ಬೆಂಗಳೂರು: ಸಾರ್ವಜನಿಕ ರಂಗದ ಬಿಎಸ್ಸೆನ್ನೆಲ್ ಸ್ಥಿರ ದೂರವಾಣಿಯಿಂದ ಯಾವುದೇ ನೆಟ್ವರ್ಕ್ನ ಮೊಬೈಲ್ ಅಥವಾ ಸ್ಥಿರ ದೂರವಾಣಿಗೆ ಉಚಿತ ಕರೆಗಳನ್ನು ಮಾಡಬಹುದು.
ಬಿಎಸ್ಸೆನ್ನೆಲ್ ಗ್ರಾಹಕರಿಗೆ ಆಗಸ್ಟ್ 15ರಿಂದ ಎಲ್ಲ ಭಾನುವಾರಗಳಂದು ಈ ಸೌಲಭ್ಯ ಲಭ್ಯವಾಗಲಿದೆ ಎಂದು ಭಾರತ್ ಸಂಚಾರ ನಿಗಮ ನಿಯಮಿತ ಬುಧವಾರ ಪ್ರಕಟಣೆ ಹೊರಡಿಸಿದೆ.
ಈಗಾಗಲೇ ಬಿಎಸ್ಸೆನ್ನೆಲ್ ರಾತ್ರಿ 9 ಗಂಟೆಯಿಂದ ಬೆಳಗ್ಗೆ 7 ಗಂಟೆಯ ತನಕದ ಅವಧಿಯಲ್ಲಿ ಸ್ಥಿರ ದೂರವಾಣಿಯಿಂದ ಯಾವುದೇ ನೆಟ್ವರ್ಕಿಗೆ ಉಚಿತ ಕರೆ ಮಾಡುವ ಸೌಲಭ್ಯ ಒದಗಿಸಿದ್ದು, ಇದು ಸಹ ಮುಂದುವರಿಯಲಿದೆ.
ಹಲವಾರು ವರ್ಷಗಳಿಂದ ನಷ್ಟದಲ್ಲಿದ್ದ ಬಿಎಸ್ಸೆನ್ನೆಲ್ ಲಾಭದ ಹಳಿಗೆ ಮರಳುತ್ತಿದ್ದು, ಕಳೆದ ಸಾಲಿನಲ್ಲಿ 3,378 ಕೋಟಿ ರೂ. ನಿರ್ವಹಣಾ ಲಾಭ ಹೊಂದಿತ್ತು.