ಮುಂಬೈ: ಮಾಸ್ಟರ್‌ ಬ್ಲಾಸ್ಟರ್‌ ಸಚಿನ್‌ ತೆಂಡೂಲ್ಕರ್ ಪುತ್ರ ಅರ್ಜುನ್ ತೆಂಡೂಲ್ಕರ್ 17ನೆ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್‌ ಲೀಗ್ ಟೂರ್ನಿಯಲ್ಲಿ ಆಡಿದ ಮೊದಲ ಪಂದ್ಯದಲ್ಲೇ ಸಲ್ಲದ ಕಾರಣಕ್ಕೆ ಭಾರಿ ಸುದ್ದಿಯಾಗಿದ್ದಾರೆ.ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ಶುಕ್ರವಾರ (ಮೇ 17) ರಂದು ಐಪಿಎಲ್‌ 2024 ಟೂರ್ನಿಯ 67ನೇ ಪಂದ್ಯದಲ್ಲಿ ಲಖನೌ ಸೂಪರ್ ಜಯಂಟ್ಸ್‌ ವಿರುದ್ಧದ ಪಂದ್ಯದಲ್ಲಿ ಅನುಭವಿ ವೇಗಿ ಜಸ್‌ಪ್ರೀತ್‌ ಬುಮ್ರಾ ಸ್ಥಾನದಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಆಡುವ 11ರ ಬಳಗ ಸೇರಿದ್ದ ಯುವ ಎಡಗೈ ವೇಗಿ ಅರ್ಜುನ್ ತೆಂಡೂಲ್ಕರ್, ಎದುರಾಳಿ ತಂಡದ ಬ್ಯಾಟರ್‌ ನಿಕೋಲಸ್ ಪೂರನ್‌ ಎದುರು ಸತತ ಸಿಕ್ಸರ್‌ ಹೊಡೆಸಿಕೊಂಡ ಬಳಿಕ ಬೌಲಿಂಗ್‌ ಅರ್ಧಕ್ಕೆ ಬಿಟ್ಟು ಪೆವಿಲಿಯನ್‌ಗೆ ದೌಡಾಯಿಸಿದ ಘಟನೆ ನಡೆಯಿತು.
ಪಂದ್ಯದಲ್ಲಿ ಎಸೆದ ಮೊದಲ 2 ಓವರ್‌ನಲ್ಲಿ ಕೇವಲ 10 ರನ್‌ ಮಾತ್ರವೇ ಕೊಟ್ಟ ಅರ್ಜುನ್ ತೆಂಡೂಲ್ಕರ್ ಉತ್ತಮ ಆರಂಭ ಪಡೆದುಕೊಂಡಿದ್ದರು. ಆದರೆ, ಇನಿಂಗ್ಸ್‌ ಮಧ್ಯದಲ್ಲಿ ಎಡಗೈ ಬ್ಯಾಟರ್‌ ನಿಕೋಲಸ್ ಪೂರನ್‌ ಎದುರು ಬೌಲಿಂಗ್‌ ಮಾಡಲು ಬಂದು ಮೊದಲ 2 ಎಸೆತಗಳಲ್ಲಿ ಸತತ ಸಿಕ್ಸರ್‌ ಹೊಡೆಸಿಕೊಂಡ ಬಳಿಕ ಅಚ್ಚರಿ ಎನ್ನುವ ಹಾಗೆ ಅರ್ಜುನ್ ಪೆವಿಲಿಯನ್‌ಗೆ ದೌಡಾಯಿಸಿದರು. ಅರ್ಜುನ್‌ಗೆ ಎದುರಾದ ಸಮಸ್ಯೆಯಾದರೂ ಏನು? ಎಂಬುದರ ಬಗ್ಗೆ ಇನ್ನು ಅಧಿಕೃತ ಮಾಹಿತಿ ಸಿಕ್ಕಿಲ್ಲ. ವರದಿಗಳ ಪ್ರಕಾರ ಅರ್ಜುನ್ ಸ್ನಾಯು ಸೆಳೆತದ ಸಮಸ್ಯೆ ಎದುರಿಸಿದರು ಎನ್ನಲ್ಲಾಗಿದೆ. ಅರ್ಜುನ್ ಅರ್ಧಕ್ಕೆ ಬಿಟ್ಟ ಇನಿಂಗ್ಸ್‌ನ 15ನೇ ಓವರ್‌ನಲ್ಲಿ ಬಾಕಿ ಉಳಿದ 4 ಎಸೆತಗಳನ್ನು ಬೌಲ್ ಮಾಡಿದ ಪಾರ್ಟ್‌ ಟೈಮ್‌ ಸ್ಪಿನ್ನರ್‌ ನಮ್‌ ಧೀರ್‌ 17 ರನ್‌ಗಳನ್ನು ಹೊಡೆಸಿಕೊಂಡರು.
ಸೂರ್ಯಕುಮಾರ್‌ ಯಾದವ್‌ ವೀಕ್ನೆಸ್‌ ಬಹಿರಂಗ ಪಡಿಸಿದ ಅಂಬಾಟಿ ರಾಯುಡು!
ಇದರ ಬೆನ್ನಲ್ಲೇ ಮರಿ ತೆಂಡೂಲ್ಕರ್‌ನ ಸೋಷಿಯಲ್‌ ಮೀಡಿಯಾಗಳಲ್ಲಿ ಸಿಕ್ಕಾಪಟ್ಟೇ ಟ್ರೋಲ್‌ ಮಾಡಲಾಗಿದೆ. ಅರ್ಜುನ್ ತೆಂಡೂಲ್ಕರ್‌ಗಿಂತಲೂ ಸಚಿನ್‌ ತೆಂಡೂಲ್ಕರ್ ಅತ್ಯುತ್ತಮ ಬೌಲರ್ ಎಂದೆಲ್ಲಾ ಕಾಲೆಳೆಯಲಾಗಿದೆ. ಕೇವಲ ಎರಡೂವರೆ ಓವರ್‌ ಬೌಲಿಂಗ್‌ ಮಾಡಿ ಫಿಟ್ನೆಸ್‌ ಸಮಸ್ಯೆ ಎಂದು ದೌಡಾಯಿಸಿದರೆ ಹೇಗೆ? ಎಂದು ಮರಿ ತೆಂಡೂಲ್ಕರ್‌ನ ಸಾಮರ್ಥ್ಯದ ಬಗ್ಗೆ ನೆಟ್ಟಿಗರು ಬೊಟ್ಟು ಮಾಡಿದ್ದಾರೆ.
ಇನ್ನು ಇನಿಂಗ್ಸ್‌ ಆರಂಭದಲ್ಲಿ ಚೆಂಡನ್ನು ಅತ್ಯುತ್ತಮವಾಗಿ ಸ್ವಿಂಗ್‌ ಮಾಡುತ್ತಿದ್ದ ಅರ್ಜುನ್ ತೆಂಡೂಲ್ಕರ್ ಎಲ್‌ಎಸ್‌ಜಿ ತಂಡದ ದೈತ್ಯ ಬ್ಯಾಟರ್‌ ಮಾರ್ಕಸ್‌ ಸ್ಟೋಯ್ನಿಸ್‌ ಅವರನ್ನು ಎಲ್‌ಬಿಡಬ್ಲ್ಯು ಬಲೆಗೆ ಕೆಡವಿದ್ದರು. ಆದರೆ, ಮೂರನೇ ಅಂಪೈರ್‌ ಅದನ್ನು ನಾಟ್‌ಔಟ್‌ ಎಂದು ಘೋಷಿಸಿದ ಪರಿಣಾಮ ಅರ್ಜುನ್‌ಗೆ ವಿಕೆಟ್‌ ಲಭ್ಯವಾಗಲಿಲ್ಲ.
ರೋಹಿತ್ ಶರ್ಮಾ ಫಾರ್ಮ್‌ ಬಗ್ಗೆ ಚಿಂತೆ ಬೇಡ - ಸೌರವ್‌ ಗಂಗೂಲಿ ಭರವಸೆ!
ಎಲ್‌ಎಸ್‌ಜಿಗೆ 18 ರನ್‌ಗಳ ಗೆಲುವು
ಪಂದ್ಯದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ ಲಖನೌ ಸೂಪರ್ ಜಯಂಟ್ಸ್‌ ತಂಡ ಆರಂಭಿಕ ಆಘಾತದಿಂದ ಚೇತರಿಸಿ ತನ್ನ ಪಾಲಿನ 20 ಓವರ್‌ಗಳಲ್ಲಿ 214/6 ರನ್‌ಗಳ ಬೃಹತ್‌ ಮೊತ್ತವನ್ನೇ ದಾಖಲಿಸಿತು. ನಾಯಕ ಕೆಎಲ್‌ ರಾಹುಲ್‌ (55) ಮತ್ತು ನಿಕೋಲಸ್ ಪೂರನ್‌ (75) ಸ್ಪೋಟಕ ಅರ್ಧಶತಕ ಬಾರಿಸಿ ತಂಡದ ಬೃಹತ್‌ ಮೊತ್ತಕ್ಕೆ ಕಾರಣರಾದರು ಮುಂಬೈ ಪರ ವೇಗಿ ನುವಾನ್‌ ತುಶಾರ ಮತ್ತು ಲೆಗ್‌ ಸ್ಪಿನ್ನರ್‌ ಪಿಯೂಶ್‌ ಚಾವ್ಲಾ ತಲಾ 3 ವಿಕೆಟ್‌ ಪಡೆದು ಎಲ್‌ಎಸ್‌ಜಿ ಬ್ಯಾಟರ್‌ಗಳ ಅಬ್ಬರಕ್ಕೆ ಕೊಂಚ ಕಡಿವಾಣ ಹಾಕಿದರು.
ಬಳಿಕ ಗುರಿ ಬೆನ್ನತ್ತಿದ ಮುಂಬೈ ಇಂಡಿಯನ್ಸ್ ಪರ ಮಾಜಿ ನಾಯಕ ರೋಹಿತ್ ಶರ್ಮಾ 38 ಎಸೆತಗಳಲ್ಲಿ 68 ರನ್‌ ಮತ್ತು ಯುವ ಆಟಗಾರ ನಮನ್‌ ಧೀರ್‌ 28 ಎಸೆತಗಳಲ್ಲಿ 62* ರನ್‌ ಸಿಡಿಸಿದರೂ ತಂಡ 20 ಓವರ್‌ಗಳಲ್ಲಿ 196/6 ರನ್‌ ಮಾತ್ರವೇ ಗಳಿಸಲು ಶಕ್ತವಾಗಿ 18 ರನ್‌ಗಳ ಅಂತರದ ಸೋಲುಂಡಿತು.
ಪಂದ್ಯದಲ್ಲಿ ಎಸೆದ ಮೊದಲ 2 ಓವರ್‌ನಲ್ಲಿ ಕೇವಲ 10 ರನ್‌ ಮಾತ್ರವೇ ಕೊಟ್ಟ ಅರ್ಜುನ್ ತೆಂಡೂಲ್ಕರ್ ಉತ್ತಮ ಆರಂಭ ಪಡೆದುಕೊಂಡಿದ್ದರು. ಆದರೆ, ಇನಿಂಗ್ಸ್‌ ಮಧ್ಯದಲ್ಲಿ ಎಡಗೈ ಬ್ಯಾಟರ್‌ ನಿಕೋಲಸ್ ಪೂರನ್‌ ಎದುರು ಬೌಲಿಂಗ್‌ ಮಾಡಲು ಬಂದು ಮೊದಲ 2 ಎಸೆತಗಳಲ್ಲಿ ಸತತ ಸಿಕ್ಸರ್‌ ಹೊಡೆಸಿಕೊಂಡ ಬಳಿಕ ಅಚ್ಚರಿ ಎನ್ನುವ ಹಾಗೆ ಅರ್ಜುನ್ ಪೆವಿಲಿಯನ್‌ಗೆ ದೌಡಾಯಿಸಿದರು. ಅರ್ಜುನ್‌ಗೆ ಎದುರಾದ ಸಮಸ್ಯೆಯಾದರೂ ಏನು? ಎಂಬುದರ ಬಗ್ಗೆ ಇನ್ನು ಅಧಿಕೃತ ಮಾಹಿತಿ ಸಿಕ್ಕಿಲ್ಲ. ವರದಿಗಳ ಪ್ರಕಾರ ಅರ್ಜುನ್ ಸ್ನಾಯು ಸೆಳೆತದ ಸಮಸ್ಯೆ ಎದುರಿಸಿದರು ಎನ್ನಲ್ಲಾಗಿದೆ. ಅರ್ಜುನ್ ಅರ್ಧಕ್ಕೆ ಬಿಟ್ಟ ಇನಿಂಗ್ಸ್‌ನ 15ನೇ ಓವರ್‌ನಲ್ಲಿ ಬಾಕಿ ಉಳಿದ 4 ಎಸೆತಗಳನ್ನು ಬೌಲ್ ಮಾಡಿದ ಪಾರ್ಟ್‌ ಟೈಮ್‌ ಸ್ಪಿನ್ನರ್‌ ನಮ್‌ ಧೀರ್‌ 17 ರನ್‌ಗಳನ್ನು ಹೊಡೆಸಿಕೊಂಡರು.
ಸೂರ್ಯಕುಮಾರ್‌ ಯಾದವ್‌ ವೀಕ್ನೆಸ್‌ ಬಹಿರಂಗ ಪಡಿಸಿದ ಅಂಬಾಟಿ ರಾಯುಡು!ಇದರ ಬೆನ್ನಲ್ಲೇ ಮರಿ ತೆಂಡೂಲ್ಕರ್‌ನ ಸೋಷಿಯಲ್‌ ಮೀಡಿಯಾಗಳಲ್ಲಿ ಸಿಕ್ಕಾಪಟ್ಟೇ ಟ್ರೋಲ್‌ ಮಾಡಲಾಗಿದೆ. ಅರ್ಜುನ್ ತೆಂಡೂಲ್ಕರ್‌ಗಿಂತಲೂ ಸಚಿನ್‌ ತೆಂಡೂಲ್ಕರ್ ಅತ್ಯುತ್ತಮ ಬೌಲರ್ ಎಂದೆಲ್ಲಾ ಕಾಲೆಳೆಯಲಾಗಿದೆ. ಕೇವಲ ಎರಡೂವರೆ ಓವರ್‌ ಬೌಲಿಂಗ್‌ ಮಾಡಿ ಫಿಟ್ನೆಸ್‌ ಸಮಸ್ಯೆ ಎಂದು ದೌಡಾಯಿಸಿದರೆ ಹೇಗೆ? ಎಂದು ಮರಿ ತೆಂಡೂಲ್ಕರ್‌ನ ಸಾಮರ್ಥ್ಯದ ಬಗ್ಗೆ ನೆಟ್ಟಿಗರು ಬೊಟ್ಟು ಮಾಡಿದ್ದಾರೆ.
ಇನ್ನು ಇನಿಂಗ್ಸ್‌ ಆರಂಭದಲ್ಲಿ ಚೆಂಡನ್ನು ಅತ್ಯುತ್ತಮವಾಗಿ ಸ್ವಿಂಗ್‌ ಮಾಡುತ್ತಿದ್ದ ಅರ್ಜುನ್ ತೆಂಡೂಲ್ಕರ್ ಎಲ್‌ಎಸ್‌ಜಿ ತಂಡದ ದೈತ್ಯ ಬ್ಯಾಟರ್‌ ಮಾರ್ಕಸ್‌ ಸ್ಟೋಯ್ನಿಸ್‌ ಅವರನ್ನು ಎಲ್‌ಬಿಡಬ್ಲ್ಯು ಬಲೆಗೆ ಕೆಡವಿದ್ದರು. ಆದರೆ, ಮೂರನೇ ಅಂಪೈರ್‌ ಅದನ್ನು ನಾಟ್‌ಔಟ್‌ ಎಂದು ಘೋಷಿಸಿದ ಪರಿಣಾಮ ಅರ್ಜುನ್‌ಗೆ ವಿಕೆಟ್‌ ಲಭ್ಯವಾಗಲಿಲ್ಲ.
ರೋಹಿತ್ ಶರ್ಮಾ ಫಾರ್ಮ್‌ ಬಗ್ಗೆ ಚಿಂತೆ ಬೇಡ - ಸೌರವ್‌ ಗಂಗೂಲಿ ಭರವಸೆ!ಎಲ್‌ಎಸ್‌ಜಿಗೆ 18 ರನ್‌ಗಳ ಗೆಲುವು
ಪಂದ್ಯದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ ಲಖನೌ ಸೂಪರ್ ಜಯಂಟ್ಸ್‌ ತಂಡ ಆರಂಭಿಕ ಆಘಾತದಿಂದ ಚೇತರಿಸಿ ತನ್ನ ಪಾಲಿನ 20 ಓವರ್‌ಗಳಲ್ಲಿ 214/6 ರನ್‌ಗಳ ಬೃಹತ್‌ ಮೊತ್ತವನ್ನೇ ದಾಖಲಿಸಿತು. ನಾಯಕ ಕೆಎಲ್‌ ರಾಹುಲ್‌ (55) ಮತ್ತು ನಿಕೋಲಸ್ ಪೂರನ್‌ (75) ಸ್ಪೋಟಕ ಅರ್ಧಶತಕ ಬಾರಿಸಿ ತಂಡದ ಬೃಹತ್‌ ಮೊತ್ತಕ್ಕೆ ಕಾರಣರಾದರು ಮುಂಬೈ ಪರ ವೇಗಿ ನುವಾನ್‌ ತುಶಾರ ಮತ್ತು ಲೆಗ್‌ ಸ್ಪಿನ್ನರ್‌ ಪಿಯೂಶ್‌ ಚಾವ್ಲಾ ತಲಾ 3 ವಿಕೆಟ್‌ ಪಡೆದು ಎಲ್‌ಎಸ್‌ಜಿ ಬ್ಯಾಟರ್‌ಗಳ ಅಬ್ಬರಕ್ಕೆ ಕೊಂಚ ಕಡಿವಾಣ ಹಾಕಿದರು.ಬಳಿಕ ಗುರಿ ಬೆನ್ನತ್ತಿದ ಮುಂಬೈ ಇಂಡಿಯನ್ಸ್ ಪರ ಮಾಜಿ ನಾಯಕ ರೋಹಿತ್ ಶರ್ಮಾ 38 ಎಸೆತಗಳಲ್ಲಿ 68 ರನ್‌ ಮತ್ತು ಯುವ ಆಟಗಾರ ನಮನ್‌ ಧೀರ್‌ 28 ಎಸೆತಗಳಲ್ಲಿ 62* ರನ್‌ ಸಿಡಿಸಿದರೂ ತಂಡ 20 ಓವರ್‌ಗಳಲ್ಲಿ 196/6 ರನ್‌ ಮಾತ್ರವೇ ಗಳಿಸಲು ಶಕ್ತವಾಗಿ 18 ರನ್‌ಗಳ ಅಂತರದ ಸೋಲುಂಡಿತು.
