ಯಡಿಯೂರಪ್ಪ ಕಡು ಭ್ರಷ್ಟ, ಡೋಂಗಿ: ಸಿಎಂ

ಚಾಮರಾಜನಗರ: ಯಡಿಯೂರಪ್ಪ ಕಡು ಭ್ರಷ್ಟ, ಡೋಂಗಿ ರಾಜಕಾರಣಿ. ಅವರ ವಿರುದ್ಧ 15 ಕೇಸ್‌ಗಳಿವೆ. ಇಂಥವರಿಗೆ ನನ್ನ ಬಗ್ಗೆ ಆರೋಪ ಮಾಡುವ ನೈತಿಕತೆ ಇಲ್ಲಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ದೂರಿದ್ದಾರೆ.

'12 ಬಜೆಟ್ ಮಂಡಿಸುತ್ತಿದ್ದೇನೆ. ಒಂದು ಸಣ್ಣ ಕಪ್ಪುಚುಕ್ಕೆ ನನ್ನಮೇಲೆ ಇಲ್ಲ. ಯಾವುದೋ ಡೈರಿಯಲ್ಲಿ ಇದೆ ಅಂದ್ರೆ ಏನರ್ಥ, ಡೈರಿ ನನ್ನ ಮನೇಲಿ ಸಿಕ್ಕಿದೆಯೇ ? ಇದೊಂದು ರಾಜಕೀಯ ಪ್ರೇರಿತ ಆರೋಪ,' ಎಂದು ಗುಂಡ್ಲುಪೇಟೆ ತಾಲೂಕು ಹಾಲಹಳ್ಳಿಯಲ್ಲಿ ಸಿಎಂ ತಿರುಗೇಟು ನೀಡಿದ್ದಾರೆ.

ಗೀತಾ ಪ್ರಸಾದ್‌ ಅಭ್ಯರ್ಥಿ:

ಗುಂಡ್ಲುಪೇಟೆ ವಿಧಾನಸಭೆ ಕ್ಷೇತ್ರದ ಮರು ಚುನಾವಣೆಗೆ ಗೀತಾ ಮಹದೇವ ಪ್ರಸಾದ್ ಅವರೇ ಕಾಂಗ್ರೆಸ್ ಅಭ್ಯರ್ಥಿ ಎಂದು ಮುಖ್ಯಮಂತ್ರಿ ಘೋಷಿಸಿದ್ದಾರೆ.

ಮಹದೇವ ಪ್ರಸಾದ್ ಅವರ ಹುಟ್ಟೂರು ಹಾಲಹಳ್ಳಿಯಲ್ಲಿ ಆಯೋಜಿಸಿದ್ದ ಮಹಾ ಸ್ಮರಣೆ ಕಾರ್ಯಕ್ರಮದಲ್ಲಿ ಸಿಎಂ ಈ ವಿಷಯ ಘೋಷಿಸಿದ್ದಾರೆ.