ವಿದ್ಯುತ್‌ ಶಾಕ್‌: ಯುವಕ ಸಾವು

ಎಚ್‌.ಡಿ.ಕೋಟೆ : ತಾಲೂಕಿನ ಗಂಗಡಹೊಸಳ್ಳಿಯಲ್ಲಿ ಸೋಮವಾರ ವಿದ್ಯುತ್‌ ಟ್ರಾನ್ಸ್‌ ಫಾರ್ಮರ್‌ಗೆ ಫ್ಯೂಸ್‌ ಅಳವಡಿಸುವ ಸಂದರ್ಭದಲ್ಲಿ ವಿದ್ಯುತ್‌ ಶಾಕ್‌ ಹೊಡೆದು ಯುವಕನೊಬ್ಬ ಮೃತಪಟ್ಟಿದ್ದಾನೆ.

ಗ್ರಾಮದ ಶಿವಣ್ಣೇಗೌಡರ ಪುತ್ರ ಸೂರಿ (23) ಮೃತರು. ಬೆಳಗ್ಗೆ ಗ್ರಾಮದ ಸನಿಹ ಇದ್ದ ವಿದ್ಯುತ್‌ ಟ್ರಾನ್ಸ್‌ ಫಾರ್ಮರ್‌ಗೆ ಫ್ಯೂಸ್‌ ಅಳವಡಿಸಲು ಹೋದ ಸಂದರ್ಭದಲ್ಲಿ ವಿದ್ಯುತ್‌ ಶಾಕ್‌ ಹೊಡೆದು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಸ್ಥಳಕ್ಕೆ ಎಚ್‌.ಡಿ.ಕೋಟೆ ಸೆಸ್ಕ್‌ ವಿಭಾಗದ ಇಇ, ಸುನಿಲ್‌, ಎಇಇ ಮಹೇಶ್‌ಕುಮಾರ್‌, ಸಹಾಯಕ ಎಂಜಿನಿಯರ್‌ ಪ್ರಸನ್ನ ಮತ್ತು ಇತರ ಅಧಿಕಾರಿಗಳು ಹಾಗೂ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.