ಮಕ್ಕಳ ಜೊತೆ ಪ್ರವಾಸ ಕೈಗೊಂಡಾಗ ಈ ವಿಷಯಗಳ ಬಗ್ಗೆ ಗಮನ ವಹಿಸಿ

PC:pexels

ದೇಶದ ಹಲವೆಡೆ ಬೇಸಿಗೆಯ ತಾಪಮಾನ ಅತಿಯಾಗುತ್ತಿದೆ. ನೀವು ಹೋಗಲು ಬಯಸುವ ಗಮ್ಯಸ್ಥಾನದ ಬಗ್ಗೆ ಹಾಗು ತಾಪಮಾನದ ಬಗ್ಗೆ ತಿಳಿದುಕೊಳ್ಳಿ. ಬೇಸಿಗೆ ಕಾಲದಲ್ಲಿ ಬಹುತೇಕರು ಜಲಪಾತ, ಸರೋವರ ಅಥವಾ ಹಿಲ್‌ ಸ್ಟೇಷನ್‌ಗಳಿರುವ ಸ್ಥಳಗಳಿಗೆ ಹೋಗಲು ಬಯಸುತ್ತಾರೆ. ನೀವು ಕೂಡ ಇಂತಹ ಸ್ಥಳಗಳನ್ನು ಆಯ್ಕೆ ಮಾಡಿಕೊಂಡರೆ, ಮಕ್ಕಳಿಗೆ ನಿಜವಾಗಿಯು ಇಷ್ಟವಾಗುತ್ತದೆ.

ನಮ್ಮ ದಕ್ಷಿಣ ಭಾರತದಲ್ಲಿ ಸಾಕಷ್ಟು ತಂಪಾದ ಗಿರಿಧಾಮಗಳಿವೆ. ಮುನ್ನಾರ್‌, ಕೂರ್ಗ್‌, ಕೊಡೈಕೆನಾಲ್‌, ಊಟಿ ಸೇರಿದಂತೆ ಇನ್ನು ಅನೇಕ ತಾಣಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.

PC:pexels

ಸ್ಥಳವನ್ನು ಆಯ್ಕೆ ಮಾಡಿದ ನಂತರ ಹೋಟೆಲ್‌ನ ರೂಂ ಬುಕ್‌ ಮಾಡುವುದು ಮರೆಯದಿರಿ. ಏಕೆಂದರೆ ಬೇಸಿಗೆ ಕಾಲದಲ್ಲಿ ತಂಪಾದ ಸ್ಥಳಗಳಲ್ಲಿ ಹೋಟೆಲ್‌ಗಳ ರೂಂ ಭರ್ತಿಯಾಗಬಹುದು. ಮಕ್ಕಳನ್ನು ಹಿಡಿದುಕೊಂಡು ರೂಂಗಾಗಿ ಪರದಾಡುವ ಬದಲು ಮೊದಲೇ ಬುಕ್‌ ಮಾಡುವುದು ಬೆಸ್ಟ್.

PC: pexels

ಬೇಸಿಗೆ ಪ್ರವಾಸವಾದ ಕಾರಣ ಬಟ್ಟೆಗಳ ಪ್ಯಾಕಿಂಗ್ ಸ್ಮಾರ್ಟ್‌ ಆಗಿರಲಿ. ಸೀಸನ್‌ಗೆ ಅನುಗುಣವಾಗಿ ಬಟ್ಟೆ ಪ್ಯಾಕ್‌ ಮಾಡುವುದು ಬೆಸ್ಟ್. ಅಂದರೆ ಚರ್ಮಕ್ಕೆ ಹಿತವೆನಿಸುವ ಕಾಟನ್‌ ಬಟ್ಟೆಗಳು ನಿಮ್ಮ ಆಯ್ಕೆಯಾಗಿರಲಿ. ಮಲಗುವ ಸಮಯದಲ್ಲಿ ಸೊಳ್ಳೆ ಪರದೆಯನ್ನು ಬಳಸಿ. ಹಾಗೆಯೇ, ಸ್ಕನ್‌ ಸ್ಕ್ರೀನ್‌, ಹ್ಯಾಟ್‌, ಸನ್‌ ಗ್ಲಾಸ್‌ಗಳನ್ನು ನೀವು ಮರೆಯುವಂತಿಲ್ಲ.

PC:pexels

ಬೇಸಿಗೆಯಲ್ಲಿ ಸೂಕ್ಷ್ಮವಾದ ಕಾಯಿಲೆಗಳು ಬರುವುದಿಲ್ಲ ಎಂದು ತಳ್ಳಿ ಹಾಕುವಂತಿಲ್ಲ. ಏಕೆಂದರೆ ಮಕ್ಕಳಿಗೆ ಯಾವುದೇ ಋತುಮಾನದಲ್ಲಿಯು ಗಾಯಗಳಾಗುವುದು ಅಥವಾ ಅನಾರೋಗ್ಯಕ್ಕೆ ಒಳಗಾಗುವುದು ಆಗಾಗ್ಗೆ ನಡೆಯುವ ಪ್ರಕ್ರಿಯೆ. ಹಾಗಾಗಿ ಥರ್ಮಾಮೀಟರ್, ನಂಜುನಿರೋಧಕ ಬ್ಯಾಂಡೇಜ್, ಹತ್ತಿ, ಶೀತ, ಜ್ವರ, ಕೆಮ್ಮಿಗೆ ಬೇಕಾದ ಔಷಧಿಗಳನ್ನು ಮರೆಯದೆ ಪ್ಯಾಕ್ ಮಾಡಿ.

ಮಕ್ಕಳಿಗೆ ಆದಷ್ಟು ಸರಿಯಾದ ಶೂಗಳನ್ನು ಧರಿಸಲು ಹೇಳಿ. ಇದರಿಂದ ಅವರು ಆರಾಮದಾಯಕವಾಗಿ ನಡೆಯುತ್ತಾರೆ.

ಇದನ್ನೂ ಓದಿ: ಯುರೋಪ್‌ಗೆ ಹೋಗಲು ಪ್ಲಾನ್‌ ಮಾಡ್ತಾ ಇದ್ದರೆ…. ಅಗ್ಗದ ಟಿಕೆಟ್‌ ಬುಕ್‌ ಮಾಡುವ ವಿಧಾನ ಇಲ್ಲಿವೆ

PC:pexels

ಪ್ರವಾಸದ ಖುಷಿಯಲ್ಲಿ ಮಕ್ಕಳು ಅನಾರೋಗ್ಯಕರವಾದ ಆಹಾರಗಳನ್ನು ಅಥವಾ ಜಂಕ್‌ ಫುಡ್‌ಗಳನ್ನು ಸೇವಿಸಲು ಹಾತೊರೆಯಬಹುದು. ಆದರೆ ಈ ಸಮಯದಲ್ಲಿ ಆರೋಗ್ಯಕರವಾಗಿರುವ ಹಣ್ಣು-ತರಕಾರಿಗಳಿರುವ ಆಹಾರಗಳನ್ನು ಸೇವಿಸಲು ನೀಡಿ. ಸಾಕಷ್ಟು ನೀರು ಅಥವಾ ಜ್ಯೂಸ್‌ಗಳನ್ನು ಸೇವಿಸುವುದು ಉತ್ತಮ.

ಪ್ರವಾಸದ ಸಮಯದಲ್ಲಿ ಕುರುಕಲು ತಿಂಡಿಗಳಿಂದ ದೂರ ಉಳಿಯಿರಿ. ತಾಜಾ ಎಳನೀರು ಅಥವಾ ಹಣ್ಣಿನ ಜ್ಯೂಸ್‌ಗಳನ್ನು ಕುಡಿಯಿರಿ. ಮಾರುಕಟ್ಟೆಯಲ್ಲಿ ದೊರೆಯುವ ಜ್ಯೂಸ್‌ಗಳಿಂದ ದೂರವಿದ್ದರೆ ಒಳ್ಳೆಯದು.

ಇದನ್ನೂ ಓದಿ: ಮನಸ್ಸಿಗೆ ವಿಶ್ರಾಂತಿ ಬೇಕಾ? ಹಾಗಾದರೆ ಇಂತಹ ತಾಣಗಳಿಗೆ ಹೋಗಿ