ಮುಂಬೈ: ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 2022ರ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌(ಐಪಿಎಲ್‌) ಟೂರ್ನಿಯ ಪಂದ್ಯದಲ್ಲಿ ಸೋಲು ಅನುಭವಿಸಿದ್ದಕ್ಕೆ ರಾಜಸ್ಥಾನ್‌ ರಾಯಲ್ಸ್ ನಾಯಕ ಸಂಜು ಸ್ಯಾಮ್ಸನ್‌ ಬೇಸರ ವ್ಯಕ್ತಪಡಿಸಿದ್ದಾರೆ.
ಸೋಲಿನ ಬಳಿಕ ಪೋಸ್ಟ್‌ ಮ್ಯಾಚ್‌ ಪ್ರೆಸೆಂಟೇಷನ್‌ನಲ್ಲಿ ಮಾತನಾಡಿದ ರಾಜಸ್ಥಾನ್‌ ರಾಯಲ್ಸ್ ನಾಯಕ ಸಂಜು ಸ್ಯಾಮ್ಸನ್‌, "ಪಂದ್ಯದ ಸೋಲಿಗೆ ಕಾರಣವಾದ ಒಂದೇ ಒಂದು ಅಂಶವನ್ನು ನಾನು ಇಲ್ಲಿ ಉಲ್ಲೇಖಿಸುವುದಿಲ್ಲ. ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ ನಾವು ನಿಧಾನಗತಿಯ ವಿಕೆಟಾದರೂ ಉತ್ತಮ ಮೊತ್ತವನ್ನು ಕಲೆ ಹಾಕಿದ್ದೆವು," ಎಂದು ಹೇಳಿದರು.
RR vs RCB: ರಾಯಲ್ಸ್‌ಗೆ ಸೋಲಿನ ಬರೆ ಎಳೆದ ರಾಯಲ್‌ ಚಾಲೆಂಜರ್ಸ್!
"ಜೋಸ್‌ ಬಟ್ಲರ್‌ ಹಾಗೂ ಶಿಮ್ರಾನ್‌ ಹೆಟ್ಮಾಯೆರ್ ಡೆತ್‌ ಓವರ್‌ಗಳಲ್ಲಿ ಅತ್ಯುತ್ತಮ ಬ್ಯಾಟಿಂಗ್‌ ಪ್ರದರ್ಶನ ತೋರಿದರು. ಇಬ್ಬನಿಯ ಹೊರತಾಗಿಯೂ ಪಂದ್ಯವನ್ನು ಕೊನೆಯ ಓವರ್‌ವರೆಗೂ ತೆಗೆದುಕೊಂಡ ಹೋದ ನಮ್ಮ ಪ್ರಯತ್ನ ಅದ್ಭುತವಾಗಿತ್ತು," ಎಂದು ತಿಳಿಸಿದರು.
ಇಬ್ಬನಿ ಜಾಸ್ತಿ ಇದ್ದಿದ್ದರಿಂದ ಚೆಂಡು ಬದಲಿಸುವಂತೆ ಅಂಪೈರ್‌ಗೆ ಕೇಳಿದ್ದೀರಾ? ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿ,"ಖಂಡಿತವಾಗಿಯೂ ಇಲ್ಲ. ನಮ್ಮ ಬೌಲರ್‌ಗಳ ಮೇಲೆ ನನಗೆ ಸಂಪೂರ್ಣ ವಿಶ್ವಾಸವಿದೆ. ದಿನೇಶ್‌ ಕಾರ್ತಿಕ್ ಸಾಕಷ್ಟು ಅನುಭವವನ್ನು ಹೊಂದಿದ್ದಾರೆ. ಸ್ವಲ್ಪ ಸಮಯ ತೆಗೆದುಕೊಂಡು ಫೀಲ್ಡಿಂಗ್‌ ನಿಲ್ಲಿಸುವುದು ಇಲ್ಲಿ ಪ್ರಮುಖ ಸಂಗತಿಯಾಗಿತ್ತು. ಈ ಸೋಲಿನಿಂದ ನಾವು ಸಾಕಷ್ಟು ಸಕಾರಾತ್ಮಕ ಸಂಗತಿಗಳನ್ನು ಪಡೆದುಕೊಂಡಿದ್ದೇವೆ ಹಾಗೂ ಸಾಕಷ್ಟು ಕಲಿತಿದ್ದೇವೆ," ಎಂದರು.
IPL 2022: ಎಲ್ಲ ಲೆಕ್ಕಾಚಾರಗಳನ್ನು ಧೂಳೀಪಟ ಮಾಡುವ ಬ್ಯಾಟ್ಸ್‌ಮನ್‌ ಹೆಸರಿಸಿದ ಮೊರ್ನೆ ಮಾರ್ಕೆಲ್‌!
ಆರ್‌ಸಿಬಿಗೆ 170 ರನ್‌ ಗುರಿ ನೀಡಿದ್ದ ಆರ್‌ಆರ್‌: ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ್ದ ರಾಜಸ್ಥಾನ್‌ ರಾಯಲ್ಸ್ ತಂಡ ಯಶಸ್ವಿ ಜೈಸ್ವಾಲ್‌ ಅವರ ವಿಕೆಟ್‌ ಅನ್ನು ಬಹುಬೇಗ ಕಳೆದುಕೊಂಡಿತು. ಎರಡನೇ ವಿಕೆಟ್‌ಗೆ ಜೊತೆಯಾದ ಜೋಸ್‌ ಬಟ್ಲರ್‌ ಹಾಗೂ ದೇವದತ್ ಪಡಿಕ್ಕಲ್‌ ಜೋಡಿ 70 ರನ್‌ ಜೊತೆಯಾಟವಾಡುವ ಮೂಲಕ ರಾಜಸ್ಥಾನ್‌ ರಾಯಲ್ಸ್ ಕಮ್‌ಬ್ಯಾಕ್‌ಗೆ ನೆರವಾಯಿತು.
37 ರನ್‌ ಗಳಿಸಿ ದೇವದತ್ ಪಡಿಕ್ಕಲ್‌ ವಿಕೆಟ್‌ ಒಪ್ಪಿಸಿದರೆ, ಇದರ ಬೆನ್ನಲ್ಲೆ ನಾಯಕ ಸಂಜು ಸ್ಯಾಮ್ಸನ್‌(8) ಔಟ್‌ ಆದರು. ಮೂರನೇ ವಿಕೆಟ್‌ಗೆ ಅತ್ಯುತ್ತಮ ಬ್ಯಾಟಿಂಗ್‌ ಪ್ರದರ್ಶನ ತೋರಿದ ಜೋಸ್‌ ಬಟ್ಲರ್‌ ಹಾಗೂ ಶಿಮ್ರಾನ್‌ ಹೆಟ್ಮಾಯೆರ್ ಜೋಡಿ 83 ರನ್‌ ಕಲೆ ಹಾಕಿತು. ಜೋಸ್‌ ಬಟ್ಲರ್‌ 47 ಎಸೆತಗಳಲ್ಲಿ 70 ರನ್‌ ಸಿಡಿಸಿದರೆ, ಶಿಮ್ರಾನ್‌ ಹೆಟ್ಮಾಯೆರ್ 31 ಎಸೆತಗಳಲ್ಲಿ ಅಜೇಯ 42 ರನ್‌ ಸಿಡಿಸಿದರು.
ರಾಜಸ್ಥಾನ್‌ ರಾಯಲ್ಸ್ ತಂಡದಲ್ಲಿರುವ ಸಮಸ್ಯೆ ತಿಳಿಸಿದ ಆಕಾಶ್‌ ಚೋಪ್ರಾ!
ಆರ್‌ಸಿಬಿಗೆ ಗೆಲುವು ತಂದುಕೊಟ್ಟ ಶಹಬಾಝ್-ಕಾರ್ತಿಕ್: ಬಳಿಕ ಗುರಿ ಹಿಂಬಾಲಿಸಿದ್ದ ಆರ್‌ಸಿಬಿ ತಂಡ ಕೂಡ 87 ರನ್‌ಗಳಿಗೆ ಪ್ರಮುಖ ಐದು ವಿಕೆಟ್‌ಗಳನ್ನು ಕಳೆದುಕೊಂಡಿತ್ತು. ಈ ವೇಳೆ ಆರ್‌ಸಿಬಿ ಸೋಲು ಅನುಭವಿಸುವುದು ಬಹುತೇಕ ಖಚಿತ ಎಂದೇ ಹೇಳಲಾಗುತ್ತಿತ್ತು. ಆದರೆ ಶಹಬಾಝ್ ಅಹ್ಮದ್‌ ಮತ್ತು ದಿನೇಶ್‌ ಕಾರ್ತಿಕ್ ನಿರ್ಣಾಯಕ 67 ರನ್‌ ಜೊತೆಯಾಟವಾಡುವ ಮೂಲಕ ಪಂದ್ಯದ ದಿಕ್ಕನ್ನು ಸಂಪೂರ್ಣ ಬದಲಾಯಿಸಿದರು.
ಕೇವಲ 26 ಎಸೆತಗಳಲ್ಲಿ ಶಹಬಾಝ್ ಅಹ್ಮದ್‌ 45 ರನ್‌ ಗಳಿಸಿ ವಿಕೆಟ್‌ ಒಪ್ಪಿಸಿದ ಬಳಿಕ, ದಿನೇಶ್‌ ಕಾರ್ತಿಕ್ 23 ಎಸೆತಗಳಲ್ಲಿ ಅಜೇಯ 44 ರನ್‌ ಗಳಿಸುವ ಮೂಲಕ ಆರ್‌ಸಿಬಿಗೆ 4 ವಿಕೆಟ್‌ಗಳ ಗೆಲುವಿನ ಮಾಲೆ ತೊಡಸಿದರು. ಹರ್ಷಲ್‌ ಪಟೇಲ್‌ 4 ಎಸೆತಗಳಲ್ಲಿ 9 ರನ್‌ ಗಳಿಸಿ ತಂಡದ ಗೆಲುವಿನಲ್ಲಿ ಅಳಿಲು ಸೇವೆ ಸಲ್ಲಿಸಿದರು.
ರಾಜಸ್ಥಾನ Vs ಬೆಂಗಳೂರು ಸ್ಕೋರ್‌ಕಾರ್ಡ್
ಸೋಲಿನ ಬಳಿಕ ಪೋಸ್ಟ್‌ ಮ್ಯಾಚ್‌ ಪ್ರೆಸೆಂಟೇಷನ್‌ನಲ್ಲಿ ಮಾತನಾಡಿದ ರಾಜಸ್ಥಾನ್‌ ರಾಯಲ್ಸ್ ನಾಯಕ ಸಂಜು ಸ್ಯಾಮ್ಸನ್‌, "ಪಂದ್ಯದ ಸೋಲಿಗೆ ಕಾರಣವಾದ ಒಂದೇ ಒಂದು ಅಂಶವನ್ನು ನಾನು ಇಲ್ಲಿ ಉಲ್ಲೇಖಿಸುವುದಿಲ್ಲ. ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ ನಾವು ನಿಧಾನಗತಿಯ ವಿಕೆಟಾದರೂ ಉತ್ತಮ ಮೊತ್ತವನ್ನು ಕಲೆ ಹಾಕಿದ್ದೆವು," ಎಂದು ಹೇಳಿದರು.
RR vs RCB: ರಾಯಲ್ಸ್‌ಗೆ ಸೋಲಿನ ಬರೆ ಎಳೆದ ರಾಯಲ್‌ ಚಾಲೆಂಜರ್ಸ್!
"ಜೋಸ್‌ ಬಟ್ಲರ್‌ ಹಾಗೂ ಶಿಮ್ರಾನ್‌ ಹೆಟ್ಮಾಯೆರ್ ಡೆತ್‌ ಓವರ್‌ಗಳಲ್ಲಿ ಅತ್ಯುತ್ತಮ ಬ್ಯಾಟಿಂಗ್‌ ಪ್ರದರ್ಶನ ತೋರಿದರು. ಇಬ್ಬನಿಯ ಹೊರತಾಗಿಯೂ ಪಂದ್ಯವನ್ನು ಕೊನೆಯ ಓವರ್‌ವರೆಗೂ ತೆಗೆದುಕೊಂಡ ಹೋದ ನಮ್ಮ ಪ್ರಯತ್ನ ಅದ್ಭುತವಾಗಿತ್ತು," ಎಂದು ತಿಳಿಸಿದರು.
ಇಬ್ಬನಿ ಜಾಸ್ತಿ ಇದ್ದಿದ್ದರಿಂದ ಚೆಂಡು ಬದಲಿಸುವಂತೆ ಅಂಪೈರ್‌ಗೆ ಕೇಳಿದ್ದೀರಾ? ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿ,"ಖಂಡಿತವಾಗಿಯೂ ಇಲ್ಲ. ನಮ್ಮ ಬೌಲರ್‌ಗಳ ಮೇಲೆ ನನಗೆ ಸಂಪೂರ್ಣ ವಿಶ್ವಾಸವಿದೆ. ದಿನೇಶ್‌ ಕಾರ್ತಿಕ್ ಸಾಕಷ್ಟು ಅನುಭವವನ್ನು ಹೊಂದಿದ್ದಾರೆ. ಸ್ವಲ್ಪ ಸಮಯ ತೆಗೆದುಕೊಂಡು ಫೀಲ್ಡಿಂಗ್‌ ನಿಲ್ಲಿಸುವುದು ಇಲ್ಲಿ ಪ್ರಮುಖ ಸಂಗತಿಯಾಗಿತ್ತು. ಈ ಸೋಲಿನಿಂದ ನಾವು ಸಾಕಷ್ಟು ಸಕಾರಾತ್ಮಕ ಸಂಗತಿಗಳನ್ನು ಪಡೆದುಕೊಂಡಿದ್ದೇವೆ ಹಾಗೂ ಸಾಕಷ್ಟು ಕಲಿತಿದ್ದೇವೆ," ಎಂದರು.
IPL 2022: ಎಲ್ಲ ಲೆಕ್ಕಾಚಾರಗಳನ್ನು ಧೂಳೀಪಟ ಮಾಡುವ ಬ್ಯಾಟ್ಸ್‌ಮನ್‌ ಹೆಸರಿಸಿದ ಮೊರ್ನೆ ಮಾರ್ಕೆಲ್‌!
ಆರ್‌ಸಿಬಿಗೆ 170 ರನ್‌ ಗುರಿ ನೀಡಿದ್ದ ಆರ್‌ಆರ್‌: ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ್ದ ರಾಜಸ್ಥಾನ್‌ ರಾಯಲ್ಸ್ ತಂಡ ಯಶಸ್ವಿ ಜೈಸ್ವಾಲ್‌ ಅವರ ವಿಕೆಟ್‌ ಅನ್ನು ಬಹುಬೇಗ ಕಳೆದುಕೊಂಡಿತು. ಎರಡನೇ ವಿಕೆಟ್‌ಗೆ ಜೊತೆಯಾದ ಜೋಸ್‌ ಬಟ್ಲರ್‌ ಹಾಗೂ ದೇವದತ್ ಪಡಿಕ್ಕಲ್‌ ಜೋಡಿ 70 ರನ್‌ ಜೊತೆಯಾಟವಾಡುವ ಮೂಲಕ ರಾಜಸ್ಥಾನ್‌ ರಾಯಲ್ಸ್ ಕಮ್‌ಬ್ಯಾಕ್‌ಗೆ ನೆರವಾಯಿತು.
37 ರನ್‌ ಗಳಿಸಿ ದೇವದತ್ ಪಡಿಕ್ಕಲ್‌ ವಿಕೆಟ್‌ ಒಪ್ಪಿಸಿದರೆ, ಇದರ ಬೆನ್ನಲ್ಲೆ ನಾಯಕ ಸಂಜು ಸ್ಯಾಮ್ಸನ್‌(8) ಔಟ್‌ ಆದರು. ಮೂರನೇ ವಿಕೆಟ್‌ಗೆ ಅತ್ಯುತ್ತಮ ಬ್ಯಾಟಿಂಗ್‌ ಪ್ರದರ್ಶನ ತೋರಿದ ಜೋಸ್‌ ಬಟ್ಲರ್‌ ಹಾಗೂ ಶಿಮ್ರಾನ್‌ ಹೆಟ್ಮಾಯೆರ್ ಜೋಡಿ 83 ರನ್‌ ಕಲೆ ಹಾಕಿತು. ಜೋಸ್‌ ಬಟ್ಲರ್‌ 47 ಎಸೆತಗಳಲ್ಲಿ 70 ರನ್‌ ಸಿಡಿಸಿದರೆ, ಶಿಮ್ರಾನ್‌ ಹೆಟ್ಮಾಯೆರ್ 31 ಎಸೆತಗಳಲ್ಲಿ ಅಜೇಯ 42 ರನ್‌ ಸಿಡಿಸಿದರು.
ರಾಜಸ್ಥಾನ್‌ ರಾಯಲ್ಸ್ ತಂಡದಲ್ಲಿರುವ ಸಮಸ್ಯೆ ತಿಳಿಸಿದ ಆಕಾಶ್‌ ಚೋಪ್ರಾ!
ಆರ್‌ಸಿಬಿಗೆ ಗೆಲುವು ತಂದುಕೊಟ್ಟ ಶಹಬಾಝ್-ಕಾರ್ತಿಕ್: ಬಳಿಕ ಗುರಿ ಹಿಂಬಾಲಿಸಿದ್ದ ಆರ್‌ಸಿಬಿ ತಂಡ ಕೂಡ 87 ರನ್‌ಗಳಿಗೆ ಪ್ರಮುಖ ಐದು ವಿಕೆಟ್‌ಗಳನ್ನು ಕಳೆದುಕೊಂಡಿತ್ತು. ಈ ವೇಳೆ ಆರ್‌ಸಿಬಿ ಸೋಲು ಅನುಭವಿಸುವುದು ಬಹುತೇಕ ಖಚಿತ ಎಂದೇ ಹೇಳಲಾಗುತ್ತಿತ್ತು. ಆದರೆ ಶಹಬಾಝ್ ಅಹ್ಮದ್‌ ಮತ್ತು ದಿನೇಶ್‌ ಕಾರ್ತಿಕ್ ನಿರ್ಣಾಯಕ 67 ರನ್‌ ಜೊತೆಯಾಟವಾಡುವ ಮೂಲಕ ಪಂದ್ಯದ ದಿಕ್ಕನ್ನು ಸಂಪೂರ್ಣ ಬದಲಾಯಿಸಿದರು.
ಕೇವಲ 26 ಎಸೆತಗಳಲ್ಲಿ ಶಹಬಾಝ್ ಅಹ್ಮದ್‌ 45 ರನ್‌ ಗಳಿಸಿ ವಿಕೆಟ್‌ ಒಪ್ಪಿಸಿದ ಬಳಿಕ, ದಿನೇಶ್‌ ಕಾರ್ತಿಕ್ 23 ಎಸೆತಗಳಲ್ಲಿ ಅಜೇಯ 44 ರನ್‌ ಗಳಿಸುವ ಮೂಲಕ ಆರ್‌ಸಿಬಿಗೆ 4 ವಿಕೆಟ್‌ಗಳ ಗೆಲುವಿನ ಮಾಲೆ ತೊಡಸಿದರು. ಹರ್ಷಲ್‌ ಪಟೇಲ್‌ 4 ಎಸೆತಗಳಲ್ಲಿ 9 ರನ್‌ ಗಳಿಸಿ ತಂಡದ ಗೆಲುವಿನಲ್ಲಿ ಅಳಿಲು ಸೇವೆ ಸಲ್ಲಿಸಿದರು.
ರಾಜಸ್ಥಾನ Vs ಬೆಂಗಳೂರು ಸ್ಕೋರ್‌ಕಾರ್ಡ್