ಹಸ್ತದ ಮಣಿಕಟ್ಟಿನ ಮೇಲೆ ಮೀನು, ಶಂಖದ ಚಿಹ್ನೆ ಇದ್ದರೆ ಸೌಭಾಗ್ಯದ ಸೂಚಕವಂತೆ!

[This story originally published in Navbharat Times]

ಜೀವನದಲ್ಲಿ ಕಾಣುವ ಸುಖ, ದುಃಖಗಳಿಗೆ ನಾವು ಮಾಡಿದ ಕರ್ಮಗಳ ಫಲವಾಗಿರುತ್ತದೆ ಎಂದು ಹಿಂದೂ ಧರ್ಮೀಯರ ನಂಬಿಕೆ. ಪಡೆದುಕೊಂಡು ಬಂದ ಭಾಗ್ಯವೂ ನಮ್ಮ ಜೀವನದ ಸುಖ, ದುಃಖ ನಿರ್ಧರಿಸುತ್ತದೆ ಎಂದು ಸಹ ಹೇಳಲಾಗುತ್ತದೆ. ಹಸ್ತ ರೇಖೆಗಳ ಮೇಲೆ ವ್ಯಕ್ತಿಯ ಭಾಗ್ಯ ನಿರ್ಧಾರವಾಗುತ್ತದೆ. ಹಸ್ತದಲ್ಲಿ ಈ ಕೆಳಗಿನ ಚಿಹ್ನೆಗಳು ಮತ್ತು ರೇಖೆಗಳಿದ್ದರೆ ಅಂತಹ ವ್ಯಕ್ತಿಯ ಕೌಟುಂಬಿಕ ಜೀವನ ಸುಖ ಸಮೃದ್ಧಿಯಿಂದ ತುಂಬಿರುತ್ತದೆ ಎಂದು ಜ್ಯೋತಿಷ್ಯ ಶಾಸ್ತ್ರ ಹೇಳುತ್ತದೆ. ಆ ರೇಖೆಗಳು ಯಾವುವೆಂದು ನೋಡೋಣ ಬನ್ನಿ

ಮಣಿಕಟ್ಟಿನ ಮೇಲೆ ಈ ಚಿಹ್ನೆ ಇದ್ದರೆ

ಮಹಿಳೆಯ ಮಣಿಕಟ್ಟಿನ ಮೇಲೆ ಮೀನು ಅಥವಾ ಶಂಖದ ಚಿಹ್ನೆ ಇದ್ದರೆ, ಅದು ಸೌಭಾಗ್ಯ ಸೂಚಕವನ್ನು ತೋರುತ್ತದೆ ಎಂದು ನಂಬಲಾಗಿದೆ. ಅಂತಹ ಮನೆಗೆ ಲಕ್ಷ್ಮೀ ದೇವತೆಯ ಕೃಪೆ ಇರುತ್ತದೆ ಅಂದರೆ ಆರ್ಥಿಕ ಸ್ಥಿತಿ ಚೆನ್ನಾಗಿರುತ್ತದೆ ಎಂದರ್ಥ. ಈ ಮನೆಯ ಮಕ್ಕಳು ಸುಖ ಸಂತೋಷದಿಂದ ಇರುತ್ತಾರೆ.


ಹೃದಯ ರೇಖೆ

ಬೃಹಸ್ಪತಿ ಪರ್ವತದ ಮೇಲಿರುವ ಹೃದಯ ರೇಖೆ ಎರಡು ಭಾಗಗಳಾಗಿ, ಅದರಲ್ಲಿ ಒಂದು ಭಾಗ ಬೃಹಸ್ಪತಿ ಮತ್ತು ಶನಿ ಪರ್ವತದ ಮಧ್ಯ ಹೋದರೆ ಇದು ಎಲ್ಲ ಪ್ರಕಾರದ ಸುಖ ಮತ್ತು ಶಾಂತಿಯ ಪ್ರತೀಕ ಎಂದು ಹೇಳಲಾಗುತ್ತದೆ. ಇನ್ನೊಂದು ಭಾಗ ಹೃದಯ ರೇಖೆಯಿಂದ ಕೆಳಗೆ ಮಸ್ತಕ ರೇಖೆ ಮೇಲೆ ಹಾದು ಹೋದರೆ ಅದು ದೌರ್ಭಾಗ್ಯದ ಸಂಕೇತ ಎನ್ನಲಾಗುತ್ತದೆ. ಹೀಗಿದ್ದಾಗ ವೈವಾಹಿಕ ಜೀವನ ಸಂಕಷ್ಟಗಳಿಂದ ಕೂಡಿರುತ್ತದೆ.


ಶುಕ್ರ ಪರ್ವತ ರೇಖೆ ಎತ್ತರದಲ್ಲಿದ್ದರೆ

ಹಸ್ತದಲ್ಲಿರುವ ಶುಕ್ರ ಪರ್ವತ ರೇಖೆ ಸಾಮಾನ್ಯಕ್ಕಿತ ಎತ್ತರದಲ್ಲಿದ್ದರೆ, ಅಂತವರ ಸಂಸಾರಿಕ ಜೀವನ ಉತ್ತಮವಾಗಿರುವುದಿಲ್ಲ ಎಂದು ನಂಬಲಾಗಿದೆ.


ಹೃದಯ ರೇಖೆ ಮತ್ತು ಮಸ್ತಿಷ್ಕ ರೇಖೆ ನಡುವಿನ ಅಂತರ

ಹೃದಯ ರೇಖೆ ಮತ್ತು ಮಸ್ತಿಷ್ಕ ರೇಖೆ ನಡುವಿನ ಅಂತರ ಕಡಿಮೆ ವ್ಯಕ್ತಿಯ ವೈವಾಹಿಕ ಜೀವನದ ಸುಖ, ಸಂತೋಷದಲ್ಲಿ ಏರಿಳಿತಗಳಿರುತ್ತವೆ. ಅಸ್ತಮಾ ಕಾಯಿಲೆಗೆ ತುತ್ತಾಗುವ ಸಾಧ್ಯತೆಗಳಿರುತ್ತವೆ ಎಂದು ಹೇಳಲಾಗುತ್ತದೆ.


ಗಜಿಬಿಜಿ ಹಸ್ತರೇಖೆ

ಗಜಿಬಿಜಿ ಹಸ್ತರೇಖೆ ಹೊಂದಿರುವ ವ್ಯಕ್ತಿಯ ಬದುಕು ಗೊಂದಲಮಯವಾಗಿರುತ್ತದೆ. ಸಾಮಾನ್ಯವಾಗಿ ಇಂಥ ವ್ಯಕ್ತಿ ಖುಷಿಯಿಂದ ಇರುವುದಿಲ್ಲ. ಇವರ ಜೀವನ ಸಂಘರ್ಷಮಯ ಆಗಿರುತ್ತದೆ.