ಕದ್ದ ಚಿನ್ನಾಭರಣ ಮಾರುತ್ತಿದ್ದ ಕಳ್ಳನ ಬಂಧನ; ₹7.60 ಲಕ್ಷ ಮೌಲ್ಯದ ಆಭರಣ ಜಪ್ತಿ

ಬೆಂಗಳೂರು: ಮನೆಗಳಲ್ಲಿ ಕಳವು ಮಾಡಿದ್ದ ಬೆಳ್ಳಿ ಆಭರಣಗಳನ್ನು ಮಾರಾಟ ಮಾಡಲು ಯತ್ನಿಸುತ್ತಿದ್ದ ಕಳ್ಳನನ್ನು ಬಂಧಿಸಿರುವ ಮಾಗಡಿ ರಸ್ತೆ ಠಾಣೆ ಪೊಲೀಸರು, ಆತನಿಂದ 7.60 ಲಕ್ಷ ರೂ. ಮೌಲ್ಯದ ಚಿನ್ನ ಮತ್ತು ಬೆಳ್ಳಿ ಆಭರಣಗಳನ್ನು ವಶಕ್ಕೆ ಪಡೆದಿದ್ದಾರೆ.

ರಾಮನಗರದ ನಾಲಬಂದವಾಡಿ ರೈಲು ನಿಲ್ದಾಣ ಬಳಿಯ ನಿವಾಸಿ ಸೈಯದ್‌ ರಫಿ(30) ಬಂಧಿತ ಆರೋಪಿ. ಈತ ಮಾಗಡಿ ರಸ್ತೆಯ ಗೋಪಾಲಪುರ, ಜಟಕಾ ಸ್ಟ್ಯಾಂಡ್‌ ಬಳಿ ಬೆಳ್ಳಿಯ ಆಭರಣಗಳನ್ನು ಮಾರಾಟ ಮಾಡಲು ಯತ್ನಿಸುತ್ತಿರುವ ಬಗ್ಗೆ ಖಚಿತ ಮಾಹಿತಿ ಪಡೆದು ಬಂಧಿಸಲಾಯಿತು. ಆರೋಪಿಯಿಂದ 7.60 ಲಕ್ಷ ರೂ. ಬೆಲೆ ಬಾಳುವ 124 ಗ್ರಾಂ ಚಿನ್ನ ಹಾಗೂ 2 ಕೆ.ಜಿ ತೂಕದ ಬೆಳ್ಳಿ ಆಭರಣಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮಂಗಳೂರು: ಲಾಕ್‌ಡೌನ್‌ ವೇಳೆ ನಕಲಿ ಪಾಸ್‌ ಬಳಸಿ ಲಾಡ್ಜ್‌ಗೆ ತೆರಳಿದ ಜೋಡಿ; ಪೊಲೀಸರ ವಿಚಾರಣೆ
ಆರೋಪಿಯು ಮಾಗಡಿ ರಸ್ತೆ, ಬಸವೇಶ್ವರನಗರ, ಬ್ಯಾಡರಹಳ್ಳಿ ಪೊಲೀಸ್‌ ಠಾಣೆಗಳ ವ್ಯಾಪ್ತಿಯಲ್ಲಿನ ಮನೆಗಳಲ್ಲಿ ಕಳ್ಳತನ ಮಾಡಿರುವುದು ವಿಚಾರಣೆಯಿಂದ ತಿಳಿದುಬಂದಿದೆ. ಈತನ ವಿರುದ್ಧ ಮಾಗಡಿ ರಸ್ತೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.