ಬೆಳಗಾವಿ ನಗರದಲ್ಲಿ ಗಾಂಜಾ ಮಾರುತ್ತಿದ್ದ ಇಬ್ಬರು ವ್ಯಕ್ತಿಗಳ ಬಂಧನ

ಬೆಳಗಾವಿ: ನಗರದಲ್ಲಿ ಗಾಂಜಾ ಮಾರುತ್ತಿದ್ದ ಇಬ್ಬರು ವ್ಯಕ್ತಿಗಳನ್ನು ಸಿಐಡಿ ಪೊಲೀಸರು ಬಂಧಿಸಿ, ಅವರಿಂದ 1.130 ಕೇಜಿ ಗಾಂಜಾ ವಶಪಡಿಸಿಕೊಂಡಿದ್ದಾರೆ.

ತಾಲೂಕಿನ ಪೀರನವಾಡಿ ಅನಸಾರ್‌ ಗಲ್ಲಿಯ ಸೈಫ್‌ಅಲಿ ಮಾಡಿವಾಲೆ ಮತ್ತು ಅಕೀಬ್‌ ಜಾವೀದ್‌ ಮನಿಯಾರ್‌(27) ಬಂಧಿತರು. ಸಿಐಡಿ ತಂಡ ಎರಡು ಕಡೆಗಳಲ್ಲಿನಡೆಸಿದ ದಾಳಿಯಲ್ಲಿಇವರು ಸಿಕ್ಕಿಬಿದ್ದಿದ್ದಾರೆ.

ನಗರದ ಬೋಗಾರವೇಸ್‌ದ ಧರ್ಮವೀರ ಸಂಭಾಜಿ ವೃತ್ತದ ಬಳಿ ಸೈಫ್‌ಅಲಿ ಮಾಡಿವಾಲೆ ಗಾಂಜಾ ಮಾರುತ್ತಿದ್ದಾಗ ಸಿಐಡಿ ಪೊಲೀಸರು ದಾಳಿ ನಡೆಸಿ 520 ಗ್ರಾಂ ಗಾಂಜಾ, 10,400 ರೂ. ಮೌಲ್ಯದ ದ್ವಿಚಕ್ರ ವಾಹನ, 720 ರೂ. ವಶಪಡಿಸಿಕೊಂಡಿದ್ದಾರೆ.

ಮತ್ತೊಬ್ಬ ಆರೋಪಿ ಜಾವೀದ್‌ ಮನಿಯಾರ್‌ ನಗರದ ಅಯೋಧ್ಯಾ ನಗರದಲ್ಲಿಗಾಂಜಾ ಮಾರಾಟ ಮಾಡುತ್ತಿರುವ ದಾಳಿ ನಡೆಸಿ 610 ಗ್ರಾಂ ಗಾಂಜಾ, 12,200 ರೂ. ಮೌಲ್ಯದ ದ್ವಿಚಕ್ರ ವಾಹನ, 530 ರೂ. ನಗದು ವಶಪಡಿಸಿಕೊಂಡಿದ್ದಾರೆ.

ಕಾರ್ಯಾಚರಣೆಯಲ್ಲಿಸಿಐಡಿ ಘಟಕದ ಇನ್ಸ್‌ಪೆಕ್ಟರ್‌ ಎಸ್‌.ಕೆ. ಕುರಗೋಡಿ, ಸಬ್‌ ಇನ್ಸ್‌ಪೆಕ್ಟರ್‌ ಲಕ್ಷ್ಮಣ ಹುಂಡರದ, ಜಗದೀಶ್‌ ಬಾಗವನವರ, ಜಿ.ಆರ್‌. ಶಿರಸಂಗಿ, ಚಿದಂಬರ ಚಟ್ಟರಕ್ಕಿ ಪಾಲ್ಗೊಂಡಿದ್ದರು. ಈ ಕುರಿತು ಸಿಇಎನ್‌ ಪೊಲೀಸ್‌ ಠಾಣೆಯಲ್ಲಿಎರಡು ಪ್ರತ್ಯೇಕ ಪ್ರಕರಣ ದಾಖಲಾಗಿವೆ.