ಹೊಳೆನರಸೀಪುರ: ಮರಳು ಅಕ್ರಮ ಸಾಗಾಣಿಕೆ ನಡೆಸಿದ್ದ ಎತ್ತಿನಗಾಡಿಗಳನ್ನು ಪೊಲೀಸರು ವಶಪಡಿಸಿಕೊಂಡ ಹಿನ್ನೆಲೆಯಲ್ಲಿ ಗಾಡಿ ಎಳೆಯುತ್ತಿದ್ದ ಮೂಕ ಎತ್ತುಗಳು ಬುಧವಾರ ನಗರಠಾಣೆ ಮುಂದೆ ಬಿರುಬಿಸಿಲಿನಲ್ಲಿ ಮಧ್ಯಾಹ್ನದವರೆಗೂ ನಿಂತು ತಮ್ಮ ಮಾಲಿಕರ ಪರವಾಗಿ ತಾವೇ ಶಿಕ್ಷೆ ಅನುಭವಿಸಿದವು.
ಡಾಂಬಾರ್‌ರಸ್ತೆ ಕಾದಿದ್ದರಿಂದ ಇತ್ತಕೂರಲೂ ಆಗದೆ. ಬಿಸಿಲಿನಲ್ಲೇ ಅವು ನಿಂತಿದ್ದವು. ಮಾಲೀಕರು ಕನಿಕರಕ್ಕಾಗಲಿ, ಪೊಲೀಸರ ವ್ಯವದಾನಕ್ಕಾಗಲಿ ಬಂದಿರಲಿಲ್ಲ. ಯಾರದ್ದೋ ತಪ್ಪಿಗೆ ಇನ್ನ್ಯಾವುದಕ್ಕೋ ಶಿಕ್ಷೆ ಎನ್ನುವ ನೀತಿಗೆ ಬಡಪಾಯಿ ಎತ್ತುಗಳು ಗುರಿಯಾದವು.