ಅಪರಾಧಿಗಳಿಗೆ ಮರಣ ದಂಡನೆಗೆ ಆಗ್ರಹ

ಶೃಂಗೇರಿ: ಹೈದರಾಬಾದ್‌ನಲ್ಲಿಸಾಮೂಹಿಕ ಅತ್ಯಾಚಾರ, ಕೊಲೆ ಮಾಡಿದ ಅಪರಾಧಿಗಳಿಗೆ ತಕ್ಷಣವೇ ಮರಣ ದಂಡನೆ ವಿಧಿಸಬೇಕು ಎಂದು ಆಗ್ರಹಿಸಿ ಎಬಿವಿಪಿ ಕಾರ್ಯಕ್ರರ್ತರು ಪ್ರತಿಭಟನೆ ನಡೆಸಿ ತಹಸೀಲ್ದಾರ್‌ಗೆ ಶನಿವಾರ ಮನವಿ ಸಲ್ಲಿಸಿದರು.

ಎಬಿವಿಪಿ ನಗರ ಕಾರ್ಯದರ್ಶಿ ಸೂರಜ್‌ ಮಾತನಾಡಿ, ಪಶು ವೈದ್ಯೆ ಪ್ರಿಯಾಂಕ ರೆಡ್ಡಿ ಮೇಲೆ ಸಾಮೂಹಿಕ ಅತ್ಯಾಚಾರವೆಸಗಿ ಜೀವಂತವಾಗಿ ದಹನ ಮಾಡಿ, ಕೊಲೆ ಮಾಡಿದ ಘಟನೆಯನ್ನು ಎಬಿವಿಪಿ ಕಟುವಾಗಿ ಖಂಡಿಸುತ್ತದೆ. ಘಟನೆ ನಡೆದು ಎರಡು ದಿನದವರೆಗೆ ತನಿಖೆಯನ್ನು ಚುರುಕುಗೊಳಿಸದ ಪೊಲೀಸರ ನಡೆ ಮತ್ತು ಸುರಕ್ಷತೆಯ ವೈಫಲ್ಯಕ್ಕೆ ಕಾರಣವಾಗಿದೆ. ತೆಲಂಗಾಣದ ಗೃಹ ಮಂತ್ರಿಗಳು ನೀಡಿದ ಹೇಳಿಕೆಯು ಕೀಳು ಮಾನಸಿಕತೆಯನ್ನು ಬಿಂಬಿಸುತ್ತಿದೆ. ಕ್ರೂರ ಘಟನೆಗೆ ಕಾರಣರಾದವರಿಗೆ ತಕ್ಷಣವೇ ಮರಣದಂಡನೆ ವಿಧಿಸಬೇಕು ಎಂದು ಒತ್ತಾಯಿಸಿದರು.

ಸಹ ಕಾರ್ಯದರ್ಶಿ ದುರ್ಗೇಶ್‌ ಮಾತನಾಡಿ, ಒಬ್ಬ ಮಹಿಳೆ ಸಹಾಯ ಆಪೇಕ್ಷಿಸಿದಾಗ ಸಹಾಯ ಮಾಡುವ ಬದಲಾಗಿ ಮಹಿಳೆಯನ್ನೇ ಅತ್ಯಾಚಾರ ಮಾಡಿ, ಕೊಲೆ ಮಾಡಿರುವುದು ದುರಾದೃಷ್ಠಕರ. ಈ ರೀತಿ ಮಾಡುವ ಮಾನಸಿಕತೆ ಉಳ್ಳವರು ಭೂಮಿ ಮೇಲೆ ಬದುಕಿರುವುದು ಯೋಗ್ಯವಲ್ಲ.

ಎಬಿವಿಪಿ ಮುಖಂಡರಾದ ನವಜಿತ್‌, ರಂಜಿತ್‌, ಪ್ರಣಯ, ಸಂಹಿತ್‌, ರಾಹುಲ್‌ ಮತ್ತಿರರು ಇದ್ದರು. ಉಪ ತಹಸೀಲ್ದಾರ್‌ ಶಿವರಾಮ್‌ ಅವರಿಗೆ ಮನವಿ ಸಲ್ಲಿಸಿದರು.
,..........
ಅತ್ಯಾಚಾರಿಗಳಿಗೆ ಮರಣದಂಡನೆ ನೀಡಿ. ಇಂತಹ ಘಟನೆ ಮರುಕಳಿಸದಂತೆ ಈ ನಿರ್ಣಯ ಸಮಾಜಕ್ಕೆ ಉದಾಹರಣೆಯಾಗಲಿ.
-ನಿಧಿ ತ್ರಿಪಾಠಿ, ಎಬಿವಿಪಿ ರಾಷ್ಟ್ರೀಯ ಕಾರ್ಯದರ್ಶಿ