ಮೇಷ ರಾಶಿ
ಇವರು ಧೈರ್ಯ ಮತ್ತು ದೃಢತೆಗೆ ಹೆಸರಾದವರು. ಇವರಿಗೆ ಸೂಕ್ತವಾಗಿರುವುದು ಹವಳ. ಹವಳ ಕೆಂಪು ಮತ್ತು ಬಿಳಿ ಎರಡು ಬಣ್ಣಗಳಲ್ಲಿ ಸಿಗುತ್ತದೆ. ಕೆಂಪು ಹವಳ ಧೈರ್ಯ, ಮಹತ್ವಾಕಾಂಕ್ಷೆ, ವಿಶ್ವಾಸ, ಶಕ್ತಿಯನ್ನು ಸಂಕೇತಿಸುತ್ತದೆ. ಗುರು ಗ್ರಹವು ಜಾತಕದಲ್ಲಿ 7, 9, 10ನೇ ಮನೆಯಲ್ಲಿದ್ದಾಗ ಈ ಕೆಂಪು ಹವಳ ಧರಿಸಬೇಕು. ಹಾಗಿದ್ದಾಗ ಇದು ಮೂಳೆ ಮತ್ತು ಕಣ್ಣಿನ ಸಮಸ್ಯೆ ಇದ್ದರೆ ಕಡಿಮೆ ಮಾಡಬಹುದು ಎಂದು ನಂಬಲಾಗಿದೆ. ಈ ಹವಳವು ಧೈರ್ಯಶಾಲಿಯನ್ನಾಗಿ ಮಾಡಬಹುದು. ಅಧನ್ನು ಧರಿಸಿದರೆ ನೀವು ಕಳೆದುಕೊಂಡಿದ್ದನ್ನು ಮರಳಿ ಪಡೆಯಬಹುದು.
ವೃಷಭ ರಾಶಿ
ನಿಷ್ಠೆ, ಕರುಣೆ, ದಯಾಮಯತೆ, ವಿಶ್ವಾಸಾರ್ಹತೆ ಇವರ ಗುಣ. ಪ್ರೀತಿ ಪಾತ್ರ ಸ್ವಭಾವ. ಇವರ ರಾಶಿಗೆ ಸೂಕ್ತವಾಗಿರುವುದು ಕ್ಷೀರ ಸ್ಫಟಿಕ ಮತ್ತು ವಜ್ರ. ಈ ರತ್ನಗಳನ್ನು ಧರಿಸಿದರೆ ಇವರಿಗೆ ಪ್ರೀತಿ ಮತ್ತು ಐಷಾರಾಮಿತನ ಒಲಿಯುತ್ತದೆ ಎಂದು ನಂಬಲಾಗಿದೆ. ವಜ್ರವು ಇರಿಗೆ ಶಾಂತಿ ನೀಡುತ್ತದೆ. ಶ್ರೀಮಂತಿಕೆ ಮತ್ತು ಆನಂದ ಎರಡನ್ನೂ ದಯಪಾಲಿಸಬಹುದು. ವಜ್ರವು ದಾಂಪತ್ಯವನ್ನು ಸುಖಮಯವಾಗಿಡುತ್ತದೆ.
ಮಿಥುನ ರಾಶಿ
ಮಿಥುನ ರಾಶಿಯವರಿಗೆ ಪಚ್ಚೆ ಧರಿಸಲು ಶಿಫಾರಸು ಮಾಡಲಾಗುತ್ತದೆ. ಪಚ್ಚೆ ಕಲ್ಲು ನೆಮ್ಮದಿ ಮತ್ತು ಬೆಳವಣಿಗೆಯನ್ನು ಸೂಚಿಸುವ ರತ್ನ. ಈ ರತ್ನ ಧರಿಸಿದರೆ ಈ ರಾಶಿಯವರು ಬೆಳವಣಿಗೆ ಹೊಂದಬಹುದು. ಶಾಂತ ಚಿತ್ತರಾಗಿರಬಹುದು. ಈ ರತ್ನವು ಇವರನ್ನು ಮಾತುಗಾರರನ್ನಾಗಿಸಬಹುದು. ಬುದ್ಧಿವಂತಿಕೆಯಿಂದ ನಡೆಯುವಂತೆ ಮಾಡಬಹುದು. ಜೊತೆೆಗೆ ನೆಮ್ಮದಿ ಕೊಡಬಹುದು. ಜ್ಞಾಪಕ ಶಕ್ತಿ, ಮಾತಿನ ಸಮಸ್ಯೆ ಇದ್ದರೆ ಅದನ್ನು ನಿವಾರಿಸಲು ಸಹಾಯ ಮಾಡಬಹುದು.
ಕರ್ಕಾಟಕ ರಾಶಿ
ಈ ರಾಶಿಗೆ ಸೂಕ್ತ ರತ್ನ ಮುತ್ತು. ಮುತ್ತು ನಕರಾತ್ಮಕ ಶಕ್ತಿಗಳನ್ನು ಹೀರಿಕೊಂಡು ಶಾಂತಿ, ನೆಮ್ಮದಿ ನೀಡುತ್ತದೆ ಎಂಬುದು ನಂಬಿಕೆ. ಜೊತೆಗೆ ಮುತ್ತು ಅದೃಷ್ಟವನ್ನು ತರುತ್ತದೆ ಎನ್ನಲಾಗುತ್ತದೆ. ನೀವು ಅಂದುಕೊಂಡಿದ್ದು ದೊರಕಬಹುದು. ಯೋಚನೆಯಲ್ಲಿ ಪಕ್ವತೆ ಬರುವುದು. ದಾಂಪತ್ಯದಲ್ಲಿ ಖುಷಿಯನ್ನು ಒದಗಿಸಬಹುದು.
ಸಿಂಹ ರಾಶಿ
ನಿಮಗೆ ಮಾಣಿಕ್ಯ ಸೂಕ್ತವಾದ ರತ್ನ. ಅದರಲ್ಲೂ ನೈಸರ್ಗಿಕ ಮಾಣಿಕ್ಯವನ್ನು ರಚಿಸಿದರೆ ಉತ್ತಮ ಆರೋಗ್ಯ ನಿಮ್ಮದಾಗಬಹುದು. ವೃತ್ತಿ ಮತ್ತು ವೈಯಕ್ತಿಕ ಬದುಕಿನಲ್ಲಿ ಒಳಿತಾಗಬಹುದು. ಮಾಣಿಕ್ಯವು ದುಃಖವನ್ನು ದೂರ ಮಾಡುವ, ಘನತೆಯನ್ನು ಹೆಚ್ಚಿಸುವ, ಬಲವರ್ಧಿಸುವ ಮೂಲಕ ನೆರವಾಗಬಹುದು.
ಕನ್ಯಾ ರಾಶಿ
ತುಂಬಾ ಪ್ರಾಕ್ಟಿಕಲ್ ಯೋಚನೆಯವರು. ವಿಶ್ಲೇಷಣೆ ಮಾಡುವುದು ನಿಮ್ಮ ಸ್ವಭಾವ. ಎಲ್ಲವನ್ನೂ ತಿಳಿದುಕೊಳ್ಳಬೇಕು ಎಂಬ ಆಸೆ ನಿಮಗೆ. ನೀವು ನೀಲಮಣಿಯನ್ನು ಧರಿಸುವುದು ಸೂಕ್ತ. ನೀಲಮಣಿಯು ನಿಮ್ಮಲ್ಲಿ ಸಕರಾತ್ಮಕ ಪರಿಣಾಮ ಬೀರಬಹುದು. ಬುದ್ಧಿವಂತಿಕೆ ಹೆಚ್ಚಿಸುತ್ತದೆ. ಆಂತರಿಕ ಶಕ್ತಿಯನ್ನು ಮತ್ತಷ್ಟು ಬಲಗೊಳಿಸುತ್ತದೆ.
Lucky Colour Black: ಈ 4 ರಾಶಿಯವರಿಗೆ ಕಪ್ಪು ಬಣ್ಣ ತುಂಬಾನೇ ಲಕ್ಕಿ..!
ತುಲಾ ರಾಶಿ
ನಿಮ್ಮ ರಾಶಿಗೆ ವಜ್ರ ಧರಿಸುವುದು ಒಳ್ಳೆಯದು. ಈ ರತ್ನವು ಸಂಪತ್ತು ವೃದ್ಧಿ ಭಾಗ್ಯ ನೀಡುತ್ತದೆ ಎನ್ನಲಾಗಿದೆ. ಜೊತೆಗೆ ಶಾಂತಿ ನೀಡುತ್ತದೆ. ದಾಂಪತ್ಯವನ್ನು ಅತ್ಯಂತ ಆನಂದಮಯವಾಗಿ ಮಾಡಬಹುದು. ಈ ರತ್ನವು ಧರಿಸಿದರೆ ಅದೃಷ್ಟ ಬರಲಿದೆ. ಅದೃಷ್ಟವು ನಿಮ್ಮ ದಾರಿಯನ್ನು ಸುಗಮಗೊಳಿಸುತ್ತದೆ.
ವೃಶ್ಚಿಕ ರಾಶಿ
ನಿಮಗೆ ಕೆಂಪು ಹವಳ ಒಳಿತು ತರುತ್ತದೆ ಎಂಬ ಕಾರಣಕ್ಕೆ ಕೆಂಪು ಹವಳವನ್ನು ಶಿಫಾರಸು ಮಾಡಲಾಗುತ್ತದೆ. ಕೆಂಪು ಹವಳ ನಿರ್ಣಯ ತೆಗೆದುಕೊಳ್ಳುವ ಶಕ್ತಿ ಹೆಚ್ಚಿಸುತ್ತದೆ. ಧೈರ್ಯ, ಸ್ವಾಭಿಮಾನ ಸ್ವಭಾವವನ್ನು ಮತ್ತಷ್ಟು ತೀವ್ರಗೊಳಿಸಬಹುದು. ಸಮಸ್ಯೆಗಳನ್ನು ಪರಿಣಾಮಕಾರಿಯಾಗಿ ನಿಭಾಯಿಸುವ ಶಕ್ತಿ ಒದಗಿಸುವುದು.
ಧನು ರಾಶಿ
ಇಂಗ್ಲಿಷಲ್ಲಿ ಯೆಲ್ಲೋ ಸಫೈರ್ ಎಂದು ಕರೆಯಲಾಗುವ ಹಳದಿ ಮಣಿ ರತ್ನವು ನಿಮಗೆ ಸೂಕ್ತ. ಹಳದಿ ಮಣಿಯನ್ನು ಜ್ಞಾನದ ಕಲ್ಲು ಎಂದು ಕರೆಯಲಾಗುತ್ತದೆ. ಬುದ್ಧಿವಂತಿಕೆಯ ಕಲ್ಲು ಎಂದು ಪರಿಗಣಿಸಲಾಗುತ್ತದೆ. ಈ ಮಣಿಯನ್ನು ಧರಿಸಿದರೆ ಧೈರ್ಯ, ಸಂತೋಷ, ನೆಮ್ಮದಿ ಸಿಗುತ್ತದೆ. ಸಕಾರಾತ್ಮಕ ಬದಲಾವಣೆಗಳನ್ನು ತರುತ್ತದೆ. ಈ ರತ್ನವನ್ನು ನಿಮಗೆ ಅದೃಷ್ಟದ ಕಲ್ಲು ಎಂದೇ ಪರಿಗಣಿಸಲಾಗುತ್ತದೆ. ಮದುವೆಯಾಗದವರು ಇದನ್ನು ಧರಿಸಿದರೆ ಶೀಘ್ರ ಮದುವೆ ಆಗಬಹುದು.
ಮಕರ ರಾಶಿ
ನಿಮಗೆ ನೀಲಂ ಎಂದೂ ಕರೆಯಲ್ಪಡುವ ನೀಲ ಮಣಿ ಸೂಕ್ತವಾಗಿದೆ. ಇದನ್ನು ಧರಿಸಿದರೆ ಜನಪ್ರಿಯತೆ, ಆರೋಗ್ಯ, ಸಂಪತ್ತು ಭಾಗ್ಯ ದೊರಕುತ್ತದೆ ಎನ್ನಲಾಗಿದೆ. ನಕಾರಾತ್ಮಕ ಶಕ್ತಿಗಳು ದೂರವೇ ಉಳಿಯುತ್ತವೆ. ಸಂಧಿವಾತ, ಮೊಣಕಾಲಿನ ಸಮಸ್ಯೆಗಳನ್ನು ಇದು ಕಡಿಮೆ ಮಾಡುತ್ತದೆ ಎಂದು ನಂಬಲಾಗಿದೆ. ನೈಸರ್ಗಿಕ ನೀಲ ಮಣಿಯನ್ನು ಧರಿಸುವುದು ಒಳಿತು.
ಕುಂಭ ರಾಶಿ
ನಿಮಗೆ ಕೂಡ ನೀಲ ಮಣಿಯೇ ಒಳ್ಳೆಯದು. ನಿಮಗೆ ಆಗಾಗ ನಕಾರಾತ್ಮಕ ಯೋಚನೆಗಳು ಬರುತ್ತಿರಬಹುದು. ಈ ರತ್ನವನ್ನು ಧರಿಸಿದರೆ ಕೆಟ್ಟ ಯೋಚನೆಗಳು ದೂರವಾಗುತ್ತದೆ. ಸಂತೋಷ ಹೆಚ್ಚಾಗುತ್ತದೆ. ಜೊತೆಗೆ ಮನಃಶಾಂತಿಯೂ ದೊರಕುತ್ತದೆ.
Shani Shukra Yuti 2024: ಶನಿ-ಶುಕ್ರರಿಂದ ಇವರಿಗೆ ಜಬರ್ದಸ್ತ್ ಲಾಭ..! ಬಂಪರ್ ಅದೃಷ್ಟ..!ಮೀನ ರಾಶಿ
ಹಳದಿ ಮಣಿ ಧರಿಸಿಕೊಳ್ಳಲು ನಿಮಗೆ ಸೂಚಿಸಲಾಗುತ್ತದೆ. ಈ ಹಳದಿ ಮಣಿ ನಿಮ್ಮನ್ನು ಸಂತೋಷವಾಗಿಡುತ್ತದೆ. ಬೇಗ ಮದುವೆ ಭಾಗ್ಯ ದೊರುಕುತ್ತದೆ. ಸಹನಾ ಶಕ್ತಿ ಹೆಚ್ಚುತ್ತದೆ. ಶ್ರೀಮಂತಿಕೆ, ಯಶಸ್ಸು ನಿಮ್ಮನ್ನು ಹುಡುಕಿಕೊಂಡು ಬರಬಹುದು. ಅದರಿಂದ ನಿಮ್ಮ ಶಕ್ತಿ ಹೆಚ್ಚಾಗಬಹುದು.
