ಸ್ನಾನ ಗೃಹದ ವಾಸ್ತು ದೋಷ ಮನೆ ಮಂದಿಯ ನೆಮ್ಮದಿ ಕೆಡಿಸುವುದು

ಸ್ನಾನ ಗೃಹವು ಮಾಲಿನ್ಯವನ್ನು ಹೊರ ಹಾಕುವ ಸ್ಥಳ. ಮನೆಯ ನಿರ್ಮಾಣದ ಸಂದರ್ಭದಲ್ಲಿ ಸ್ನಾನ ಗೃಹವನ್ನು ಸೂಕ್ತ ಸ್ಥಳದಲ್ಲಿ ನಿರ್ಮಿಸಬೇಕು. ಅದರ ಪ್ರವೇಶ ದ್ವಾರ ಹಾಗೂ ಸ್ನಾನ ಮನೆಯಿಂದ ಹೊರಹೋಗುವ ನೀರು ಮತ್ತು ಕಲ್ಮಶಗಳು ಹೋಗುವ ದಿಕ್ಕು ಸಹ ಸೂಕ್ತ ಆಯ್ಕೆಯಿಂದ ಇರಬೇಕು. ಇಲ್ಲವಾದರೆ ವಾಸ್ತು ದೋಷ ಉಂಟಾಗುವುದು.

ಸ್ನಾನ ಗೃಹ ನಿರ್ಮಿಸುವಾಗ ಸಾಕಷ್ಟು ಜನರು ಮರದ ಬಾಗಿಲನ್ನು ನಿರ್ಮಿಸುವುದಿಲ್ಲ. ನೀರಿಗೆ ಹಾಳಾಗುತ್ತದೆ ಎನ್ನುವ ಭಾವನೆ ಹೊಂದಿರುತ್ತಾರೆ. ಬಾಗಿಲು ಹಾಳಾಗದಿರಲಿ ಎನ್ನುವ ಕಾರಣಕ್ಕೆ ನೀವು ಬಾಗಿಲ ಕೆಳ ಭಾಗದಲ್ಲಿ ಅಲ್ಯುಮಿನಿಯಮ್ ಶೀಟ್‍ಅನ್ನು ಜೋಡಿಸಬಹುದು. ಕಬ್ಬಿಣದ ಅಥವಾ ಲೋಹದ ಬಾಗಿಲನ್ನು ಹೊಂದಿದ್ದರೆ ಅದು ಋಣಾತ್ಮಕ ಶಕ್ತಿ ಹೊರಹೋಗುವುದನ್ನು ತಡೆಯುತ್ತದೆ. ಆಗ ಮನೆಯ ಒಳಗೆ ಅಶಾಂತಿ ಮತ್ತು ಅನಾರೋಗ್ಯ ನೆಲೆಸುವುದು.

ಸ್ನಾನ ಗೃಹದ ಬಾಗಿಲನ್ನು ತೆರೆದೇ ಇಡಬಾರದು. ಅದು ನಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ. ಜೊತೆಗೆ ಮನೆಯೊಳಗೆ ಕೆಟ್ಟ ಶಕ್ತಿಯನ್ನು ಸುಲಭವಾಗಿ ಬಿಡುವುದು. ವೃತ್ತಿ ಜೀವನದ ಮೇಲೂ ಸಹ ಅದು ಪರಿಣಾಮ ಬೀರುವುದು. ಹಾಗಾಗಿ ಮನೆಯಲ್ಲಿ ಸ್ನಾನ ಗೃಹದ ಬಾಗಿಲನ್ನು ಮುಚ್ಚಿಡುವ ಪದ್ಧತಿಯನ್ನು ಅನುಸರಿಸಬೇಕು.

ಸ್ನಾನ ಗೃಹದ ಬಾಗಿಲಿಗೆ ಯಾವುದೇ ಕಾರಣಕ್ಕೂ ದೇವರ ಚಿತ್ರ ಅಥವಾ ಧಾರ್ಮಿಕ ಪ್ರತಿಮೆಯನ್ನು ಹಾಕಬಾರದು. ಅದು ದೊಡ್ಡ ದೋಷವಾಗುವುದು. ಮನೆಯಲ್ಲಿ ಅಶಾಂತಿ ಹಾಗೂ ತೊಂದರೆಗಳು ತಲೆ ದೂರುತ್ತವೆ. ದೇವರ ಮನೆಯ ಪಕ್ಕದಲ್ಲಿ ಸ್ನಾನ ಗೃಹಗಳು ಇರಬಾರದು. ಸ್ನಾನ ಗೃಹದ ಗೋಡೆ ಮತ್ತು ಬಾಗಿಲಿಗೆ ದೈವ ಶಕ್ತಿಯ ಚಿತ್ರಗಳನ್ನು ಅಂಟಿಸಬಾರದು.

ಸ್ನಾನ ಗೃಹವನ್ನು ನಿರ್ಮಿಸುವಾಗ ಮನೆಯ ನಿರ್ಮಾಣದಲ್ಲಿ ಪೂರ್ವ, ಉತ್ತರ ಮತ್ತು ಈಶಾನ್ಯ ದಿಕ್ಕಿನಲ್ಲಿ ಇರಬೇಕು. ವಾಸ್ತು ಪ್ರಕಾರ ಸ್ನಾನ ಮಾಡಲು ಉತ್ತರ ದಿಕ್ಕು ಅತ್ಯಂತ ಸೂಕ್ತವಾದ ಸಂಗತಿ ಎಂದು ಹೇಳಲಾಗುವುದು.

ಸ್ನಾನ ಗೃಹದ ನೀರಿನ ಹರಿವು ಉತ್ತರ, ಪೂರ್ವ ಅಥವಾ ಈಶಾನ್ಯ ದಿಕ್ಕಿನಲ್ಲಿ ಸಾಗಬೇಕು. ಸ್ನಾನ ಗೃಹದ ನೆಲದ ಇಳಿಜಾರು ಸಹ ಉತ್ತರ, ಪೂರ್ವ ಅಥವಾ ಈಶಾನ್ಯ ದಿಕ್ಕಿನಲ್ಲಿ ಇರಬೇಕು. ಇಲ್ಲವಾದರೆ ವಾಸ್ತು ದೋಷ ಉಂಟಾಗುವುದು.

ಸ್ನಾನ ಗೃಹದಲ್ಲಿ ಶೌಚಾಲಯದ ಆಸನವನ್ನು ಇರಿಸುವಾಗ ಅದರದಿಕ್ಕನ್ನು ಪಶ್ಚಿಮ ಮತ್ತು ವಾಯುವ್ಯ ದಿಕ್ಕಿನಲ್ಲಿ ಇಡಬೇಕು ಎಂಬುದನ್ನು ನೆನಪಿಡಬೇಕು.

ಸ್ನಾನ ಗೃಹದಲ್ಲಿ ಕಿಟಕಿಯನ್ನು ಕಡ್ಡಾಯವಾಗಿ ಇರಿಸಬೇಕು. ಸ್ನಾನ ಗೃಹದಲ್ಲಿ ಕಿಟಕಿಯು ಪೂರ್ವ ಅಥವಾ ಈಶಾನ್ಯ ದಿಕ್ಕಿನಲ್ಲಿ ಇಡಬೇಕು. ಈಶಾನ್ಯ ಮತ್ತು ಪೂರ್ವದಲ್ಲಿ ಹೆಚ್ಚು ಬೆಳಕು ಗಾಳಿ ಬರುವುದರಿಂದ ಸ್ನಾನ ಗೃಹದಲ್ಲಿ ಬ್ಯಾಕ್ಟೀರಿಯಾ ಹಾಗೂ ರೋಗಾಣುಗಳು ಉಳಿದುಕೊಳ್ಳುವುದಿಲ್ಲ.

ಸ್ನಾನ ಗೃಹದಲ್ಲಿ ಬಳಸುವ ಬಣ್ಣಗಳು ಸಾಕಷ್ಟು ನೈಸರ್ಗಿಕವಾಗಿ ಇರಬೇಕು. ತಿಳಿ ಕಂದು, ಕೆನೆ ಬಿಳಿ ಮತ್ತು ತಿಳಿ ಹಸಿರು ಬಣ್ಣದ ಬಣ್ಣವನ್ನು ಗೋಡೆಗೆ ಬಳಸಬೇಕು. ಸ್ನಾನ ಗೃಹದಲ್ಲಿ ಕಪ್ಪು ಮತ್ತು ಕಡು ನೀಲಿ ಬಣ್ಣವನ್ನು ಬಳಸಬಾರದು.