ಇನ್ಮುಂದೆ ಅಂಬಾಟಿ ರಾಯುಡು ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಬೌಲಿಂಗ್‌ ಮಾಡುವಂತಿಲ್ಲ!

ದುಬೈ: ಟೀಮ್‌ ಇಂಡಿಯಾ ಆಟಗಾರಅಂಬಾಟಿ ರಾಯುಡು ಅವರನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್‌ ಪಂದ್ಯಗಳಲ್ಲಿ ಬೌಲಿಂಗ್‌ನಿಂದ ಐಸಿಸಿ ಅಮಾನತುಗೊಳಿಸಿದೆ.

ಸಂಶಯಾಸ್ಪದ ಬೌಲಿಂಗ್‌ ಆರೋಪಕ್ಕೆ ಒಳಗಾಗಿದ್ದ ರಾಯುಡು ಅವರನ್ನು, ಆರೋಪ ವ್ಯಕ್ತವಾದ 14 ದಿನಗಳ ಅವಧಿಯಲ್ಲಿ ಅಮಾನತುಗೊಳಿಸಿದೆ.

ಜನವರಿ 13ರಂದು ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಪಂದ್ಯದಲ್ಲಿ ರಾಯುಡು ಎಸೆತಗಳ ಮೇಲೆ ಸಂಶಯ ವ್ಯಕ್ತಗೊಂಡಿತ್ತು. 14 ದಿನಗಳ ಅವಧಿಯಲ್ಲಿ ಬೌಲಿಂಗ್‌ ಪರೀಕ್ಷೆಯಲ್ಲಿ ಪಾಲ್ಗೊಳ್ಳದ ಹಿನ್ನೆಲೆ ರಾಯುಡು ಅವರನ್ನು ಅಮಾನತುಗೊಳಿಸುವ ಕ್ರಮ ಕೈಗೊಳ್ಳಲಾಗಿದೆ ಎಂದು ಐಸಿಸಿ ತಿಳಿಸಿದೆ.

ತಂಡಕ್ಕೆ ಮರಳಿ, ಅದ್ಭುತ ಡೈವಿಂಗ್‌ ಕ್ಯಾಚ್‌ ಹಿಡಿದ ಹಾರ್ದಿಕ್‌ ಪಾಂಡ್ಯ

ಅಮಾನತು ಆದೇಶವು ಅಂಬಾಟಿ ರಾಯುಡು ಬೌಲಿಂಗ್‌ ಪರೀಕ್ಷೆಗೆ ಹಾಜರಾಗಿ, ಆರೋಪದಿಂದ ಮುಕ್ತರಾಗುವ ವರೆಗೆ ಇರಲಿದೆ ಎಂದು ಐಸಿಸಿ ಹೇಳಿದೆ.

33 ವರ್ಷದ ರಾಯುಡು ರಾಷ್ಟ್ರೀಯ ಮಟ್ಟದ ಪಂದ್ಯಗಳಲ್ಲಿ ಬೌಲಿಂಗ್‌ ಮಾಡಬಹುದಾಗಿದೆ. ಆಂಧ್ರ ಪ್ರದೇಶದ ಆಟಗಾರ ರಾಯುಡು ಆಡಿರುವ 121 ಏಕದಿನ ಪಂದ್ಯಗಳಲ್ಲಿ 3 ವಿಕೆಟ್‌ ಗಳಿಸಿದ್ದಾರೆ.

ಸಿಡಿಲಬ್ಬರದ ಅರ್ಧ ಶತಕ ಸಿಡಿಸಿದ ಕೊಹ್ಲಿ, ಶರ್ಮ ಔಟ್‌

ಪ್ರಸ್ತುತ ಅಂಬಾಟಿ ರಾಯುಡು ನ್ಯೂಜಿಲೆಂಡ್‌ನಲ್ಲಿ ನಡೆಯುತ್ತಿರುವ 5 ದಿನಗಳ ಏಕದಿನ ಸರಣಿಯಲ್ಲಿ ಆಟವಾಡುತ್ತಿದ್ದಾರೆ.

5ನೇ ಶತಕದ ಜತೆಯಾಟದೊಂದಿಗೆ ಅದ್ಭುತ ಇನ್ನಿಂಗ್ಸ್‌ ಕಟ್ಟಿದ ಟಾಮ್‌ ಮತ್ತು ಟೇಲರ್‌