲಿವಿಷನ್ ಇತ್ಯಾದಿಗಳ ಅತಿಯಾದ ಬಳಕೆಯಿಂದಾಗಿ ನಿಮ್ಮ ಕಣ್ಣುಗಳಿಗೆ ಒತ್ತಡ ಹೆಚ್ಚಿ, ಕಣ್ಣುಗಳ ಸುತ್ತ ಡಾರ್ಕ್ ಸರ್ಕಲ್ ಗೆ ಕಾರಣವಾಗಬಹುದು.

ನಿರ್ಜಲೀಕರಣ
ದೇಹದಲ್ಲಿ ನೀರಿನ ಕೊರತೆಯಾದಾಗ ನಿಮ್ಮ ಚರ್ಮ ಮಸುಕಾಗಿ ಮತ್ತು ಮಂದವಾಗಿ ಕಾಣುವುದರ ಜೊತೆಗೆ ಕಣ್ಣಿನ ಕೆಳಗೆ ಡಾರ್ಕ್ ಸರ್ಕಲ್ ಬರುತ್ತದೆ.

ಡಾರ್ಕ್ ಸರ್ಕಲ್‌ ತೊಲಗಿಸುವ ಮನೆಮದ್ದುಗಳು

ಬಾದಾಮಿ ಎಣ್ಣೆ
ಹತ್ತಿ ತೆಗೆದುಕೊಂಡು ಅದರ ಮೇಲೆ 2-3 ಹನಿ ಸಿಹಿ ಬಾದಾಮಿ ಎಣ್ಣೆಯನ್ನು ಸಿಂಪಡಿಸಿ. ಇದನ್ನು ಡಾರ್ಕ್ ಸರ್ಕಲ್ ಗೆ ಹಚ್ಚಿ ಮಸಾಜ್ ಮಾಡಿ. ರಾತ್ರಿಯಿಡೀ ಬಿಟ್ಟು ಬೆಳಿಗ್ಗೆ ತೊಳೆಯಿರಿ. ಡಾರ್ಕ್ ಸರ್ಕಲ್ ಹೋಗುವವರೆಗೂ ರಾತ್ರಿ ಮಲಗುವ ಮೊದಲು ಹೀಗೆ ಮಾಡಿ.

ಅಲೋವೆರಾ ಜೆಲ್
ಒಂದು ಟೀಚಮಚ ಅಲೋವೆರಾ ಜೆಲ್ ತೆಗೆದುಕೊಂಡು ಅದನ್ನು ಡಾರ್ಕ್ ಸರ್ಕಲ್ ಗೆ ಹಚ್ಚಿ ಮಸಾಜ್ ಮಾಡಿ. ರಾತ್ರಿಯಿಡೀ ಅದನ್ನು ಬಿಟ್ಟು ಬೆಳಗ್ಗೆ ತೊಳೆಯಿರಿ. ಡಾರ್ಕ್ ಸರ್ಕಲ್ ಹೋಗುವವರೆಗೂ ರಾತ್ರಿ ಮಲಗುವ ಮೊದಲು ಹೀಗೆ ಮಾಡಿ.

ಸೌತೆಕಾಯಿ
ಒಂದು ಟೀ ಚಮಚದಷ್ಟು ಸೌತೆಕಾಯಿ ಮತ್ತು ಅಲೋವೆರಾ ಜೆಲ್ ತೆಗೆದುಕೊಂಡು ಪೇಸ್ಟ್ ತಯಾರು ಮಾಡಿ. ಈ ಪೇಸ್ಟ್ ಅನ್ನು ಡಾರ್ಕ್ ಸರ್ಕಲ್ ಗೆ ಹಚ್ಚಿ 15 ನಿಮಿಷಗಳ ಕಾಲ ಬಿಡಿ. ನೀರಿನಿಂದ ತೊಳೆಯಿರಿ. ಪ್ರತಿದಿನ ಹೀಗೆ ಹಚ್ಚಬಹುದು.

ಟೊಮೆಟೊ
ಟೊಮೆಟೊ ಮತ್ತು ನಿಂಬೆ ರಸವನ್ನು ಬೆರೆಸಿ ಪೇಸ್ಟ್ ಮಾಡಿ. ಇದನ್ನು ನಿಮ್ಮ ಕಣ್ಣುಗಳ ಸುತ್ತಲೂ ಹಚ್ಚಿ 20 ನಿಮಿಷಗಳ ಕಾಲ ಬಿಡಿ. ಅದನ್ನು ಚೆನ್ನಾಗಿ ತೊಳೆಯಿರಿ. ಇದನ್ನು ವಾರಕ್ಕೊಮ್ಮೆ ಅಥವಾ ಎರಡು ಬಾರಿ ಮಾಡಿ.

ನಿಂಬೆ ರಸ
ತಾಜಾ ನಿಂಬೆಯ ರಸವನ್ನು ಹೊರತೆಗೆದು ಈ ರಸದಲ್ಲಿ ಹತ್ತಿಯನ್ನು ಅದ್ದಿ ಡಾರ್ಕ್ ಸರ್ಕಲ್ ಗೆ ಹಚ್ಚಿ. 15 ನಿಮಿಷಗಳ ಕಾಲ ಬಿಟ್ಟು ತೊಳೆಯಿರಿ. ವಾರಕ್ಕೆ ಎರಡು ಬಾರಿ 3-4 ವಾರಗಳವರೆಗೆ ಹೀಗೆ ಮಾಡಿ. ಈ ಪರಿಹಾರವನ್ನು ಪ್ರಯತ್ನಿಸುವ ಮೊದಲು ಪ್ಯಾಚ್ ಟೆಸ್ಟ್ ಮಾಡಿ.

ಮೊಸರು
ಎರಡು ಟೀಸ್ಪೂನ್ ಮೊಸರಿಗೆ ಒಂದು ಟೀಚಮಚ ನಿಂಬೆ ರಸವನ್ನು ಸೇರಿಸಿ. ಚೆನ್ನಾಗಿ ಮಿಶ್ರಣ ಮಾಡಿ, ಈ ಪೇಸ್ಟ್ ಅನ್ನು ಡಾರ್ಕ್ ಸರ್ಕಲ್ ಆದ ಜಾಗಕ್ಕೆ ಹಚ್ಚಿ 15-20 ನಿಮಿಷಗಳ ಕಾಲ ಬಿಟ್ಟು ತೊಳೆಯಿರಿ. ವಾರಕ್ಕೆ ಎರಡು ಬಾರಿಯಾದರೂ ಹೀಗೆ ಮಾಡಿ. ಈ ಪರಿಹಾರವನ್ನು ಪ್ರಯತ್ನಿಸುವ ಮೊದಲು ಪ್ಯಾಚ್ ಟೆಸ್ಟ್ ಮಾಡಿ.

ಆಲೂಗಡ್ಡೆ
ಒಂದು ಬಟ್ಟಲಿನಲ್ಲಿ ಸುಮಾರು 1-2 ಚಮಚ ಆಲೂಗೆಡ್ಡೆ ರಸವನ್ನು ಹೊರತೆಗೆಯಿರಿ. ರಸವನ್ನು ಡಾರ್ಕ್ ಸರ್ಕಲ್ ಗೆ ಹಚ್ಚಿ, ಅದು ಒಣಗುವವರೆಗೆ ಬಿಡಿ. ನೀರಿನಿಂದ ತೊಳೆಯಿರಿ. ವಾರದಲ್ಲಿ ಎರಡು ಬಾರಿಯಾದರೂ ಇದನ್ನು ಮಾಡಿ.

ಕೇಸರಿ
3-4 ಎಳೆ ಕೇಸರಿ ತೆಗೆದುಕೊಂಡು ಕಾಲು ಕಪ್ ಹಾಲಿನಲ್ಲಿ ಸುಮಾರು 2 ಗಂಟೆಗಳ ಕಾಲ ನೆನೆಸಿಡಿ. ಹಾಲನ್ನು ಸೋಸಿ ನಿಮ್ಮ ಕಣ್ಣುಗಳ ಸುತ್ತಲಿನ ಚರ್ಮದ ಮೇಲೆ ಹಚ್ಚಿ. 10 ನಿಮಿಷಗಳ ನಂತರ ತೊಳೆಯಿರಿ.

ಜೇನುತುಪ್ಪ
ಒಂದು ಚಮಚ ನಿಂಬೆ ರಸವನ್ನು ಒಂದು ಚಮಚ ಜೇನುತುಪ್ಪದೊಂದಿಗೆ ಬೆರೆಸಿ. ನಿಮ್ಮ ಕಣ್ಣುಗಳ ಸುತ್ತಲಿನ ಚರ್ಮಕ್ಕೆ ಈ ಮಿಶ್ರಣವನ್ನು ಹಚ್ಚಿ ಸುಮಾರು 10-15 ನಿಮಿಷಗಳ ಕಾಲ ಬಿಡಿ. ನಂತರ ಚೆನ್ನಾಗಿ ತೊಳೆಯಿರಿ. ಡಾರ್ಕ್ ಸರ್ಕಲ್ ಹೋಗುವವರೆಗೆ ದಿನಕ್ಕೆ ಒಮ್ಮೆ ಪುನರಾವರ್ತಿಸಿ.

ವಯಸ್ಸಾದಂತೆ ಕಾಣಬಾರದಾ...? ಹಾಗಾದ್ರೆ ಗ್ರೀನ್ ಟೀ ಕುಡಿಯಿರಿ


ಗ್ರೀನ್ ಟೀ ಬ್ಯಾಗ್
ಎರಡು ಗ್ರೀನ್ ಟೀ ಬ್ಯಾಗ್ ತೆಗೆದುಕೊಂಡು ಅವುಗಳನ್ನು ನೀರಿನಲ್ಲಿ ನೆನೆಸಿ. ಸ್ವಲ್ಪ ಸಮಯದವರೆಗೆ ಶೈತ್ಯೀಕರಣ ಗೊಳಿಸಿ ಕಣ್ಣುಗಳ ಮೇಲೆ ಇರಿಸಿ. 10-15 ನಿಮಿಷಗಳ ನಂತರ ಮುಖವನ್ನು ತೊಳೆಯಿರಿ. ಡಾರ್ಕ್ ಸರ್ಕಲ್ ಹೋಗುವವರೆಗೆ ಪ್ರತಿದಿನ ಇದನ್ನು ಪುನರಾವರ್ತಿಸಬಹುದು.