ಇದು ಇಂಟರ್‌ನೆಟ್ ಜಮಾನ. ಸೋಶಿಯಲ್ ಮೀಡಿಯಾ ಎಂಬುದು ಈಗ ಪ್ರಭಾವಶಾಲಿಯಾಗಿದೆ. ಜತೆಗೆ, ಈ ಸೋಶಿಯಲ್ ಮೀಡಿಯಾ ಎಂಬುದು ಪ್ರತಿಭಾ ಪ್ರದರ್ಶನಕ್ಕೂ ದೊಡ್ಡ ವೇದಿಕೆ ಕೂಡಾ ಆಗಿದೆ. ಅದರಲ್ಲೂ ಸಣ್ಣ ಸಣ್ಣ ರೀಲ್ಸ್‌ ವಿಡಿಯೋಗಳನ್ನು ಶೂಟ್ ಮಾಡುವುದು ಕೂಡಾ ಈಗ ಹೊಸದೇನೂ ಅಲ್ಲ. ಇದನ್ನು ತಮ್ಮ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಳ್ಳುವ ಮೂಲಕ ಎಲ್ಲರೂ ಸಾಕಷ್ಟು ಅಭಿಮಾನಿಗಳನ್ನೂ ಸಂಪಾದಿಸಿಕೊಳ್ಳುತ್ತಾರೆ. ಲೈಕ್ಸ್‌, ಕಮೆಂಟ್ಸ್‌ಗಳನ್ನೂ ಪಡೆಯುತ್ತಾರೆ.
ತಮ್ಮ ವಿಡಿಯೋ ಚೆನ್ನಾಗಿ ಬರಬೇಕು, ಬೇರೆಯವರಿಗಿಂತ ನಾನು ಡಿಫ್ರೆಂಟ್ ಪ್ರಯತ್ನ ಮಾಡಬೇಕು ಎಂಬುದು ಕೆಲವರ ಆಸೆ. ಆದರೆ, ಇವರ ಈ ಪ್ರಯತ್ನ ಒಂದಷ್ಟು ಸಂದರ್ಭದಲ್ಲಿ ಅಪಾಯಕಾರಿಯೂ ಆಗಿ ಮಾರ್ಪಡುತ್ತವೆ. ಅಂತೆಯೇ, ಈ ಯುವತಿ ಕೂಡಾ ತನ್ನ ರೀಲ್ ಶೂಟಿಂಗ್‌ಗೆ ಸಜ್ಜಾಗಿದ್ದಳು. ಆದರೆ, ಈಕೆಯ ಪ್ರಯತ್ನ ಕೂಡಾ ಅಪಾಯಕಾರಿಯೇ ಆಗಿತ್ತು. ಯಾಕೆಂದರೆ ಈ ಯುವತಿ ರೀಲ್ ಶೂಟ್ ಮಾಡಲು ಹೋಗಿ ನಿಂತಿದ್ದು ಒಂದು ಗೂಳಿಯ ಮುಂದೆ...!
bhutni_ke_memes ಎಂಬ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಗೂಳಿ ಮುಂದೆ ಯುವತಿಯೊಬ್ಬಳು ಮ್ಯೂಸಿಕ್‌ಗೆ ಸ್ಟೆಪ್ಸ್‌ ಹಾಕುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಆದರೆ, ಈಕೆ ತನ್ನ ನೃತ್ಯದ ವಿಡಿಯೋ ಶೂಟ್ ಮಾಡುತ್ತಿದ್ದಂತೆಯೇ ಆಕೆಗೆ ಅಲ್ಲಿಂದ ಓಡುವ ಪರಿಸ್ಥಿತಿ ಎದುರಾಗಿತ್ತು. ಯಾಕೆಂದರೆ, ಈಕೆಯ ಡ್ಯಾನ್ಸ್‌ ಕಂಡು ಗೂಳಿ ಇವಳ ಮೇಲೆ ದಾಳಿಗೆ ಮುಂದಾಗಿತ್ತು. ಇದನ್ನು ನೋಡುತ್ತಿದ್ದಂತೆಯೇ ಈ ಯುವತಿ ಓಡಿ ಹೋಗಿ ಪಕ್ಕದಲ್ಲಿ ನಿಂತುಕೊಂಡಿದ್ದಳು...! ತನ್ನ ಸ್ಥಿತಿ ಆಕೆಗೂ ನಗು ತರಿಸಿತ್ತು.
ಸಹಜವಾಗಿಯೇ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಎಲ್ಲರಲ್ಲೂ ನಗು ಮೂಡಿಸುವಲ್ಲಿ ಈ ವಿಡಿಯೋ ಯಶಸ್ವಿಯಾಗಿದ್ದು, ಸಾಕಷ್ಟು ವೀಕ್ಷಣೆಯನ್ನೂ ಗಳಿಸಿದೆ. ಜತೆಗೆ, ಈ ದೃಶ್ಯ ಕಂಡ ಬಹುತೇಕರು ತಮಾಷೆಯ ಪ್ರತಿಕ್ರಿಯೆಯನ್ನೂ ನೀಡಿದ್ದಾರೆ. ಬರೀ ಲೈಕ್ಸ್‌, ಕಮೆಂಟ್ಸ್‌ಗಾಗಿ ಅಪಾಯವನ್ನು ಮೈಮೇಲೆ ಎಳೆದುಕೊಳ್ಳುವವರಿಗೂ ಒಂದು ಪಾಠ ಕೂಡಾ ಆಗಿದೆ.
ತಮ್ಮ ವಿಡಿಯೋ ಚೆನ್ನಾಗಿ ಬರಬೇಕು, ಬೇರೆಯವರಿಗಿಂತ ನಾನು ಡಿಫ್ರೆಂಟ್ ಪ್ರಯತ್ನ ಮಾಡಬೇಕು ಎಂಬುದು ಕೆಲವರ ಆಸೆ. ಆದರೆ, ಇವರ ಈ ಪ್ರಯತ್ನ ಒಂದಷ್ಟು ಸಂದರ್ಭದಲ್ಲಿ ಅಪಾಯಕಾರಿಯೂ ಆಗಿ ಮಾರ್ಪಡುತ್ತವೆ. ಅಂತೆಯೇ, ಈ ಯುವತಿ ಕೂಡಾ ತನ್ನ ರೀಲ್ ಶೂಟಿಂಗ್‌ಗೆ ಸಜ್ಜಾಗಿದ್ದಳು. ಆದರೆ, ಈಕೆಯ ಪ್ರಯತ್ನ ಕೂಡಾ ಅಪಾಯಕಾರಿಯೇ ಆಗಿತ್ತು. ಯಾಕೆಂದರೆ ಈ ಯುವತಿ ರೀಲ್ ಶೂಟ್ ಮಾಡಲು ಹೋಗಿ ನಿಂತಿದ್ದು ಒಂದು ಗೂಳಿಯ ಮುಂದೆ...!
bhutni_ke_memes ಎಂಬ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಗೂಳಿ ಮುಂದೆ ಯುವತಿಯೊಬ್ಬಳು ಮ್ಯೂಸಿಕ್‌ಗೆ ಸ್ಟೆಪ್ಸ್‌ ಹಾಕುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಆದರೆ, ಈಕೆ ತನ್ನ ನೃತ್ಯದ ವಿಡಿಯೋ ಶೂಟ್ ಮಾಡುತ್ತಿದ್ದಂತೆಯೇ ಆಕೆಗೆ ಅಲ್ಲಿಂದ ಓಡುವ ಪರಿಸ್ಥಿತಿ ಎದುರಾಗಿತ್ತು. ಯಾಕೆಂದರೆ, ಈಕೆಯ ಡ್ಯಾನ್ಸ್‌ ಕಂಡು ಗೂಳಿ ಇವಳ ಮೇಲೆ ದಾಳಿಗೆ ಮುಂದಾಗಿತ್ತು. ಇದನ್ನು ನೋಡುತ್ತಿದ್ದಂತೆಯೇ ಈ ಯುವತಿ ಓಡಿ ಹೋಗಿ ಪಕ್ಕದಲ್ಲಿ ನಿಂತುಕೊಂಡಿದ್ದಳು...! ತನ್ನ ಸ್ಥಿತಿ ಆಕೆಗೂ ನಗು ತರಿಸಿತ್ತು.
ಸಹಜವಾಗಿಯೇ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಎಲ್ಲರಲ್ಲೂ ನಗು ಮೂಡಿಸುವಲ್ಲಿ ಈ ವಿಡಿಯೋ ಯಶಸ್ವಿಯಾಗಿದ್ದು, ಸಾಕಷ್ಟು ವೀಕ್ಷಣೆಯನ್ನೂ ಗಳಿಸಿದೆ. ಜತೆಗೆ, ಈ ದೃಶ್ಯ ಕಂಡ ಬಹುತೇಕರು ತಮಾಷೆಯ ಪ್ರತಿಕ್ರಿಯೆಯನ್ನೂ ನೀಡಿದ್ದಾರೆ. ಬರೀ ಲೈಕ್ಸ್‌, ಕಮೆಂಟ್ಸ್‌ಗಾಗಿ ಅಪಾಯವನ್ನು ಮೈಮೇಲೆ ಎಳೆದುಕೊಳ್ಳುವವರಿಗೂ ಒಂದು ಪಾಠ ಕೂಡಾ ಆಗಿದೆ.