ನಾಡು,ನುಡಿಯ ಚರ್ಚೆ ನಡೆಯಲಿ

ಶಿರಹಟ್ಟಿ: ರಾಜ್ಯೋತ್ಸವದ ಹಿನ್ನಲೆಯಲ್ಲಿನಾಡಿನ ಸಂರಕ್ಷಣೆ ಕುರಿತು ಗಂಭೀರ ಸ್ವರೂಪದ ಚರ್ಚೆ, ಸಮಾಲೋಚನೆ, ಚಿಂತನೆ ನಡೆಸುವುದರ ಜತೆಗೆ ಪ್ರತಿಯೊಬ್ಬರು ನಾಡು-ನುಡಿಯ ಸ್ಮರಣೆ ಮಾಡುವುದು ಅವಶ್ಯ ಎಂದು ಕರವೇ ರಾಜ್ಯ ಉಪಾಧ್ಯಕ್ಷ ಎಚ್‌.ಎಸ್‌.ಸೋಂಪುರ ಹೇಳಿದರು.

ಅವರು ತಾಲೂಕಿನ ಹೆಬ್ಬಾಳದಲಿ ್ಲಕರವೇ ಗ್ರಾಮ ಯುವ ಘಟಕ ಉದ್ಘಾಟಿಸಿ ಮಾತನಾಡಿದರು.ಇದರ ಜತೆಗೆ ಅನ್ಯ ಭಾಷೆಗಳಿಗೆ ಮಾರು ಹೋಗದೆ ಮನೆ ಆವರಣ ಕನ್ನಡಮಯವಾಗಬೇಕು. ಪಾಲಕರು ಕನ್ನಡ ಅಭಿಮಾನ ಬೆಳೆಸಿಕೊಂಡು ಮಕ್ಕಳಲ್ಲಿಸ್ವಾಭಿಮಾನ ಹೆಚ್ಚಿಸುವ ಕಾರ‍್ಯ ಮಾಡಬೇಕು ಎಂದರು.

ಜಿಲ್ಲಾಧ್ಯಕ್ಷ ಹನುಮಂತಪ್ಪ ಅಬ್ಬಿಗೇರಿ, ಶರಣು ಗೋಡಿ, ಮುತ್ತುರಾಜ ಭಾವಿಮನಿ, ಬಸವರಾಜ ವಡವಿ ಮಾತನಾಡಿದರು. ಹೆಬ್ಬಾಳದ ಸಣ್ಣ ಹಾಲಸ್ವಾಮಿ ಮಠದ ಗುರುಪಾದ ದೇವರಮಠ ಶ್ರೀಗಳು ಸಾನಿಧ್ಯ ವಹಿಸಿದ್ದರು. ಶಂಭುಲಿಂಗನಗೌಡ್ರ ಪುಟ್ಟಮಲ್ಲಪ್ಪನವರ, ಪ್ರಕಾಶಗೌಡ್ರ ತೆಗ್ಗಿನಮನಿ, ಸಿ.ಟಿ.ಮುಂಡವಾಡ, ಸಂಜಯ ಚವಡಾಳ, ಶರಣಬಸವ ಪಾಟೀಲ, ಶಿವನಗೌಡ ಕಂಠಿಗೌಡ್ರ, ಮಹೇಂದ್ರ ಉಡಚಣ್ಣವರ, ವಿ.ಪಿ.ಮನ್ಸೂರ, ಎಸ್‌.ಎಸ್‌.ಪಾಟೀಲ, ಸುರೇಶ ಪಾಟೀಲ ಉಪಸ್ಥಿತರಿದ್ದರು.