* ಎಸ್.ಜಿ.ಕುರ್ಯ ಉಡುಪಿ
ಉಡುಪಿ ಜಿಲ್ಲೆಯ ಅಜ್ಜರಕಾಡು ಕ್ರೀಡಾಂಗಣಕ್ಕೆ ಹೊಸ ವರ್ಷದಲ್ಲಿ ಹೊಸ ಕಳೆ ಬರಲಿದೆ. ಏಕೆಂದರೆ ಅದು ಸಿಂಥೆಟಿಕ್ ಟ್ರ್ಯಾಕ್ನಿಂದ ಕಂಗೊಳಿಸಲಿದೆ. ಅದರೊಂದಿಗೆ ಈ ಕ್ರೀಡಾಂಗಣವು ಅಂತಾರಾಷ್ಟ್ರೀಯ ಗುಣಮಟ್ಟ ಹೊಂದಿದ ರಾಜ್ಯದ ಏಳನೇ ಕ್ರೀಡಾಂಗಣ ಎನಿಸಿಕೊಳ್ಳಲಿದೆ.
ಎಂಟು ಎಕರೆ ವ್ಯಾಪ್ತಿಯಲ್ಲಿರುವ ಅಜ್ಜರಕಾಡಿನ ಮಹಾತ್ಮ ಗಾಂಧಿ ಜಿಲ್ಲಾ ಕ್ರೀಡಾಂಗಣದಲ್ಲಿ 3.25 ಕೋಟಿ ರೂ. ವೆಚ್ಚದಲ್ಲಿ 400 ಮೀ. ಸಿಂಥೆಟಿಕ್ ಟ್ರ್ಯಾಕ್ ನಿರ್ಮಾಣ ಅಂತಿಮ ಹಂತದಲ್ಲಿದೆ. ಕಳೆದೊಂದು ತಿಂಗಳಿನಿಂದ ಮೂವರು ತೈವಾನ್ ತಜ್ಞರು ಶ್ರಮಿಸುತ್ತಿದ್ದಾರೆ. ನಗರಸಭೆ ಆಯೋಜಿಸುವ ಗಣರಾಜ್ಯೋತ್ಸವ ಕ್ರೀಡಾಕೂಟದ ಮೂಲಕ ಹೊಸ ಟ್ರ್ಯಾಕ್ ಉದ್ಘಾಟನೆಗೊಳ್ಳಲಿದೆ.
ತೈವಾನಿನ ಸಿಂಥೆಟಿಕ್ ಟ್ರ್ಯಾಕ್ ತಜ್ಞರಾದ ವು ಚಿ ಪಿಂಗ್, ಚುವಾಂಗ್ ಚೆ ಲುನ್ ಹಾಗೂ ಹುವಾಂಗ್ ಟಿ ತೆ ಚಾಂಗ್ ಕಳೆದೊಂದು ತಿಂಗಳಿನಿಂದ ಸಿಂಥೆಟಿಕ್ ಹೊದಿಕೆ ಹಾಕುವ ಕಾರ್ಯದಲ್ಲಿ ನಿರತರಾಗಿದ್ದಾರೆ. ಹೈದರಾಬಾದಿನ ಗ್ರೇಟ್ ಸ್ಪೋರ್ಟ್ಸ್ ಇನ್ಫ್ರಾ ಕಾಮಗಾರಿಯ ಗುತ್ತಿಗೆ ಹೊಂದಿದೆ. ಡಿಸೆಂಬರ್ ಅಂತ್ಯದೊಳಗೆ ಕಾಮಗಾರಿ ಪೂರ್ಣಗೊಳ್ಳಲಿದೆ. ಜಿಲ್ಲೆಗೆ ಮಾತ್ರವಲ್ಲ ತಾಲೂಕಿಗೊಂದು ಸಿಂಥೆಟಿಕ್ ಟ್ರ್ಯಾಕ್ ಕ್ರೀಡಾಂಗಣ ಬೇಕೆನ್ನುವ ಕನಸು ನನಸಾಗತೊಡಗಿದೆ.
ಕ್ರೀಡಾಂಗಣದಲ್ಲಿಯೇ ಇಂಟರ್ ಲಾಕ್ ಅಳವಡಿಸಿದ ವಾಕಿಂಗ್ ಟ್ರ್ಯಾಕ್ ನಿರ್ಮಾಣವಾಗಿದೆ. ಇದಕ್ಕಾಗಿ ರಾಜ್ಯ ಕ್ರೀಡಾ ಸಚಿವ ಅಭಯಚಂದ್ರ ಜೈನ್ 10 ಲಕ್ಷ ರೂ. ಮಂಜೂರು ಮಾಡಿದ್ದಾರೆ.
ಇನ್ನೂ ಏನೇನಾಗಬೇಕು?
ಜಿಲ್ಲಾ ಕ್ರೀಡಾಂಗಣಕ್ಕೊಂದು ವೇದಿಕೆ, 50 ಮೀ. ಹೊರತಾಗಿ ಕ್ರೀಡಾಂಗಣಕ್ಕೆ ಪೆವಿಲಿಯನ್ ರೂಫ್ ಅಗತ್ಯ. ಟೆನಿಸ್, ಥ್ರೋಬಾಲ್, ಹ್ಯಾಂಡ್ ಬಾಲ್ ಕೋರ್ಟ್ ನಿರ್ಮಾಣಗೊಳ್ಳಬೇಕು. ಸಿಂಥೆಟಿಕ್ ಟ್ರ್ಯಾಕ್ ವೃತ್ತದೊಳಗೆ ಹಸಿರು ಹೊದಿಸಬೇಕು. ಟ್ರ್ಯಾಕ್ ವೃತ್ತ ಗುರುತಿಸಲು ಅಲ್ಯುಮೀನಿಯಂ ಪಟ್ಟಿ ಅಳವಡಿಕೆ ಆಗುವುದು ಬಾಕಿ. ಡಿಸ್ಕಸ್ ಹಾಗೂ ಹ್ಯಾಮರ್ ಥ್ರೋ ಸ್ಥಳದ ಸುತ್ತ ತಡೆಬೇಲಿ ನಿರ್ಮಾಣ.
ಕ್ರೀಡಾ ಸಾಧನೆ ನಿಟ್ಟಿನಲ್ಲಿ ಸಿಂಥೆಟಿಕ್ ಟ್ರ್ಯಾಕ್ ಹೊಂದುವ ಮೂಲಕ ಉಡುಪಿ ಜಿಲ್ಲಾ ಕ್ರೀಡಾಂಗಣ ಅಂತಾರಾಷ್ಟ್ರೀಯ ಗುಣಮಟ್ಟ ಹೊಂದಿದ್ದು ತರಬೇತಿಗೆ ಹಾಗೂ ಕ್ರೀಡಾಕೂಟ ಸಂಘಟನೆಗೆ ಅನುಕೂಲವಾಗಲಿದೆ.
-ಡಾ. ರೋಶನ್ ಕುಮಾರ್ ಶೆಟ್ಟಿ
ಸಹಾಯಕ ನಿರ್ದೇಶಕರು, ಉಡುಪಿ ಜಿಲ್ಲೆ, ಕ್ರೀಡಾ ಇಲಾಖೆ
ಉಡುಪಿ ಜಿಲ್ಲೆಯ ಅಜ್ಜರಕಾಡು ಕ್ರೀಡಾಂಗಣಕ್ಕೆ ಹೊಸ ವರ್ಷದಲ್ಲಿ ಹೊಸ ಕಳೆ ಬರಲಿದೆ. ಏಕೆಂದರೆ ಅದು ಸಿಂಥೆಟಿಕ್ ಟ್ರ್ಯಾಕ್ನಿಂದ ಕಂಗೊಳಿಸಲಿದೆ. ಅದರೊಂದಿಗೆ ಈ ಕ್ರೀಡಾಂಗಣವು ಅಂತಾರಾಷ್ಟ್ರೀಯ ಗುಣಮಟ್ಟ ಹೊಂದಿದ ರಾಜ್ಯದ ಏಳನೇ ಕ್ರೀಡಾಂಗಣ ಎನಿಸಿಕೊಳ್ಳಲಿದೆ.
ಎಂಟು ಎಕರೆ ವ್ಯಾಪ್ತಿಯಲ್ಲಿರುವ ಅಜ್ಜರಕಾಡಿನ ಮಹಾತ್ಮ ಗಾಂಧಿ ಜಿಲ್ಲಾ ಕ್ರೀಡಾಂಗಣದಲ್ಲಿ 3.25 ಕೋಟಿ ರೂ. ವೆಚ್ಚದಲ್ಲಿ 400 ಮೀ. ಸಿಂಥೆಟಿಕ್ ಟ್ರ್ಯಾಕ್ ನಿರ್ಮಾಣ ಅಂತಿಮ ಹಂತದಲ್ಲಿದೆ. ಕಳೆದೊಂದು ತಿಂಗಳಿನಿಂದ ಮೂವರು ತೈವಾನ್ ತಜ್ಞರು ಶ್ರಮಿಸುತ್ತಿದ್ದಾರೆ. ನಗರಸಭೆ ಆಯೋಜಿಸುವ ಗಣರಾಜ್ಯೋತ್ಸವ ಕ್ರೀಡಾಕೂಟದ ಮೂಲಕ ಹೊಸ ಟ್ರ್ಯಾಕ್ ಉದ್ಘಾಟನೆಗೊಳ್ಳಲಿದೆ.
ತೈವಾನಿನ ಸಿಂಥೆಟಿಕ್ ಟ್ರ್ಯಾಕ್ ತಜ್ಞರಾದ ವು ಚಿ ಪಿಂಗ್, ಚುವಾಂಗ್ ಚೆ ಲುನ್ ಹಾಗೂ ಹುವಾಂಗ್ ಟಿ ತೆ ಚಾಂಗ್ ಕಳೆದೊಂದು ತಿಂಗಳಿನಿಂದ ಸಿಂಥೆಟಿಕ್ ಹೊದಿಕೆ ಹಾಕುವ ಕಾರ್ಯದಲ್ಲಿ ನಿರತರಾಗಿದ್ದಾರೆ. ಹೈದರಾಬಾದಿನ ಗ್ರೇಟ್ ಸ್ಪೋರ್ಟ್ಸ್ ಇನ್ಫ್ರಾ ಕಾಮಗಾರಿಯ ಗುತ್ತಿಗೆ ಹೊಂದಿದೆ. ಡಿಸೆಂಬರ್ ಅಂತ್ಯದೊಳಗೆ ಕಾಮಗಾರಿ ಪೂರ್ಣಗೊಳ್ಳಲಿದೆ. ಜಿಲ್ಲೆಗೆ ಮಾತ್ರವಲ್ಲ ತಾಲೂಕಿಗೊಂದು ಸಿಂಥೆಟಿಕ್ ಟ್ರ್ಯಾಕ್ ಕ್ರೀಡಾಂಗಣ ಬೇಕೆನ್ನುವ ಕನಸು ನನಸಾಗತೊಡಗಿದೆ.
ಕ್ರೀಡಾಂಗಣದಲ್ಲಿಯೇ ಇಂಟರ್ ಲಾಕ್ ಅಳವಡಿಸಿದ ವಾಕಿಂಗ್ ಟ್ರ್ಯಾಕ್ ನಿರ್ಮಾಣವಾಗಿದೆ. ಇದಕ್ಕಾಗಿ ರಾಜ್ಯ ಕ್ರೀಡಾ ಸಚಿವ ಅಭಯಚಂದ್ರ ಜೈನ್ 10 ಲಕ್ಷ ರೂ. ಮಂಜೂರು ಮಾಡಿದ್ದಾರೆ.
ಇನ್ನೂ ಏನೇನಾಗಬೇಕು?
ಜಿಲ್ಲಾ ಕ್ರೀಡಾಂಗಣಕ್ಕೊಂದು ವೇದಿಕೆ, 50 ಮೀ. ಹೊರತಾಗಿ ಕ್ರೀಡಾಂಗಣಕ್ಕೆ ಪೆವಿಲಿಯನ್ ರೂಫ್ ಅಗತ್ಯ. ಟೆನಿಸ್, ಥ್ರೋಬಾಲ್, ಹ್ಯಾಂಡ್ ಬಾಲ್ ಕೋರ್ಟ್ ನಿರ್ಮಾಣಗೊಳ್ಳಬೇಕು. ಸಿಂಥೆಟಿಕ್ ಟ್ರ್ಯಾಕ್ ವೃತ್ತದೊಳಗೆ ಹಸಿರು ಹೊದಿಸಬೇಕು. ಟ್ರ್ಯಾಕ್ ವೃತ್ತ ಗುರುತಿಸಲು ಅಲ್ಯುಮೀನಿಯಂ ಪಟ್ಟಿ ಅಳವಡಿಕೆ ಆಗುವುದು ಬಾಕಿ. ಡಿಸ್ಕಸ್ ಹಾಗೂ ಹ್ಯಾಮರ್ ಥ್ರೋ ಸ್ಥಳದ ಸುತ್ತ ತಡೆಬೇಲಿ ನಿರ್ಮಾಣ.
ಕ್ರೀಡಾ ಸಾಧನೆ ನಿಟ್ಟಿನಲ್ಲಿ ಸಿಂಥೆಟಿಕ್ ಟ್ರ್ಯಾಕ್ ಹೊಂದುವ ಮೂಲಕ ಉಡುಪಿ ಜಿಲ್ಲಾ ಕ್ರೀಡಾಂಗಣ ಅಂತಾರಾಷ್ಟ್ರೀಯ ಗುಣಮಟ್ಟ ಹೊಂದಿದ್ದು ತರಬೇತಿಗೆ ಹಾಗೂ ಕ್ರೀಡಾಕೂಟ ಸಂಘಟನೆಗೆ ಅನುಕೂಲವಾಗಲಿದೆ.
-ಡಾ. ರೋಶನ್ ಕುಮಾರ್ ಶೆಟ್ಟಿ
ಸಹಾಯಕ ನಿರ್ದೇಶಕರು, ಉಡುಪಿ ಜಿಲ್ಲೆ, ಕ್ರೀಡಾ ಇಲಾಖೆ