ಪುಣೆ 7 ಏಸಸ್‌ಗೆ ರೋಚಕ ಗೆಲುವು

ಪುಣೆ :ನಿರ್ಣಾಯಕ ಮಿಶ್ರ ಡಬಲ್ಸ್‌ ಪಂದ್ಯದಲ್ಲಿ ಜಯ ಗಳಿಸಿದ ಪುಣೆ 7 ಏಸಸ್‌ ತಂಡ, ಪ್ರಸಕ್ತ ಪ್ರೀಮಿಯರ್‌ ಬ್ಯಾಡ್ಮಿಂಟನ್‌ ಲೀಗ್‌ನ ತನ್ನ ಮೂರನೇ ಪಂದ್ಯದಲ್ಲಿ ಮುಂಬಯಿ ರಾಕೆಟ್ಸ್‌ ವಿರುದ್ಧ ರೋಚಕ ಗೆಲುವು ದಾಖಲಿಸಿ, ಸತತ ಎರಡು ಸೋಲಿನ ನಂತರ ಗೆಲುವಿನ ಲಯಕ್ಕೆ ಮರಳಿದೆ.

ಇಲ್ಲಿನ ಶ್ರೀ ಶಿವ ಛತ್ರಪತಿ ಕ್ರೀಡಾ ಸಂಕೀರ್ಣದಲ್ಲಿ ಶನಿವಾರ ನಡೆದ ಅತ್ಯಂತ ರೋಚಕ ಹಾಗೂ ನಿರ್ಣಾಯಕ ಮಿಶ್ರ ಡಬಲ್ಸ್‌ ಹಣಾಹಣಿಯಲ್ಲಿ 7 ಏಸಸ್‌ ಪರ ಕಣಕ್ಕಿಳಿದ ವ್ಲಾದಿಮಿರ್‌ ಇವಾನೊವ್‌ ಮತ್ತು ಲೈನ್‌ ಹೋಜ್ಮಾರ್ಕ್‌ ಜೋಡಿ 2-1 (15-13, 11-15, 15-12)ರಲ್ಲಿ ಮುಂಬಯಿ ರಾಕೆಟ್ಸ್‌ ತಂಡದ ಕಿಮ್‌ ಜಿ ಜಂಗ್‌ ಮತ್ತು ಪಿಯಾ ಜೆಬಡಿಯಾ ಜೋಡಿಯನ್ನು ಮಣಿಸಿ ತಂಡಕ್ಕೆ ಜಯದ ಉಡುಗೊರೆ ನೀಡಿತು.

ಇದಕ್ಕೂ ಮುನ್ನ ಟ್ರಂಪ್‌ ಮ್ಯಾಚ್‌ಗಳನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾದ ಉಭಯ ತಂಡಗಳು 3-3ರಲ್ಲಿ ಸಮಬಲ ಸಾಧಿಸಿದ್ದವು.