ಗೋರಿ ಉಸಿರಾಡುತ್ತಿದೆ!...ಪವಾಡ ನೋಡಲು ಹರಿದು ಬಂದ ಜನಸಾಗರ

ತುಮಕೂರು: ಸಾಯಿಬಾಬಾ ಕಣ್ಣುಬಿಟ್ಟ ಕಥೆಯನ್ನು ಗಣಪತಿ ಹಾಲು ಕುಡಿದ ಕಥೆಯನ್ನು ನಾವು ಇದುವರೆಗೂ ನೋಡಿದ್ದೇವೆ, ಕೇಳಿದ್ದೇವೆ. ಆದರೆ, ಇದೀಗ ತುಮಕೂರಿನ ಕೆಸರುಮಡುವಿನಲ್ಲಿರುವ ದರ್ಗಾವೊಂದರಲ್ಲಿ ಗೋರಿ ಉಸಿರಾಡ್ತಿದೆ‌ ಎನ್ನುವುದು ಎಲ್ಲರಲ್ಲಿ ವಿಚಿತ್ರ ಮೂಡಿಸಿದೆ.

ಸೆಪ್ಟೆಂಬರ್ ೪ ರಂದು ಈ ಪವಾಡ ನಡೆದಿದೆ. ಇದಕ್ಕಿದಂತೆ ಗೋರಿ ಉಸಿರಾಡುತ್ತಿರುವುದನ್ನು ನೋಡಿ ಸ್ಥಳೀಯರು ಆಶ್ವರ್ಯ ವ್ಯಕ್ತಪಡಿಸಿದ್ದಾರೆ. ಇನ್ನೂ ಅಲ್ಲಾಹುನ ಪ್ರಭಾವದಿಂದಲೇ ಇದೆಲ್ಲ ನಡೆಯುತ್ತಿದೆ ಎಂದು ಮುಸ್ಲಿಂ ಬಾಂಧವರು ಪ್ರಾರ್ಥನೆ ಸಲ್ಲಿಸಿದರು, ವಿಸ್ಮಯ ನೋಡಲು ಸಾವಿರಾರು ಸಂಖ್ಯೆಯಲ್ಲಿ ಜನರು ಜನರು ಹರಿದು ಬಂದಿದ್ದಾರೆ.

ಗೋರಿಯ ಮೇಲೆ ಹಾಕಿರುವ ಮೇಲ್ವಸ್ತ್ರ ಉಸಿರಾಡುವಾಗ ಚಲಿಸುವಂತೆ ಕಾಣಿಸುತ್ತಿದ್ದು, ಕೌತುಕಕ್ಕೆ ಕಾರಣವಾಗಿದೆ. ಸುಮಾರು 8 ಗಂಟೆಗಳ ಕಾಲ ಈ ಪವಾಡ ನಡೆದಿದ್ದು, ಕವಾಲಿ ಹಾಡು ಮುಗಿದ ನಂತರ ಉಸಿರಾಡುವ ಗೋರಿ ಕೂಡ ಶಾಂತವಾಗಿದೆ ಎನ್ನಲಾಗಿದೆ.

ಸ್ಥಳೀಯ ಶಾಸಕ ಸುರೇಶ್ ಗೌಡ ಕೂಡ ಭೇಟಿ ಕೊಟ್ಟು ಪವಾಡವನ್ನ ವೀಕ್ಷಿಸಿದ್ದಾರೆ. ಸ್ಥಳೀಯರೊಬ್ಬರು ಈ ಘಟನೆಯನ್ನು ಮೊಬೈಲ್‌ನಲ್ಲಿ ಚಿತ್ರೀಕರಿಸಿದ್ದು, ವಿಷಯ ಹೊರಬರಲಿಕ್ಕೆ ಕಾರಣವಾಗಿದೆ.