ಸೌದಿ ಆರೇಬಿಯಾದಲ್ಲಿ ನಿಗೂಢವಾಗಿ ಮೃತಪಟ್ಟಿರುವ ಶಿರ್ವ ಸಮೀಪದ ಕುತ್ಯಾರಿನ ನರ್ಸ್ ಹೆಝಲ್ ಜೋತ್ಸ್ನಾ ಕ್ವಾಡ್ರಸ್(28)ಅವರ ಮೃತದೇಹವನ್ನು ತರುವ ನಿಟ್ಟಿನಲ್ಲಿ ಸಂಬಂಧಿಕರು ಬಹುಮೂಲಗಳಿಂದ ಪ್ರಯತ್ನಿಸುತ್ತಿರುವುದು ಮೃತದೇಹ ಹತ್ತಾಂತರಕ್ಕೆ ತೊಡಕಾಗುತ್ತಿದೆ.
Vijaya Karnataka Web30 Jul 2018, 10:27 am
ಕಟಪಾಡಿ: ಸೌದಿ ಆರೇಬಿಯಾದಲ್ಲಿ ನಿಗೂಢವಾಗಿ ಮೃತಪಟ್ಟಿರುವ ಶಿರ್ವ ಸಮೀಪದ ಕುತ್ಯಾರಿನ ನರ್ಸ್ ಹೆಝಲ್ ಜೋತ್ಸ್ನಾ ಕ್ವಾಡ್ರಸ್(28)ಅವರ ಮೃತದೇಹವನ್ನು ತರುವ ನಿಟ್ಟಿನಲ್ಲಿ ಸಂಬಂಧಿಕರು ಬಹುಮೂಲಗಳಿಂದ ಪ್ರಯತ್ನಿಸುತ್ತಿರುವುದು ಮೃತದೇಹ ಹಸ್ತಾಂತರಕ್ಕೆ ತೊಡಕಾಗುತ್ತಿದೆ.
Vijaya Karnataka Web
ವಿದೇಶದಲ್ಲಿ ನಡೆಯುವ ಇಂತಹ ವಿದ್ಯಮಾನಗಳನ್ನು ಬಗೆಹರಿಸುವ ನಿಟ್ಟಿನಲ್ಲಿ ಮಾನವ ಹಕ್ಕುಗಳ ರಕ್ಷ ಣಾ ಪ್ರತಿಷ್ಠಾನದ ಸಹಯೋಗದೊಂದಿಗೆ ಉಡುಪಿ ಜಿಲ್ಲಾಡಳಿತ ಸ್ಥಾಪಿಸಿರುವ ಜಿಲ್ಲಾಧಿಕಾರಿ ನೇತೃತ್ವದ ಎನ್ಆರ್ಐ ಸೆಲ್ನ ಪ್ರಯತ್ನಕ್ಕೆ ಇದರಿಂದ ಅಡಚಣೆಯಾಗುತ್ತಿದೆ.
ಮಹಿಳೆಯ ಮೃತದೇಹವನ್ನು ತರುವಲ್ಲಿ ಮಹಿಳೆಯ ಕುಟುಂಬಿಕರ ಮನವಿಯ ಮೇರೆಗೆ ಕೇಂದ್ರ ಸರಕಾರ, ರಾಜ್ಯ ಸರಕಾರ ಹಾಗೂ ಎನ್ಆರ್ಐ ಫೋರಮ್ ಅಲ್ಲದೆ ಸೌದಿಯಲ್ಲಿರುವ ಸ್ಥಳೀಯರ ಸಂಘಟನೆಗಳ ಮೂಲಕ ಪ್ರಯತ್ನಗಳು ನಡೆಯುತ್ತಿರುವುದರಿಂದ ಅಲ್ಲಿನ ಸರಕಾರಕ್ಕೆ ಯಾರೊಂದಿಗೆ ವ್ಯವಹರಿಸಬೇಕು ಎಂಬ ಬಗ್ಗೆ ಗೊಂದಲವುಂಟಾಗಿದೆ ಎಂದು ಮೂಲಗಳು ತಿಳಿಸಿವೆ.
ಈ ವಿಷಯಲ್ಲಿ ಕ್ರೆಡಿಟ್ ಪಡೆಯಲು ತೆರೆಮರೆಯಲ್ಲಿ ರಾಜಕೀಯ ಹಿತಾಸಕ್ತಿಗಳು ತಲೆಹಾಕಿರುವುದರಿಂದ ಇದು ಮತ್ತಷ್ಟು ಜಟಿಲಗೊಳ್ಳುವ ಸಾಧ್ಯತೆ ಇದೆ. ಈ ನಡುವೆ ಮೃತ ಮಹಿಳೆಯ ಕುಟುಂಬಿಕರು ಸೌದಿಯಲ್ಲಿರುವ ಡೇನಿಸ್ ಕ್ವಾಡ್ರಸ್ ಎಂಬವರಿಗೆ ಪವರ್ ಆಫ್ ಅಟಾರ್ನಿ ನೀಡಿದ್ದು ಅವರೂ ತಮ್ಮ ನೆಲೆಯಲ್ಲೇ ಪ್ರಯತ್ನ ನಡೆಸಲು ಮುಂದಾಗಿದ್ದಾರೆ. ಎನ್ಆರ್ಐ ಸೆಲ್ ಈ ಬಗ್ಗೆ ತಮ್ಮ ಪ್ರಯತ್ನ ಮುಂದುವರಿಸಿದ್ದು ಆ ವ್ಯಕ್ತಿಗೆ ಸಂಪೂರ್ಣ ಸಹಕಾರ ನೀಡುವ ವ್ಯವಸ್ಥೆ ಮಾಡುತ್ತಿದೆ. ತೊಂದರೆ ಆಗಿರುವುದು ಹೇಗೆ? : ಒಂದಕ್ಕಿಂತ ಹೆಚ್ಚು ಮೂಲಗಳು ಪ್ರಯತ್ನಿಸುವುದು ಗೊಂದಲಕ್ಕೆ ಕಾರಣವಾಗುತ್ತಿದೆ. ಇವರಲ್ಲಿ ಯಾರೊಂದಿಗೆ ವ್ಯವಹರಿಸಬೇಕು ಎಂಬ ಗೊಂದಲ ಅಲ್ಲಿನ ಆಡಳಿತಕ್ಕೆ ಎದುರಾಗುತ್ತದೆ. ಅದಲ್ಲದೆ ಮೃತರಿಗೆ ಸಂಬಂಧಪಟ್ಟ ದಾಖಲೆಗಳನ್ನು ಅಲ್ಲಿನ ಭಾಷೆಗೆ ಭಾಷಾಂತರಿಸಿ ಭಾರತೀಯ ದೂತವಾಸದ ಮೂಲಕ ಅಲ್ಲಿನ ಸರಕಾರಕ್ಕೆ ಸಲ್ಲಿಸಬೇಕಾಗುತ್ತದೆ. ಈ ಪ್ರಕ್ರಿಯೆ ಪೂರ್ಣಗೊಳ್ಳಲು ಸಾಕಷ್ಟು ಸಮಯಾವಕಾಶ ತಗಲುವುದರಿಂದ ಹಸ್ತಾಂತರ ವಿಳಂಬವಾಗಲಿದೆ.
ವಿದೇಶದಲ್ಲಿ ನಡೆಯುವ ಇಂತಹ ಸಮಸ್ಯೆಗಳನ್ನು ಬಗೆಹರಿಸುವಲ್ಲಿ ರವೀಂದ್ರನಾಥ್ ಶಾನುಭೋಗ್ ನೇತೃತ್ವದ ಮಾನವ ಹಕ್ಕುಗಳ ರಕ್ಷ ಣಾ ಪ್ರತಿಷ್ಠಾನ ಸಾಕಷ್ಟು ಯಶಸ್ವಿಯಾಗಿತ್ತು. ಆ ಬಳಿಕ ಪ್ರತಿಷ್ಠಾನದ ಕೆಲಸಗಳಿಗೆ ಕಾನೂನು ಮತ್ತು ಆಡಳಿತಾತ್ಮಕ ಮಾನ್ಯತೆ ನೀಡುವ ನಿಟ್ಟಿನಿಂದ ಉಡುಪಿ ಜಿಲ್ಲಾಧಿಕಾರಿಗಳ ಮೂಲಕ 1993ರ ಮೈಗ್ರೇಷನ್ ಕಾಯಿದೆಯ ಪ್ರಕಾರ ಸ್ಥಾಪಿಸಿರುವ ಜಿಲ್ಲಾಡಳಿತದ ಎನ್ಆರ್ಐ ಸೆಲ್ ಆರಂಭಗೊಂಡಿದೆ. ಈ ಸೆಲ್ ಉತ್ತಮ ಅನುಭವಿ ಕಾರ್ಯಕರ್ತರ ಪಡೆಯನ್ನು ಹೊಂದಿದೆ. ಸಂಬಂಧಪಟ್ಟ ದಾಖಲೆಗಳನ್ನು ಇಲ್ಲಿಯೇ ಆ ದೇಶಗಳ ಭಾಷೆಗೆ ಭಾಷಾಂತರಿಸಿ ಸಲ್ಲಿಸುವ ವ್ಯವಸ್ಥೆಯೂ ಇದೆ. ಸಂತ್ರಸ್ತನ ಕುಟುಂಬಿಕರ ಪವರ್ ಆಫ್ ಅಟಾರ್ನಿ ನೇರವಾಗಿ ಸಿಕ್ಕರೆ ಅದನ್ನು ಇಲ್ಲೇ ಭಾಷಾಂತರಿಸಿ ಸಲ್ಲಿಸುವ ವ್ಯವಸ್ಥೆ ಇರುವುದರಿಂದ ಸಾಕಷ್ಟು ಸಮಯದ ಉಳಿತಾಯವೂ ಆಗಲಿದೆ. ಅಲ್ಲದೆ ಕಾನೂನು ಸಂಬಂಧಿ ವ್ಯವಹಾರಗಳನ್ನೂ ಇಲ್ಲಿಂದಲೇ ನಿರ್ವಹಿಸಲಾಗುತ್ತದೆ. ಬಹುಮೂಲಗಳಿಂದ ಕುಟುಂಬಿಕರು ಪ್ರಯತ್ನಿಸಿರುವುದರಿಂದ ತೊಂದರೆಯಾಗುತ್ತಿರುವುದು ನಿಜ.ಆದರೆ ನಾವು ಈ ನಿಟ್ಟಿನಲ್ಲಿ ನಮ್ಮ ಪ್ರಯತ್ನವನ್ನು ಮುಂದುವರಿಸಿದ್ದು ಪವರ್ ಆಪ್ ಅಟಾರ್ನಿ ಪಡೆದಿರುವ ವ್ಯಕ್ತಿಯೊಂದಿಗೆ ಸಂಪರ್ಕ ಸಾಧಿಸಿ ಅವರಿಗೆ ಸರ್ವ ಸಹಕಾರ ನೀಡಲಿದ್ದೇವೆ. ಎನ್ಆರ್ಐ
-ರವೀಂದ್ರನಾಥ್ ಶಾನುಬೋಗ್ , ಸೆಲ್ನ ಮಾನವ ಹಕ್ಕುಗಳ ಹೋರಾಟಗಾರ
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್ಡೌನ್ಲೋಡ್ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.