ಮಾನಸಿಕ ಒತ್ತಡ, ಖಿನ್ನತೆಯ ಸಮಸ್ಯೆಗೆ ಈ ಸರಳ ಫೆಂಗ್‌ಶೂಯಿ ಟಿಪ್ಸ್ ಟ್ರೈ ಮಾಡಿ ನೋಡಿ..

ಫೆಂಗ್‌ಶೂಯಿ ಪ್ರಕಾರ ಒಬ್ಬರೇ ಎಂದಿಗೂ ಕೋಣೆಯ ಕಿಟಕಿಯ ಕಡೆಗೆ ಮುಖ ಮಾಡಿ ಕುಳಿತುಕೊಳ್ಳಬಾರದು ಎಂದು ಹೇಳಲಾಗುತ್ತದೆ. ಒಬ್ಬ ವ್ಯಕ್ತಿಯ ಎಲ್ಲಾ ಶಕ್ತಿಯೂ ಕಿಟಕಿಯಿಂದ ಹೊರಗೆ ಹೋಗುತ್ತದೆ ಎಂಬ ನಂಬಿಕೆ ಇದೆ. ಇದರಿಂದಾಗಿ ಯಾವುದೇ ಕೆಲಸವನ್ನು ಮನಸ್ಸಿಟ್ಟು ಮಾಡಲಾಗುವುದಿಲ್ಲ. ಆತ್ಮವಿಶ್ವಾಸವೂ ಕಡಿಮೆಯಾಗುತ್ತದೆ. ಕೆಲಸ ಅಥವಾ ವ್ಯವಹಾರದ ನಿರ್ಲಕ್ಷ್ಯದಿಂದಾಗಿ ನಷ್ಟವೂ ಎದುರಾಗಬಹುದು. ಇದರಿಂದಾಗಿ ಒತ್ತಡ ಆರಂಭವಾಗುತ್ತದೆ. ಕೆಲವೊಮ್ಮೆ ತೀವ್ರವಾದ ಖಿನ್ನತೆಯೂ ಕಾಡಬಹುದು.

ಮನೆ ನಿರ್ಮಿಸುವಾಗ ಈ ಹತ್ತು ವಾಸ್ತು ಟಿಪ್ಸ್‌ಗಳನ್ನು ಪಾಲಿಸಿದರೆ ಸಮೃದ್ಧಿ ಖಂಡಿತಾ..!

ಫೆಂಗ್‌ಶೂಯಿಯಲ್ಲಿ ಹೇಳಿರುವಂತೆ ಖಾಲಿ ಗೋಡೆಯು ಜೀವನದಲ್ಲಿ ಸಾಕಷ್ಟು ಒತ್ತಡವನ್ನುಂಟು ಮಾಡುತ್ತದೆ. ಆದರೆ ಪ್ರತಿ ಗೋಡೆಯ ಮೇಲೆ ಏನಾದರೂ ಹಾಕಬೇಕು ಎಂದೇನಿಲ್ಲ. ನಿಮ್ಮ ಕಚೇರಿ ಅಥವಾ ವ್ಯವಹಾರದ ಸ್ಥಳದಲ್ಲಿ, ಮನೆಯಲ್ಲಿ ಕೆಲಸ ಮಾಡಲು ಕುಳಿತುಕೊಳ್ಳುವ ಸ್ಥಳದಲ್ಲಿ ಗಮನವಿರುವುದು ಮುಖ್ಯ. ಹಾಗಾಗಿ ಆ ಸ್ಥಳದಲ್ಲಿ ನೀವು ಎದುರಾಗಿ ಕುಳಿತುಕೊಳ್ಳುವ ಗೋಡೆಯು ಖಾಲಿ ಬಿಡಬೇಡಿ, ವರ್ಣಚಿತ್ರಗಳನ್ನು, ಅಲಂಕಾರಿಕ ವಸ್ತುಗಳನ್ನು ತೂಗು ಹಾಕಿ. ಖಾಲಿ ಗೋಡೆಯು ಖಿನ್ನತೆಗೆ ಮತ್ತು ಪ್ರತ್ಯೇಕತೆಗೆ ಕಾರಣವಾಗಬಹುದು.

ಫೆಂಗ್‌ಶೂಯಿ ಪ್ರಕಾರ ಯಾರೇ ಆಗಲಿ ಎಂದಿಗೂ ಮನೆಯ ಬಾಗಿಲಿಗೆ ಎದುರಾಗಿ ಮಲಗಬಾರದು. ಇದರರ್ಥ ವ್ಯಕ್ತಿಯ ಜೀವನವು ಬಿಕ್ಕಟ್ಟಿನಲ್ಲಿದೆ. ಇದರ ಹಿಂದಿರುವ ಕಾರಣವೆಂದರೆ ಮೃತದೇಹವನ್ನು ಕೂಡಾ ಇದೇ ಸ್ಥಿತಿಯಲ್ಲಿ ಇಡಲಾಗುತ್ತದೆ. ಆದರೆ ಜೀವಂತವಿರುವಾಗ ಎಂದಿಗೂ ಹೀಗೆ ಮಲಗಬಾರದು, ಅದು ಅಶುಭ. ಆದ್ದರಿಂದ ಮರೆತೂ ಕೂಡಾ ಈ ದಿಕ್ಕಿನ ಕಡೆ ಮಲಗಬಾರದು.

ಮನೆಯನ್ನು ಅಲಂಕರಿಸುವಾಗ ಈ ರೀತಿಯ ಫೋಟೋ, ವರ್ಣಚಿತ್ರಗಳನ್ನು ಎಂದಿಗೂ ಇಡಬೇಡಿ!

ಫೆಂಗ್‌ಶೂಯಿ ಪ್ರಕಾರ ಎಂದಿಗೂ ಮಲಗುವ ಕೋಣೆಯಲ್ಲಿ ಕನ್ನಡಿಯನ್ನು ಇಡಬಾರದು. ಇದರ ಹಿಂದಿನ ಕಾರಣವೆಂದರೆ ಕನ್ನಡಿಯಿಂದ ಅನೇಕ ರೀತಿಯ ಶಕ್ತಿಯು ಬಿಡುಗಡೆಯಾಗುತ್ತದೆ. ಇದು ವ್ಯಕ್ತಿಯ ಮೇಲೆ ವಿಭಿನ್ನ ಪರಿಣಾಮಗಳನ್ನು ಬೀರುತ್ತದೆ. ಜೊತೆಗೆ ಹಾಸಿಗೆಯ ಮುಂಭಾಗದಲ್ಲಿಯೂ ಇಡಬಾರದು, ಅಂದರೆ ಹಾಸಿಗೆಯಲ್ಲಿ ಮಲಗಿದ ನಮ್ಮ ಪ್ರತಿಬಿಂಬ ಕನ್ನಡಿಯಲ್ಲಿ ಕಾಣುವಂತೆ ಇರಬಾರದು. ಇಲ್ಲವಾದರೆ ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳು ಉಂಟಾಗುವುದೆಂದು ಹೇಳಲಾಗುತ್ತದೆ.

ಫೆಂಗ್‌ಶೂಯಿ ಮಾತ್ರವಲ್ಲದೇ ಜ್ಯೋತಿಷ್ಯದಲ್ಲೂ ಉಪ್ಪನ್ನು ವರದಾನವೆಂದು ಪರಿಗಣಿಸಲಾಗುತ್ತದೆ. ಇದು ರಾಹುವಿನ ಸಂಕೇತವೆಂಬ ನಂಬಿಕೆ ಇದೆ. ಉಪ್ಪಿನಿಂದ ಅನೇಕ ಪರಿಹಾರ ಕ್ರಮಗಳನ್ನು ಮಾಡಲಾಗುತ್ತದೆ. ಇದು ಗ್ರಹಗಳ ಸ್ಥಿತಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಫೆಂಗ್‌ಶೂಯಿ ಪ್ರಕಾರ ಮನೆಯಲ್ಲಿನ ಸಕಾರಾತ್ಮಕ ಶಕ್ತಿಗಾಗಿ ನೆಲ ಒರೆಸುವಾಗ ಉಪ್ಪನ್ನು ಬಳಸಬೇಕು. ಇದು ಮನೆಯಲ್ಲಿ ಹರಡುವ ನಕಾರಾತ್ಮಕತೆಯನ್ನು ತೆಗೆದುಹಾಕುತ್ತದೆ.

Vastu Tips: ನೀವು ಮಾಡುವ ಈ ಸಣ್ಣ ತಪ್ಪುಗಳು ಸಂಪತ್ತಿನ ನಷ್ಟಕ್ಕೆ ಕಾರಣವಾಗಬಹುದು..!