ಮನೆಯನ್ನು ಅಲಂಕರಿಸುವಾಗ ಈ ರೀತಿಯ ಫೋಟೋ, ವರ್ಣಚಿತ್ರಗಳನ್ನು ಎಂದಿಗೂ ಇಡಬೇಡಿ!

ಮನೆಯನ್ನು ಅಲಂಕರಿಸುವುದು ಯಾರಿಗೆ ತಾನೆ ಇಷ್ಟ ಇಲ್ಲ ಹೇಳಿ. ಕೆಲವರಂತೂ ತಮ್ಮ ಮನೆಯ ಅಲಂಕಾರಕ್ಕಾಗಿ ದುಬಾರಿ ವಸ್ತುಗಳನ್ನು ಖರೀದಿಸಲೂ ಹಿಂದೆ ಮುಂದೆ ನೋಡುವುದಿಲ್ಲ. ಕಣ್ಣಿಗೆ ಅಂದವಾಗಿ ಕಂಡಿದ್ದೆಲ್ಲವನ್ನೂ ಖರೀದಿಸಿ ಮನೆಯಲ್ಲಿ ಜೋಡಿಸಿಡುತ್ತಾರೆ. ಆದರೆ ನಾವು ತಪ್ಪು ಮಾಡುವುದು ಇಲ್ಲೇ. ಕೆಲವೊಂದು ವಸ್ತುಗಳು ಮನೆಯಲ್ಲಿ ಸಮಸ್ಯೆಗಳಿಗೆ ಕಾರಣವಾಗಬಹುದು. ಮನೆಯ ವಾಸ್ತು ಪ್ರಕಾರ ಇದು ದೋಷವನ್ನು ಉಂಟು ಮಾಡುತ್ತದೆ. ಹಾಗಾದರೆ ಯಾವ ವಸ್ತುಗಳನ್ನು ಮನೆಯ ಅಲಂಕಾರದಲ್ಲಿ ಬಳಸಬಾರದು ಎನ್ನುವುದನ್ನು ನೋಡೋಣ ಬನ್ನಿ.

ಮಹಾಭಾರತ ಯುದ್ಧದ ಚಿತ್ರ
ಅನೇಕರು ಮನೆಯಲ್ಲಿ ಮಹಾಭಾರತ ಯುದ್ಧದ ಚಿತ್ರ, ವರ್ಣಚಿತ್ರಗಳನ್ನು ಮನೆಯ ಗೋಡೆಯ ಅಲಂಕಾರಕ್ಕಾಗಿ ಬಳಸುತ್ತಾರೆ. ಇದು ತಪ್ಪು. ಮಹಾಭಾರತವನ್ನು ಅಪಶ್ರುತಿ ಹಾಗೂ ಹಿಂಸೆಯ ಸಂಕೇತವೆಂದು ಪರಿಗಣಿಸಲಾಗಿದೆ. ಈ ಪೌರಾಣಿಕ ಯುದ್ಧದ ಚಿತ್ರವನ್ನು ಮನೆಯಲ್ಲಿಡುವುದು ನಿಮ್ಮ ವೈವಾಹಿಕ ಜೀವನದ ಮೇಲೂ ಪರಿಣಾಮ ಬೀರುತ್ತದೆ.

Vastu Tips: ನೀವು ಮಾಡುವ ಈ ಸಣ್ಣ ತಪ್ಪುಗಳು ಸಂಪತ್ತಿನ ನಷ್ಟಕ್ಕೆ ಕಾರಣವಾಗಬಹುದು..!

ಈ ಚಿತ್ರವನ್ನು ಹಾಕಬೇಡಿ
ಸಮಾಧಿ ಅಥವಾ ಗೋರಿಯ ಚಿತ್ರ ಅಥವಾ ವರ್ಣಚಿತ್ರವನ್ನು ಮನೆಯಲ್ಲಿ ಎಂದಿಗೂ ಇಡಬೇಡಿ. ಇದನ್ನು ಅತ್ಯಂತ ಅಶುಭವೆಂದು ಪರಿಗಣಿಸಲಾಗುತ್ತದೆ. ಇಂತಹ ಚಿತ್ರಗಳು ಮನೆಯಲ್ಲಿ ನಕಾರಾತ್ಮಕತೆಯನ್ನು ಹರಡುತ್ತವೆ. ಇಂತಹ ಚಿತ್ರಗಳನ್ನು ನೋಡುವುದರಿಂದಲೂ ಕೂಡಾ ನಕಾರಾತ್ಮಕ ಆಲೋಚನೆಗಳು ಬರುತ್ತವೆ.

ಹಿಂಸಾಚಾರದ ಫೋಟೋಗಳು
ಹಿಂಸಾಚಾರವನ್ನು ಪ್ರತಿಬಿಂಬಿಸುವಂತಹ ಫೋಟೋಗಳನ್ನು ಮನೆಯ ಅಲಂಕಾರಕ್ಕಾಗಿ ಬಳಸಬೇಡಿ. ಈ ಚಿತ್ರಗಳನ್ನು ನೋಡುವುದರಿಂದ ಮಕ್ಕಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಹಾಗೂ ಮನೆಯಲ್ಲಿ ಕಲಹಗಳೂ ಹೆಚ್ಚಾಗುತ್ತವೆ. ಕುಟುಂಬ ಸದಸ್ಯರ ಮಧ್ಯೆ ಭಿನ್ನಾಭಿಪ್ರಾಯ, ಜಗಳ ಉಂಟಾಗುವ ಸಾಧ್ಯತೆ ಹೆಚ್ಚು.

ಹಣದ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ, ವಾಸ್ತುಪ್ರಕಾರ ಬೆಳಗ್ಗೆ ಎದ್ದ ತಕ್ಷಣ ಹೀಗೆ ಮಾಡಿ..

ಮುಳುಗುವ ದೋಣಿ
ಹೆಚ್ಚಿನವರು ಮುಳುಗುವ ದೋಣಿಯ ಚಿತ್ರಗಳನ್ನು ಅಲಂಕಾರವಾಗಿ ಇಡುವುದನ್ನು ಕಾಣಬಹುದು. ಅನೇಕರು ಟೈಟಾನಿಕ್‌ ಹಡಗಿನ ಚಿತ್ರವನ್ನು ಬಳಸುತ್ತಾರೆ. ಆದರೆ ಇಂತಹ ಋಣಾತ್ಮಕ ಸಂದೇಶವನ್ನು ನೀಡುವ ಚಿತ್ರವನ್ನು ಎಂದಿಗೂ ಮನೆಯಲ್ಲಿಡಬಾರದು. ಇದು ಕುಟುಂಬದ ಸದಸ್ಯರ ಪ್ರಗತಿಯನ್ನು ತಟಸ್ಥಗೊಳಿಸುತ್ತದೆ.

ಸೂರ್ಯಾಸ್ತದ ಫೋಟೋ
ಸೂರ್ಯಾಸ್ತದ ಫೋಟೋವನ್ನು ಮನೆಯಲ್ಲಿಡಬಾರದು. ಇಂತಹ ಫೋಟೋವನ್ನು ಇಡುವುದರಿಂದ ನಿಮ್ಮ ವೃತ್ತಿಜೀವನಕ್ಕೆ ಅಡಚಣೆಯಾಗಬಹುದು. ಕೆಲವರು ತಮ್ಮ ಗುರಿಯಿಂದ ವಿಮುಖರಾಗುತ್ತಾರೆ. ಅದಾಗಿಯೂ ನೀವು ಸೂರ್ಯನ ಚಿತ್ರವನ್ನು ಮನೆಯಲ್ಲಿ ಇಡಬೇಕೆಂದರೆ ಸೂರ್ಯೋದಯದ ಫೋಟೋ ಇರಿಸಿ, ಸೂರ್ಯಾಸ್ತದ ಚಿತ್ರ ಇರಿಸಬೇಡಿ.


ದೇವರ ಫೋಟೋ ಮನೆಯ ಇತರ ಸ್ಥಳಗಳಲ್ಲಿ ಇಡಬೇಡಿ
ದೇವರ ಪೋಟೋವನ್ನು ದೇವರ ಕೋಣೆ ಹೊರತುಪಡಿಸಿ, ಬೇರೆ ಯಾವುದೇ ಸ್ಥಳದಲ್ಲಿ ಇರಿಸಬೇಡಿ. ದೇವರ ಫೋಟೋಗಳಿಗೆ ಸಂಪೂರ್ಣ ಗೌರವ ನೀಡಬೇಕು ಹಾಗೂ ಶಾಸ್ತ್ರಬದ್ಧವಾಗಿ ಪೂಜಿಸಬೇಕು. ಇದು ಪೂಜಾ ಕೋಣೆಯಲ್ಲಿ ಇಡುವುದರಿಂದ ಮಾತ್ರ ಸಾಧ್ಯ. ಆದ್ದರಿಂದ ದೇವರ ಫೋಟೋವನ್ನು ಬೇರೆ ಯಾವುದೇ ಸ್ಥಳದಲ್ಲಿ ಇಡುವ ಬದಲು, ಪೂಜಾ ಕೋಣೆಯಲ್ಲಿಟ್ಟರೆ ಉತ್ತಮ.

ವಾಸ್ತು ಪ್ರಕಾರ ಮನೆಯ ಎಂಟು ದಿಕ್ಕುಗಳಲ್ಲೂ ಏನೇನಿರಬೇಕು? ವಾಸ್ತು ದೋಷ ನಿವಾರಣೆ ಹೇಗೆ?