ಐದನೇ ತಲೆಮಾರಿನ ಯುದ್ಧವಿಮಾನ ಎಎಂಸಿಎಗೆ ಸಿಸಿಎಸ್ ಅನುಮತಿ: ಮತ್ತಷ್ಟು ವಿಸ್ತಾರ ಭಾರತದ ರಕ್ಷಣಾ ದಿಗಂತ

• ಗಿರೀಶ್ ಲಿಂಗಣ್ಣ

ಭಾರತದ ಮಹತ್ವಾಕಾಂಕ್ಷಿ ಐದನೇ ತಲೆಮಾರಿನ ಐದನೇ ತಲೆಮಾರಿನ ಯುದ್ಧವಿಮಾನವಾದ ಅಡ್ವಾನ್ಸ್ ಡ್ ಮೀಡಿಯಂ ಕಾಂಬಾಟ್ ಏರ್ ಕ್ರಾಫ್ಟ್ ನ ವಿನ್ಯಾಸ ಮತ್ತು ನಿರ್ಮಾಣಕ್ಕೆ ರಕ್ಷಣಾ ಸಂಸದೀಯ ಸಮಿತಿ ಜನವರಿ 7ರಂದು ಹಸಿರು ನಿಶಾನೆ ತೋರಿಸಿದೆ. ದೇಶದ ಹೆಮ್ಮೆಯ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಯು ಸುಮಾರು 15 ಸಾವಿರ ಕೋಟಿ ರೂ ವೆಚ್ಚದಲ್ಲಿ ಈ ವಿಮಾನವನ್ನು ತಯಾರಿಸಲಿದೆ.

ಎಎಂಸಿಎ 25 ಟನ್ ತೂಕದ, ಎರಡು ಇಂಜಿನ್‌ಗಳ, ಸ್ಟೆಲ್ತ್ ಸಾಮರ್ಥ್ಯವುಳ್ಳ, 360 ಡಿಗ್ರಿ ಪರಿಸ್ಥಿತಿಯ ಅರಿವು ಹೊಂದಿರುವ ಯುದ್ಧ ವಿಮಾನವಾಗಿದೆ. ಇದು ಕನಿಷ್ಠ ರೇಡಾರ್ ಸಿಗ್ನೇಚರ್ ಹೊಂದಿದ್ದು, ಒಂದು ಆಂತರಿಕ ಆಯುಧಾಗಾರವನ್ನೂ ಹೊಂದಿದೆ. ಇದು ಭಾರತದಲ್ಲಿ ಅಭಿವೃದ್ಧಿ ಹೊಂದಿರುವ ಮೊತ್ತ ಮೊದಲ ಡೈವರ್ಟ್‌ಲೆಸ್ ಸೂಪರ್‌ಸಾನಿಕ್ ಇನ್‌ಟೇಕ್ ಆಗಿದ್ದು, 1,500 ಕೆಜಿಗಳಷ್ಟು ಪೇಲೋಡ್ ಮತ್ತು 5,500 ಕೆಜಿಗಳಷ್ಟು ಬಾಹ್ಯ ಪೇಲೋಡ್ ಮತ್ತು 6,500 ಕೆಜಿ ಆಂತರಿಕ ಇಂಧನ ಒಯ್ಯಬಲ್ಲ ಸಾಮರ್ಥ್ಯ ಹೊಂದಿದೆ.

PoK Blunder- ಪಿಒಕೆ ಬ್ಲಂಡರ್​ಗಳಿಗೆ ನಿಜಕ್ಕೂ ನೆಹರು ಕಾರಣರೇ? ಇತಿಹಾಸ ಬಿಚ್ಚಿಟ್ಟ ಸತ್ಯಗಳೇನು?

ಹಗುರ ಮತ್ತು ಸುಲಭ ನಿರ್ವಹಣೆ

ಭಾರತದ 'ಮೊತ್ತ ಮೊದಲ ಡೈವರ್ಟ್‌ಲೆಸ್ ಸೂಪರ್‌ಸಾನಿಕ್ ಇನ್‌ಟೇಕ್' ಎಂದರೆ, ಯುದ್ಧ ವಿಮಾನಗಳಿಗೆ ಹೆಚ್ಚಿನ ಸಂಕೀರ್ಣ ಬಿಡಿಭಾಗಗಳ ಅವಶ್ಯಕತೆ ಇಲ್ಲದೆ ಅತ್ಯಂತ ವೇಗವಾಗಿ ಸಂಚರಿಸುವ ಅವಕಾಶ ಕಲ್ಪಿಸುವುದಾಗಿದೆ. ಭಾರತದಲ್ಲೇ ನಿರ್ಮಿತವಾಗಿರುವ ಇದು ಯುದ್ಧ ವಿಮಾನವನ್ನು ಹೆಚ್ಚು ಸ್ಟೆಲ್ತ್, ಹಗುರ ಮತ್ತು ನಿರ್ವಹಣೆಗೆ ಸುಲಭವಾಗಿಸುತ್ತದೆ.

ಈ ಮೊದಲು, ಏರೋನಾಟಿಕಲ್ ಡೆವಲಪ್‌ಮೆಂಟ್ ಏಜೆನ್ಸಿಯ (ಎಡಿಎ) ಪ್ರತಿನಿಧಿಗಳು ಎಎಂಸಿಎ ಯೋಜನೆಗೆ ಅನುಮತಿ ದೊರೆತ ಮೂರು ವರ್ಷಗಳ ಒಳಗಾಗಿ, ಯುದ್ಧ ವಿಮಾನದ ಮೂಲ ಮಾದರಿಯನ್ನು ಅನಾವರಣಗೊಳಿಸಲಾಗುತ್ತದೆ ಎಂದಿದ್ದರು. ಅದಾದ ಒಂದು - ಒಂದೂವರೆ ವರ್ಷಗಳ ಒಳಗೆ ಆರಂಭಿಕ ಹಾರಾಟ ನಡೆಸಲಾಗುವುದು ಎನ್ನಲಾಗಿತ್ತು. ಎಎಂಸಿಎಯ ಉದ್ದೇಶಿತ ಉತ್ಪಾದಕ ಸಂಸ್ಥೆಯಾದ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (ಎಚ್ಎಎಲ್) ಈಗಾಗಲೇ ಉತ್ಪಾದನಾ ಚಟುವಟಿಕೆಗಳನ್ನು ಆರಂಭಿಸಿದೆ.

ನಿತ್ಯ ನೂತನ ಉಡಾವಣೆಗಳೊಂದಿಗೆ ಬೆಳೆಯುತ್ತಿದೆ ಭಾರತೀಯ ಬಾಹ್ಯಾಕಾಶ ಉದ್ಯಮ

2026ರ ವೇಳೆಗೆ ನಿರ್ಮಾಣ ಪೂರ್ಣ

ಈ ಯೋಜನೆಯಡಿ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (ಎಚ್ಎಎಲ್) ಗರಿಷ್ಠ ಐದು ಎಎಂಸಿಎ ಮೂಲ ಮಾದರಿಗಳನ್ನು ನಿರ್ಮಿಸಲಿದ್ದು, 2026ರ ವೇಳೆಗೆ ಅವುಗಳ ನಿರ್ಮಾಣ ಯೋಜನೆ ಪೂರ್ಣಗೊಳ್ಳುವ ನಿರೀಕ್ಷೆಗಳಿವೆ.

ಎಎಂಸಿಎ ಯೋಜನೆ ಭಾರತದ ರಕ್ಷಣಾ ಅಭಿವೃದ್ಧಿ ಯೋಜನೆಗಳ ಮಹತ್ವದ ಭಾಗವಾಗಿದ್ದು, ತೇಜಸ್ ಎಂಕೆ1ಎ ಮತ್ತು ಪ್ರಸ್ತುತ ಅಭಿವೃದ್ಧಿ ಹೊಂದುತ್ತಿರುವ ಎಂಕೆ2 ಯೋಜನೆಗಳ ಬಳಿಕ, ಭಾರತದ ಮೂರನೇ ಯುದ್ಧ ವಿಮಾನವಾಗಿದೆ. ಎಎಂಸಿಎ ಯೋಜನೆಯ ಮೂಲಕ, ಭಾರತ ಅತ್ಯಾಧುನಿಕ ಯುದ್ಧ ವಿಮಾನಗಳ ವಲಯದಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸುವ ಗುರಿ ಹೊಂದಿದ್ದು, ವಿದೇಶೀ ವಿಮಾನಗಳ ಖರೀದಿಯ ಮೇಲಿನ ಅವಲಂಬನೆಯನ್ನು ಕಡಿಮೆಗೊಳಿಸುವ ಮತ್ತು ತನ್ನ ಕಾರ್ಯತಂತ್ರದ ಸ್ವಾಯತ್ತತೆಯನ್ನು ಉತ್ತೇಜಿಸುವ ಗುರಿ ಹೊಂದಿದೆ.

ಎಎಂಸಿಎ ಯೋಜನೆ ಎರಡು ಹಂತಗಳಲ್ಲಿ ಜಾರಿಗೆ ಬರಲು ಸಿದ್ಧಗೊಳ್ಳುತ್ತಿದೆ. ಮೊದಲನೆಯ ಆವೃತ್ತಿಯಾದ ಎಂಕೆ1ಗೆ ಅಮೆರಿಕಾದ ಜನರಲ್ ಇಲೆಕ್ಟ್ರಿಕ್ ಎಫ್414 ಇಂಜಿನ್ ಶಕ್ತಿ ನೀಡಲಿದೆ. ಇದು 98 ಕೆಎನ್ ಥ್ರಸ್ಟ್ ಹೊಂದಿರಲಿದೆ. ಎರಡನೇ ಆವೃತ್ತಿಯಾದ ಎಂಕೆ2ಗೆ ಇನ್ನಷ್ಟು ಶಕ್ತಿಶಾಲಿಯಾದ ಇಂಜಿನ್‌ ಹೊಂದುವ ಗುರಿ ಹಾಕಿಕೊಳ್ಳಲಾಗಿದೆ.

ಮರಳಿ ಆರಂಭಗೊಂಡಿದೆ ಪರಮಾಣು ಶಸ್ತ್ರಾಸ್ತ್ರ ಸ್ಪರ್ಧೆ: ಜಾಗತಿಕ ನಾಯಕರು ದುರಂತ ನಡೆಯದಂತೆ ತಡೆಯಬಲ್ಲರೇ?

ಫ್ರಾನ್ಸ್ ನ ಸರನ್ ಜೊತೆ ಮಾತುಕತೆ

ಈ ಮಾದರಿಯನ್ನು ಇನ್ನಷ್ಟು ಅಭಿವೃದ್ಧಿ ಪಡಿಸಿದ ವ್ಯವಸ್ಥೆಗಳನ್ನು ಹೊಂದುವ ರೀತಿ ವಿನ್ಯಾಸಗೊಳಿಸಲಾಗಿದ್ದು, ಇದಕ್ಕಾಗಿ 110-120 ಕೆಎನ್ ವ್ಯಾಪ್ತಿಯ ಹೊಸ ಇಂಜಿನ್ ಬಳಸುವ ನಿರೀಕ್ಷೆಗಳಿವೆ. ಈ ಇಂಜಿನ್ ವಿಮಾನಕ್ಕೆ ಸೂಪರ್‌ಸಾನಿಕ್ ಕ್ರೂಸಿಂಗ್ ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಒದಗಿಸುತ್ತದೆ. ಈ ಆಧುನಿಕ ಇಂಜಿನ್ನನ್ನು ಫ್ರಾನ್ಸ್‌ನ ಸರನ್ ಮತ್ತು ಡಿಆರ್‌ಡಿಓ ಜಂಟಿಯಾಗಿ ಅಭಿವೃದ್ಧಿ ಪಡಿಸುವ ನಿರೀಕ್ಷೆಗಳಿದ್ದು, ಇದಕ್ಕಾಗಿ ಪ್ರಸ್ತುತ ಮಾತುಕತೆಗಳು ನಡೆಯುತ್ತಿವೆ.

ಭಾರತೀಯ ವಾಯುಪಡೆ ಈಗಾಗಲೇ ಎಎಂಸಿಎ ಎಂಕೆಐನ 40 ವಿಮಾನಗಳನ್ನು ಖರೀದಿಸಲು ಆಸಕ್ತಿ ವ್ಯಕ್ತಪಡಿಸಿದೆ. ಇದು ಭಾರತೀಯ ವಾಯು ಸೇನೆ ದೇಶೀಯ ಉತ್ಪಾದಕರ ಮೇಲೆ ವಿಶ್ವಾಸ ಇಟ್ಟಿರುವುದಕ್ಕೆ ಸಾಕ್ಷಿಯಾಗಿದೆ.



ಎಎಂಸಿಎಯ ಅಭಿವೃದ್ಧಿ ಭಾರತವನ್ನು ಐದನೇ ತಲೆಮಾರಿನ ಯುದ್ಧ ವಿಮಾನವನ್ನು ಅಭಿವೃದ್ಧಿ ಪಡಿಸಿದ ಕೆಲವೇ ರಾಷ್ಟ್ರಗಳ ಸಾಲಿಗೆ ಸೇರ್ಪಡೆಗೊಳಿಸಲಿದೆ. ಭಾರತಕ್ಕೆ ಮುನ್ನ, ಕೇವಲ ಅಮೆರಿಕಾ, ರಷ್ಯಾ ಮತ್ತು ಚೀನಾಗಳು ಮಾತ್ರವೇ ಐದನೇ ತಲೆಮಾರಿನ ವಿಮಾನಗಳನ್ನು ಅಭಿವೃದ್ಧಿ ಪಡಿಸಿವೆ.

(ಲೇಖಕರು ಬಾಹ್ಯಾಕಾಶ ಮತ್ತು ರಕ್ಷಣಾ ವಿಶ್ಲೇಷಕ)