ಇಂಡೋ ರಾಯಭಾರಿ ಸರಕಿಗೆ ವಾಘಾದಲ್ಲಿ ತಡೆ

ಹೊಸದಿಲ್ಲಿ: ಪಾಕಿಸ್ತಾನದಲ್ಲಿರುವ ನಾಲ್ವರು ಭಾರತೀಯ ರಾಯಭಾರಿ ಅಧಿಕಾರಿಗಳ ಗೃಹಪಯೋಗಿ ಸರಕನ್ನು ವಾಘಾ ಗಡಿಯಲ್ಲಿಯೇ ಪಾಕಿಸ್ತಾನ ಕಳೆದೊಂದು ತಿಂಗಳಿನಿಂದಲೂ ತಡೆ ಹಿಡಿದಿದೆ, ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಪಾಕಿಸ್ತಾನ ಮತ್ತು ಭಾರತದ ನಡುವಿನ ಡಿಜಿ ಮಟ್ಟದ ಸಭೆ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಈ ವಿಷಯ ಬಹಿರಂಗಗೊಂಡಿದ್ದು, ಸಭೆಯಲ್ಲಿ ಉಭಯ ದೇಶಗಳು ಗಡಿಯಲ್ಲಿ ಅನುಭವಿಸುತ್ತಿರುವ ತೊಂದರೆಗಳ ಬಗ್ಗೆ ಚರ್ಚಿಸಿ, ಸೂಕ್ತ ನಿರ್ಧಾರಕ್ಕೆ ಬರಲಿದೆ.

'ಪಾಕಿಸ್ತಾನದ ವಿದೇಶಾಂಗ ಸಚಿವಾಲಯಕ್ಕೆ ಈ ವಿಷಯವಾಗಿ ಸಾಕಷ್ಟು ಬಾರಿ ಬರೆದರೂ, ರೇಂಜರ್ಸ್ ಪಾರ್ಸಲನ್ನು ಬಿಡುಗಡೆ ಮಾಡಿಲ್ಲ,' ಎಂದು ಭಾರತೀಯ ಗಡಿ ಮೂಲಗಳು ತಿಳಿಸಿವೆ.