ರಾಜಧಾನಿ ದಿಲ್ಲಿಯಲ್ಲಿ ಮತ್ತೆ ನಡುಗಿದ ಭೂಮಿ: ತಿಂಗಳಲ್ಲಿ ಎರಡನೇ ಭೂಕಂಪನ

ಹೊಸದಿಲ್ಲಿ: ರಾಜಧಾನಿ ದಿಲ್ಲಿ ಹಾಗೂ ಅದರ ಸುತ್ತಮುತ್ತಲಿನ ನಗರಗಳಲ್ಲಿ ಭಾನುವಾರ ಮಧ್ಯಾಹ್ನ ಭೂಮಿ ಕಂಪಿಸಿದೆ. ಹರ್ಯಾಣದ ಫರೀದಾಬಾದ್ ಭೂಕಂಪನದ ಕೇಂದ್ರ ಬಿಂದುವಾಗಿದೆ. ರಿಕ್ಟರ್ ಮಾಪನದಲ್ಲಿ 3.1 ತೀವ್ರತೆ ದಾಖಲಾಗಿದೆ. ಇದು ಲಘು ಭೂಕಂಪನ ಆಗಿದ್ದರಿಂದ ಯಾವುದೇ ಅಪಾಯ ಸಂಭವಿಸಿಲ್ಲ. ಸಂಜೆ 4.8ರ ಸುಮಾರಿಗೆ ಭೂಮಿ ಕಂಪಿಸಿದೆ ಎಂದು ರಾಷ್ಟ್ರೀಯ ಭೂಕಂಪ ಶಾಸ್ತ್ರ ಕೇಂದ್ರ ತಿಳಿಸಿದೆ. ಫರೀದಾಬಾದ್‌ನ ಪೂರ್ವದ 9 ಕಿಮೀ ಹಾಗೂ ದಿಲ್ಲಿಯ ಈಶಾನ್ಯ ಭಾಗದ 30 ಕಿಮೀ ದೂರದಲ್ಲಿ ಕಂಪನದ ಕೇಂದ್ರ ಬಿಂದು ಕಂಡುಬಂದಿದೆ ಎಂದು ಅದು ಹೇಳಿದೆ.
ಅಫ್ಘಾನಿಸ್ತಾನದಲ್ಲಿ ಪ್ರಬಲ ಭೂಕಂಪ: 8 ದಿನಗಳ ಅಂತರದಲ್ಲೇ ಮತ್ತೆ ನಡುಗಿದ ಭೂಮಿ!

ಭೂಮಿ ನಡುಗಿದ ಅನುಭವ ಉಂಟಾದ ಕೂಡಲೇ ಜನರು ಮನೆಗಳು ಹಾಗೂ ಕಟ್ಟಡಗಳಿಂದ ಹೊರಗೆ ಓಡಿ ಬಂದು ರಸ್ತೆಯಲ್ಲಿ ನಿಲ್ಲುವ ವಿಡಿಯೋಗಳು ವೈರಲ್ ಆಗಿವೆ.


ಜನರು ಎಲಿವೇಟರ್‌ಗಳನ್ನು ಬಳಸದಂತೆ ಮತ್ತು ಕಟ್ಟಡಗಳು, ಮರಗಳು, ಗೋಡೆ ಹಾಗೂ ಕಂಬಗಳಿಂದ ದೂರ ಇರುವಂತೆ ಮನವಿ ಮಾಡಿತ್ತು. ತುರ್ತು ಪರಿಸ್ಥಿತಿಗೆ 112ಕ್ಕೆ ಕರೆ ಮಾಡುವಂತೆ ತಿಳಿಸಿತ್ತು.


ರಾಷ್ಟ್ರ ರಾಜಧಾನಿಯಲ್ಲಿ ಈ ತಿಂಗಳಲ್ಲಿ ಜನರು ಭೂಕಂಪನದ ಭೀತಿಗೆ ಒಳಗಾಗಿರುವುದು ಇದು ಎರಡನೇ ಸಲವಾಗಿದೆ. ಇದಕ್ಕೂ ಮುನ್ನ ಪ್ರಬಲ ಭೂಕಂಪನದಿಂದ ಜನರು ಆತಂಕಗೊಂಡಿದ್ದರು. ದಿಲ್ಲಿ- ಎನ್‌ಸಿಆರ್ ಮತ್ತು ಉತ್ತರ ಭಾರತದ ಅನೇಕ ಭಾಗಗಳಲ್ಲಿ ಅಕ್ಟೋಬರ್ 3ರಂದು ಭೂಮಿ ಅದುರಿತ್ತು. ನೇಪಾಳದ ಪಶ್ಚಿಮ ಭಾಗದಲ್ಲಿ ರಿಕ್ಟರ್ ಮಾಪನದಲ್ಲಿ 6.2 ತೀವ್ರತೆಯಲ್ಲಿ ಭೂಕಂಪನ ದಾಖಲಾಗಿತ್ತು. ನೇಪಾಳದಲ್ಲಿ ಸರಣಿಯಂತೆ ಒಂದರ ಹಿಂದೊಂದು ಕಂಪನ ಉಂಟಾಗಿದ್ದರಿಂದ ಭಾರತದ ಅನೇಕ ಭಾಗಗಳಲ್ಲಿ ಅದರ ಪರಿಣಾಮ ಉಂಟಾಗಿತ್ತು.
ಅಫ್ಘಾನಿಸ್ತಾನ ಭೂಕಂಪಕ್ಕೆ ಬಲಿಯಾದವರ ಸಂಖ್ಯೆ 2 ಸಾವಿರಕ್ಕೆ ಏರಿಕೆ! ಮನೆಗಳಲ್ಲೇ ಜೀವಂತ ಸಮಾಧಿ!

ಭಾನುವಾರ ಅಫ್ಘಾನಿಸ್ತಾನದಲ್ಲಿ 6.3 ತೀವ್ರತೆಯಲ್ಲಿ ಪ್ರಬಲ ಭೂಕಂಪನ ಉಂಟಾಗಿದೆ. ಹೆರಾತ್ ನಗರದಿಂದ ಸುಮಾರು 34 ಕಿಮೀ ಹೊರಭಾಗದಲ್ಲಿ ಶಕ್ತಿಶಾಲಿ ಭೂಕಂಪನ ವರದಿಯಾಗಿದೆ. ವಾರದ ಹಿಂದಷ್ಟೇ (ಅ 7ರಂದು) ಅನಾಹುತಕಾರಿ ಭೂಕಂಪನವು ಅಫ್ಘಾನಿಸ್ತಾನದಲ್ಲಿ 2 ಸಾವಿರಕ್ಕೂ ಹೆಚ್ಚು ಜನರನ್ನು ಬಲಿ ಪಡೆದುಕೊಂಡಿತ್ತು.