ಟೆನಿಸ್‌: ನಿಕ್ಷೇಪ್‌ ಚಾಂಪಿಯನ್‌

ಬೆಂಗಳೂರು: ಭವಿಷ್ಯದ ಭರವಸೆ ಕರ್ನಾಟಕದ ಯುವ ಅಟಗಾರ ಬಿ.ಆರ್‌ ನಿಕ್ಷೇಪ್‌, ಭೋಪಾಲ್‌ನಲ್ಲಿ ನಡೆದ ಎಐಟಿಎ ಪುರುಷರ 50ಕೆ ಟೆನಿಸ್‌ ಟೂರ್ನಿಯಲ್ಲಿ ಚಾಂಪಿಯನ್‌ ಪಟ್ಟ ಪಡೆದಿದ್ದಾರೆ.

ಬೆಂಗಳೂರಿನ ಸುರಾನಾ ಕಾಲೇಜು ವಿದ್ಯಾರ್ಥಿ ಆಗಿರುವ 21 ವರ್ಷದ ಪ್ರತಿಭಾನ್ವಿತ ಆಟಗಾರ ನಿಕ್ಷೇಪ್‌, ಶುಕ್ರವಾರ ನಡೆದ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ತೆಲಂಗಾಣ ರಾಜ್ಯದ ಆಟಗಾರ ತಾಹ ಕಪಾಡಿಯಾ ಅವರನ್ನು 6-1, 1-6, 6-3 ಅಂತರದ ಸೆಟ್‌ಗಳಿಂದ ಮಣಿಸಿ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.

ಆದರೆ, ಪುರುಷರ ಡಬಲ್ಸ್‌ ವಿಭಾಗದ ಫೈನಲ್‌ನಲ್ಲಿ ನಿಕ್ಷೇಪ್‌ ನಿರಾಸೆ ಅನುಭವಿಸಿದ್ದಾರೆ. ಫೈನಲ್‌ನಲ್ಲಿ ನಿಕ್ಷೇಪ್‌ ಮತ್ತು ಆಂಧ್ರ ಪ್ರದೇಶದ ಅಪರೂಪ್‌ ರೆಡ್ಡಿ ಜೋಡಿ 3-6, 3-6ರ ನೇರ ಸೆಟ್‌ಗಳಿಂದ ತಾಹಾ ಕಪಾಡಿಯಾ ಮತ್ತು ಪರೀಕ್ಷಿತ್‌ ಸೊಮಾನಿ ಜೋಡಿ ಎದುರು ಸೋಲುಂಡು ರನ್ನರ್ಸ್‌ಅಪ್‌ ಪ್ರಶಸ್ತಿಗೆ ತೃಪ್ತಿಪಟ್ಟಿದೆ.