ಸೇಲಿಂಗ್‌ನಲ್ಲಿ ಭಾರತಕ್ಕೆ ಮೂರು ಪದಕಗಳ ಗರಿ

ಹೊಸದಿಲ್ಲಿ: ಇಂಡೋನೇಷ್ಯಾದ ಜಕಾರ್ತ ಹಾಗೂ ಪ್ಯಾಲೆಂಬಾಂಗ್‌ನಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್ 2018 ಕ್ರೀಡಾಕೂಟದಲ್ಲಿ ಭಾರತ ಮತ್ತೆ ಮೂರು ಪದಕಗಳನ್ನು ಬಾಚಿಕೊಂಡಿದೆ.

ಕ್ರೀಡಾಕೂಟದ 13ನೇ ದಿನವಾದ ಶುಕ್ರವಾರದಂದು ಸೇಲಿಂಗ್‌ ವಿಭಾಗದಲ್ಲಿ ಅಮೋಘ ಪ್ರದರ್ಶನ ನೀಡಿರುವ ಭಾರತೀಯ ಸ್ಪರ್ಧಿಗಳು ಪದಕಗಳನ್ನು ಗೆದ್ದರು.

ಮಹಿಳೆಯರ ಎಫ್‌ಎಕ್ಸ್ 49er ವಿಭಾಗದಲ್ಲಿ ವರ್ಷಾ ಗೌತಮ್ ಹಾಗೂ ಶ್ವೇತಾ ಶೇರ್ವೆಗರ್ ಬೆಳ್ಳಿ, ಓಪನ್ ಲೇಸರ್ 4.7 ವಿಭಾಗದಲ್ಲಿ ಹರ್ಷಿತಾ ತೋಮರ್ ಕಂಚು ಮತ್ತು ಪುರುಷರ ಎಫ್‌ಎಕ್ಸ್ 49er ವಿಭಾಗದಲ್ಲಿ ವರುಣ್ ಥಾಕರ್ ಅಶೋಕ್ ಹಾಗೂ ಕೆಸಿ ಗಣಪತಿ ಕಂಚಿನ ಪದಕಗಳನ್ನು ಕೊರಳಿಗೆ ಹಾಕಿಕೊಂಡರು.

ಇದರೊಂದಿಗೆ ಭಾರತದ ಒಟ್ಟು ಪದಕಗಳ ಸಂಖ್ಯೆ 63 ಆಗಿದೆ.

ಪದಕ ಬೇಟೆಯಲ್ಲಿ ಭಾರತದ ಸ್ಥಾನ: 8

ಚಿನ್ನ: 13
ಬೆಳ್ಳಿ: 22
ಕಂಚು: 28
ಒಟ್ಟು ಪದಕಗಳು: 63