ಅಧಿಕಾರಿಗಳ ಮೇಲಿನ ದಾಳಿಗೆ ಎದಿರೇಟು! ಪಶ್ಚಿಮ ಬಂಗಾಳದಲ್ಲಿ ಟಿಎಂಸಿಗೆ ಮತ್ತೆ ಇ.ಡಿ ಶಾಕ್

ಕೋಲ್ಕೊತಾ: ಪಶ್ಚಿಮ ಬಂಗಾಳದಲ್ಲಿ ಶುಕ್ರವಾರ ಕ್ಷಿಪ್ರ ಕಾರ್ಯಾಚರಣೆ ನಡೆಸಿರುವ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಸ್ಥಳೀಯ ಸಂಸ್ಥೆಗಳ ನೇಮಕಾತಿ ಹಗರಣ ಸಂಬಂಧ ಸಚಿವ ಸುಜಿತ್‌ ಬೋಸ್‌, ಟಿಎಂಸಿ ಶಾಸಕ ತಪಸ್‌ ರಾಯ್‌ ಹಾಗೂ ಮತ್ತೊಬ್ಬ ಪ್ರಮುಖ ಮುಖಂಡನ ಮನೆ ಮೇಲೆ ದಾಳಿ ನಡೆಸಿದ್ದಾರೆ.ಅರೆಸೇನಾ ಪಡೆಯ ಬಿಗಿ ಭದ್ರತೆ ನಡುವೆ ಉತ್ತರ 24 ಪಗರಣದ ಲೇಕ್‌ ಟೌನ್‌ನಲ್ಲಿರುವ ಸಚಿವ ಬೋಸ್‌ ನಿವಾಸ, ಬಿರತಿಯಲ್ಲಿರುವ ಟಿಎಂಸಿ ಮುಖಂಡ, ನಾರ್ತ್ ಡುಮ್‌ಡುಮ್ ಪಾಲಿಕೆಯ ಮಾಜಿ ಅಧ್ಯಕ್ಷ ಸುಬೋದ್‌ ಚಕ್ರವರ್ತಿ ನಿವಾಸ, ಟಿಎಂಸಿ ಶಾಸಕ ತಪಸ್‌ ರಾಯ್‌ ಅವರ ಕೋಲ್ಕೊತಾ ನಿವಾಸ, ಕಚೇರಿಗಳ ಮೇಲೆ ದಾಳಿ ನಡೆಸಿರುವ ಇ.ಡಿ ಅಧಿಕಾರಿಗಳು, ಕಡತಗಳ ಪರಿಶೀಲನೆ ನಡೆಸಿದರು.
ಕೋಚಿಮುಲ್‌ ನೌಕರಿ 20ರಿಂದ 30 ಲಕ್ಷ ರೂಗೆ ಬಿಕರಿ; ನಂಜೇಗೌಡರೇ ನೇರ ಭಾಗಿ!: ಇಡಿ

''ಪಶ್ಚಿಮ ಬಂಗಾಳದ ಸ್ಥಳೀಯ ಸಂಸ್ಥೆಗಳ ನೇಮಕಾತಿಯಲ್ಲಿ ನಡೆದಿರುವ ಅವ್ಯವಹಾರ ಹಿನ್ನೆಲೆಯಲ್ಲಿ ದಾಳಿ ನಡೆಸಲಾಗಿದೆ. ಸಚಿವರು, ಶಾಸಕರು, ಟಿಎಂಸಿ ಮುಖಂಡರ ಮನೆಯಲ್ಲಿಅಧಿಕಾರಿಗಳು ಪರಿಶೀಲನೆ ಕೈಗೊಂಡಿದ್ದಾರೆ,'' ಎಂದು ಇ.ಡಿ ವಕ್ತಾರರು ತಿಳಿಸಿದ್ದಾರೆ.

ಕಳೆದ ವಾರ ಪಡಿತರ ಅಕ್ರಮದ ಕುರಿತು ಟಿಎಂಸಿ ಮುಖಂಡ ಶೇಖ್‌ ಷಹಜಹಾನ್‌ ನಿವಾಸದ ಪರಿಶೀಲನೆಗೆ ತೆರಳಿದ್ದ ಇ.ಡಿ ಅಧಿಕಾರಿಗಳ ಮೇಲೆ ಜನರ ಗುಂಪೊಂದು ದಾಳಿ ನಡೆಸಿತ್ತು. ಸರಿಯಾಗಿ ಒಂದು ವಾರದ ಬಳಿಕ ಉತ್ತರ 24 ಪರಗಣ ಜಿಲ್ಲೆಯ ಹಲವು ಕಡೆ ಶುಕ್ರವಾರ ದಾಳಿ ನಡೆಸಲಾಗಿದೆ.

ಕಳೆದ ವಾರ ನಡೆದಿದ್ದ ಅಹಿತಕರ ಘಟನೆ ಹಿನ್ನೆಲೆಯಲ್ಲಿ ಅರೆಸೇನಾ ಪಡೆಯ ಹೆಚ್ಚುವರಿ ತುಕಡಿಗಳ ಭದ್ರತೆಯಲ್ಲಿ ಸಚಿವ, ಶಾಸಕರ ಮನೆ ಮೇಲೆ ಇ.ಡಿ ಅಧಿಕಾರಿಗಳ ತಂಡ ದಾಳಿ ನಡೆಸಿದೆ.
ಹರ್ಯಾಣ ಕಾಂಗ್ರೆಸ್ ಶಾಸಕನ ಮನೆಯಲ್ಲಿ 5 ಕೋಟಿ ಹಣ, 300 ಬಂದೂಕು, 100 ಮದ್ಯದ ಬಾಟಲ್ ವಶ!

ಇಬ್ಬರ ಬಂಧನ

ಈ ನಡುವೆ ಕಳೆದ ಶುಕ್ರವಾರ ಉತ್ತರ 24 ಪರಗಣದ ಸಂದೇಶ್‌ಖಾಲಿಯಲ್ಲಿ ಇ.ಡಿ ಅಧಿಕಾರಿಗಳ ಮೇಲೆ ನಡೆದ ದಾಳಿಯ ಸಂಬಂಧ ಒಂದು ವಾರದ ಬಳಿಕ ಇಬ್ಬರು ಆರೋಪಿಗಳನ್ನು ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ.

ಬಂಧಿತ ಆರೋಪಿಗಳನ್ನು ಮೆಹಬೂಬ್‌ ಮುಲ್ಲಾ, ಸುಕೋಮಲ್‌ ಸರ್ದಾರ್‌ ಎಂದು ಗುರುತಿಸಲಾಗಿದೆ. ದಾಳಿಯ ವಿಡಿಯೋ ದೃಶ್ಯಗಳನ್ನು ಆಧರಿಸಿ ಇಬ್ಬರು ದಾಳಿಕೋರರನ್ನು ಬಂಧಿಸಿದ್ದ ಪೊಲೀಸರು, ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಹೆಚ್ಚಿನ ವಿಚಾರಣೆಗಾಗಿ ಆರೋಪಿಗಳನ್ನು ಪೊಲೀಸ್‌ ಕಸ್ಟಡಿಗೆ ನೀಡಲಾಗಿದೆ.
ಪಶ್ಚಿಮ ಬಂಗಾಳದಲ್ಲಿ ರೇಡ್‌ಗೆ ತೆರಳಿದ್ದ ಇ.ಡಿ ತಂಡದ ಮೇಲೆಯೇ ನೂರಾರು ಜನರಿಂದ ದಾಳಿ!

ಪಡಿತರ ಹಗರಣಕ್ಕೆ ಸಂಬಂಧಿಸಿದಂತೆ ಜ. 5ರಂದು ಶೇಖ್ ಮನೆ ಮೇಲೆ ಇ.ಡಿ ದಾಳಿ ನಡೆಸಿತ್ತು. ಒಂದು ವಾರ ಕಳೆದರೂ ಆತ ಈವರೆಗೂ ಪತ್ತೆಯಾಗಿಲ್ಲ. ಘಟನೆಯಲ್ಲಿ ಮೂವರು ಇ.ಡಿ ಅಧಿಕಾರಿಗಳು ಗಾಯಗೊಂಡಿದ್ದರು. ಅವರ ಬಳಿ ಇದ್ದ ವಸ್ತುಗಳನ್ನು ಕಸಿಯಲಾಗಿತ್ತು.