ಧಾರವಾಡ: ಮನವಿ ಸ್ವೀಕರಿಸಿದ ಎಚ್‌ಡಿ ಕುಮಾರಸ್ವಾಮಿ ವಿರುದ್ಧವೇ ಪ್ರತಿಭಟನೆ

ಧಾರವಾಡ: ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿಗೆ ಮನವಿ ಸಲ್ಲಿಸಲು ಬಂದಿದ್ದ ಪಿಎಸ್‌ಐ ಹುದ್ದೆ ವಂಚಿತ ಅಭ್ಯರ್ಥಿಗಳು ಅವರ ವಿರುದ್ದವೇ ಪ್ರತಿಭಟನೆ ಮುಂದಾದ ಹೈಡ್ರಾಮಾ ಧಾರವಾಡದ ಕವಿವಿ ಆವರಣದಲ್ಲಿ ಶನಿವಾರ ನಡೆಯಿತು.

ಅತಿಥಿ ಉಪನ್ಯಾಸಕರ ಸಮಸ್ಯೆ ಆಲಿಸಲು ಬಂದಿದ್ದ ಮಾಜಿ ಸಿಎಂ ಎಚ್.ಡಿ.ಕುಮಾರಸ್ವಾಮಿ ಅವರಿಗೆ ಪಿಎಸ್‌ಐ ಅಭ್ಯರ್ಥಿಗಳು ಮನವಿ ಸಲ್ಲಿಸಲು ಬಂದಿದ್ದರು. ಈ ಮಧ್ಯೆ ಪರೀಕ್ಷೆ ಬರೆದು ಪಾಸಾದ ಅಭ್ಯರ್ಥಿಗಳೂ ಕೂಡ ಮರು ಪರೀಕ್ಷೆ ಮಾಡದೇ ನೇಮಕಾತಿ ಮಾಡುವಂತೆ ಮನವಿ ಸಲ್ಲಿಸಲು ಬಂದಿದ್ದರು. ಮೊದಲು ಪಿಎಸ್‌ಐ ನೇಮಕಾತಿಯಲ್ಲಿ ಆಗಿರುವ ಹಗರಣದಿಂದ 56 ಸಾವಿರ ಅಭ್ಯರ್ಥಿಗಳಿಗೆ ಅನ್ಯಾಯ ಆಗಿದ್ದು, ನ್ಯಾಯ ಸಿಗುವಂತೆ ಮಾಡಬೇಕು. ಅಕ್ರಮ ಆಗದಂತೆ ಸೂಕ್ತ ರೀತಿಯಲ್ಲಿ ಮರು ಪರೀಕ್ಷೆ ಕೈಗೊಳ್ಳಬೇಕು ಎಂದು ಪಿಎಸ್‌ಐ ವಂಚಿತ ಅಭ್ಯರ್ಥಿಗಳು ಮನವಿ ಸಲ್ಲಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಎಚ್‌ಡಿಕೆ, ಅನ್ಯಾಯ ಆಗಿರುವುದು 56 ಸಾವಿರ ಅಭ್ಯರ್ಥಿಗಳಿಗಲ್ಲ. ಪರೀಕ್ಷೆ ಬರೆದು ಪಾಸಾದ 545 ಅಭ್ಯರ್ಥಿಗಳಿಗೆ ಎಂದು ಹೇಳಿಕೆ ಕೊಟ್ಟರು.

ಸಿಎಂ ಇಬ್ರಾಹಿಂಗೆ ಚಡ್ಡಿ ಹಾಕಿದ್ದೇ ಸಿದ್ದರಾಮಯ್ಯ: ಎಂಎಲ್‌ಸಿ ಅಬ್ದುಲ್‌ ಜಬ್ಬಾರ್‌ ಲೇವಡಿ

ಈ ಹೇಳಿಕೆಯಿಂದ ಕೆರಳಿದ ಪಿಎಸ್‌ಐ ಅಭ್ಯರ್ಥಿಗಳು, ಕುಮಾರಸ್ವಾಮಿ ವಿರುದ್ದವೇ ಪ್ರತಿಭಟನೆ ಕೈಗೊಂಡರು. ಈ ವೇಳೆ ಅವರೊಂದಿಗೆ ಮಾತಿನ ಚಕಮಕಿಯೂ ಸಂಭವಿಸಿತು. ಇದಲ್ಲದೇ ಕವಿವಿಯಿಂದ ಹೊರಡುವಾಗ ಅವರ ಕಾರಿನತ್ತ ನುಗ್ಗಿ, ಅವರ ವಿರುದ್ದ ಘೋಷಣೆ ಕೂಗಿದರು. ಇದಲ್ಲದೇ ಮೋದಿ, ಮೋದಿ ಕೂಗಲಾರಂಭಿಸಿದರು. ಈ ಮಧ್ಯೆ ಮಾಜಿ ಸಿಎಂ ಕಾರಿನತ್ತ ನುಗ್ಗಿ ಬಂದ ಯುವಕರಿಗೆ ಪೊಲೀಸರು ಗೂಸಾ ಕೊಟ್ಟ ಘಟನೆಯೂ ನಡೆದವು.


ನನ್ನ ಮುಂದೆ ರೌಡಿಸಂ ನಡೆಯೊದಿಲ್ಲ: ಎಚ್‌ಡಿಕೆ

ಈ ಘಟನೆ ಬಗ್ಗೆ ಪ್ರತಿಕ್ರಿಯಿಸಿದ ಮಾಜಿ ಸಿಎಂ ಕುಮಾರಸ್ವಾಮಿ, ನನಗೆ ಮನವಿ ಕೊಡಲು ಬಂದವರು ಕಾರಿನತ್ತ ನುಗ್ಗಿ ಬಂದಿದ್ದಾರೆ. ಇವರೆಲ್ಲಾ ಮನವಿ ಕೊಡಲಷ್ಟೇ ಬಂದವರಲ್ಲ. ಬೇಕಂತಲೇ ಗಲಾಟೆ ಮಾಡಲು ಬಂದವರು. ಇವರು ಮನವಿ ಕೊಡಲು ಬಂದವರೋ? ರೌಡಿಜಂ ಮಾಡಲು ಬಂದಿದ್ದರಾ? ಎಂದು ಪ್ರಶ್ನಿಸಿದರು.

ಯಾರೋ ಉದ್ದೇಶಪೂರ್ವಕವಾಗಿ ಈ ರೀತಿ ವರ್ತಿಸುವಂತೆ ಇವರಿಗೆ ಹೇಳಿ ಕಳುಹಿಸಿದ್ದಾರೆ. ಬಿಜೆಪಿ ನಾಯಕರಿಗೆ ನಾನು ಒಂದು ಮಾತು ಹೇಳುತ್ತೇನೆ. ಇಂತಹ ಆಟಗಳು ನನ್ನ ಮುಂದೆ ನಡೆಯುವುದಿಲ್ಲ. 54ಸಾವಿರ ಜನ ಮಾನಸಿಕವಾಗಿ ನೋಂದಿದ್ದೇವೆ ಎಂದು ಹೇಳುತ್ತಿದ್ದ ಒಬ್ಬ ವ್ಯಕ್ತಿ ಯಾವ ರೀತಿ ವರ್ತಿಸಿದ ನೋಡಿ. ಮನವಿ ಕೊಡಲು ಬಂದವರು ಹೇಗಿರಬೇಕು ಎಂಬುದೂ ಇವರಿಗೆ ಗೊತ್ತಿಲ್ಲ. ನಾನು ಇಬ್ಬರ ಮನವಿಯನ್ನೂ ಆಲಿಸಿ ಕುಲಪತಿಗಳ ಚೇಂಬರಿಗೆ ಹೋಗಿದ್ದೇನೆ. ಅದಾದ ಬಳಿಕ ಗುಂಪು ನಿಂತುಕೊAಡು ಗಲಭೆಕೋರರಂತೆ ಬಂದರಲ್ಲ ಯಾರವರು ಎಂದು ಎಚ್‌ಡಿಕೆ ಪ್ರಶ್ನಿಸಿದರು.

ಮೋದಿ ಮೋದಿ ಎಂದು ಕೂಗುವವರು ಮೋದಿ ಬಳಿ ನ್ಯಾಯ ಕೇಳಲಿ: ಎಚ್‌ಡಿ ಕುಮಾರಸ್ವಾಮಿ ಕಿಡಿ

ಪೊಲೀಸರು ನನಗೆ ಸರಿಯಾಗಿ ಭದ್ರತೆ ಕೊಟ್ಟಿಲ್ಲ. ಗೃಹ ಸಚಿವರಿಗೆ ಸರಿಯಾಗಿ ಭದ್ರತೆ ಕೊಡಲು ಹೇಳಿ. ನನಗೆ ಮೋದಿ ಮೋದಿ ಅಂತ ಘೋಷಣೆ ಹಾಕುವ ಇವರೆಲ್ಲಾ, ಆ ಮೋದಿ ಹತ್ತಿರವೇ ಹೋಗಿ ನ್ಯಾಯ ಕೇಳಲಿ. ಸರಕಾರ ನನ್ನದಿದೆಯಾ? ಎಂದು ಕುಮಾರಸ್ವಾಮಿ ಅಸಮಾಧಾನ ಹೊರ ಹಾಕಿದರು.