ಎಚ್‌.ಕುಮಾರ್‌ ಹಿರೇಕೋಗಲೂರು
ದಾವಣಗೆರೆ : ಏಷ್ಯಾ ಖಂಡದಲ್ಲಿಯೇ ಎರಡನೇ ಅತಿದೊಡ್ಡ ಕೆರೆಯಾದ ಚನ್ನಗಿರಿ ತಾಲೂಕು ಸೂಳೆಕೆರೆ (ಶಾಂತಿಸಾಗರ) ಹಲವು ನಗರ, ಪಟ್ಟಣಗಳು ಮತ್ತು ಹತ್ತಾರು ಹಳ್ಳಿಗಳ ಜನರ ನೀರಿನ ದಾಹ ತೀರಿಸುತ್ತದೆ. 15 ದಿನದ ಹಿಂದೆ ಕೆರೆಯಲ್ಲಿ ನೀರು ಕಡಿಮೆಯಾಗಿ ಆತಂಕ ತಲೆದೋರಿತ್ತು. ಆದರೀಗ ಕಳೆದ 15 ದಿನದ ನಿರಂತರ ಸುರಿದ ಮಳೆಯಿಂದ 4 ಅಡಿ ನೀರು ಹರಿದು ಬಂದು, ನೀರಿನಮಟ್ಟ 18 ಅಡಿ ಮುಟ್ಟಿರುವುದು ಸಮಾಧಾನ ತಂದಿದೆ.
ದಾವಣಗೆರೆ : ಏಷ್ಯಾ ಖಂಡದಲ್ಲಿಯೇ ಎರಡನೇ ಅತಿದೊಡ್ಡ ಕೆರೆಯಾದ ಚನ್ನಗಿರಿ ತಾಲೂಕು ಸೂಳೆಕೆರೆ (ಶಾಂತಿಸಾಗರ) ಹಲವು ನಗರ, ಪಟ್ಟಣಗಳು ಮತ್ತು ಹತ್ತಾರು ಹಳ್ಳಿಗಳ ಜನರ ನೀರಿನ ದಾಹ ತೀರಿಸುತ್ತದೆ. 15 ದಿನದ ಹಿಂದೆ ಕೆರೆಯಲ್ಲಿ ನೀರು ಕಡಿಮೆಯಾಗಿ ಆತಂಕ ತಲೆದೋರಿತ್ತು. ಆದರೀಗ ಕಳೆದ 15 ದಿನದ ನಿರಂತರ ಸುರಿದ ಮಳೆಯಿಂದ 4 ಅಡಿ ನೀರು ಹರಿದು ಬಂದು, ನೀರಿನಮಟ್ಟ 18 ಅಡಿ ಮುಟ್ಟಿರುವುದು ಸಮಾಧಾನ ತಂದಿದೆ.
ಕುಡಿವ ನೀರಿನ ಅಕ್ಷಯಪಾತ್ರೆ
ಕೆರೆಯಲ್ಲಿ ನೀರು ಕಡಿಮೆಯಾದರೆ ಈ ನಗರ, ಪಟ್ಟಣಗಳ ಜನರಿಗೆ ಕುಡಿವ ನೀರಿನ ತತ್ವಾರ ಎದುರಾಗುತ್ತದೆ, ಕಳೆದ ವರ್ಷ ತುಂಬಿದ್ದ ಕೆರೆ, ಈ ವರ್ಷ ಮುಂಗಾರು ವಿಳಂಬದಿಂದ ಕಳೆದ ಹದಿನೈದು ದಿನದ ಹಿಂದೆ ನೀರು ಕಡಿಮೆಯಾಗಿ 14.6 ಅಡಿಗೆ ಇಳಿದು ಆತಂಕ ಸೃಷ್ಟಿಸಿತ್ತು. ಆದರೆ ಮಳೆಯಿಂದ ಈಗ ನೀರು ಹರಿದು ಬಂದಿರುವುದು ಈ ಊರುಗಳ ಜನರು ನಿಟ್ಟುಸಿರು ಬಿಡುವಂತಾಗಿದೆ.ಕೆರೆಗೆ ಚಾನಲ್‌ ನೀರು
ಸೂಳೆಕೆರೆಗೆ ಮಳೆ ನೀರು ಅಷ್ಟೇ ಅಲ್ಲ, ಕುಡಿವ ನೀರು ಮತ್ತು ಕೃಷಿ ಚಟುವಟಿಕೆ ಉದ್ದೇಶದಿಂದ ಭದ್ರಾ ಚಾನಲ್‌ ನೀರನ್ನು ತುಂಬಿಸಿಕೊಳ್ಳುವ ವ್ಯವಸ್ಥೆಯಿದೆ. ಹಾಗಾಗಿ ನೀರಿಗೆ ತೊಂದರೆ ಆಗುವುದು ಕಡಿಮೆ. ಈಗ ಡ್ಯಾಂ ನೀರಿನಮಟ್ಟ ಕೂಡ ಏರುತ್ತಿದ್ದು ಇನ್ನೊಂದು 5 ಅಡಿ ನೀರು ಬಂದರೆ ಚಾನಲ್‌ನಲ್ಲಿನೀರು ಹರಿಸುವ ಸಾಧ್ಯತೆಯಿದೆ. ಹಾಗಾಗಿ ಈಗ ಸೇರಿ ಹರಿದು ಬಂದಿರುವ ಮಳೆ ನೀರಿನ ಜತೆ ಚಾನಲ್‌ ನೀರು ಸೇರಿದರೆ ಕುಡಿಯುವ ನೀರಿಗೆ ಸಮಸ್ಯೆ ಆಗುವುದಿಲ್ಲಎಂಬ ಭರವಸೆ ಮೂಡಿದೆ.ಕೈ ಬೀಸಿ ಕರೆಯುವ ಪರಿಸರ; ಪ್ರವಾಸಿಗರು ಫಿದಾ
ಕಳೆದ ಕೆಲ ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದ ಇಲ್ಲಿನ ಗುಡ್ಡಗಳು ಅರಳಿ ಹಸಿರಾಗಿದೆ, ಈ ಸುಂದರ ಪರಿಸರ ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿದೆ. ಜತೆಗೆ ಸೂಳೆಕೆರೆಯಲ್ಲಿಬೋಟಿಂಗ್‌ ವ್ಯವಸ್ಥೆ ಇರುವುದರಿಂದ ಬೋಟ್‌ನಲ್ಲಿಕೆರೆಯ ಮಧ್ಯ ಭಾಗಕ್ಕೆ ಹೋಗಿ ಅಲ್ಲಿನಿಂತು ಸುತ್ತಲಿನ ಪರಿಸರ ಕಣ್ಮನ ತುಂಬಿಕೊಳ್ಳುವುದೇ ಅಪೂರ್ವ ಅನುಭೂತಿ ನೀಡುತ್ತದೆ ಎಂದು ಪ್ರವಾಸಿಗರು ಹೇಳುತ್ತಿದ್ದಾರೆ.ಪರಿಸರ ಪ್ರೇಮಿಗಳ ಸ್ವರ್ಗ
ಸುರಿಯುತ್ತಿರುವ ಜಿಟಿಜಿಟಿ ಮಳೆಯಿಂದಾಗಿ ಸುತ್ತಲಿನ ಗುಡ್ಡಗಳು ಹಚ್ಚಹಸಿರಿನಿಂದ ಕಂಗೊಳಿಸುತ್ತಿದ್ದು ಪರಿಸರ ಪ್ರೇಮಿಗಳ ಪಾಲಿನ ಸ್ವರ್ಗವಾಗಿದೆ. ಇಲ್ಲಿರುವ ಸಿದ್ದೇಶ್ವರ ಸ್ವಾಮಿಯ ಗೋಪುರ ಬಂಗಾರದ ಲೇಪನದಿಂದ ಮನಮೋಹಕವಾಗಿ ಸಿದ್ಧಗೊಂಡಿದ್ದು, ಇಲ್ಲಿಂದ ಹಸಿರು ಹೊದ್ದ ಗುಡ್ಡಗಳನ್ನು ಕಣ್ಮನ ತುಂಬಿಕೊಳ್ಳುವುದೇ ಒಂದು ಹಬ್ಬ. ಜಿಟಿಜಿಟಿ ಮಳೆಯೆಂದು ಶಾಲೆಗೆ ರಜೆ ನೀಡಿದ್ದರಿಂದ ಸುತ್ತಲಿನ ಕೆಲ ಶಾಲೆಗಳ ಮಕ್ಕಳು, ಪೋಷಕರು ಪ್ರಕೃತಿ ಮಡಿಲಿಗೆ ಬಂದು ಸಂಭ್ರಮಿಸುವುದು ಎರಡು ದಿನದಿಂದ ಕಂಡು ಬಂತು.15 ದಿನಗಳ ಹಿಂದೆ ಸೂಳೆಕೆರೆ ನೀರಿನ ಮಟ್ಟ 14.6 ಅಡಿ ಇತ್ತು. ಇತ್ತೀಚಿಗೆ ಸುರಿದ ಮಳೆಯಂದಾಗಿ 18 ಅಡಿಯಷ್ಟು ನೀರಿನ ಮಟ್ಟ ಇದೆ. ಪ್ರತಿದಿನ 5ರಿಂದ 6 ಕ್ಯೂಸೆಕ್‌ ನೀರು ಸೂಳೆಕೆರೆಗೆ ಹರಿದು ಬರುತ್ತಿದೆ. ನೀರು ಸರಾಗವಾಗಿ ಹರಿಯಲು ಭದ್ರನಾಲೆಗಳಲ್ಲಿಸಾಕಷ್ಟು ಹೂಳು ತುಂಬಿಕೊಂಡಿದ್ದು, ನೀರಾವರಿ ನಿಗಮ ನಾಲೆಯ ಹೂಳು ತೆಗೆಸಲು ಕ್ರಮವಹಿಸಬೇಕಿದೆ.
ಕೆರೆಗೆ ನೀರೇನೋ ಬರುತ್ತಿದೆ. ಸುಮಾರು 2 ಸಾವಿರ ಮೀನು ಬೇಟೆಗಾರರ ಕುಟುಂಬಗಳು ಕೆರೆಯನ್ನು ನಂಬಿವೆ. ಹಲವು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದಾಗಿ ಮೀನು ಬೇಟೆಗಾರರ ಜೀವನ ಅಸ್ಥವ್ಯಸ್ಥವಾಗಿದೆ. ಗಾಳಿ ಮಳೆಯಿಂದ ಬಲೆಗೆ ಮೀನುಗಳು ಬೀಳುವುದಿಲ್ಲ. ಹಾಗಾಗಿ ಮೀನು ಶಿಕಾರಿ ನಿಲ್ಲಿಸಿದ್ದು ಜೀವನ ಕಷ್ಟವಾಗಿದೆ.