ಬಹುನಿರೀಕ್ಷಿತ ರಿಯಲ್‌ಮಿ ಸ್ಮಾರ್ಟ್‌ಟಿವಿ 4K ಫೀಚರ್ಸ್ ಆನ್ ಲೈನ್ ನಲ್ಲಿ ಸೋರಿಕೆ

ಚೀನಾ ಮೂಲದ ಪ್ರಸಿದ್ಧ ರಿಯಲ್‌ ಮಿ ಕೇವಲ ಸ್ಮಾರ್ಟ್ ಫೋನುಗಳನ್ನು ಬಿಡುಗಡೆ ಮಾಡುವುದು ಮಾತ್ರವಲ್ಲದೆ ಸ್ಮಾರ್ಟ್‌ಟಿವಿ ವಲಯದಲ್ಲೂ ಯಶಸ್ಸು ಸಾಧಿಸಿದೆ. ಮೊಬೈಲ್ ಗಳಂತೆ ಟಿವಿಗಳು ಕೂಡ ಭಾರತದಲ್ಲೂ ಉತ್ತಮವಾಗಿ ಮಾರಾಟ ಕಾಣುತ್ತಿದೆ. ಇದೀಗ ತನ್ನ ಹೊಸ ರಿಯಲ್‌ಮಿ ಸ್ಮಾರ್ಟ್‌ಟಿವಿ 4Kಯನ್ನು ಭಾರತದಲ್ಲಿ ಲಾಂಚ್‌ ಮಾಡಲು ಕಂಪೆನಿ ಸಿದ್ಧತೆ ನಡೆಸಿದೆ. ಇದೇ ಮೇ 31 ಕ್ಕೆ ರಿಯಲ್ ಮಿ ಎಕ್ಸ್ 7 ಮ್ಯಾಕ್ಸ್ ಜೊತೆ ರಿಯಲ್‌ಮಿ ಸ್ಮಾರ್ಟ್‌ಟಿವಿ 4K ಕೂಡ ಬಿಡುಗಡೆ ಆಗಲಿದೆ. ಹೀಗಿರುವಾಗ ಈ ಟಿವಿಯ ಪ್ರಮುಖ ಫೀಚರ್ ಗಳು ಆನ್ ಲೈನ್ ನಲ್ಲಿ ಸೋರಿಕೆಯಾಗಿವೆ.

ಹೌದು, ಬಿಡುಗಡೆಗೂ ಮುನ್ನವೇ ರಿಯಲ್‌ಮಿ ಸ್ಮಾರ್ಟ್ ಟಿವಿ 4Kಯ ಬೆಲೆ, ವಿಶೇಷತೆ ಏನು ಎಂಬುದು ಬಹಿರಂಗವಾಗಿದೆ. ಇದು 43-ಇಂಚಿನ ಮತ್ತು 50-ಇಂಚಿನ ಮಾದರಿಯಲ್ಲಿ ಬರಲಿದೆ ಎಂದು ತಿಳಿದುಬಂದಿದೆ.

ಕೇವಲ 5,000 ರೂ. ಒಳಗೆ ಸಿಗುತ್ತಿದೆ ಈ ಸ್ಮಾರ್ಟ್ ಫೋನುಗಳು

ಎರಡೂ ಇಂಚಿನ ಟಿವಿಗಳು ಕ್ವಾಡ್-ಕೋರ್ ಮೀಡಿಯಾ ಟೆಕ್ SoC ಪ್ರೊಸೆಸರ್‌ ಅನ್ನು ಒಳಗೊಂಡಿದ್ದು, ಆಂಡ್ರಾಯ್ಡ್ ಟಿವಿ 10 ನಲ್ಲಿ ಕಾರ್ಯನಿರ್ವಹಿಸುತ್ತವೆ ಎಂದು ತಿಳಿದುಬಂದಿದೆ. ಇದರಲ್ಲಿ ನಿಖರವಾದ ಕಲರ್ ರಿಪ್ರೊಡಕ್ಷನ್‌ ಗಾಗಿ ಇದು ಇಂಟರ್‌ಬಿಲ್ಟ್‌ ಕ್ರೋಮಾ ಬೂಸ್ಟ್ ಪಿಕ್ಚರ್ ಎಂಜಿನ್‌ನೊಂದಿಗೆ ಬರುವ ಸಾಧ್ಯತೆ ಇದೆ.

ವಿಶೇಷವಾಗಿ ಈ ಸ್ಮಾರ್ಟ್‌ಟಿವಿ ಡಾಲ್ಬಿ ವಿಷನ್ ತಂತ್ರಜ್ಞಾನವನ್ನು ಸಹ ಹೊಂದಿರಲಿದೆ ಎಂದು ನಿರೀಕ್ಷಿಸಲಾಗಿದೆ. ಆಡಿಯೊವನ್ನು 24W ಕ್ವಾಡ್ ಸ್ಟೀರಿಯೋ ಸ್ಪೀಕರ್ ಸಿಸ್ಟಮ್ ಡಾಲ್ಬಿ ಅಟ್ಮೋಸ್ ಮತ್ತು ಡಿಟಿಎಸ್ ಎಚ್ಡಿ ಬೆಂಬಲದೊಂದಿಗೆ ನಿರ್ವಹಿಸಬಹುದು ಎಂಬುದು ತಿಳಿದುಬಂದಿದೆ. 43 ಇಂಚಿನ ಮಾದರಿಯನ್ನು 100W ವಿದ್ಯುತ್ ಬಳಕೆಗಾಗಿ ರೇಟ್ ಮಾಡಲಾಗಿದ್ದು, 50 ಇಂಚಿನ ಮಾದರಿಯನ್ನು 200W ಗೆ ರೇಟ್ ಮಾಡಲಾಗಿದೆಯಂತೆ.

ಒಂದೇ ಸ್ಮಾರ್ಟ್‌ಫೋನಿನಲ್ಲಿ ಬೇರೆ ಆ್ಯಪ್ ಬಳಸದೆ 2 ವಾಟ್ಸ್ಆ್ಯಪ್ ಖಾತೆ ಹೇಗೆ?

ಈ ಸ್ಮಾರ್ಟ್‌ಟಿವಿ ಡಾಲ್ಬಿ ವಿಷನ್, ಡಾಲ್ಬಿ ಅಟ್ಮೋಸ್ ಬೆಂಬಲ, ಧ್ವನಿ ನೆರವು ಮತ್ತು ಗಾತ್ರಗಳನ್ನು ಹೊರತುಪಡಿಸಿ, ಟಿವಿ ಮಾದರಿಗಳ ಬೆಲೆ ಅಥವಾ ವಿಶೇಷಣಗಳ ಬಗ್ಗೆ ರಿಯಲ್‌ಮಿ ಯಾವುದೇ ವಿವರಗಳನ್ನು ಹಂಚಿಕೊಂಡಿಲ್ಲ.

ರಿಯಲ್‌ ಮಿ ಸ್ಮಾರ್ಟ್ ಟಿವಿ 4 ಕೆ ಅನ್ನು ಮೇ 31 ರಂದು ಮಧ್ಯಾಹ್ನ 12: 30 ಕ್ಕೆ ಅನಾವರಣವಾಗಲಿದೆ. ಸದ್ಯ ಲಭ್ಯ ಮಾಹಿತಿ ಪ್ರಕಾರ ಈ ಸ್ಮಾರ್ಟ್‌ಟಿವಿ 43 ಇಂಚಿನ ಮಾದರಿಗೆ 28,000 ರೂ. ಮತ್ತು 30,000 ರೂ. 50 ಇಂಚಿನ ಮಾದರಿಯ ಬೆಲೆ 33,000 ರೂ. ಮತ್ತು 35,000 ರೂ. ಬೆಲೆಹೊಂದಿರಲಿದೆ ಎನ್ನಲಾಗಿದೆ.