ಗಾಂಜಾ ಸಾಗಣೆ ಯತ್ನ

ಸಾಗರ: ತಾಲೂಕಿನ ಮರಸ ಗ್ರಾಮದ ಬಳಿ ಒಣಗಾಂಜಾ ಮಾರಾಟಕ್ಕಾಗಿ ಸೊರಬ ತಾಲೂಕಿನ ಉಳವಿ ಕಡೆಯಿಂದ ದ್ವಿಚಕ್ರವಾಹನದಲ್ಲಿಬರುತ್ತಿದ್ದಾರೆ ಎಂಬ ಮಾಹಿತಿ ಮೇರೆಗೆ ವಾಹನಗಳ ತಪಾಸಣೆ ಸಂದರ್ಭ ಮಾಲು ಸಮೇತ ಯುವಕನೊಬ್ಬನನ್ನು ಶುಕ್ರವಾರ ವಶಕ್ಕೆ ಪಡೆಯಲಾಗಿದೆ.

ದ್ವಿಚಕ್ರ ವಾಹನ ಚಾಲನೆ ಮಾಡುತ್ತಿದ್ದ ಸೊರಬ ತಾಲೂಕಿನ ಉಳವಿ ಗ್ರಾಮದ ಜನತಾ ಕಾಲೋನಿ ವಾಸಿ 26ವರ್ಷದ ತಾಹಿರ್‌ ಅಹ್ಮದ್‌ನನ್ನು ವಶಕ್ಕೆ ಪಡೆದು, ಆತನಿಂದ 1 ಕೆ.ಜಿ 100 ಗ್ರಾಂ ತೂಕದಷ್ಟು ಒಣಗಿದ ಗಾಂಜಾ ಸೊಪ್ಪು, ಗಾಂಜಾ ಹೂ, ಗಾಂಜಾಪುಡಿ ತುಂಬಿದ ಪ್ಲಾಸ್ಟಿಕ್‌ ಕವರ್‌ ಮತ್ತು ಈ ಕೃತ್ಯಕ್ಕೆ ಬಳಸಿದ ದ್ವಿಚಕ್ರವಾಹನ ವಶಕ್ಕೆ ಪಡೆದು ಪ್ರಕರಣ ದಾಖಲಿಸಲಾಗಿದೆ. ದ್ವಿಚಕ್ರ ವಾಹನದ ಹಿಂಬದಿಯಲ್ಲಿಕುಳಿತಿದ್ದ ತಾಹಿರ್‌ ಅಹಮ್ಮದ್‌ ನ ತಂದೆ, 68 ವರ್ಷದ ಶೌಕತ್‌ ಅಲಿ ತಪ್ಪಿಸಿಕೊಂಡು ಪರಾರಿಯಾಗಿದ್ದಾನೆ. ದಾಳಿ ಕಾರ್ಯಾಚರಣೆಯಲ್ಲಿ ಸಬ್‌ ಇನ್ಸ್‌ಪೆಕ್ಟರ್‌ ಭರತ್‌ಕುಮಾರ್‌, ಎಎಸ್‌ಐ ಸಿದ್ದರಾಮಪ್ಪ, ಸಿಬ್ಬಂದಿ ಪೈರೋಜ್‌ ಅಹ್ಮದ್‌, ತಾರಾನಾಥ, ಗಿರೀಶ್‌ಬಾಬು, ಪ್ರಕಾಶ್‌ ಅಂಬ್ಲಿ, ರವಿಕುಮಾರ್‌, ಅಶೋಕ್‌, ರಘು ಇತರರು ಇದ್ದರು.