ಪ್ರೀತಿ ಅನ್ನೋ ಪದಕ್ಕೆ ಮೋಸ ಮಾಡಿ ಬೆನ್ನು ತಿರುಗಿಸಿ ನನ್ನ ಕಡೆ ನೋಡದೆ ನನಗು ನಿನಗೂ ಯಾವ ಸಂಬಂಧವು ಇಲ್ಲ ಎಂದು ನನ್ನ ಬಿಟ್ಟು ಹೋಗಿ ಒಂದು ವರ್ಷವಾಯಿತು . ನಾಲ್ಕು ವರ್ಷದ ಪ್ರೀತಿಗೆ ಎಲ್ಲೂ ನೀರು ಬಿಟ್ಟು ನನ್ನನ್ನು ಒಂಟಿ ಮಾಡಿ ಹೋಗಿ ನೀನು ಸುಖವಾಗಿಯೇ ಇದ್ದೀಯ ಆದರೆ ನನ್ನ ಬಗ್ಗೆ ಯೋಚಿಸು.
ಕೇವಲ ಹುಡುಗರು ಪ್ರೀತಿಗೆ ಮೋಸ ಮಾಡ್ತಾರೆ ಅನ್ಕೊಂಡಿದ್ದೆ ಆದರೆ ನಿನ್ನ ನೋಡಿದ ಮೇಲೆ ನನಗೆ ಅರ್ಥ ಆಗಿದ್ದು ಮೋಸ ಮಾಡೋ ಗುಣ ಹುಡುಗಿಯರಿಗೂ ಇದೆ ಅಂತ ಪ್ರತಿ ಸಲ ನಿನ್ನ ನೋಡಲು ಬೆಂಗಳೂರಿಂದ ಮಂಡ್ಯಕ್ಕೆ ಬರುವಾಗ ಸಾವಿರ ಕನಸುಗಳನ್ನ ಹೊತ್ತು ಬಂದು ನಿನ್ನ ಜೊತೆ ಮಾತಾಡಿದ ಮೇಲೆ ಅವೆಲ್ಲ ನನಸಾದೋ ಅನ್ನೋ ಭಾವನೆಯಿಂದಾ ವಾಪಸ್ಸಾಗಿ ನನ್ನ ಎಲ್ಲ ನೋವುಗಳನ್ನ ಮರೆಯುತ್ತಿದ್ದೆ ತಿಂಗಳಲ್ಲಿ ಒಂದೇ ಒಂದು ಸಲ ನಿನ್ನ ಬೇಡಿ ಮಾಡೋ ಅವಕಾಶ ನನಗೆ ಇದ್ದದ್ದು ನಿಮ್ಮ ಹಾಸ್ಟೆಲ್ ನ ರೂಲ್ಸ್ ಕೂಡ ಹಾಗೆ ಇತ್ತು ಪ್ರತಿ ತಿಂಗಳ ಎರಡನೆ ಭಾನುವಾರ ಮಾತ್ರ ಬೇಟಿಗೆ ಅವಕಾಶ ಇರುತಿತ್ತು. ಆ ದಿನ ನೋಡಿ ಪುನಃ ಮಿಂದಿನ ತಿಂಗಳ ಭಾನುವಾರಕ್ಕೆ ಕಾಯುತ್ತ ಇರ್ತ್ತಿದ್ದೆ ಇವಾಗ ಅವೆಲ್ಲ ನೆನಪು ಮಾಡ್ಕೊಂಡ್ರೆ ತುಂಬಾ ನಗು ಬರುತ್ತೆ ಕಣೆ ಮೋಸ ಹೋಗಿಬಿಟ್ನೋ ಅಥವಾ ನೀನೆ ಮೋಸ ಮಾಡಿ ಬಿಟ್ಟೋ ಅಂತ ಇದುವರೆವಿಗೂ ಅರ್ಥ ಆಗ್ತಿಲ್ಲ.
ಮನೆ ಮಂದಿಯವರೆಲ್ಲ ಒಪ್ಪಿ ಇನ್ನೇನು ಮದುವೆ ಮಾಡಬೇಕು ಅನ್ಕೊಂಡಿದ್ದಾಗ ನೀನೆ ನನಗೆ ಕೈ ಕೊಟ್ಟಲ್ಲೇ ಯಾಕೆ ಹೀಗೆ ನನಗೆ ಮೋಸ ಮಾಡ್ಬಿಟ್ಟೆ? ನೀವು ಹುಡುಗೀರೆ ಇಷ್ಟು ಅನ್ಸುತ್ತೆ ನಮ್ಮಂಥ ಅಮಾಯಕ ಹುಡುಗರನ್ನ ಹುಡುಕಿ ಹುಡುಕಿ ಕೊಲೆ ಮಾಡಿ ಸಾಯಲು ಬಾರದು ಬದುಕಲು ಬಾರದು ಹಾಗೆ ಮಾಡಿ ಹೋಗ್ಬಿಡ್ತಿರ.ನಿಮಗೆ ಬೇಕು ಅಂದಾಗ ಬೇಕು ಬೇಡ ಅಂದಾಗ ಬೇಡ ಅಲ್ವ?
ಇವಾಗ ನೀನು ಮದುವೆಯ ಸಂಬ್ರಮದಲ್ಲಿ ಇದ್ದೀಯ ನನ್ನ ಎಲ್ಲ ಪತ್ರಗಳನ್ನ ನಾನು ಕೊಟ್ಟ ಅಸ್ಟು ಗಿಫ್ಟ್ ಗಳನ್ನ ಬೆಂಕಿಗೆ ಹಾಕಿದ್ದಿಯ ಅಂತ ಗೊತ್ತಾಯ್ತು ಆದರೆ ನೀನು ಕೊಟ್ಟ ಅಸ್ಟು ಪತ್ರಗಳು ಅಸ್ಟು ಗಿಫ್ಟ್ ಗಳನ್ನ ನಾನು ಹಾಗೆ ಇಟ್ಕೊಂಡ್‌ಇದ್ದೀನಿ ನಿನ್ನ ಮದುವೆಗೆ ಅವುಗಳನ್ನೇ ಉಡುಗೊರೆಯಾಗಿ ಕೊಡಬೇಕು ಅನ್ಕೊಂಡಿದ್ದೀನಿ ನಿನ್ನ ಹುಟ್ಟುಹಬ್ಬಕ್ಕೆ ಪ್ರತಿ ಸಲದಂತೆ ಈ ಬಾರಿ ಕೂಡ ನಾನು ರಕ್ತ ಧಾನ ಮಾಡ್ತೀನಿ ಕಣೆ. ಆ ದಿನ ನಿನಗೆ ಫೋನ್ ಮಾಡಿ ನಿನಗೆ ಶುಭಾಶಯ ತಿಳಿಸಬೇಕು ಅಂತ ಆಸೆ ಆದರೆ ಹಾಗೆ ಅನ್ಕೊಲ್ಲೋದ್ರಲ್ಲಿ ಅರ್ಥ ಇಲ್ಲ ಇನ್ನೊಂದು ಸಲ ಫೋನ್ ಮಾಡಿದ್ರೆ ನಮ್ಮ ಪ್ರೀತಿಯ ಮೇಲೆ ಆಣೆ ಅಂತ ಹೇಳ್ಬಿತ್ತಿದ್ದಿಯ ಹಾಗೆ ನಿನಗೆ ಅಂತ ತೆಗೆದುಕೊಂಡಿದ್ದ ಕಾಲು ಚೆನು ಕೂಡ ನಿನ್ನ ಮದುವೆಗೆ ಕೊಡ್ತೀನಿ ಕಣೆ ನೀನು ಸುಖವಗಿದ್ರೆ ಅಸ್ಟೇ ಸಾಕು.
ಮಂಡ್ಯದ ಪಾರ್ಕಿನಲ್ಲಿ ನಿನ್ನ ಮಡಿಲಲ್ಲಿ ಮಲಗಿ ನನ್ನ ಜೀವನದಲ್ಲಿ ಹೀಗೀಗೆ ಇರಬೇಕು ಅಂತ ಆಸೆ ಇಟ್ಕೊಂಡಿದ್ದೆ ಇವಾಗ ಅದೇ ಪಾರ್ಕಿನ ಪಕ್ಕದಲ್ಲಿ ನಡೆದು ಹೋಗ್ತಿದ್ರೆ ಅಲ್ಲಿನ ಗಿಡ ಮರ ಕಲ್ಲಿನ ಬೆಂಚುಗಳು ನನ್ನ ನೋಡಿ ಅನಕಿಸುತ್ತವೆ ಕಣೆ ಇಂತ ಜೀವನ ಯಾರಿಗೂ ಬರೋದು ಬೇಡ ಕಣೆ. ನನ್ನದೊಂದು ಆಸೆ ಇತ್ತು ನಿನ್ನ ಜೊತೆ ನಿನ್ನ ಸಂಬಳದಲ್ಲಿ ತಗೊಂಡಿದ್ದ ಗಾಡಿಲಿ ಮಳೆಯಲ್ಲಿ ನೆನೆಯುತ್ತ ನಿನ್ಮ್ಮೂರಿಂದ ನಮ್ಮೂರಿಗೆ ಹೋಗಬೇಕು ಅಂತ ಆದ್ರ ಆ ಆಸೆ ಆಸೆಯಾಗಿಯೇ ಉಳಿಯಿತು ಮುಂದಿನ ಜೀವನ ಅಂತ ಇದ್ರೆ ನಿನ್ನೆ ಪ್ರೀತಿ ಮಾಡಿ ನನ್ನ ಪ್ರೀತಿನ ಉಳಿಸಿಕೊಳ್ತಿನಿ ನನ್ನ ಆಸೆ ನ ಈಡೆರಿಸಿಕೊಳ್ತಿನಿ ಕಣೆ. ಇವಾಗ ಮಳೆ ಬಂತು ಅಂದ್ರೆ ನೆನೆಯಬೇಕು ಅಂತ ತುಂಬಾ ಆಸೆ ಆದರೆ ಮಳೆಯಲ್ಲಿ ನೆನೆದ ತಕ್ಷಣ ನಿನ್ನ ನೆನಪುಗಳು ಕಾಡ್ತವೆ ಕಣೆ ಅಳು ಬರುತ್ತೆ ಕೂಡ ಆದರು ನೆನಿತಿನಿ ಅಳ್ತಿನಿ ಕೂಡ. ಯಾಕೆ ಅಂದ್ರೆ ಮಳೆಯಲ್ಲಿ ಅತ್ರೆ ಮಳೆ ನೀರಿನ ಜೊತೆ ಕಣ್ಣೀರು ಯಾರಿಗೂ ಗೊತ್ತಾಗಲ್ಲ ಅಂತ. ಐ ಲವ್ ಯು ಕಣೆ.
- ನಿನ್ನವನಲ್ಲದನು
