ಬಿರುಕು ಬಿಟ್ಟ ಗೋಡೆ
ನಿಮ್ಮ ಮನೆಯಲ್ಲಿ ಬಿರುಕು ಬಿಟ್ಟ ಗೋಡೆಗಳಿದ್ದಲ್ಲಿ ಅದನ್ನು ನಿರ್ಲಕ್ಷ್ಯಿಸಬೇಡಿ. ಬಿರುಕು ಇರುವ ಗೋಡೆಗಳು ರಾಹುವಿನ ಕೆಟ್ಟ ದೃಷ್ಟಿಗೆ ಕಾರಣವಾಗುತ್ತದೆ. ಮನೆಯ ಒಂದು ಗೋಡೆಯ ಭಾಗದಲ್ಲಿ ತೇವವಾಗಿದ್ದರೆ, ಸಿಮೆಂಟು ಕಳಚಿ ಬಿದ್ದರೆ ಅಥವಾ ಬಿರುಕು ಬಿಟ್ಟಿದ್ದರೆ ನಿರ್ಲಕ್ಷ್ಯ ಮಾಡಬೇಡಿ. ಇವು ರಾಹು ಪ್ರಭಾವವನ್ನು ಹೆಚ್ಚಿಸುವ ಸಾಧ್ಯತೆ ಇದೆ. ಇದರಿಂದಾಗಿ ಮನೆಯಲ್ಲಿ ನಕರಾತ್ಮಕತೆ ನೆಲೆಸಲು ಪ್ರಾರಂಭಿಸುತ್ತದೆ. ಇಂತಹ ಯಾವುದೇ ಸ್ಥಳವಿದ್ದರೂ ಅದನ್ನು ಬೇಗ ಸರಿಪಡಿಸಿ.
ಈ ಪರಿಹಾರ ಕ್ರಮಗಳನ್ನು ಮಾಡಿದರೆ ಖಂಡಿತವಾಗಿಯೂ ಕೇತುವಿನಿಂದ ಸಮಸ್ಯೆಯಾಗದು..!
ಮನೆಯ ಸ್ನಾನಗೃಹ
ನಿಮ್ಮ ಮನೆಯಲ್ಲಿರುವ ಸ್ನಾನಗೃಹವು ಹೆಚ್ಚು ಋಣಾತ್ಮಕ ಶಕ್ತಿ ವಾಸಿಸುವಂತಹ ಸ್ಥಳವಾಗಿದೆ. ಈ ಸ್ಥಳವನ್ನು ಕೊಳಕಾಗಿ, ಗಲೀಜಾಗಿ ಇಟ್ಟುಕೊಳ್ಳಬೇಡಿ. ಸ್ನಾನವಾದ ನಂತರ ಸ್ವಚ್ಛ ಮಾಡಿ ಹೊರಬನ್ನಿ. ಸ್ನಾನಗೃಹದ ಅಂಚುಗಳನ್ನು ಸ್ವಚ್ಛಗೊಳಿಸುವುದರ ಜೊತೆಗೆ ವಾರಕ್ಕೊಮ್ಮೆಯಾದರೂ ಬಾತ್‌ರೂಂ ಸ್ವಚ್ಛಗೊಳಿಸುವುದನ್ನು ಮರೆಯಬೇಡಿ. ಸ್ನಾನಗೃಹದಲ್ಲಿರುವ ನಕಾರಾತ್ಮಕತೆಯನ್ನು ನಿವಾರಿಸಲು ಒಂದು ಸಣ್ಣ ಬೌಲ್‌ನಲ್ಲಿ ಕಲ್ಲುಪ್ಪನ್ನು ತುಂಬಿಸಿ ಇಟ್ಟುಬಿಡಿ ಹಾಗೂ ಪ್ರತಿವಾರ ಅದನ್ನು ಬದಲಾಯಿಸಿ.
ಅಡುಗೆ ಮನೆಯ ಸ್ವಚ್ಛತೆ
ಕೊಳಕಾಗಿರುವ ಅಡುಗೆ ಮನೆಯ ಮೇಲೂ ರಾಹು ತನ್ನ ಪ್ರಭಾವ ಬೀರುತ್ತಾನೆ. ಅಡುಗೆಮನೆಯಲ್ಲಿಟ್ಟಿರುವ ಕಸದ ಬುಟ್ಟಿಯ ಸುತ್ತ ಕೊಳಕಾಗಿ ಇರದಂತೆ ನೋಡಿಕೊಳ್ಳಿ. ಇದರ ಜೊತೆಗೆ ಅಡುಗೆ ಮನೆಯ ಸಿಂಕ್‌ ಕೂಡಾ ಸ್ವಚ್ಛವಾಗಿರಬೇಕು. ತೊಳೆಯದ ಪಾತ್ರೆಗಳನ್ನು ಹಾಗೇ ಇಟ್ಟರೂ ರಾಹುವಿನ ಕೆಟ್ಟ ದೃಷ್ಟಿ ತಪ್ಪಿದ್ದಲ್ಲ. ಇದರಿಂದಾಗಿ ಮನೆಯ ಯಜಮಾನನ ಆರೋಗ್ಯವು ಕ್ಷೀಣಿಸಲು ಆರಂಭಿಸುತ್ತದೆ, ಪ್ರಗತಿ ಕುಂಠಿತವಾಗುತ್ತದೆ.
ಅಡುಗೆ ಮನೆಯಲ್ಲಿ ಶೇಖರಿಸಿಟ್ಟಿರುವ ದ್ವಿದಳ ಧಾನ್ಯಗಳಲ್ಲೂ ಯಾವುದೇ ಕೀಟ, ಹುಳಗಳು ಇರದಂತೆ ನೋಡಿಕೊಳ್ಳಿ.ಮನೆಯ ಅಡುಗೆ ಕೋಣೆಯಲ್ಲಿ ಕೀಟಗಳು, ಸೊಳ್ಳೆಗಳು ಮನೆ ಮಾಡಿಕೊಂಡಿದ್ದರೂ ಸಮಸ್ಯೆಗಳು ತಪ್ಪಿದ್ದಲ್ಲ. ಅಡುಗೆ ಸ್ವೋವ್‌ ಮೇಲಿರುವ ಚಿಮಣಿಯನ್ನು ಕೂಡಾ ಆಗಾಗ ಸ್ವಚ್ಛ ಮಾಡಲು ಮರೆಯಲೇಬೇಡಿ.
ಶನಿಯಿಂದಾಗುವ ಪರಿಣಾಮಗಳೇನು? ಶನೀಶ್ಚರನನ್ನು ಸಂತುಷ್ಟಗೊಳಿಸಲು ಇಲ್ಲಿವೆ ಪರಿಹಾರ ಕ್ರಮಗಳು
ಮುರಿದ ಬಾಗಿಲು ಮತ್ತು ಕಿಟಕಿ
ಮನೆಯ ಬಾಗಿಲು ಮತ್ತು ಕಿಟಕಿಯನ್ನು ಮನೆಯನ್ನು ಅತ್ಯಂತ ಪ್ರಮುಖ ಭಾಗವೆಂದು ಪರಿಗಣಿಸಲಾಗುತ್ತದೆ. ಏಕೆಂದರೆ ಈ ಬಾಗಿಲುಗಳು ಮತ್ತು ಕಿಟಕಿಗಳು ಹೊರಗಿನ ಪ್ರಪಂಚದೊಂದಿಗೆ ನಿಮ್ಮನ್ನು ಸಂಪರ್ಕಿಸುತ್ತವೆ. ಈ ಮೂಲಕವೇ ಸಕಾರಾತ್ಮಕ ಶಕ್ತಿಗಳು ಮನೆಯೊಳಗೆ ಪ್ರವೇಶಿಸುತ್ತವೆ ಹಾಗೂ ಋಣಾತ್ಮಕ ಶಕ್ತಿಗಳು ಮನೆಯಿಂದ ಹೊರಹೋಗುತ್ತವೆ. ಆದ್ದರಿಂದ ಮನೆಯ ಬಾಗಿಲು ಮತ್ತು ಕಿಟಕಿಗಳು ಉತ್ತಮ ಸ್ಥಿತಿಯಲ್ಲಿರಬೇಕು.
ಮನೆಯಲ್ಲಿ ಬಾಗಿಲು, ಕಿಟಕಿಗಳು ಹಾಳಾಗಿದ್ದರೆ, ಮುರಿದು ಹೋಗಿದ್ದರೆ, ಶಬ್ದ ಬರುತ್ತಿದ್ದರೆ ತಕ್ಷಣವೇ ಸರಿಪಡಿಸಿ. ಇದೂ ಕೂಡಾ ರಾಹು ಋಣಾತ್ಮಕ ಪ್ರಭಾವ ಬೀರುವಂತೆ ಮಾಡುತ್ತದೆ. ಇವುಗಳು ಮನೆಯಲ್ಲಿ ಒತ್ತಡಗಳು ಹೆಚ್ಚಾಗುವಂತೆ ಮಾಡುತ್ತದೆಎ, ವಿವಿಧ ರೀತಿಯ ಮಾನಸಿಕ ಸಮಸ್ಯೆಗಳು ನಿಮ್ಮನ್ನು ಆವರಿಸಬಹುದು.
ಸ್ಟೋರ್‌ ರೂಂ
ಮನೆಯ ಸ್ಟೋರ್‌ ರೂಂ ಮೇಲೆ ರಾಹುವು ಹೆಚ್ಚಿನ ಪ್ರಭಾವವನ್ನು ಬೀರುತ್ತಾನೆ. ಏಕೆಂದರೆ ರಾಹುವು ಹೆಚ್ಚು ವಸ್ತುಗಳು ಇರುವ ಸ್ಥಳದಲ್ಲಿ ವಾಸಿಸುತ್ತಾನೆ. ಹಾಗಾಗಿ ಮನೆಯ ಸ್ಟೋರ್‌ರೂಂ ಕಡೆಗೂ ಗಮನ ಹರಿಸಿ. ಈ ಕೋಣೆಯನ್ನು ಕಸ ಮುಕ್ತವಾಗಿರುವಂತೆ ನೋಡಿಕೊಳ್ಳಿ. ಈ ಕೋಣೆಯನ್ನು ಮುಖ್ಯವಾಗಿ ಅಮಾವಾಸ್ಯೆ, ಪೌರ್ಣಿಮೆ ಹಾಗೂ ದೀಪಾವಳಿಯ ಸಮಯದಲ್ಲಿ ಸ್ವಚ್ಛಗೊಳಿಸುವುದನ್ನು ಮರೆಯಬೇಡಿ.
ನಿಮ್ಮ ಜಾತಕದಲ್ಲಿ ಗುರುಬಲವನ್ನು ವೃದ್ಧಿಸಲು ಇಲ್ಲಿವೆ ಸರಳ ಜ್ಯೋತಿಷ್ಯ ಪರಿಹಾರ..