![shahid island attractions and history in kannada shahid island attractions and history in kannada](https://vijaykarnataka.com/thumb/88748381/shahid-island-attractions-and-history-in-kannada-88748381.jpg?imgsize=131526&width=380&height=214&resizemode=75)
ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು ಭಾರತದ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಒಂದಾಗಿದೆ. ಇವು ಭಾರತದ ಭೂಭಾಗದ ಸುಮಾರು ೧೨೦೦ ಕಿ.ಮೀ ದೂರದಲ್ಲಿದೆ. ಪೋರ್ಟ್ ಬ್ಲೇರ್ ಇದರ ರಾಜಧಾನಿಯಾಗಿದೆ.
ಇತ್ತೀಚೆಗೆ ಪ್ರವಾಸೋದ್ಯಮಕ್ಕೆ ಹೆಚ್ಚಿನ ಪ್ರಾಶಸ್ತ್ಯ ನೀಡಿದ್ದರಿಂದ ಅದ್ಭುತವಾದ ತಾಣಗಳನ್ನು ನೀವು ಇಲ್ಲಿ ಕಾಣಬಹುದು. ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪದ ಪ್ರವಾಸವು ನಿಮಗೆ ಮರೆಯಲಾಗದ ಅನುಭೂತಿಯನ್ನು ನೀಡುವುದು ಮಾತ್ರ ಖಚಿತ. ಕುಟುಂಬ ಸಮೇತ ಅಥವಾ ಸಂಗಾತಿಯೊಂದಿಗೆ ಇಲ್ಲಿನ ಪ್ರೇಕ್ಷಣೀಯ ಸ್ಥಳಗಳನ್ನು ಕಂಡು ಆನಂದಿಸಬಹುದು.
ಅಂಡಮಾನ್ ಮತ್ತು ನಿಕೋಬಾರ್ ನಲ್ಲಿರುವ ಶಹೀದ್ ದ್ವೀಪದ ಬಗ್ಗೆ ಇಲ್ಲಿದೆ ಮಾಹಿತಿ.
೧. ಶಹೀದ್ ದ್ವೀಪ
- ಭಾರತದ ಅಂಡಮಾನ್ ಮತ್ತು ನಿಕೋಬಾರ್ ಒಂದು ದ್ವೀಪವಾಗಿದ್ದರೆ, ಇದರಲ್ಲಿ ಮತ್ತೇರಡು ದ್ವೀಪಗಳು ಕೂಡ ಇವೆ.
- ಆ ದ್ವೀಪಗಳು ಶಹೀದ್ ದ್ವೀಪ ಮತ್ತು ಸ್ವರಾಜ್ ದ್ವೀಪ.
- ಶಹೀದ್ ದ್ವೀಪವು ದಕ್ಷಿಣ ಅಂಡಮಾನ್ ಆಡಳಿತ ಜಿಲ್ಲೆಗೆ ಸೇರಿದೆ. ಇದು ಫೋರ್ಟ್ ಬ್ಲೇರ್ ನಿಂದ ಈಶಾನ್ಯಕ್ಕೆ ಸುಮಾರು ೩೬ ಕಿ.ಮೀ ದೂರದಲ್ಲಿದೆ. ಇದು ಪ್ರಸ್ತುತ ಅತ್ಯುತ್ತಮವಾದ ಪ್ರವಾಸಿ ತಾಣವಾಗಿ ಹೊರಹೊಮ್ಮಿದೆ.
- ಇಲ್ಲಿ ಸಣ್ಣ ಪ್ರವಾಸಿ ಮೂಲ ಸೌಕರ್ಯವಿದೆ. ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಕ್ಕೆ ಪ್ರವಾಸ ಕೈಗೊಳ್ಳುವವರು ನೆರೆಯ ಸ್ವರಾಜ್ ದ್ವೀಪದ ಬದಲಿಗೆ ಶಹೀದ್ ದ್ವೀಪದಲ್ಲಿಯೇ ಉಳಿಯಲು ಇಷ್ಟ ಪಡುತ್ತಾರೆ.
೨. ಅನೇಕ ರೆಸ್ಟೋರೆಂಟ್
- ಪ್ರವಾಸಿಗರನ್ನು ಸೆಳೆಯಲು ಅಥವಾ ಪ್ರವಾಸೋದ್ಯಮವನ್ನು ಉನ್ನತೀಕರಣಗೊಳಿಸಲು ಕೆಲವು ರೆಸ್ಟೋರೆಂಟ್ ಮತ್ತು ಬೀಚ್ ಹೋಟೆಲ್ ಇವೆ.
- ಇಷ್ಟೆ ಅಲ್ಲದೇ, ಇಲ್ಲಿ ಭಾರತದ ಮೂಲೆ ಮೂಲೆಯಿಂದ ಪ್ರವಾಸಿಗರು ಅಂಡಮಾನ್ ಮತ್ತು ನಿಕೋಬಾರ್ ಪ್ರವಾಸ ಕೈಗೊಳ್ಳಲು ಆಯೋಜಿಸುತ್ತಿದ್ದಾರೆ.
- ವಿದೇಶಿಗರು ಕೂಡ ಇಲ್ಲಿನ ಪ್ರವಾಸಿ ಆಕರ್ಷಣೆಗಳಿಗೆ ಮನಸೋತಿದ್ದಾರೆ.
- ಇಲ್ಲಿ ಸಾಕಷ್ಟು ಪ್ರವಾಸಿ ತಾಣಗಳಿವೆ. ಅವುಗಳೆಂದರೆ ಭರತ್ ಪುರ ಬೀಚ್, ಲಕ್ಷ್ಮಣಪುರ ಬೀಚ್, ಸೀತಾಪುರ ಬೀಚ್, ನೈಸರ್ಗಿಕ ಸೇತುವೆ, ಸನ್ ಸೆಟ್ ಬೀಚ್ ಎಂದು ಕರೆಯಲ್ಪಡುವ ರಾಮನಗರ ಬೀಚ್ಗೆ ಭೇಟಿ ನೀಡಬಹುದು.
ಶ್ರೀರಂಗಪಟ್ಟಣದಲ್ಲಿ ನೀವು ಹೇಗೆ ಎಂಜಾಯ್ ಮಾಡಬೇಕು ಗೊತ್ತಾ?
೩. ವಾಟರ್ ಸ್ಪೋರ್ಟ್ಸ್
- ಅಂಡಮಾನ್ ಮತ್ತು ನಿಕೋಬಾರ್ ಪ್ರವಾಸ ಕೈಗೊಳ್ಳುವವರು ಅದ್ಭುತವಾದ ವಾಟರ್ ಸ್ಪೋಟ್ಸ್ ಗಳನ್ನು ಭರತ್ ಪುರ್ ಬೀಚ್ ನಲ್ಲಿ ಆನಂದಿಸಬಹುದು.
- ದ್ವಿಚಕ್ರ ವಾಹನ, ಖಾಸಗಿ ಕ್ಯಾಬ್ ಬಾಡಿಗೆಗೆ ಪಡೆಯುವುದರ ಮೂಲಕ ಶಹೀದ್ ದ್ವೀಪವನ್ನು ಅನ್ವೇಷಿಸಬಹುದು.
- ನೀವು ಸಾಹಸಮಯವಾದ ಚಟುವಟಿಕೆಗಳನ್ನು ಇಷ್ಟ ಪಡುವವರಾಗಿದ್ದರೆ, ತಪ್ಪದೇ ಇಲ್ಲಿನ ಬೋಟ್ ಸ್ಕೂಬಾ ಡೈವಿಂಗ್, ಸ್ನಾರ್ಕ್ಲಿಂಗ್, ಗ್ಲಾಸ್ ಬಾಟಮ್ ಬೋಟ್ ರೈಡ್ ಗಳಂತಹ ಚಟುವಟಿಕೆಗಳನ್ನು ಅಂತ್ಯವಿಲ್ಲದೇ ನೀವು ಆನಂದಿಬಹುದು.
ಒಂದೊಂದು ದ್ವಾರಕ್ಕೂ ಒಂದೊಂದು ಮಹತ್ವವಿದೆ ಈ ಕೋಟೆಯಲ್ಲಿ..
೪. ಪ್ರಧಾನಿ ನರೇಂದ್ರ ಮೋದಿ ಮರು ನಾಮಕರಣ
- ಪ್ರಸ್ತುತ ಶಹೀದ್ ದ್ವೀಪವಾಗಿರುವ ನೀಲ್ ದ್ವೀಪವು ೧೯೬೦ ರ ದಶಕದ ಉತ್ತರಾರ್ಧದಲ್ಲಿ ವಸಾಹತುಗಾರರ ಆಗಮನದವರೆವಿಗೂ ಜನವಸತಿ ಇರಲಿಲ್ಲ.
- ನಂತರ ಹಿಂದೂ ಬಾಂಗ್ಲಾದೇಶೀಯರ ನಿರ್ಗಮನದ ನಂತರ ಶಹೀದ್ ದ್ವೀಪದಲ್ಲಿ ಬಹುಪಾಲು ನೆಲೆಸಿದವರು ಮಾತ್ರ ಹಿಂದಿನ ಪೂರ್ವ ಪಾಕಿಸ್ತಾನದ ನಿರಾಶ್ರಿತರು.
- ಪ್ರಧಾನಿ ನರೇಂದ್ರ ಮೋದಿಯವರು ನೀಲ್ ದ್ವೀಪವನ್ನು ೨೦೧೮ ಡಿಸೆಂಬರ್ ೩೦ ರಂದು ಶಹೀದ್ ದ್ವೀಪ ಎಂದು ಮರುನಾಮಕರಣ ಮಾಡುವುದಾಗಿ ಘೋಷಿಸಿದರು.
ವಿಶ್ವ ದಾಖಲೆ ಪಡೆದಿರುವ ಭಾರತದ ಈ ಸ್ಥಳಗಳ ಬಗ್ಗೆ ನಿಮಗೆಷ್ಟು ಗೊತ್ತು?
೫. ಇತಿಹಾಸದ ಪುಟದಲ್ಲಿರುವ ಶಹೀದ್ ದ್ವೀಪ
- ೧೮೫೭ ರ ಸಿಪಾಯಿ ದಂಗೆಯಲ್ಲಿ ಆಗಿನ ಬ್ರಿಟಿಷ್ ಈಸ್ಟ್ ಇಂಡಿಯನ್ ಕಂಪನಿಯ ಪರವಾಗಿ ಹೋರಾಡಿದ ಬ್ರಿಟಿಷ್ ಅಧಿಕಾರಿ, ಬ್ರಿಗೇಡಿಯರ್ ಜನರಲ್ ಜೇಮ್ಸ್ ನೀಲ್ ಅವರ ಹೆಸರನ್ನು ನೀಲ್ ದ್ವೀಪಕ್ಕೆ ಹೆಸರಿಡಲಾಯಿತು.
- ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪವನ್ನು ಸ್ವರಾಜ್ ಎಂದು ನಾಮಕರಣ ಮಾಡಿದರು.
ಕುಫ್ರಿಯ ಈ ಶಿಖರಕ್ಕೆ ತಲುಪಲು ಹೇಸರಗತ್ತೆ ಮೇಲೆ ಕೂತು ಸವಾರಿ ಮಾಡಬೇಕಂತೆ…!
೬. ನೇತಾಜಿ ಸುಭಾಷ್ ಚಂದ್ರ ಬೋಸ್
PC: Buiobuione
- ನಂತರ ಡಿಸೆಂಬರ್ ೨೦೧೮ ರಲ್ಲಿ ನೇತಾಜಿ ಸುಭಾಷ್ ಚಂದ್ರ ಬೋಸ್ ಅವರಿಗೆ ಗೌರವಾರ್ಥವಾಗಿ ಇದನ್ನು ಶಹೀದ್ ದ್ವೀಪ ಎಂದು ಮರುನಾಮಕರಣ ಮಾಡಲಾಯಿತು.
- ನೇತಾಜಿ ಸುಭಾಸ್ ಚಂದ್ರ ಬೋಸ್ ಅವರು ೩೦ ಡಿಸೆಂಬರ್ ೧೯೪೩ ರಂದು ಪೋರ್ಟ್ ಬ್ಲೇರ್ನಲ್ಲಿ ಭಾರತೀಯ ಧ್ವಜವನ್ನು ಹಾರಿಸಿ, ಈ ದ್ವೀಪವನ್ನು ಬ್ರಿಟಿಷ್ ಆಳ್ವಿಕೆಯಿಂದ ವಿಮೋಚನೆಗೊಳಿಸಿದ ಪ್ರದೇಶಗಳಾಗಿ ಘೋಷಿಸಿದರು.
ಕಠ್ಮಂಡುವಿನ ಪ್ರವಾಸಿ ತಾಣಗಳು ಒಂದಕ್ಕಿಂತ ಒಂದು ಅದ್ಭುತ
೭. ತಲುಪುವ ಬಗೆ ಹೇಗೆ?
PC: Aliven Sarkar
- ಬೆಂಗಳೂರಿನಿಂದ ನೇರವಾಗಿ ವಿಮಾನಗಳ ಮೂಲಕ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಕ್ಕೆ ಪ್ರಯಾಣಿಸಬಹುದು. ಬೆಂಗಳೂರಿನಿಂದ ಪೋರ್ಟ್ ಬ್ಲೇರ್ ಗೆ ವಿಮಾನದ ಮೂಲಕ ಪ್ರಯಾಣವು ಸುಮಾರು ೨ ಗಂಟೆ ೩೫ ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ.
- ಕೋಲ್ಕತ್ತಾ, ಬೆಂಗಳೂರು, ಚೆನ್ನೈ, ಹೈದರಾಬಾದ್, ದೆಹಲಿ ಮತ್ತು ವಿಶಾಖಪಟ್ಟಣಂ ನಿಂದ ನೇರವಾದ ವಿಮಾನಗಳು ಅಂಡಮಾನ್ ಮತ್ತು ನಿಕೋಬಾರ್ ಗೆ ಸಂಪರ್ಕ ಸಾಧಿಸುತ್ತವೆ.
- ಪೋರ್ಟ್ ಬ್ಲೇರ್ ನಿಂದ ಶಹೀದ್ ದ್ವೀಪಕ್ಕೆ ನಿಯಮಿತ ಸರ್ಕಾರಿ ದೋಣಿಗಳಿವೆ. ಅಲ್ಲದೇ, ಮಕ್ರುಜ್, ಗ್ರೀನ್ ಓಷನ್, ಸೀ ಲಿಂಕ್ ಮತ್ತು ಕೋಸ್ಟಲ್ ಕ್ರೂಸ್ ನಂತಹ ಖಾಸಗಿ ಹಡಗುಗಳು ಕೂಡ ಇವೆ.